السلام عليكم ورحمة الله وبركاته :

أخواننا النصراويين لابد كل فترة وأخرى يطلون علينا بنكتهم وافكارهم المضحكة !! وهذه صراحة فائدة وجود نادي النصر أو ان يكون صديقك نصراوياً !!

آخر تقليعاتهم هذه الأيام انه بعد فوزهم على الهلال والاتحاد أطلقوا على انفسهم (( صائدوا الكبار !! )) بعد الطائي !! ثم تداركوا الموقف لأنها تحسب ضدهم !! فأطلقوا على الهلال صائد الصغار لأنه فاز على الفتح !! ( ذكروني بنكتة المحشش اللي عطس .. ثم كح خويه قال المحشش ليه تغيّر الموضوع ؟؟ ) .
المهم نرجع لسالفتنا بعيد عن التحشيش .. طيب عزيزي النصراوي المضحوك على أمره قرب مخك شوي !! لاتخاف ماني شايله الله لايبلانا !!
يوم تسمي الهلال صائد الصغار هل يعقل 44 نقطة ولله الحمد كلها على صغار !! اجل معنى كلامك ان 80% من فرق الدوري صغار وتعترف بلسانك ان الهلال هو أكبرهم !! شكراً لك عزيزي . واذا تعتبر نفسك انت والشباب فرق كبيرة أجل وش فيكم متظاهرين على البلطان الضعيف !! بس لأنه قال أننا فريق كبير !! يعني الحين صار الشباب كبير لأننا مافزنا عليهم !! مع انك تدري الحظ وقف مع مين بمباراة الهلال والشباب !! غير كذا لايوجد فريق بالعالم يحقق الدوري بدون اي خسارة او تعادل !! بعدين الشئ الثاني اذا تعتبر ان الهلال يفوز على الفرق الصغيرة فقط !! ليه الشباب عجز عن الفتح !! بعدين تعال تعال ..... وين راح الأهلي !! والأتحاد !! او نضمهم للفرق الصغيرة !!

الضحكة أنهم يتوعدون مثل كل سنة بكأس ولي العهد وكأس الملك !! لأنه ترانا خلاص صرنا كباار وأقوى فريق بالدوري !! تبطون عظم والله !! ياخي يانصراوي ياايها الضاحك المضحك تبيني اذكرك من أخرج النصر آخر 3 سنوات من بطولة ولي العهد وكأس الملك !! او اسكت احسن !! انت سدد ديونك بعدين فكر .
آسف عن الأطالة وكل التوفيق لهلالنا .

مشكوووووووور اخوووووووووي على المووضووع الرائع

ههههههه
وربي ذا النصراوية بس يفكرون في الهلال بالنسبة لهم كابوووس ..
مستحيل تقدمون ربع اللي قدمة الزعيم.. دائما هذا الفريق يعيب ع الفرق الاخرى ومايشوف عيبة
الله يعافينا بما ابتلاهم.. بالتوفيق لزعيمنا..ان شاء الله
ويعطيك العافية ع هذا الموضوع
شكرا لك

الي نزل الموضوع في منتدى النصر كان اسمه سرحان عبدالبصير !!

ويبدو ان له من اسمه نصيب فسرحان عبدالبصير هي اسم شخصية عادل امام في شاهد ما شافش حاجة !!

ويبدو ان هذا المهرج يحب ان يلفت الانتباه لنفسه فمن المعروف عندهم ان اي اسائة للزعيم سيمجد بطلها !!

وهذا ما سعى اليه هذا الاخ !!

