بسم الله الرحمن الرحيم
أولا: أحب أقول هاردلك لجميع الجماهير الهلاليه العاشقه لهذا الكيان خسارة البطوله والتي كادت أن تكون في خزائننا لولا تخبطات السيد جيريتس التي ليس لها داعي اتركونا نحلل أسباب الخساره فأنا شخصيا أرى أن المدرب يتحمل الخساره بنسبة 100% لايقول البعض أني أتحامل على المدرب أو إني أنسف كل جهوده السابقه من أجل مباراه واحده لا أبدا أنا يهمني أولا وآخرا مصلحة الزعيم وليس هناك شئ سوى ذلك وما هي مصلحتي من إلقاء اللوم على المدرب تعالوا لتشكيل المباراه ولنبدأ من الحراسه خالد شراحيلي وكان حسن العتيبي هو الي لعب في نصف النهائي فلا أعلم لماذا هذا التخبط ثانيا قلوب الدفاع هوساوي وخيرات ممتازين الظهير الأيمن سلطان البيشي اختيار جيد لأن الخيار الثاني هو محمد نامي ونامي ليس أفضل من البيشي نروح للظهير الأيسرعبدالله الزوري لماذا ياجيريتس؟ شافي الدوسري صاحب أداء ممتاز لكن يأبى جيريتس إلا أن يتخبط ننتقل للمحاور عبداللطيف الغنام وعمر الغامدي
المفروض عزيز بدل الغنام لأن عزيز مالعب مباراه كامله قدام الرائد وعزيز له ثقله في المحور حتى يوقف الزحف الهجومي للشباب طيب ننتقل لصناع اللعب الشلهوب والفريدي ونواف العابد أما الشلهوب والعابد ماقصروا لكن الفريدي المفروض يطلع من الشوط الأول ويدخل بدلا منه سلمان الفرج أو المؤشر عيسى المحياني أدى أداء طيب ولو اننا ننتظر منه أكثر طيب لماذا ياجريتس تطلع الشلهوب ؟ والشلهوب كان هو ضابط إيقاع الوسط في المباراه وكان أداءه ممتاز للغايه ويوم طلع ضاع الوسط الهلالي صار كأنه وسط فريق من الحواري ماهم عارفين وين الله حاطهم والتبديل الثاني الغريب دخول صالح الدوسري بدل البيشي وحنا خسرانين ؟؟؟ ياأخي أنت خسران رجع الغامدي ظهير وطلع الدوسري ودخل الصويلح والتغيير الثالث يكون ياسر بدلا من المحياني صدقوني ماأبغى أقول لو لكن لو لعبنا بهذا النسق وهذه التغييرات الفوز بإذن الله سيكون لنا وبنتيجه ممكن تكون كبيره لكن الي فات راح لكن لازم نستفيد من أخطائنا وبكل صراحه انا اكتشفت ان جيريتس مفلس فنيا بنسبة 100% انا كنت أقرأ مقال للأخ أظنه نايل الحربي يكتب بجريدة الرياضيه وكان يقول جيريتس مفلس فنيا والهلال يفوز بجهد اللاعبين وكنت غير مقتنع بكلامه لكن بكل صراحه أمس أقتنعت بنسبة 100% والواقع خير شاهد وخير دليل أرجوا ان تحاسب الإداره المدربين ولاتتركهم يتخبطون بما لايعرفون فكما أننا نثني عليهم عند الفوز فلا بد أن نحاسبهم وننتقدهم عند الخساره حتى تتعادل الكفه والخوف كل الخوف ان يستمر هذا التخبط في البطولات القادمه وخصوصا دوري أبطال آسيا هذا رأيي وهو يقبل الخطأ والصواب ولكن نتفق كلنا على حب الزعيم ودمتم بــود .

اعتقد بأن الخطأ وارد والمدرب له نظرته الفنية وهو يعيش اجواء المباراة

خسرنا جولة وهي بطولة تنشيطية لا تقدم ولا تؤخر ولدينا الأهم

صحيح ان هناك اخطاء يجب دراستها جيداً في المستقبل


لا نحمل جيرتس الخطأ

ولكن الحقيقة تقول اذا كثرو البحارة غرقت السفينة


جيرتس ومدرب الفريق الأولومبي هما مدربا الهلال في مباراة البارح لذلك اعتقد انه كان فيه ازدواجية في التعليمات

ماكنت اتمنى ان يجلي جريتس على مقاعد البدلاء يعني من اول البطولة الامور ماشية تمام يجون على النهائي يخبصون


الله يعين

شوف اخوي

كلمة مفلس فنيا يره شوي على جيريتس

جيرتيس مدرب معروف من قبل لايجينا في الهلال

من ناحي التغييرات بصراحه معاك حق

وهذا الشي انا لاحظته من مباراة الشباب في الدوري عندما قام باخراج الشلهوب وويلهامسون وقتل اللعب في الوسط

ومن يومها وانا اتابع تغييراته في مباراة الوحده والنصر والاهلي والرائد والفتح وكلها تغييرات غريبه جدا

الرجل سياسته هجوميه لدرجه جنونيه وكان الفريق اللي يلعب معاه فريق درجه ثالثه

اتمنى ان يخفف من نهجه الهجومي قليلا قبل ان يكلفنا نتائج تاريخيه

والله مشكله من يوم راح كوزمين
والشباب لاعب فينا ولا قدرنا نفوز عليه
هذي المباراة رقم 7 بعد كوزمين انهزمنا 4 وتعادلنا 3
احمدوا ربكم ان كماتشو والتيب مصابين ولا كان الدوري طار

