ليت أمي ماقالت لي روحي قومي أخوانك علشان يروحون مدارسهم(احس اني اجرمت فيهم)+اطلب رأيكم لاتبخلون علي بالمشورة بالداخل وحصريا برعاية(ماجي)بسكوت أبو ديك - نادي الهلال السعودي - شبكة الزعيم

وسن الهلالية · #1 14/01/2010, 02:04 AM

السلام عليكم

عاد أنا يامحاتسيتكم

دائما أقول ان الأعضاء في منتدى الزعيم

هم افضل من اقدر استشيرهم في مشاكلي

واطلب منهم المشورة طبعا تعرفون أهلي كلهم نصراويين

واتحاديين
تهي تهي تهي

وسبب مشكلتي إللي خلتني اكتب الموضوع هو واحد من أخواني النصراويين
لكن قبل لاأسدح مشكلتي بذا قلت خل اسلك لموضوعي

وأطق لكم هالسالفة وهي عبارة عن>>>>>>>>يمديكم على الجملة

هي حركة بااااااااااااااااااايخه وماصله سويتها في أخواني
النصراويين قبل تقريبا اسبوع

عاد بتسئلوني ليه تأخرت وماقلتها لكم؟

هذا لانه اخوي الصغير قعد يترجاني ماأنزل هالسالفة
في المنتدى علشان مايصير الموقف علني وعلى عينك ياتاجر>>>>لاتسئلوني يعني وش هالجملة

فا رأفه بحال هذا المسكين وبسبب صبره على فريقه
قررت تأخير إنزال الموضوع

نجي للسالفة
السالفة طال عمركم >>>>>>>>>>>>تربعت

قبل اسبوع اكثر اقل صراحة ماذكر المهم كانت تسبدي لسى حايمه
من هزيمتنا قدام الفريق الجار

,الموهيم من زود الغثاء والطفش ماجاني نوم
رحت جبت لي شاهي وكيس ليز بالكتشب

>>>مو حبا في طعمه بس علشان لون الكيس أبيض وأزرق

رحت قعدت وشغلت شريط المباراة حق الهلال والنصر الموسم إللي راح
يوم ياسر يسجل الهدف كبري رأسية

تذكرونها صح
وقعدت اشوف المباراة >>>>>>>قولي قسم

المهم بعد صلاة الفجر إلا واسمع صوت الوالدة
تقول: يا وسن

جعل الـ........... إن شاء الله

,قومي طفي الفيديو وعلى
طريقك صحي اخوانك خليهم يقومون يصلون ويتجهزون لا يتأخرون
على المدرسة
أنا لبيت نداء المامي وقلت لها إن شاء الله يأم سعيد ماطلبتي شي

رحت اصحي هالفقراوية وقلت لهم يالله قوموا جعل فريقكم ماني بقايله

>>>>>>شريرة أنا لا تقولون

صحيتهم أول مرة ولاقالوا شي ولا عطوني وجه الا تغطوا
وحلي النوم في عيونهم زيادة

وأروح أزين الفطور وارجعلهم يالله قوموا الحين بتتأخرون يالله ياعيال
ونفس الشي عطوني اكبر ركبه

في هالحالة حامت تسبدي فوق ماهي حايمه وارتفع ضغطي

وقلت أفا يالعالم هلالية ويسوون فيني تسذا لالالالا ماردوده مردودة والله ماخليها
وفي هالوقت لمعت في رأسي الهلالي فكرة

>>>>>>فديت الميول ياناس اروح كشنه ياعالم>>>>>>>سلكوا لها تكفون

قمت أناظرهم وهم مسدحين نايمن وانا أقول هين هين يالضبان

الموهيم الفكرة هي كالتالي رحت وجبت الفطور وحطيته في الصالة
ورحت عند الفيديو وعدت شريط المباراة
ووقفته بالضبط عند صناعه الهجمة قبل
ما يمرر ويلي لياسر وأوقفه

بعدين شليت قشي

(الجوال +السماعة+كاسة الشاهي+كيس الليز)

وفتحت الغرفة على العيال وشغلت التلفزيون ورفعت الصوت وضغط
على زر تشغيل الفيديو
وصار وجهي كذا

وماتشوفون الا غباري حطيت رجلي على غرفتي

وطقيت جدها نومه إللى الساعة 11 قبل الظهر

طبعا ومثل كل مرة أكلت علقه مرتبه من الوالدة

وبعدها من الوالد

نجي لمشكلتي

ترى انكسرت ي
دي وانا اكتب السالفه إللي فوق كله علشان اسلك لموضوعي>>>>>>>>بتمننين عليهم يالمهايطيه

الموهيم مشكلتي يا اعضاء ياحلوين اتمنى

البنات

يجاوبوني اكثر شي

لأن الشباب يمكن مايكون عندهم خبرة

>>>>>>>>>فيه ناس راح تفكيرهم لبعيد

المشكلة هي كالتالي
أمس كنت طالعة مع أخوي للمستشفى علشان اصلح ظروسي

في الطريق سئلني انتي ليه ماتكلمين دراستك؟

قلت له وانا ألحين وش اسوي قاعدة>>>>للمعلومة انا ألحين ادرس تصميم أزياء يعني(خياطة وتفصيل) بلغتنا

وبصراحه

التصميم والخياطة هي كل حياتي
لاني رسمه مستقبلي على أساسها

قال لي: بس هذي ماهي الدراسة انتي لازم تدرسين
وتأخذين الماجستير او بكالوريوس
على الأقل في تخصص معروف ومطلوب
يعني سكرتاريا إدارة أعمال أو أي شي بس
لازم يكون عندك شهادة معتمدة

قلت :له بس انا احب تصميم الازياء وقربت انهي التخصص
قال :ماهي مشكلة خذي الاثنيين
قلت له: المثل يقول(صاحب الحاجتين كذاب)وصعب اني افكر في حاجتين بوقت واحد
ووكمان انا مو سعودية وصعب ادرس في جامعة او كلية

المهم صراحة كلامه من جد نزل ثقتي في نفسي للنص وقت افكر في كلامه

وعلشان تكونون في الصورة
انا مثل ماقلت لكم ادرس تصميم أزياء
وبعد تصميم الإكسسورات>>>>ويلي على غفله

لالالا والله عن جد اصمم اكسسورات
وكمان وادرس اللغه الانجليزية ودخلت امتحان التوفل
على النت وجبت فيه العيد

وعلى فكرة الوالد والوالدة واخواتي واخواني كلهم يدعموني وواقفين معاي
حتى هو

الموهيم الخلاصة
سؤالي ياحلوين هل كلام اخوي صحيح
ان تصميم الأزياء مستقبلها غير مضمون
وانه لازم اني اخذ شهادة ثانية مع اني مااحب العمل المكتبي؟

لانه بصراحه كلامه سبب لي احباط نفسي اروح افقع وجهه

اختكم :وسن الهلالية