|
.. ][ Fitness Time >> حسبي الله عليكم !! .. سالفتي معهم ... رآآيكم ][ .. السلام عليكم ورحمة الله وبركاته ~ يامال العافيه يالغالين :wub::wub: . كيف حالكم شخباركم عيال وبنات المجلس العام :wub: .. معرسين سواء والا عزوبيين :d .. مدري وين ابدا موضوعي هذا .. لانه طويل وحوسه وشوي .. وفوق كل هذا ابي رايكم كون هالسالفة جديده علي وابي اخذ حقي وانا ادري انه لي موب بعدين اكتشف انه موب من حقوقي >> كيفني وانا اشوقكم :d ... المهم طال عمركم .. هذا طال عمركم انا قبل رمضان الماضي كنت مفكر بنادي في الاجازه واقضي منه وقتي ... جا اختياري على نادي وقت اللياقة اشتركت لمدة ثلاث شهور .. واخوياي اشتركوا على شهر ... المهم راح شهر رمضان وقضينا اوقات حلوه .... جا قبل العيد على 25 كذا وقفت اشتراكي ... طبعا في اشتراك الــ 3 شهور لك وقفة وحده بس مدتها 20 يوم .. قلت مافيه مشكلة عشرين يوم عشرين يوم خل نستانس بعيدنا الماصل :d ... اوكي كذا ماشين حلو لاننا بنطب بمربط الفرس اللحين :cry: ؟؟؟ ... المهم ويوم رجعنا بشوال الا اشوف الايام باقي لي 45 يوم حلو ماشي .. بوقتها جاني قبول بالجامعه قلت اقضي دوام الجامعه وارجع للنادي الين نخلص هالــ 45 يوم ... داومت السبت ... الاحد .. وفي ليلة الاحد جتني اصابة قوية بالنادي :cry: .. عبارة عن التواء بأربطة المفصل :cry::cry: .. بوقت الاصابة ماكنت ان الاصابة قويه لهالحد وعلى اعتبار اني ابو اسبوع وبرجع ... رجعت شفت الوضع موب كويس رحت كشفت وجبسوا لي رجلي وصرت امشي بعكازات :cry: خوفوني اول شي قالوا كسر ... بعدين كشفت الصبح وصارت التواء :cry: .... المهم طبعا اشتراك النادي كنت بوقتها اكلم مدرب كرة القدم بالنادي .... وقال بوقفه لك اسبوعين قلت حلو ماشي ... وهو على كلامه ان الاصابة خفيفه واسبوع وبرجع ... ماودي ادخل بنية الرجال بس احس قاللي هالكلام وهو يدري عن خطورة اصابتي بس كان يقولها عشان يهون الموقف علي :cry: .. لأنه مسؤول عن هالشيء خاصه ان المدرب والاصابة جتني اثناء اللعب .... طبعا انا بوقتها حولت لمستشفى ثاني يوم حسيت ان الوضع كويس بالنسبة لرجلي .. وغيروا الجبس وكذا .... !! والحمدلله تعافيت وفكيت الجبس قبل عيد الاضحى بيومين ... جا الوقت هنا اللي المفروض يرجعلي اشتراكي زي ماكان وهو الــ 45 يوم اللي فاتتني صح والا لا ؟؟؟ بوقت اصابتي كنت اكلم المدرب قلت الاشتراك وش اسوي فيه قالوا اذا خلص الاسبوعين اقولك .. قلت حلو .. بعدها اكلمه بدا يسحب ومايرد علي :cry::cry: .. حسيت الوضع سحبات .. قلت اهو مدرب ماله سلطة وكلمت احد المشرفين هناك ... قلت له اشتراكي اكيد ماتقدرون توقفونه ما اقدر اعطيه اخوي .. قالوا اشتراك فيه حدود 30 يوم ماتقدر تتنازل عنه ... قلت طيب كيف وش اسوي باشتراكي وش الفايدة اجي بعكازاتي للنادي يعني !!! .. المهم قالي متى ماقدرت ارسلي تقرير طبي او شي وبشوف موضوعها ونعوضك .. لاحظوا قالوا متى .. ما قال انه بيروح عليك اذا تاخرت او حاجه ... انا بوقتها اللي فيني كافي