السلام عليكم ورحمة الله وبركاته
كيفكم يازعماء ؟
ان شاء الله تكونون بخير
اعتقد انكم ماتعرفوني لاني انا بعيد عن كتابة المواضيع ..
لكن هالمره في خاطري شيئ مثل مايقولون ..
وحاب اتكلم عن عدة نقاط لصالح الكيان ..
المهم انا لاحظت سخط جماهيري كبير على بعض الاعبين وعلى المدرب
وعلى جمهور الرياض
بسبب خسارة النهائي ..
لكن ليه يكون في تجريح للاعبين والمدرب ولجماهير الرياض ؟
خلوني ابدأ بالجماهير على سبيل المثال
جماهير الرياض بالفعل اخطأت ولكن الانتقاد موبهذا الشكل اللي نشوفه بالمنتدى !
هذا الانتقاد والحزازيات اللي صايره تكون احزاب في جمهور الزعيم العظيم
وهذي ربما تكون حمله اعلاميه لتشتيت جماهير الزعيم ؟ والله اعلم
اتمنى عدم الانجراف لهذي الحمله الشرسه ..
وخلوني انتقل الى الاعبين ..
نحن الجمهور يجب علينا تشجيع والوقوف مع اي لاعب يرتدي فنيلة الزعيم
سواء كان هذا الاعب فاشل او ناجح ... وأعتقد مافي اي لاعب يرتدي القميص يكون
فاشل (بالتاكيد).
اذا ابدع صفقنا له واذا انحدر مستواه نوقف معه حتى يرجع لمستواه .
انا وغيري من الجماهير العاشقه للكيان يزعجنا ويؤسفنا لما نلقى واحد يتكلم
على الزوري او الفريدي او اي لاعب كان..
انت مو عاجبك الاعب احتفظ رأيك لنفسك << وانت مهما تكون ماراح تصير احسن
المدربين << يعني هل من المعقول ان المدربين اللي مروا على الهلال والمنتخب
يجاملون الفريدي او الزوري او نامي ؟؟ اعتقد الجواب وبكل ثقه لا ولا والف لا
كل لاعب ولديه امكانيات ومميزات فيه ويمكن المدرب ان يوظف امكانية الاعب
في الملعب .
يجب علينا كجمهور الوقوف مع الاعب وندعمه معنويا ونفسيا قبل ان نحطمه
ونحبطه .
على سبيل المثال << نامي لعب مباراه قويه ومن اقوى المباريات في تصفيات
كأس العالم وضد فريق من اقوى الفرق (أيران) وبين ارضه وجمهوره وحظور
رئيسه وكان نامي مبدع في تلك المباراه تعرفون ليه؟
لان المدرب بوسيرو حط فيه الثقه وزرعها فيه وعطاه دفعه معنويه << والنتيجه
ابداع نامي في الملعب .
ليه مانكون احسن من بوسيرو ؟؟ اترك الجواب لجمهور التحطيم
المفروض ان نكون يد واحده مع الكيان الازرق سواء في الفرح او الحزن الله يبعدنا عنه .
ومانبي نشوف بعد اي هزيمه يجي واحد ويجلس يسب في الاعب الفلاني او الاعب
الفلاني.
هذي امور خلوها للمدرب والجهاز الاداري << اذا اخطا الاعب يوجد مدرب
يحاسبه ويوجهه للطريق الصحيح .
لكن في شيئ اسمه نقد بناء وعتب على الاعب مو تجريح فيه وتقليل من قيمته .
ارجوكم ايها الزعماء خلونا نرتقي بفريقنا ونكون دافع معنوي للاعبين ..
وخلوني ارجع للعنوان اللي كتبته ..
حتى لانخسر جميع البطولات يجب ان نتكاتف جميعا كجمهور او اداره او لاعبين
ونكون يد وحده .
ويجب علينا ان ننسى بطوله كاس الامير فيصل ونلتفت للدوري وباقي البطولات.
فيوم الاحد عندنا حدث مهم وهو اعلان الدوري رسميا بأذن الواحد الاحد .
وتحياتي لابومساعد وتحياتي للطاقم الفني وتحياتي للطاقم الاداري وتحياتي لكل عاشق للكيان .
واعذروني على الاطاله
قفله ....
اذا لعب الهلال فخبروني .......فأن الفن منبعه الهلال
امتع ناظري بهلال نجدن......فمن قمصانه خلق الكمال تحياتي : ابوهذال
حبتين ياصاح هذا الكلام السنع يعطيك الف عااافيه وهذي مني لك 
الوضع العادي
