:. ياسر القحطاني وجماهير الهلال .: ( مهم للجميع ) - نادي الهلال السعودي - شبكة الزعيم

لـ ع ـيـون يـاسـر · #1 03/02/2010, 01:47 PM

بسم الله الرحمن الرحيم ..

مساكم الله بالخير جميعا يا زعماء ..

في البداية احب اقول لكم اني ما راح اتكلم عن المستوى الفني لياسر القحطاني .. ولا راح اقول هل هو يستحق اساسي او لا .. لعدة اسباب :

اولا : انو انا وانت والثالث والرابع .. كمشجعين هلاليين لنا الحق الكامل في طرح اي وجهة نظر تخص الهلال ولاعبيه .. وهنا تتوقف صلاحياتنا اي طرح وجهات النظر فقط .. ولا ابخسك حقك لو قلت ان وجهة نظرك تم بنائها على ما تشاهده في الملعب وقد تكون من خلف الشاشة ايضا يعني حتى بالملعب ما حضرت علشان تشوف تحركات اي لاعب بدون كره ..
ثانيا : الهلال احضر بمدرب بمبلغ كبير ويتقاضى 840 الف شهريا .. مدرب له خبره كبيره .. فهو المخول الوحيد باختيار التشكيله لبدء المباريات .. لأنه وبكل بساطه هذه وظيفته وكذلك هو اقرب الناس للاعبين وهو الشخص الوحيد الذي يستطيع تقييم اللاعب من جميع النواحي , أقصد ( انضباطيه وفنية .. كذلك القيام بكل ما يطلبه المدرب )
يعني مثلا اشوف انا اللاعب الفلاني .. بعيد عن مستواه ولا قدم اي شي واجي انتقده .. بينما لو وجه السؤال لمدرب الفريق قد يقول بأن هذا اللاعب هو افضل لاعب .. وهو اللاعب الوحيد الذي طبق ما اطلبه منه تماما ..
ثالثا : جميع جماهير الهلال مقتنعه ومقره ان المدرب لن يجامل اي لاعب على حساب الهلال .. فـ ليه نتدخل ونحدد من يلعب ومن يجلس احتياط !!

هذا محور الموضوع الأول

اما بالنسبه للمحور الثاني للموضوع ..

اكيد الكل شاف الضجه الحاضله بالمنتدى بسبب تصريح ياسر ..
انا ما اقول انو التصريح اعجبني .. لا .. اكيد حالي كحال اي مشجع فيه نقاط اعجبتني ونقاط لاا ..
لكن اللي ما اعجبني هو تصرفات بعض جماهير الهلال اللامحسوبه ..

يعني معليش .. انت نزلت موضوع تنتقد فيه ياسر .. اوكي حبيبي تكره ياسر !! او مستوى ياسر ما يعجبك !!
فكر قبل تنزل الموضوع .. هل ادراجك للموضوع في صالح الهلال ( الكيان اللي نعشقه اكثر من ياسر وأكثر من أي لاعب ) او لا ..؟
يعني الهلال بكرا ان شاء الله بيدخل مباراة خروج مغلوب .. بكل تأكيد هالمواضيع ما راح تساعد الهلال ولعيبته بدخول المباراة مرتاحين نفسيا ..
يعني يا اخوان يا زعماء .. خلو نفكر بالهلال الكيان .. قبل ادراج اي موضع ..
اذا حطيت اي موضوع جديد قبل تضغط على ( نشر الموضوع ) اسأل نفسك هل هو في صالح الهلال او لا ..

معليش بعضكم بيقول احنا ننتقد اللاعب علشان الكيان .. اقول لك لا حبيبي هذا مو وقت انتقاد .. والكل عارف هالشيء ..

