بسم الله الرحمن الرحيم



يالله انك تحي جمهور الزعيم (الحقيقين )



في الفتره الاخيره تقريبا قبل اربع سنوات الى خمس سنوات



طلع لنا جمهور (ابو ريالين) هذا جمهور ابو ريالين زعل كثير من اللاعبين





ونرفز بعضهم ويسب لاعبين الزعيم ويمدح في لاعبين الفرق الاخرى على حساب لاعبيننا




خسرنا امس بطولة (تحت 23سنه) فخرجو من جديد


(الزوري عك كروي) (عمر الغامدي شيب) (خيرات درج) (الشلهوب يتنسق)



(ياسر اعاره) ( شرحيلي يلعب في دوري حواري) (الفريدي يشوتونه مع الباب)




ووووووووووووووووووووووووووووووووووووووو الخ




هذا هو حالنا للاسف كل خساره يطلعون لنا عقليات غريبه وعجيبه



هل الزوري يقارن باي لاعب في اسياا ..؟؟؟



هل الفريدي فيه له مثيل في السعوديه او في اسياا ..؟؟



شرحيلي خدمنا من اول البطوله وهو يقدم مستويات كبيره ولكن الجميع يخطأ لاننا بشر



الهدف الاول اللي دخل علينا امس نفس هدف الاوزبكي في اسياا الموسم الماضي على الدعيع



الجميع يخطؤوون ولكن بعدها ياخذ الخبره اذا وجد من يدعمه




ياجمهور ابو ريالين وانا اعتقد ان اكثرهم مندسين



(الزوري هو نجمنا القادم _الفريدي هو يوسف الثنيان _ياسر حارقكم من زمان _الشلهوب مستمر مع الزعيم الى الاعتزال_شرحيلي اتمنى منه عدم الالتفات للمراهقين )



هذولا هم نجومنا ويجب دعمهم بكل شئ



واتمنى من اللاعبين انهم ماينسون تصريح المفرج (اكثر الجمهور حاليا مراهقين)



في فئه للاسف خرجت من الجماهير هي كلها بكاء بكاء بكاء ومدح في الغير



يمدحون لاعبين الفرق الاخرى ويسبون لاعبينهم كم انتم كبار ياجمهور ابو ريالين




نجي لنقطه الثانيه: يقال ان سبب خساراة البطوله هو عدم حظور الجماهير


ولو كان كلامهم صحيح (كان شفنا فريق الشباب في الدرجه العشرين من الدوري السعودي) ههههههههههههههه



لذالك هي مجرد توفيق اذا الله وفقنا راح ناخذ بطوله واذا الله ماوفقنا ماراح ناخذ شئ حتى لو حظر الجمهور

الله يعين على بعض العقليات من جمهورنا انا ماادري هل هم هلاليين ام مندسين
مايخرجون الى وقت الهزائم ووقت الفوز ماتشوف احد
واستغرب تثبيت مواضيعهم وتلقى منتدى الفقر مبسوط فيها
منزلين الروابط ويقول شوفوا حالهم
ومشكور ياصاحب الموضوع اوجزت فأبدعت

كرة القدم اخطاء

الشباب استفاد من خطأين البارحة وسجل منها

والهلال ضيع فرصتين اهداف كانت كفيله بتتويجنا ابطال وماكان شفت هذه المواضيع

وكان شفت الزوري افضل من ابيدال و خيرات ماقصرت يا ديدا وهلم جرا

الحمد لله على الفوز وماكان الهلال سيء لانه وصل لمرمى الشباب واضاع اهداف محققه

ولكن توفيق رب العالمين كان للشباب ومكتوبه لهم

المباراة هذي درس للاعبين والمدرب يستفيدوا منه في كأس ولي العهد و الملك

والمهم الدوري وحققناه ونبي آسيا تكفون يا جمهور لاتضغطون على اللاعبين والادارة نبي آسيا

تحيتي,,,

إقتباس لذالك هي مجرد توفيق اذا الله وفقنا راح ناخذ بطوله واذا الله ماوفقنا ماراح ناخذ شئ حتى لو حظر الجمهور

مهما كان وانا اخوك الامور مهيب ماشيه بالبركه ؟ وعلى التوفيق ؟
مطلوب الجهد والحظور والمؤازره - والا صعب انها تتحقق كلمة " تشجيع " للنادي
وجلد الذات الحاصل مع البعض حتى وان كانوا على نياتهم الا انه فعلاً يأثر ولا احد يختلف ان الشجره المثمره كلٍ يحاربها
ولكن البقيه العظمى من المشجعين هم الابقى وهم المطلوب منهم فعلاً الرد والمدافعه عن النادي حتى مع اللي يظهرون بزي الهلال وهو لا يعني لهم شي

انا ماشلت هم ان كااس فيصل راح ..
لكن للأسف فيه لعيبة بالهلال بينتهون .. وحتى الاولمبي مايشاركون اساسيين منهم الكلثم وسلمان مؤشر .. والله هالاعبين ..خطيرين وفنانين ومن النوعية النادرة ... حرام والله ... أه يالقهررررررر بس

الشباب في الدرجةالعشرين
ههههههههههههههههههههه
الهلال اكبر منهم

اقول تراكم ازعجتونا ببطوله بزران !!

لو اخذنها وش بنستفيد حتى ماراح نتأهل لبطولة اندية الخليج !

بطوله مااااااااااال أمهااااااااا دااااااااااااااعي ابد ابد ابد

امس الخطا خطا المدرب يوم طلع الشلهوب

لأن الشلهوب كان هو ثقل خط الوسط ومنذ خروجه استطاع الشباب السيطره على خط الوسط

امس نواف العابد لا يلعب باللمسه الواحده وليس يومه لا هو ولا الفريدي

وبنفسس الوقت لا ننكر قيامهم واتقانهم لبعض الأدوار التكتيكيه

دمتم بوم

اصـلـن لـيـش كـل الانـتــقــآد والـسـب بالاخـيــر بــطــولــه تـحـت 23 وهــي اقــل بـطـولـه مـن حـيـث الاهـمـيـه بالـسـعـوديــه لـو حـنـى خـآسـريـن آسـيــآ كــآن نـقـول مـعـهـم حــق الانـتـقــآد والـزعـل عـلـى بـعـض الـلآعـبـيـن ..}~

مشكوووووووووووووور على الموضوع

يالله الله يعينا على الي جاي

تحياتي للجميع

السلام عليكم ورحمة الله وبركاته
اخواني جمهووور الزعيم (المووووج الازرق ) خصوصا اللي بالرياض ليه كذا انتم مع ناديكم ليه حضوركم قليل وخصوصا ان المباراة الجاية حاسمة تأكيد لبطولة الدوري صرت اخجل لما اشوف جمهور الزعيم بهذا الحضور
احنا اول نادي يحقق البطولة قبل انتهاء الموسم
اللاعبين ماقصروا اداء راااااائع في كل مباراة والاهم النتيجة اجل وش بنسوي بالاسيوية او ولي العهد اذا كان حضورنا بهذا المستوى
لا ونلوم اللاعبين احضر وشجع واذا اخطا اللاعبون وقتها انتقد زي ماتبي اما يكون في الملعب عدد قليل من الجمهور اكيد ان اللا عبين بيقل عطائهم ارجوا من جمهووور الرياض جمهور الزعيم الرقم الصعب كما عودنا الحضووووور ثم الحضووووور