ويالله اصلي عشان افكر بورقة او اخلي احد يوصل لهم التقرير ... ويوم تعافيت وعطاني الدكتور الضوء الاخضر ... رحت لنفس الفرع .. ماحصلت المشرف اللي كان يقولي عطني اوراقك وقت الاصابة .. قالوا نقل لفرع ثاني ... رحت لمدير الفرع وكلمته ووعطيته سالفتي وكل شي .. قالت وبكل بساطه ما عندنا لك شيء !! تحجج اني وقفت الوقفة الاولى الــ 20 يوم حقت العيد ... وبعدها الاسبوعين وقت الاصابة ... قلت له ياخي الـ 20 هذا اختياريه اطلبها براحتي وانا طلبتها عشان عيد وكذا ماحطيت ببالي اصابة اوشي مالها دخل يعني بالحسبة ليه تحسبها والا كان ماشتركت ... والاسبوعين على اعتبار ان الاصابة على كلام مدربكم الحلو انها خفيفه وابو اسبوع واتعافى ... موب التواء !!! حاول يتهرب وماعطاني جواب .. شوي يقول يمكن اذا جددت نضيف لك المده حقت اصابتك .. شوي يقول اول شي اشترك بعدين نشوف نرفع ملفك للأدارة ... شوي يقول الادارة ممكن ماتقبل وكلامهم بيكون نفس كلامنا !!! انواع التهرب يعني ... المهم طلعت زعلان .. وكلمت ذاك المشرف ... وقلت له كذا وكذا وان المدير رفض .. قال خلاص وتعالي واخلص امورك .. واضح من كلامه انه خلاص بيدبر اموري .. وقلت ما خلاني ادق مشوار للثمامه الا انه بيخلصني ... المهم بدا يقلب ومدري شفيه .. شوي بدا يقول تاخرت علي !!! شوي يقول وقفته مرتين نفس كلام المدير !! شوي يقول الاشتراك في حال انتهى مانقدر نتحكم فيه ... وهو قبل يقول اي وقت جبلي اوراقك ... ماقال بسرعه وفي حال انتهى مانقدر نتحكم فيه ترى !!! شوي يقول احنا نتقيد مع المشترك من تاريخ لتاريخ فقط .... بس هذي سالفتي :cry::cry: شرايكم بالتهرب والزرف العلني بس !!! يعني اصابتي وصارت بالنادي وفيه شهود عليها ... وانا انحرم من دراستي واحذف الترم بالجامعه :cry: واتهاوش مع اهلي بسبب مشاكل الكورة وكذا تخبرون الاهل بعضهم ما يحب شي اسمه كورة ... وانحرم من شي من ابسط حقوقي وهو تعويضي بايام اصابتي بس ... يعني انا وش ذنبي يجي واحد خلوني ساكت ماودي اسبه ... وينبرش بدون سبب علي ويقلبني وتجيني اصابه منه !! وانا يصير اللي صار فيني .. وهو يكمل اشتراكه زي الفل ولا يجيه شي .. الحمدلله على كل حال وهذا قضاء وقدر ماقلت شي ... بس وين حقي اللي المفروض اخذه ... باختصار يعني ابي شي احسهم سواه لي النادي ويشكرون عليه خلال اصابتي .. يعني بوقتها محد قالي في حال انتهى اشتراكك ترى مانقدر نتحكم فيه !! ولا احد قال ترى مانقدر نعوضك وخلوني بالصوره من البداية !! ولاحظوا الادهى والامر .. المشرف موب قاللي ليه تاخرت علي والا كان عوضتك .. المدير يوم قابلته قال نفس الكلام بنقوله لك لو جيتنا بدري وانت مصاب او ارسلته لنا او بعد ما تتعافى ... لاحظوا التغير في كلامهم وكل واحد يتكلم على كيفه .. فيه وقت من الاوقات كنت اتواصل مع المدرب وعشان اشتراكي وكذا .. قلت يمكن المدرب موب فاهم وقلت بحول الاشتراك لأخوي قالوا حدود 30 يوم مانقدر نتحكم فيه !! وش يبوني اسوي يعني بالله اجي اتمرن بجبسي وعكازاتي !!! طيب