طبعا بعضكم بيقول ليه تدافعون عن ياسر ويصفوننا بجمهور ياسر ويقولون ليه ما دافعتوا عن الخثران والمفرج ..
ابقول اولا .. لقب جمهور ياسر ما اعتقد انو موجود اصلا .. بحكم اننا نشجع الهلال قبل يجي ياسر وتدعم الهلال بالحضور قبل يجي ياسر .. وبالنسبه لدفاعنا عنه .. لسبب بسيط .. اولا انو ينتمي للكيان الهلالي حاله حال المفرج وأي لاعب .. ثانيا ان ياسر حسم لنا بطولات ( حال بعض اللاعبين ) الأمر الثالث والأهم انو ياسر ضحى بـ 40 مليون الإتحاد لأجل 25 مليون الهلال ..

بالنهاية اتمنى اني ما اكون طولت عليكم وان تكون وجهة نظري وصلتكم كما اريد ..
واقول لأي مشجع هلالي " تكفى قبل تنزل اي موضوع شوف هل هو في صالح الهلال او لا "

واحب اقول لكم من الحين اللي يعشق الهلال يبين عشقه بالحضور ..
انا من سكان القصيم .. حضرت هالموسم للهلال ضد الرائد والحزم وحضرت 6 مباريات بالرياض وكل روحاتي للرياض 400 كيلو علشان المباراة وأرجع .. وانا ما اقول هالكلام امن على الهلال لا .. اقوله كتحفيز لبعض الجماهير خصوصا جماهير الهلال بالرياض لأنو الهلال قريب منهم ..
واسجل حضوري من الآن لمباراة الهلال والنصر في حال تأهلهم لدور الـ 8 في كأس ولي العهد

أمر لاحظته اثناء حضوري للمباريات وقد اثار استغرابي
هو : في المباراة اكثر لاعب تردد الجماهير اسمه هو ياسر .. اثناء دخول اللاعبين واثناء المباراة وأثناء خروجهم حتى اذا كان المذيع الداخلي يقرأ اسماء اللاعبين .. نجد ان التصفيق يزداد اذا حضر اسم ياسر
بينما في المنتدى يكثر منتقدي ياسر ..
فهل يعني ذلك ان 80 % ممن ينتقدون ياسر مندسين او هلاليين ولكن لا يحضرون مباريات الهلال .؟؟

والله ولي التوفيق ..

الــهــ فـهـدـــلالي · #2 03/02/2010, 03:05 PM

ياخي بديت اخاف على ياسر من الغرور

الله يستر لا يصير على شاكلة

( قهوجي , المحمدي )

واللله واحشني زمانك سامي الجابر

20 - الهلال - 14 · #3 03/02/2010, 03:09 PM

ما يعجبني الاعب اللي يدعس نفسه و هو ما عنده شئ

مجنونة يـآسر · #4 03/02/2010, 03:13 PM

الله يعطيك العافية
اقعتنت في كلامك ،،

Dr.Diet · #5 03/02/2010, 03:49 PM

لو كان نكك غير هذا لااقتنعت

في عام 1997م اقيمت بالبرازيل مباره خيريه كان دخلها يذهب لمرضى السرطان (( عافى الله كل مسلم من هذا المرض )) وشارك في هذه المباره الخيريه مجموعه من اللاعبين البارزين في تلك الفتره وكان على رأسهم روماريو المهاجم البرازيلي ..
في تلك المباره ورغم انها خيريه سجل روماريو فيها 22 هدف بصراحه رقم كبير جدا في مباره ... وبعد انتهى المبارة سئل احد الصحفيين روماريو وقال : سجلت 22 هدف مامليت من تسجيل الاهداف ؟؟
فكان الرد الاحترافي اللي يدل على عقليه مهاجم كالتالي : انا مهاجم دوري بالملعب ترجمه الهجمات الى اهداف نتيجة المباره لاتعنني كثر مايهمني ان اسجل كل فرصه تسمح لي

قارن بين هذا الرد وبين رد محبوبك مع احترامي وتقدري لموضوعك ...

