السلام عليكمـ
اول شيء
^^^
هذا عطوه قفل اجودي وسنع
بس عادي مو مشكلهـ بس حبيت انهـ تنقال الاسباب اذا تقفل الموضوع
ماعلينا
بعد كم يوم تتصكر المدارس والجامعات وهالوقت تجي السفرات
عاد هالصور من رحلتي لدبي قبل فترهـ وهالوقت مرره حلو
الجو هناكـ
عاد يلا امشووا معاي نتجول بهالصور وان شاء الله تعجبكمـ
اول صورهـ وحنا ماسكين الخط تونا طالعين من الرياض
وكان الجو حلوو
وصلنا دبي سالمين ولله الحمد مرينا على اشياء
كثيرهـ بس ماصورهـ فيها
وهنا شيء
حلو بالشقه مافيه نت الا تحت انا حبيت
هالشيء
هنا صورهـ للبرج هذا مدري وش اسمهـ
بس شكلهـ حلو
بهالصورهـ صورهـ لاشاراتهمـ
مرره خرطي
لازم
نوقف قبل الخط ومدري ايش
واول مايصير لونه اصفر الكل يوقف
بغيت اطيرهمـ كم مرهـ << متعود عالسعوديهـ
ونجي بهالصورهـ لشوارعهمـ
محلوف عليهم يشجرون كل
ابو الدنيا بكل مكان شجر
تحس انه مدينهـ طبيعيهـ
مع انه حر موت زينا
بهذي الصورهـ حنا فوق البحر
بجزيرهـ النخلهـ شيء خيالي
والله يعني من جد ابدآآآآع
هذا الشيء ثلج وبسكي دبي
دخلنا وبرد وحركات تقدر
تسوي كور ثلج وتنتف الي
جمبك مع انه ممنوع بس
الكل ينتف
هذا السوبر ماركت حق امي
<< يالبى اميمتي لولو بس
بس حنا تواضع منا مانزلنا
نشري منه وحبينا نكسب
الاسواق الثانيهـ
اختر الحل الصعب ياتروح يسار وياتوقف
بس دايم اروح انا يسار طفش اوقف
هنا جو صاله السينما
صالاتهم حلووهـ ومريحهـ
جآلس لحالي ولحالي محد ياناس بقربي
هنا سيارتي لحالهـ طالعين من المول الساعه
3 بعد ماخلص الفلم مافيه الا حنا
هذا فندق اتلانتس الي وسط جزيرهـ
النخلهـ من جوا فيهـ مكان حق الاسماك
بعد شوي تشوفون صور الاسماكـ
بهالصورهـ حنا فوق سعفهـ
حقت النخلهـ
هذا القطار حقهمـ
الي يدور تقريبا كل دبي
شكله خطير ومعطي شكل
للمدينهـ
هنا اول ماتدخل الفندق تلف عيونكـ
يسار تلقى هذا الشيء
انا حبيتهـ
هنا مدخل عالم الاسماكـ
ذولي السمكـ بس يدورن
يدورن يدورن حسيتهمـ
شباب الرياض بس
دوران
هذي صورتهن
من قريب جاي
لونهن كانهـ فضي
هذي السمكهـ
عليها فك مدري
وش يبي سبحان الله بس
هنا قناديل البحر
اتوقع اهل الشرقيهـ
يشوفونهن كثير
مايتات بس
وهنا قنديل لونهـ
احمر مدري برتقالي
بس هو اخو الي قبل
بس من بعيد يقرب لهمـ
تصدقون مدري << طيب ليش تتفلسف
هذولا ناس كثارين
خاشين جو ويصورون
عاد صورتهمـ هم وحوض
السمكـ
هنا شكل بوسط
الممارات شكلهـ
رهيب
عاد هنا قعدت العب
وطلعت صورهـ
هالانسان ابو اربع
يدين
خواتي الصغار الي بالصورهـ
هذا شخص يصور سمكـ
فلقطتهـ من بعيد
هذي السمكهـ
والله ياهي طفشوها الشعب
الي يجونهـ عاد جايهـ تفش
خلقهـ فيني
هذا شكل زجاجي لاتلانتس
وهنا صوره لناس يتفرجون
بس بمكان ثاني ولاتركزون
كثير موب زين
وهنا كان الخروج وكان فيهـ بنوتهـ
متحمسهـ مع السمكـ وتصور
عاد انا صورتهـ
هنا فيه شخص يرسم بالرمل
مرره شيء خطير والرسم قدامكـ
واسعارها اقل شيء 300 درهمـ
وهذا محل ايس كريمـ
يسوون حركات ويستهبلون
وبعض الاحيان يتورطون
مثلا وهمـ يرمون الايس كريم على بعض جت
كورهـ ايس كريم براس وحدهـ كانت واقفهـ
سوري الصوره مو واضحهـ
وهنا صورهـ الايس كريمـ
بعد الانتهاء منهـ
طعمهـ لذيذ
بعد ماطلعنا لازم باص
يشيلنا ويودينا للمواقف
هنا الكراسي وهنا زبالتهمـ
حتا زبايلهمـ خطيرهـ
وهنا نقدر نقول فيها
ليالي دبي
وهنا برج العرب في الليل
وهنا الباصات الي عندهمـ فيهـ الطوووويل
وفيهـ الي يجي دورين
هنا الصور بدبي موول
تقدر تغوص مع اسماك
القرش وحركات
وهنا الناس تتفرج على
حوض السمكـ
هذا شلال بدبي مول
مررره شكلهـ خطير
ومررهـ رووعهـ
هذا سوشي اول مرهـ اكلهـ
فيه اشياء لزجهـ وطعمهـ
عادي مررهـ وفيهـ حموضهـ
وهنا بالشقه تحتنا المسبح
انواع الازعاج
كوب من القهوهـ بالصباح شيء خطير
بعد ماشربتهـ روقت وصورتهـ
هذي الخريطهـ تعلمنا كل شيء
ياحبي لهـ بس
هذا برج العرب وتصوير سلويت
بالسيارهـ مصورهـ لاتلوموني اذا شينهـ
الصورهـ
وهنا دخلنا مول ابن بطوطهـ
هذا الركن الصيني
هنا جلسات بالركن الفارسي
حلوهـ الجلسات حقاتهمـ
وهنا محل كله جمال لونهـ فوشي وزهري
وهذي مجسمات على انهـ ابن بطوطهـ
واخيرا رجعنا لرياض
شكلي تعبتكمـ بالصور وطولت عليكمـ ان شاء الله اعجبتكمـ الصور
وحبيت اعرضها على انه صورهـ وتعليق ولا اكثر كلامـ
واذا اعجبكمـ الموضوع والصور ياليت نشوف ردودكمـ
كان معكمـ هلالي 292
الوضع العادي
