مشكلتنا في طرح القضايا إننا نطرح القضية أولا ناقصة .. ثانيا غير موثوقة المصدر .. ثالثاً لانقبل آراء المخالفة للشخص اللى يطرح قضيته .. كأنه يبي كل الأشخاص يوافقونه ..
كان هذا بداية طرح موضوع للمذيعة ( خديجة الوعل ) ذكرت الموضوع وطرحت المشكلة غير كاملة ..
يعني بالظبط كأنه قالت إسمي : خديجة الوع ... وين اللام ؟ اخفتها .. بس المعنى إختلف صارت من وعل إلى وع ؟!
القضية هي بإختصار عن شخص ( عقد قرانة ) على بنت ومادخل عليها .. بعد أيام شافها تعبانه وسألها عن التعب وردت عليه إنها سوت عملية ( الزايده ) لذلك تشعر بتعب ..
وذكرت بانه بعد سماع كلامها خرج ومن ثم عاد بورقة الطلاق .. مبررا إنه لايمكن أن يأخذها وهي ( ناقصة ) ؟ يعني بدون ( زايده ) وتظحك خديجه ( مدري تظحك على الموقف وإلا على عقول المستمعين ) ؟
والسبب الثاني اللى ذكرته ( خدوووج ) إن الرجل يخشى أن تكون الزائده الدوديه وراثية !! وتنتقل للأبناء .. ( وكمان تظحك )
طبعاً هي ( خديجة ) طرحت الموضوع وفتحت الإتصالات للي يبي يتشمت ويسب وقرائة رسائل الإستهزاء وهي مبسوطه ؟؟
أولا .. وكما ذكر الكثير .. هل يعقل تصديق مثل هذه القصة بهذا الشكل وهل لها أبعاد أخرى ..
ثانياً ... لما يتم تكتيم أفواه المتصلين والمتصلات اللذين يقرون عمل الرجل والذي انا شخصياً لاأقره بهذا الشكل ..
لكن .. ليش مانسمع من الطريفين ..
أثنين .. فيه مششكلة ظاهرة ماتطرقت لها ( خدوووج ) والمتصلين ذكروها .. وهي عدم إبلاغ الزوج بالعملية .. لأنه بعد ( عقد القرآن ) تنتقل الملكية للزوج >> سيارة مهيب زوجه ..
وإذا إنتقلت المسؤوليه و( الملكيه ) خلاص تطلع من ( شور والدها ) إلى ( شور زوجها ) ويكون مسؤول عنها وحتى ( تورثه ) لو مات قبل الدخلة ..
يعني .. شلون زوجتك تسوي عمليه واهلها ماعلموك ؟؟
أقل شي .. مو من حق الزوج يدري ؟ يعطونه خبر ..
في مثل يقول العود على أول ركزه ... ودام هذا أوله ينعاف تاليه ..
يعني طلعت من بيت اهلها دون علمه ... سوت عمليه دون علمه ... بعد العمليه حتى مابلغته إلا بعد ماسألها عن سبب تعبها !!
الغريبه إن خديجه تقراء رسائل المشاركين المسيئه للرجل .. وتظحك .. وتقول مره زوج أهبل .. ومره معقد .. ومره مريض نفسي !!! يعني ياكون ( طرطور ) وأهبل حقيقي كل شي يصير من وراه ومافيه أحد عامل له قيمة أو تقدير او حتى حساب وإلا يكون بعيون مقدمة البرناج ( اهبل .. وغبي )
تحياتي لمن دمر حياتي >> مالها دخل
بس شاركونا آرائكم ومرئياتكم .. وتعليقاتكم .. وكيف حالكم .. عنت الله على خشاشكم
اخوكم الصغير ابو طلال
إذا كنت في المقدمة يرمى بالحجر .. والاهبل فات فات .. وبيده سبع لفاات ..
الأوجبة على الرسائل اليوم .. اليوم .. اليوم .. اليوم
كونوا بالموعد .. دبليو .. دبليو .. دبليو .. أبو طلال . دوت . كوووم