تكفون الي عنده خبر ه بالبعثه يساعدني - نادي الهلال السعودي - شبكة الزعيم

مرعب الخصوووم20 · #1 27/01/2010, 10:46 AM

بسم الله الرحمن الرحيم

اخواني الامبتعثين كيف حالكم ونشالله ترجعو لنا بالسلامه

اخواني انا امنيتي ان ابتعث في اي مدينه بالعالم

بمجال الطب

انا طالب بصف ثاني ثنوي طبيعي

ونا ترا ماني ممتاز بدراسه

لاكن ماني ضعيف لاها الدرجه يعني جيد
وابوي من المستحيل ان يدفع فلوس لكي ابتعث

ا نا ابي احقق الامنيه هل البعثه تطلب اللغه الا نجيلزيه والنسبه ولالا

وهل الحومه لو اقدم لهم اني ببتعث هل يدرسوني علي احسابهم

نكفون ساعدوني لان امنيتي ان ابتعث في مجال الطب

زِيْزُو المَسْعُودِي · #2 27/01/2010, 01:14 PM

للأسف العدد محدود جدآ ويدخل بها واسطات وقلة حياء
,,
وتطلب نسبه عاليه + قدرات + تحصيلي + إجتياز اختبار مركز الأبتعاث
,,
أتمنى أكون أفدتك
,,
بالتوووووووووفيق وشد حيلك بـ الثاااانوووي ,,
وأسألني أنا ترى راس مالك شهادتك وتتأكد من هالكلام بعد ما تتخرج من الثانوي ,,

القافلة الهلالية · #3 28/01/2010, 01:03 AM

آهلين آخـوي

آلبعثـه آنت آول مآتخلص من آلثآنـوي قدم عليهآ

بس آهم شي يكون نسبتك فوق آلتسعين وآلتخصص طبيعي وتكون درجآتك حلوه بآلآنجليزي

وعموماً فيه نآس كثير قدمو ومآتوقعو آنهم ينقبلون بس شآء آلله وفعـل

خل آملك بآلله قوي . شد حيلك بدرآستك . بر فوآلديك . حسن نيتك . وآن شآء آلله آلله يوفقك

مآفيه شي مستحيل

وعلى فكره ترى فيه تخصصآت كثير حلوه

مثل آلقآنـون . آلهندسـه . آدآرة آعمآل .

يعني لآتحط كل آملك على آلطب .

وآذآ مآحصلك طب خلآص مآآبي آدرس ومآبي ومآبي

يمكن آلله كآتبلك شي آفضل من آلطب

آلله يوفقك يآرب وشد حيلك بدرآستك وآهم شي بر فوآلديك

âźθőźẻ · #4 28/01/2010, 01:16 AM

وربي كنت افكر نفس تفكيرك لكن يوم قريت رد اخوي اللي قبلي تحطمت مابقىا الا سنتين ونخلص الثاانوية وان شاء الله نتوفق

كلي لك ياهلال · #5 16/02/2010, 01:43 PM

هلا وغلا اخوي

شد حيلك بدراستك وجيب نسبة وان شالله بيقبلونك

واذا ماقبلوك اطلع على حساب ابوك وقدم على حساب الحكومه من الدوله اللي تروح لها وراح يحولنك بسهوله ان شالله خصوصا كندا بس زي ماقلت لك شد حيلك وجيب معدل

بالتووووووفيق

ياحبيلك يازعيم · #6 27/02/2010, 03:13 PM

اولا الابتعاث مدد لــ 5 سنوات قادمه وطبعا على حساب الحــكومه ..!

ولا اظن انه يشترط اللغه الانجليزيه في ناس اعرفهم راحوا ماعندهم لغه وماشاء الله ماشين هناك ..

والله يوفقك ويحقق لـك الي تمنااه ..

şα3β αηšαķ · #7 05/03/2010, 04:59 AM

.

السلام عليكمـ (◕‿◕✿)
.
الله يوفقك لما يحب ويرضى
انت شد حيلك لسا قدامك فرصه ترفع فيها نسبتك
اعتقد الانجليزي مو مهم لانهم بالاساس بيدرسوك اول سنه لغه

ثانيا مهما درسنا لغه بالسعوديه
صدقني ماراح تنفع هنا خاصه بالدراسه الاكاديميه

يعني موضوع اللغه خله بعدين

بالنسبه للبعثه
مددوها لمدة خمس سنوات
وانا ولله الحمد وكثير مثلي ممن انقبلنا وبدون واسطه
ناس اعرفهم شخصيا

يعني لاياثر عليك الحكي انها واسطه ومدري كيف

انت توكل على ربك وشد حيلك بدراستك

وربي يكتب لك الي فيه الخير

::
Thank you
يعاااااااافيك ربي
وبالتوفيق للزعيم دائماً وابداً
.

.

مجنونه بفن الشلهوب · #8 06/03/2010, 01:12 AM

الله يوفقك

ان شاء الله بس لابد من اللغه الانجليزيه عشان تقدر تتفاهم معهم اذا رحت

والله يوفقك