السلام عليكم ورحمة الله وبركاته
اخبار العيال والربع والعالم والطلاب والطالبات والزوار بكافة ميولهم (حتى الفقراوية )
طبعا اسف عالانقطاع عن المجلس هالمدة الطويلة <<<<
محد درا عنك ياشيخ
واخبار الاختبارات معكم
انا ماطلع الشيب براسي الا شي واحد
ان اللي اعرفه ان حقون الجامعات بدوا اختبارات بس اللي استغربته ان اغلبيه العيال بجامعة سعود توهم يعطلون وش سالفة نظامكم انتم
المهم لاابعد عن السالفة
طبعا انا طالب دبلوم بالكلية التقنية ودعواتكم انقبل بالبكالوريوس ماعاد بقى الا ترم واحد وهو التطبيق ويليت اللي عنده واسطه باحد الشركات يفزع لي اطبق عندهم يكون احسن واحد
ترا الموضوع طووويل اللي موفاضي يقرا دحينا يقراه بعدين
المهم طبعا حقون الكليات التقنية عطلو قبلكم بشهر
وهذا 3 اسبوع دوام للترم الجديد
قبل لاينتهي الترم بكم اسبوع دق علي ولد عمي وقالي اول ماتجي العطلة اقمز للشرقية نبي نطمر للبحرين نقعد كم يوووم نحلل العطلة فيها جهز دراهمك
قلنا اوكي
بدينا اختبارات العملي الا ويدق ويقول علاوي وش رايك بدبي
يلعن ابو الفقر والله مااروح الا دبي عاااد السعوديين يدرسوون دبي روقااان وتوهم مفتتحين برج خليفة خلنا نكون اول 2 من العايلة نطبه
جااات العطلة جهزنا البدل وطمرت للشرقية وحجزنا على احد الحملات بـ200 ريال ذهاب واياب والساعة 9 العشا حرك الباص لدبي
طبعا اول شي نشب لي سوداني بالحملة على التصريح لان تصاريح الشرقية تختلف عن تصاريح الرياض وعلى باله اني اضحك عليه مع انه مختوم من الجوازات بس دلاخة
شطفنا الحدود القطرية الساعة 11 الليل طبعا الطريق كان كله جيووووب ياحب هالقطريين للجيوب
ووصلنا الحدود الامارتية الساعة 12 ليلا
طبعا منفذ البطحاء السعودي حالته حاله يسد النفس ومسجد صغيييير وحالة طبعا هالكلام باغنى دولة نفطية بالعالم
ودخلنا منفذ الغويفات الاماراتي فلللللة وخدمااااات عسل وجاااامع كبيييييير وش توصف بس مع ان مابين المنفذين 5 كيلو ومن هناك تم التحويل وبحمد الله لشبكة etesalt الامارتية بما ان الاستقبال مجاني ومادريت بكم سعر الدقيقة
وصلنا دبي الساعة 7 بتوقيت الامارات وتوقفنا قريب من سوق نايف للي يعرفه ومن هنا بدات المغامرات
ويقابلنا هندي شكله يخوووف وينشب بحلوقنا مايوصلكم الا انا وانا احسن واحد ياابن الناس فكنا
طبعا انا قلت بكرشه وياليتني ماكرشته
ماادري وش نظامهم بدبي كرشته وشب فيني وينفخ علي وانت شاري دبي عشان تنفخ يلا رووووووه
وطحنا بباكستاني ولد حلال بغى يجيب فينا العيد سالنه عن افضل فندق وقال اعرف فندق رخيص وقريب من المترو والمطاعم جنبكم وكل شي حولكم
قلنا اوك
وحنا بالطريق يطلع الجوال ويوريني صورة اخوه عنده رشاشات وقنايل واشياء تخوووف يقول هدا اخو انا في طالبان
انا هنا ضاعت علومي
وصلنا الفندق بخييير ومادرينا عن البلاوي اللي به دخلنا الساعة 8 الصبح ورقدنا وقمنا الظهر
وقلنا بنروح نغير فلوسنا
وجينا نسأل وهنا توهقنا لان دبي مايعرفون عربي كله انجليزي ونقابل لنا احد الاجانب وحنا دلوووخ كان يكلم جوال وهو معصب
واجيه انا واسالة وين اللي يغيرون الفلوس
ويقول انا مدري وش تقول تكلم انقليش ولا دحدر
واجي واقول where ching
قام يطالعنا بنص عين
راح تفكييره بعييييد الوسخ
تداركنا الموقف وفهمناه وش نقصد
رحنا المترو وصراحة اهل الامارت طيبين بالحيييل تحس انك امييير عندهم مشى معنا واحد امارتي ويشرح لنا وفهمنا طرق المترو وعلمنا افضل الاماكن وكل شيء وهو رجال كبير عمره ممكن 40 سنة
ااااخ لو انه بالسعوديية والله ولا تحلم في هالخدمة
ورحنا لمجمع دبي موول ولاحظنا حبهم الشدييييييييد لكنتاكي والله يااهم يعزونه
وفوق كذا غااااااالييييييية تونا باول يووووم واسعار الاشياء عندهم غالية
ومشكلة دبي محلاتها التجارية تسكر الساعة 10 والمترو يتوقف الساعة 11 دبي الساعة 1 الليل تتغير وتصير اغلبية شعبها مختفيين تقل السيارات تسكر المجمعات بالكامل
طبعا اكتشفنا وين يختفون فيه
