السلام عليكم ورحمة الله وبركاته

ما أجمل صباح الزعامه
وما أروع مساء البطولات

من يقول زين ما يكمل حلاه وهو بصدارة زعيم الصداره كمل


الهلال بطل الدوري زين
الهداف شلهوب الهلال زين
أقوى دفاع مرمى دعيع الهلال زين
أكثر صانعي أهداف من الهلال زين




رئيس نادي:
وأنا بعد مبادئي ما تسمح لي أخرب وأفسد أبناء جيلي وأخليهم يدعمون أنديتهم على دوري ينحسم قبل نهايته بـ 3 جولات
خلاص هدي أعصابك بنجيبلك كأس فيصل وولي العهد بس لا تعصب
إذا كذا ما يخالف بس تعطوني حكم محلي



أمس حصل الهلال "بطل الموسم" على بطولة الدوري
والتتويج يوم الخميس بإذن الله



آآآآآآآآآآآآآآآآآآآه كم أحبك يا هلال المجد يا هلال البطولات يا هلال المنصات يا هلال القرن يا هلال نصف الأرض


وش أقول فيك وش أخلي


ما فيه مشرق ولا مغرب إلا وهو إحدى أمرين
عاشق ولهان بمنصات التتويج
أو حاسد حاقد حالم بمنصات التتويج

الأقلام في وسطنا الرياضي عاجزه
فهناك أقلام زرقاء لهذا الكيان عجزت أن تصف روعة جمال هذا الكيان
وأقلام متلونه لكل الألوان إلا الأأزرق عجزت من النيل أو التأثر على مسيرة الزعيم


في إنجاز تاريخي للهلال أسعد الأرض كاملة في 72 ساعة
يا لبيه يا هلال إذا فزت فرحت لك نصف الأرض وإذا خسرت فرحت نصفها الآخر


إيش أقول وإيش أخلي فيك وإنت ما خليت لعشاقك كلام أوصفك به
كل الأوصاف تنشاف بأقدام اللاعبين وجهود رجال مجد ورا مجد



قالوا لي هلال بطل الدوري قلت وش الجديد
قالوا زادت بطولاتكم لـ 49 قلت والله من كثرها خليت الحسبة لكم



قالوا الهلال حسم الدوري من بدري
قلت عادي قالها زعيم النصر "عبدالرحمن بن سعود" رحمه سووا كأسين كاس للهلال وخلوا الأنديه تتنافس على الثاني لنهاية الدوري

قالوا بس المنافسين طاحلت مستوياتهم وجاتهم ظروف
قلت لهم الهلال ثابت والبقية متغيرون

قالوا لي بس كيف تحسمون اللقب من بدري والأنديه الكبيره 3 على قولت البلطان
قلت لهم غلطان الأنديه الكبيره 4 شباب وإتحاد ونصر وأهلي

قالوا لي والهلال
قلت لهم الهلال من ضمن أندية العمالقه

قالوا غرور
قلت لهم لا

قالوا إيش تسميها
قلت مغرور بقوة بأسه

قالوا لي إنت متعصب
قلت متعصب بحب الزعيم

قالوا يعني زي باقي الجماهير
قلت لهم لا لأن البقية متعصبين بكره الزعيم


قالوا بس فريقك ماهو عالمي
قلت الهلال ما يفكر الوصل للعالميه لأجل المشاركه الهلال يفكر الوصول للمنافسه


قالوا وقلت إلين جاني النوم
رحت وتوسدت بلحاف الزعامه ولا زالوا يقولون


قمت الصباح وهم لا زالوا يقولون
قلت لهم تراكوم أزعجتوني
روح يا بابا انت وهو ولا تشتتوا تركيزكم عن المركز الثاني لا أحد ياخذه منكم

وانا بعد عندي معشوقتي تناديني الآسيويه قادمين لها بإذن الله



وعلى خير ميعاد يكون اللقاء
فخر البطولات 1983