مصاب وعندكم مالي استثناءات :cry::cry: ... لا ويقول ان كل الاندية تسوي كذا اذا جا مشتركيها اصابات !! انا يمكن جديد على النوادي مالي خبره .. بس سمعت عن واحد ببودي ماستر جته اصابة بالنادي وعوضوه .. انتوا شرايكم هل الاندية توقف اشتركات المصابين بالنادي والا لا زي ما قالوا لي ... بس يالغالي هذي سالفتي :cry::cry: .. يارب فهمتوني .. والله اني منقهر ومنغبن .. خاصة على التقلب بكلامهم :mad: ... يعني 45 يوم تروح كذا !! وبقيمة حوالي 850 ريال كذا زرف على هالملعن !!! ماشلت هم الفلوس .. عادي خلها تروح بس على شي يستاهل موب ناس حتى ما قالوا الحمدلله على سلامتك !!! الجامعه وراحت علي :cry: اهلي وتمشكلت معهم شوي .. وابسط شي ما اقدر اخذه .. يعني لو لا قدر الله جاني حادث بالسيارة او شي ماقلت شي .. لكن اصابة بالنادي ولا اتعوض فيها حرام والله .. فيه شي واحد بقى لي قالوا روح الادارة وكلمهم وانا من ذاك الوقت مقدر اطلع واكلمهم ومحد يرد .. لكن بشوف على ردودكم وارئكم اروح لهم والا .. ودي اعرف اذا معي حق اول شي والا عشان اروح لهم وانا بالصوره ... ماتوقعت هالشيء من وقت اللياقة من اولهم الرئيس الحقباني المعروف بطيبته لاخرهم ... وين الموقف الانساني حتى في هالموضوع منهم بالله !!! بس يالغالي طولت عليك سوري :cry::cry: ... انتظر ردودكم ودمتك بخير :smilie47::smilie47::smilie47: .... وياجعلكم ماتشوفون شر :wub: .. سلاموووووووووو :rose::rose::rose: |
هلا وغلا يوسف :smilie47: والحمد لله على سلامتك ... والملاعب كلها مشتاقة لك :d بعدين بصراحة شي متوقع ان النادي ينهي اشتراكك لانه يهدفون للربح المادي وما عندهم في احد جيت والا ما جيت :( وبصراحة ياما وياما راحت عليني اشتراكات :ranting: بس الحمد لله ليت لي نادي كويس :smilie47: اذا تبي ادلك عليه كم تدفع :naughty: سلام ,,, |
أولاً الحمد لله على سلامتك ثانيــــاً أعتقد ما فيه نادٍ عندنا يصب إهتماماته للزبون الرياضي أكثر من أن يكــون الهدف مـــادي له ؟؟ و ثالثــاً الناس المصابين بدؤوووا يتجهون للنوادي بسبب قلة الخبره لدى مستشفياتنا في أقسام العلاج الطبيعي للمريض أحببت المشاركـــــــــه و الله يعطيك العافيه ... |
وعليكم السلام ورحمة الله وبركاته بصراحه صورتك بعد ما حلقت يا يوسف طالعه كلام ثااااني .. شف يالغالي .. أنا مثلك كنت مشترك في هالنادي .. وأنت تذكر بعد يوم كنت اجي عندك نسولف لبعض أن النادي ممتاز وبطل واكوس شي . لكن الحين .. للأسف تغيرت نظرتي فيهم .. مو علشان سالفتك هذه .. لا لا بل لسوالف كثيرهـ .. أولا / سالفة صارت للعضو الهاوي ( alhawey ) .. كان مشترك عندهم لمـدة سنه .. وقبل لا ينتهي اشتراكه بـ 20 يوم ( برمضان ) .. قال لهم ابي اجمد الاشتراك وارجع اكمل عقب رمضان .. من هنا ومن هنا .. وهم رافضين رفض تام .. ودخل عالمدير واخر شي قالوا له : خلاص بنوقف لك بس 10 ايام والباقي بيروح عليك .. قال لهم : اجل خلوها لكم .. وسحب نفسه وطلع << يعجبني أبو ابراهيم . من جد إستغلال وضغط على المشترك .. واحد مشترك سنه كامله عندكم .. وماتبون توقفون له شوي . عارف ليه ؟! أنا من اسبوعين رحت سألت عندهم ودي أشترك مره ثانيه ( اشتراكي الاول خلص ) وكنت ناوي اشترك لمدة سنه كامله .. بـ 4300 ريال . سألت المصري قلت له : هل اقدر اوقف الاشتراك ؟! وكم المده المسموحه لي ؟ قال : اذا كنت مشترك ( سنه كامله ) ما تقدر توقف إلا مره وحده .. واعلى مده لتوقيف الاشتراك هي : 60 يوم . شف الاستغلال .. الواحد خلال سنه كامله تتطلع له ظروف .. بيسافر .. او عنده اختبارات .. او عنده شغل .. يعني اكيد بيحتاج يوقف الاشتراك .. لان السنه مده طويله .. هم لا يجبرونك انك ماتوقفه الا مره وحده خلال سنه كامله .. واعلى مده 60 يوم .. ليتهم يوزعون الـ 60 يوم .. لا لا .. يعني لو وقفته ( اسبوع او اسبوعين بس ) ورجعت شلت الايقاف .. ما يصير يمديك ترجعه مره ثانيه لان ( المره الوحده المسموحه للإيقاف ) راحت عليك خلاص . قلت للمصري : طيب انتم كذا تضغطون على المشترك ؟! وكانكم تقولون له بتضيع عليك ايام يعني بتضيع عليك ايام . ابتسم وهو متفشل قسم بالله وقالي : دي اوامر من الاداره احنا حاولنا معاهم وهما رافضين . وهالشي هو اللي كرهني في النادي .. هو نظام ادارتهم البايخ . لكن من بعدها .. رحت لنادي ثاااني رائع رائع رائع اسمه ( النادي اللياقي ) . له اكثر من فرع ابرزهم على ( شارع سعد بن عبدالرحمن ) اللي اسمه ( شارع الميه ) . سعرهم الـ 3 شهور بـ 1550 .. يعني ارخص من فيتنس تايم .. لكن وش ميزته .. أنك تقدر توقف الاشتراك بأي وقت .. ولأي مده تبيها .. فيه أشخاص يوقفون من اجازة الصيف .. لإجازة الصيف الثانيه .. وطبعا ما تقدر توقف أقل من ( اسبوع ) .. اكثر من اسبوع عادي .. لكن اقل لا .. ومن حقهم بصراحه .. :smilie47: هذه ميزه مهمه جداً .. وانا سجلت معهم من اسبوع لمدة ( 6 شهور ) بـ 2500 ويعتبر سعر مميز. وبهالشكل رح اضمن انه مارح يضيع مني ايام .. مب مثل فيتنس تايم .. كانهم يقولون بنخليك تضيع بالغصب :d .. وطبعا فيه نفس الميزات اللي بفتنس تايم .. مدربين وحصص لياقه وملعب كرة قدم .. لكن اللي يميزه عن فيتنس تايم عارف وشهو ؟ أنه عندهم مساااج مجانا ( مع الاشتراك يعني ) .. وقت ماتبي تروح تسوي . وعندهم حمام شامي مجانا برضو ( يفركونك فرك لين يطلع بترول من جسمك :d ) .. ووقت ماتبي تروح تسوي .. لا وبعد فيه ( حلاق ) مجانا مع الاشتراك .. وقت ماتبي تروح تحلق . لا وبعد فيه ( بولينج ) .. لا وبعد فيه ( غرفة انترنت ) اجهزه مكتبيه من عندهم .. وقت ماتحب تدخل تدخل .. كل هالحاجات مب موجوده بيفتنس تايم .. طبعا غير التنس والبلياردو وملعب كرة السله وكرة القدم وغرفة اسكواش .. والاجهزه الرياضيه طبعا والحديد والمسبح وهالامور كلها . لو بتسجل ثاني أنصحك بهالنادي بقووه والله . مارح تضيع عليك ايام .. وفيه حاجات اضافيه ورائعه بصراحه .. عالعموم الله يوفقك ويعوضك اللي ضاع منك .. يعطيك العافيه .. دمت بأجمل حال .. |