اقووووووووووووول
صل على النبي
كلامك على عيني وراسي
واللي تبيه يبي يصير
تبي قيريتس يصير مفلس فنيا اتصل لك عليه اللحين واقوله يصير مفلس فنيا .
الكلام سهل الله يجزاك خير بس الفعل كايد .
بعض النقاط اوافقك عليها وبشده لكن البعض الاخر لا لا لا .
بالنسبه للشلهوب باعتقادي ان ابو حميد ماكان يقدر يكمل المبارات بسبب الارهاق وهو ما كان عليه اللاعب (( الموبدع )) الزوري فكان تغير محمد الشلهوب ضروري جدا .
لكن لو انه سحب الشلهوب ونزل محله ياسر و رجع المحياني للوسط شوي لان المحياني لياقته عاليه ويمسك كوره صح .
بالنسبه لتغير الظهيربدال ظهير فعلا ماكان له لازم المفروض يرجع الغامدي ضهير ويطبب وسط متقدم .
لكن بوجه عام : اللاعبين في الشوط الثاني ماكانوا بافضل حالاتهم وانا اتوقع انه بسبب اللياقه وبعض الظروف البسيطه .
اما الفريدي انا ما اقدر اقول عنه شي لانه قدم كل اللي قدر عليه يكفيني انه يلعب بالرجل المصابه اللي ما زالت فيه المسامير حتى الان .
عموما : صلووووووووووووو على النبي وتراها بطوله تنشيطيه حنا كسبنا اللي اغلى من البطوله وهو روح اللاعبين الشباب (( العابد وطقته )).
الله يهديكم بس ذكرتوني بولد الجيران ابوه كاش ومريش شراله لكزس الصغيره اضنها gs 300 وهو توه بالثانويه ، في نفس الوقت ابو الجيران الثاني الطفران شرا لولده جمس حوض ( وانيت ) موديل 94 م طبعا ما فيه مقارنه بين السيارتين من جميع النواحي .
الله يهديه ولد المريش ازعج ابوه الا يبي الجمس الحوض حق الطفارى لانه قير عادي ويفحط بالثالث .
لا تصيرون مثله يا ايها الزعماء
انتم معكم الدوري باذن الواحد القهار ما احد يشده ،،،، تروحون تصيحون على كاس فيصل الله يسامحكم .
بعدين ترا لكل شي زكاة وانشاء الله ان هذي هي زكاة بطولات الهلال ذالموسم .

اللهم يا وحد يا احد وفق الزعيم واجعل الدوري من نصيبه واتبعه بكاس ولي العهد وكاس الملك وكاس اسيا يا حي يا قيوم .

(( شطحه )) : اللهم اجعل الادارة تسمح لي بكتابة المواضيع الجديده ودلهم على الخير ودلني معهم .
اللهم انهم اهلي واحبتي ولكنهم جاروا علي بمنعي من الكتابه وانا يا ربي لست عليهم بحاقد ولكن لي عندهم حق يجب عليهم اعطائي اياه والسماح لي بممارسة حقوقي كأبن من ابنائهم .
(( قبسه )) :
يقول ابو الطيب :
وظلم (( ذوي القربى )) اشد مظاظة @@@ على النفس من ضرب الحسام المهندي
شكرا للجميع
وعذرا للاطالة بس وش اسوي ما اقدر اكتب موضوع جديد
،’،’،’’،’،’،’ هلالي بالعقل ،’،’،’،’’،’،’

جيرتس عادت تخبطاته !!

قبل في مباراة النصر بالدوري والحين في مباراة الشباب

تغيرات مالها دخل بالسالفه ابداا


والي رافع ضغطي هو وش جابه مع بيتر مومارت . السفينه الي لها قبطانين تغرق .



لكن اذا ماجاب لنا اسيا صدقوني راح اقتله


.

شكرا إخواني على تفاعلكم ولكل منا وجهة نظره الخاصه أما بالنسبة لكلمة بطوله تنشيطيه فلست مقتنعا فيها أبدا فالبطوله تسجل في التاريخ على أنها بطوله رسميه فلا نقلل من أهميتها لأننا خسرناها وبالنسبه للأخ الذي يقول راح أقتله أتمنى منه أن يستخدم عباره أليق أعرف أنك ضايق صدرك من الخساره وأنا كذلك لكن وش نسوي قدر الله وماشاء فعل الي عندنا قلناه وعسى أن نجد آذان صاغيه واتمنى من الإداره جلب مهاجم وظهير أيسر قبل لايفوت الفوت وقتها ماينفع الصوت باقي من وقت التسجيل القليل ودمتم بـود.

يابو الشباب.. شكلك شايف مباراه ثانيه..

ياجماهير افهمــوا ... المدرب امس ماهو جيريتس.. المدرب مومارت.. اتفق معك ان مومارت فاشل، بس غيرتس ماله شغل باللي صار امس!

اجل مفلس فنيا !!

من جد شكلك شايف مباره ثانيه قريتس افهم مني ومنك وقريتس ماله شغل ما دار كل مباريات الاولمبي وياليت الجمهور ينقد نقد

هادف وبناء مو تجررريح وتقطييع باللعيبه

تغيير الشلهوب

هو بداية الهزيمة

لاحظوا تغير الفريق من تلك اللحظة


تحيتي ,,,

يا ناس افهموا

المدرب مومارت ماهي جيريتس

اقسم بالله جمهور مدري ويش يبي

جيريتس جاي لدعم مومارت

التغييرات و التكتيك كله من مومارت

والله جمهور غريب