هههههههههههههههههههههههههه
يا ناس النصراوييين والله انهم تحفه الدوري
والله انا من وجهه نظري ما اتخيل الدوري بدون فريق الكوميديا
اصلا الدوري بدون النصر ما نظحك
اللهم لا شماته

هههههههههههههههههه

ياخي سمعتها وقمت اضحك


واكتشفت تصريح البلطان


لاتعليق

يعطيك العافية على المووضوع الرائع جدا لانه يختص بالنصراوية المساكين اهل السكر والضغط
ويقولون نحبك يا نصر بالضغط والسكر يعني هم مبتلين الله لا يبلانا يارب واحسنت في اختيارا لموضوع الرائع

هههههههههههههههههههههههههههههههههههههههههههه

القافلة تسير والـ .... ***** <<< كلام مشفر خخخخخخخخخ

سلمت اناملك اخوي

ههههههههههههههههههههههههههههههه
مهما صار عقولهم تضل صغيره ماتتغير..
فريق متصدر كلها على الصغار؟ واساسا في الدوري في فرق كبيره مثل الفتح والوحدة والحزم والاتفاق وغيرها وفريقهم ماقدر يفوز عليهم
الله يشفيهم من المرض الي جا لهم بعد فوزهم على زعيمهم وهذا يدل ان الهلال هو اكبر النوادي السعوديه والاسيويه لان اي فريق يفوز او يتعادل معاه تعتبر عن بطوله

طول بالك ياعمي

عط اي نصراوي على قد عقلة


هم لهم الكلام القذر والسب

وحنا لنا الاجر والبطولات


طرحك جميل اخي

يسعدني وضع بصمة لي هنا


تحياتي لك

سألوا عنتر كيف أصبحت فارس الزمان وبطل الأبطال ..وممن تخشى ؟ فقال إذا دخلت المعركة بحثت عمن يتجنب القتال من الهلع والخوف ..((فلحطت )) رأسه حتى يتدحرج بين رجليه ..! وعنها أذهب لمن يعدون أنفسهم أبطالاً فأجدهم قد بللوا سراويلهم من الرعب ..! فأجهز عليهم ..!وأخشى ماأخشى على نفسي من الرعيان ..لأنهم لايعدون فرسان فأنا لاأحسب حسابهم ..!وقد يكون مقتلي منهم ..!وهذا مايفعله الهلال بالخصوم في الميدان ..فقد جندل نجران بالخمسة وألحقه بالفتح ..فإذا بالإتحاديين يأتون وهم طاقتهم أم الركب ..فلحطهم بخمسة أخرى..! أما النصر فلم يحسب له الهلال حساب ..وبالتالي فهو يعد من الذين وصفهم عنتر بالرعيان ..!

اومآآآآ سرحآن عبدالبصير الله يرجكم يالزعمآآء ~

ههههههههههههآآي~


بس ما اتوقع الدوري من دون أخواننا النثر ورئيسهم التحفة ~

ههههههههههههههههههههههه
تخيلوا الدوري من دون النثر <<< ما يجي
الحمد لله على العافيه

هههههههههههههههههههههههههههههههههههههه

جمهوور حفايظ ماعليهم شرهه

ابي أفهم شي واحد يافقراويه وشلون الهلال صائد الصغار وهو متصدر الدوري ؟؟؟

الحمدلله ع نعمة العقل

إقتباس الرسالة الأصلية كتبت بواسطة ملعب الصائغ سألوا عنتر كيف أصبحت فارس الزمان وبطل الأبطال ..وممن تخشى ؟ فقال إذا دخلت المعركة بحثت عمن يتجنب القتال من الهلع والخوف ..((فلحطت )) رأسه حتى يتدحرج بين رجليه ..! وعنها أذهب لمن يعدون أنفسهم أبطالاً فأجدهم قد بللوا سراويلهم من الرعب ..! فأجهز عليهم ..!وأخشى ماأخشى على نفسي من الرعيان ..لأنهم لايعدون فرسان فأنا لاأحسب حسابهم ..!وقد يكون مقتلي منهم ..!وهذا مايفعله الهلال بالخصوم في الميدان ..فقد جندل نجران بالخمسة وألحقه بالفتح ..فإذا بالإتحاديين يأتون وهم طاقتهم أم الركب ..فلحطهم بخمسة أخرى..! أما النصر فلم يحسب له الهلال حساب ..وبالتالي فهو يعد من الذين وصفهم عنتر بالرعيان ..!

تشبيه بليغ وفي محله

الله لا يبلانا