هلا والله يوسف :smilie47: كيف الحال ان شاء الله طيب .........! والحمدلله على سلامتك وماتشوف شر ان شاء الله :smilie47: وبعدين وينه فيه ذا ناديك ؟ 850 ثلاثة اشهر وفيه ملعـب كورة زيادة ؟... امس رااايح لنادي لياقي بسجل فيه.! بيني وبينك بدت تطقني زيادة بالوزن بشكل مهوب صاحي :s2: قبل اسبوعين وزنت طلع 72 وقبل ثلاث ايام رجعت اوزن مرة ثااانيه طلع 75 وكم قرام :dاللي قاهرني في ذا كله مهوب الوزن ،، بس بدت كنها بتطلع لي كرشه :to: المهم اني رحت للنادي وقالولي 1250 ثلاثة شهور بس الحلو فيه ان اشتراكك تقدر توقفه بأي وقت تبي وترجع بأي وقت تبي ،، مافيه مده محدده وللحين اقردن في واحد ابيه يسجل معي لأني لو صرت لحالي ابطفش وبسحب عليهم..! بخصوص سالفتك معهم .. اذا كانوا محددين لك فترة 20 يوم بس وانت قد اخذتها مااعتقد انهم مجبرين يعوضونكم لكن اذا فيه شرط في حال جتك اصابه عندهم يعوضونك عن الفترة اللي تغيبها في هالحاله يمديك تستقعد لهم ..! بـس انت رح للأدارة مثل ماقالوا لك ... وانشب لهم :to: وقلهم تراني بنزل موضوع عنكم بالزعيم :to: كودهم يعوضونك..! مع اني اتوقع حتى لو عوضوك بتسحب :d ماخبرت احد سجل بنادي وانتظم :s2: عوااااااافي يوووسف ولاتحرمنا طلّـتــــك :smilie47:.! إقتباس:
ابراهيم أجل هونفسه ذا اللي رايح له امـس اسمه النادي اللياقي .. بس غريبه وراهم قايلين لك 1550 ثلاث شهور ؟؟؟ لأن الـ3 اشهر عندهم بـ 1250 والا كل فرع سعره يختلف عن الآخر ؟؟؟ |
أول شي الحمد لله ع سلامتك و طهور و ما ترى بأس .. و بالنسبة لسالفتك مع النادي ما استغرب هالشي أبد .. أدارات الاندية اللي عندنا فيها فوضى و عشوائية و همهم مادي فقط لا أكثر حتى المدربين ما يهتمون فيك أبد و انت اللي تراكض وراهم و هم يصرفونك ع الثاني و الثاني يصرفك ع الاول و انا كنت مسجل في النادي ولا زلت لكني على قولتهم (( سحبت سيفون )) و صار لي مثل موقفك .. بس أنت مشكلتك أخطيت لانك رحت للمدرب .. المفروض كنت تروح لمدير النادي في مكتبه ولا تكلمه .. بس تعطيه عذر طبي ( إجازة من الدكتور ) و غصبن عنه يوقف اشتراكه .. أنا لعبت في النادي و كان عندي اصابة قديمة في الرباط .. و رجعت لي الإصابة قوية و صار عندي قطع في الرباط الصليبي .. يوم تقرر موعد عمليتي جيت جبت تقرير طبي و خليت الموضف يوقف الاشتراك 20 يوم ( اختيارية ) و 10 أيام من عندهم .. و عقب ما سويت العملية بعد شهر رجعت لهم .. و معاي 3 شهور اجازة من الدكتور .. طبعا نفس الحجج .. إن باقي لك شهر عندنا ولا تقدر توقف اشتراكك أصلا و 20 يوم راحت عليك و مادري إيش .. لكن أنا تكلمت عليهم و قلت لهم هذي اجازتي الرسمية من الدكتور و فيها توقيعه و ختم المستشفى و يا توقفون اشتراكي او ترجعون فلوسي .. طبعا مدير النادي ما كان زي الموظف ينافخ .. لكن قلت له هذي و رقتي و خلني ارجع و القى ناقص يوم ! طبعا رجعت بعد شهر و نص علشان أكمل علاجي بالنادي .. و الحمد لله ما نقصوا ايامي .. ! و مثل ما قلت لك اخوي .. مثل هالناس .. ما ينفع معاهم الكلام .. ولا فيه شي عندهم