باول يوم رجعنا الساعة 11 الفندق ونسمع صوووت اغاني قوووي مرررة وش السالفة ياولد
رحنا نشوووف واكتشفنا
ان الفندق اللي حنا فيه 3 بارات 2 هنود واحد مغربي لاحد يسال كيف عرفت
طلعت مع ولد عمي
قال ان فيه مقهى مثل ابو هيثم قريب من الفندق دخلنا فيه الا الجو متغييير بالحيييل
3 ارباعهم حريم واقعد انا وولد عمي نشرب بيبسي واالي حولنا يجيبون لهم كيسان مدري وش فيها
جينا بنشوف وش داخل هالكيسان قالوا الكاس بخمسة وعشرين درهم وكنسلنا الطلب
طبعا اللي يكرهك بدبي لاجيت تحاسب وقال بعشربن درهم وعشرين فلس ولا خمسين فلس
اصلن احنا يالله ندري كم الحساب يتكلمون انقليش وبسرعة يالله نعرف المبلغ ويقعد يقول ابي خمسين فلس
وانا مدري وش يبي
جا اليوم الثاني وقمنا الظهر ورحنا لمجمع امارات مول
وحنا نمشي مادريت الا
والرجال حبيب جداااا
بس الله يهديه ياهو ذب فينا لين قلنا بس بس سواليفه واجد والرجال عزمنا على حلقة بكرة وقال حضروها بس للاسف النوووم ضيع علينا حضورها
جا اليوم الثاني وصحينا الظهر ورحنا بندخل برج خليفة بس للاسف سعر الدخووول بس 400 درهم
بعض الناس عندهم عااادي
رخيص هالمبلغ بس مو احنا منهم
رحن لسوق نايف قلنا بنشوف الجولات والكاميرات يقولون رخيصة فيها بس ياااهو طفففففش كنك بالبطحاء طلعت وماشريت شي
وذكروا لنا السوق الصيني التنين ودقينا مشوار له ودخلنا ولقينا مافيه محلات وطلعنا اغبياء يوم طلعنا ورجعنا السعودية قالوا لنا ان المحلات داخل شوووي بس يلا خيرها بغيرها
وجاا بالليل ودخلنا المقهى مرة ثانية وقعدنا به كم سااعة وتجي رسالة عالبلوتوث من احد البنات الروسيات اللي جالسات وقعدنا نتراسل يوم دقت عرفناها ويوم التفتت وشافتنا
ارسلت لنا رسالة تقول فيها انتم اطفال
وش ذنبا لاصرنا اصغر 2 بالمقهى
طبعا باليوم الرابع رحنا للوايد وادي(القرية المائية) وكل اللي فيها اجانب بس الله يهديهم كلهم مفاسيخ
ملخص الرحالة والنكبات :
1- لاتروح وفلوسك اقل من 3 الاف
2- لاحد تفوتها النافورة اللي ترقص مجنوووووووووووووووونة
3- اللي مايعرف انقليزي لايروح دبي
4- ترا الخمر هناك بكل مكاااان والبنااات بعد لذلك انتبهوا لانفسكم
5-مترو دبي لاحد يتغلى علييه تراه يوفرررررر واجد ويوصلك لاغلبية الاماكن المرغوبة بدبي
طبعا صادفنا وحنا بسوق نايف ان في هندي شارب لين داااخ
جاات الشرطة والاسعاف ويطلعونه من شقته باخلاق واحترام وحاولو يشيلونه ورشوا عليه مويه ثم شالوه الاسعاف لو هالهندي مسويها بالسعودية كان صحى من سكرته مع اول مايرجفون الباب
طبعا صادفنا وحنا نتمشى قريب من الفندق في حفلة مثل اللي تطلع بقناة غنوووة بس الدخول بـ175 درهم غير الطلبات ولاتسئلون عن الطلبات لانهم مارضوا لي ادخل اناظر
اخيس بقالات بالعالم هي اللي بدبي ماعندهم بقالة توسع الصدر مرة ماتلقى بيبسي ومرة تلقى بيبسي وماتلقى بساكيت
بس والله يالبيبسي عندهم روووووووووووووعة قال بيبسي الشرقية والله ياانتم مغشوشين بيبسي الشرقية
وانا رايح بركب الباص رحت مع تاكسي يوصلني للمواقف وكان فيه فلبينية راكبة ورا وفندقها قريب من فندقنا وماهي دالته زين هو وقف عندي وعلطول اركب انا وماشفتها واقعد اوصف له وهو مافاهم علي وانا مو فاهم عليه والفلبينية مطرطعة علي
بعدين اكتشفت ان في فلبينية راكبة ورا قامت وركبت قدام ووصلها لفندقها براس الشارع وانا مستعجل شووي فتحت الباب بسرعة ويضرب فيها وتقوم تسب فيني بالفلبيني
يابرد وجهي انا بعد
واخيرا رجعنا السعودية ولاشريت كاميرا ولا جوال وتيتي تيني مثل مارحتي جيتي
وعندهم هالسينما فلة ولله تابعت فلم بيسجل بالتاريخ الا وهو فلم AVATER ولان هو الثاني من حيث الايرادات على مستوى الافلام عقب التايتانك
وموعدنا ان شاء الله الصيفية القادة مع سفرة مصر
اتمنى مااشوف ردود تسد النفس واسفين عالاطالة
عطلت وطلعت دبي وانواع الاحراجات والتفلسف 
ورى ما اثبت لها يمكن تبي تستفزكم بس هين ما فهمتوها
اذا مو عاجبك لا تشربه 
الوضع العادي