زعـ-ـيـ-ـم · #6 03/02/2010, 04:47 PM

الهداف هداف لو لعبوه دفاع

الحرس الوطني · #7 03/02/2010, 04:52 PM

حتى النك ما يأهل بس يالله بنرد

واللهم طووووولك يا روح

ياخي ليه هذا مو وقت انتقاد

تبي بعد ما نطلع من الاسويه ننتقد

بتقول ما نقدر نجيب لاعبين حاليا .. يعني ياسر جالس اساسي بالغصب

بقولك ياخي عندنا لاعب هداف الكوتش قرتس حاطه جناح على ظهير

وتارك ياسر يتفنن في اهدار الاهداف هدف يجر هدف

حتى والباب فاضي مو عارفف يسجل

واخرها يقول ترى انا متنازل عن الاهداف لان ما نفذت البلنتيات

ياخي انت سجل الانفرادات الي تضيعها وبتصير هداف بدون هالبلنتيات

في النهايه

كآنوا يقولون ياسر هدآف
يوم صآر ما يجيب أهدآف قالوا ياسر يصنع أهدآف
يوم صآر لا يسجل ولا يصنع قالوا ياسر يشغل المدافعين
ويوم صآر لا يسجل ولا يصنع ولا يشغل قالوا يكفي إنه يصنع الرعب
ويوم صآر لا يسجل ولا يصنع ولا يشغل ولا يرعب قالوا ياسر اللاعب التكتيكي

!!!!!! إلى متى

البدر 20 الهلالي · #8 03/02/2010, 06:14 PM

إقتباس

الرسالة الأصلية كتبت بواسطة الحرس الوطني


	حتى النك ما يأهل بس يالله بنرد واللهم طووووولك يا روح ياخي ليه هذا مو وقت انتقاد تبي بعد ما نطلع من الاسويه ننتقد بتقول ما نقدر نجيب لاعبين حاليا .. يعني ياسر جالس اساسي بالغصب بقولك ياخي عندنا لاعب هداف الكوتش قرتس حاطه جناح على ظهير وتارك ياسر يتفنن في اهدار الاهداف هدف يجر هدف حتى والباب فاضي مو عارفف يسجل واخرها يقول ترى انا متنازل عن الاهداف لان ما نفذت البلنتيات ياخي انت سجل الانفرادات الي تضيعها وبتصير هداف بدون هالبلنتيات في النهايه كآنوا يقولون ياسر هدآف يوم صآر ما يجيب أهدآف قالوا ياسر يصنع أهدآف يوم صآر لا يسجل ولا يصنع قالوا ياسر يشغل المدافعين ويوم صآر لا يسجل ولا يصنع ولا يشغل قالوا يكفي إنه يصنع الرعب ويوم صآر لا يسجل ولا يصنع ولا يشغل ولا يرعب قالوا ياسر اللاعب التكتيكي !!!!!! إلى متى

فعلآ كلامك صحيح لاعب مجامل من الدرجهالاولى ...

لا ازيد على كلامك يالغالي ..

فعلآ جبتها على الجرح .. ليتك بالنادي تشتغل ..

ذبحونا اللي يجاملون اللاعبين
7
7
7كآنوا يقولون ياسر هدآف
يوم صآر ما يجيب أهدآف قالوا ياسر يصنع أهدآف
يوم صآر لا يسجل ولا يصنع قالوا ياسر يشغل المدافعين
ويوم صآر لا يسجل ولا يصنع ولا يشغل قالوا يكفي إنه يصنع الرعب
ويوم صآر لا يسجل ولا يصنع ولا يشغل ولا يرعب قالوا ياسر اللاعب التكتيكي

الزعيم شوقي · #9 03/02/2010, 05:15 PM

أقول ياشينكم ياهلاليين !!!!!!!!!!!!!

أقول نفس الكلام كان يقال عن سامي !!!!!!!!

ويوم أعتزل صرتوا تقولون آآآآآآآآآآآآآآآآآآآه يسامي !!!!!!!!!

ماتعرفون قيمة ياسر إلا إذا غاب ..

إذا ماتبونه خلوه يروح لأي فريق وشوفوا وش يسوي فيكم !!!

أنتم تخافون هالحين من لاعبين ربع ياسر .. مثل بلال والسهلاوي ومالك وغيرهم....

وشلون لو ياسر ضدكم !!!!!!!!!!!!!!!!!!!

أقول احمدوا ربكم على النعمة اللي أنتم فيها

ومع السلامة

...................................

**الـــــــــواوا** · #10 03/02/2010, 06:02 PM

أكثر ما ينرفزني ترديد الجمهور فالملعب وفي الإحتفال اللي صار

فالنادي ترديده لإسم هذا اللاعب وكأنه هو اللي جاب الدوري....

لنا الله ياجمهوووووور ياسر والله حراااام تهضمون حق باقي اللاعبين.

البدر 20 الهلالي · #11 03/02/2010, 06:10 PM

طبيعي تدافع عنه لأنك جمهور لاعب والدليل نكك ..

لو كان نكك هلالي مو ياسري اقتنعت بكلامك ..

يالغالي ياسر في 20 مباراة سجل 8 منها بلنتيات وهدف غير صحيح ..

اي عطاء تتكلم عنه ..

المحياني والعابد سوو في القليل من المباريات اللي ماسواه ياسر في الدوري كامل ..

الدليل انه لاعب عادي تصريحه انه لو شات البلنتيات اصبح هداف الدوري ...

بذمتك هذا طموح لاعب يلعب في نادي القرن الاسيوي انه يصير هداف بلنتيات .

اول نتطنز بناصر الشمراني والحين ....... عندنا مثله ...

ميلانيلو 2099 · #12 03/02/2010, 06:23 PM

اآآآآآآآآآآآآآآه يا سامي

يا سر كل همه التسحيب و الكباري

وفيه واحد فوق يقول يخاف على ياسر من الغرور هو ماذبحه إلى الغرور

وبعدين تقولون مو وقت انتقاد اجل متى ننقد عطوني وقت انقد فيه لاعبين فريقي نقد هادف وليس تحطيم

وانا (كنت) اكبر مجنون بياسر و احبه كلاعب لاكن الحين على وش احبه

ياسر كل موسم يطيح مستواه اكثر من الموسم الي قبله وكل ماجاب قول قلنا عاد الكاسر والمباراه الي بعدها الكاسر يتبطح في الملعب

اتمنا من كل قلبي يترك الغرور يرجع لمستواه

شكرا

fahad-2008 · #13 03/02/2010, 06:32 PM

يعطيك العافيه على الموضوع..
ياسر مستواه نازل صحيح!!
لكن نتمنى العوده الحقيقيه في المسابقات القادمه!!
يهمني انا الكيان وليس ياسر او غيره
الملعب فيه 11 لاعب ورجال وعارف الحمل الي على ظهره.!
نشجع الهلال فقط وليس لاعب!!
فاتمنى منكم الحضور غدا!!

هلالي ليوم مماتي · #14 03/02/2010, 06:35 PM

هههههههههههههههههههههههههههههههه
والدليل مباراة الرائد المرمى مفتوح قدامه موعارف يسجل قول صحيح

والله لو اخوي بو يومين انه يسجل

يا عمي فكونا من ياسر ترى والله بدية اكره والسبب الجمهور حقه انتو صرتو زى جمهور الفقراويه يدافعون عن ناديهم وناديهم
مفلس من البطولات وانتو تدافعون عن لاعب واهو مفلس من التهديف يا وجه استح لاعب وسط هداف الفريق

وبعدين الدليل نكك انك من جمهور لاعبين لعيون ياسر اجل هههههههههههههههههههههه

لا تقلون مندس او موهلالي او او من الكلام الفاضي انا هلالي ويحرق قلبي واتالم على ضياع الفرص السهله
والحمدلله انه ما ينفذ ضربات جزاء كان ولا وحده تسجلت

بقايا الذيب · #15 03/02/2010, 06:41 PM

تسلم يالغالي على هذا الموضوع الكفيل بالرد على كل منتقد لياسر وهو ما يدري وشالسالفه