يمشي بدون واسطة ( مدير نادي ) أو يعرف فلان .. أو يقرب له ! و المفروض ما تواجههم .. إلا بأوراق و تحطهم أمام الأمر الواقع ..! و انا خلاص .. صراحة فكرة الأندية هذي شلتها من راسي لأاني ما استفدت منها شي أبد أبد أبد ... مافيه اهتمام من مدربين .. ولا فيه شي اسمه متابعة مثلا لحاللات مثل حالتي .. يوم رجعت علشان اكمل علاج في النادي .. لقيت المدرب ما يفهم شي اسمه علاج طبيعي .. و تأهيل ما بعد الرباط الصليبي .. و اضطريت اسحب ع النادي و اجي بس اناظر مباريات و اسبح .. و العلاج الله يخلي الحكومة عند اخصائيين سعوديين في الشميسي .. و أخوي الكورة ترا مثل ما قالوا اهلك .. اذا تهمل نفسك و تلعب .. طقها و الحقها .. ترى مصيرك اصابات مزمنة بتلخبط حياتك خذها نصيحة من أخو لك .. عانى من الركبة حقته 4 سنوات تحياتي للجميع :wub: |
الحمدلله على السلامه ............................... |
والله ياخوي يوسف مالي بهالانديه لكن مالكم الا تنشب بحلوقهم كود يعطوك حقك غير كذا ماتوقع يصلحون لك شي |
إقتباس:
اهلين يسلم :smilie47: حياك الله < معلش يايوسف عالمرور الثاني :razz: شوف أنا معـاك أنه هالشي يكون متفق عليه .. وصعبه أنه مايطبقونه .. لكن خذ عندك .. سنه كامله .. مايمديك توقف الا مره واحده واعلى مده 60 يوم وتحت ) . طيب مفروض هالـ 60 يوم يجزأوها .. على 4 او 3 مرات بالسنه .. لكن يجبروك انك يا أما تاخذها كلها مره وحده .. أو خلاص تروح عليك .. طيب فرضا انت بتسافر لمدة 20 يوم وبترجع ... لما تروح توقف الاشتراك 20 يوم .. ولما ترجع من السفر تشيل الايقاف .. يصير خلاص مايمديك توقفه مره ثانيه .. أما بالنسبه للكرشه اللي بدت تطلع لك :razz: يارجال خلاص تزوجت وش تبي ؟ :d خلاص مافي مجال للتراجع .. بكرشه بدون كرشه .. اصلع مب اصلع .. مافرقت .. لأنك اتزوجت وخلاص :razz: لا بـ ج ـد .. تبي نصيحتي .. سجل بنادي محترم ( وربي الغالي سعره فيه ) بس ابعد عن فيتنس تايم .. ماينفع لك لانك متزوج . واكيد لك مشاغل وبتضطر توقفه اكثر من مره .. وما ينفع لك نظامهم .. واستمر على التمارين السويديه .. وربي رح تظبط جسمك بشكل ماتتصوره .. وتعطيك لياقه ( بس اهم شي المواظبه ) الواحد من القعده .. عضلاته بتتكرمش ( متعوب عليها :razz: ) ولو يسوي اي مجهود تلقاه يسوي كذا : ( ها ها ها ها ها :cry: ) . لذلك السويدي بيمدد عضلاتك وبشيل ام الكرشه وفي زمن قياسي :smilie47: فمـان الله :ba1: |
إقتباس:
هلا يسلم < حسيت اني كثير ثالث رد لي :razz: أنا سألتهم قبل اسبوع تقريبا .. وقالوا 3 شهور بهالسعر .. مدري هل هو نفسه اللي تقصده او واحد ثاني .. لأن اللي انا فيه بـشارع ( سعد بن عبدالرحمن - مخرج 15 ) .. او يمكن أنت تشتغل بجهه معينه وعندك تخفيض .. عالعموم انا مسجل فيه 6 شهور .. بـ 2500 .. اذا هو معقوله نزلوا السعر علشان فترة اختبارات مقبله ؟ على حظي :D |
| الوقت المعتمد في المنتدى بتوقيت جرينتش +3.
الوقت الان » 04:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd