مكالـمــــة في منتصـــف الليـــل ..!! << تسمع بالتشويــــق ^_~ - نادي الهلال السعودي - شبكة الزعيم

باسكن روبنز · #1 09/01/2010, 08:33 PM

السلام عليكم

كيفكم يا حلوين

وحشتوني

عندي لكم سالفة من جد مأرقتني وماخلتني أنام الا وانا ملاصقه امي

الساعة 12 في منتصف اليل .. كنت راجعة من زواج.. مع صديقتي والي مرجعنا زوجها .

لما قربت من بيتنا اتصلت على اختي وقلت لها ( افتحي الباب وخليك واقفه لا تروحين ولا تدخلين داخل )

ردت علي ( لييييييش ايش الي صاير ) قلت لها ( اعملي مثل ماقلت لك ( << وكان صوتي مبحوح وواضح انو فيني شي .

وصلت البيت ولقيت الباب مفتوح مثل ما وصيت اختي ولقيتها واقفه تنتظرني

وتقول لي وش فيك ايش الي صار وانا ادخل الصاله وانزل شيلتي وعبايتي ووجهي اصفر ومخطوف ..

وهي تردد وتقول وش الي صاير .. هنا ماقدرت اتحمل وصرت ابكي وابكي وابكي

والدموع تنزل بغزارة من عيوني وابغى اتكلم مو عارفه وصوتي يرتفع بالصياح والبكي ..

وهي تقول ايش الي صااااااااااار .. رديت عليها وقلت ( فيه وحدة تخوووووووووف ) وأأشر بصبعي في داخل فمي <<

اختي فهمت .. الي انا اقصده ..

<< كل هالحوار صار بالصاله

.. توجهت بعدها الى غرفة التي في ..

وشافوني بنات اختي وانا ابكي بصوت عالي والميك اب سايح بوجهي

وكل وحده فيهم جا في بالها شي .. الي جا في بالها اني مخطوفه

والي جاء في بالها ان السواق اعتدي علي

والي تظن اني تهاوشت مع وحده بالزواج

المهم لما هديت بديت اقص لهم القصة كلها من طق طق لسلام عليكو

( في الساعه 9 ركبت السيارة مع السواق ومريت صديقتي ورحنا الزواج

وكان الزواج في استراحة وطريقها ظلاااااام وبعيد ..

المهم دخلنا الزواج وكان الوضع تمام ورقصنا ووسعنا صدرنا ..

انا كنت جالسه على كرسي ملاصق تماما للجسر ( الممر ) يعني اعطيه ظهري << ان شاء الله فهمتوا

..

بمعنى اي وحده ترقص لازم الف وجهي عشان اشوفها ..

المهم غنوا اغنيه ماذكرها ابداااا .. وطاحت عيني على وحده ترقص بالجسر يعني وراي على طووووول ..

وكانت لابسه عبايه كتف وفاتشه وجهها ولابسه نظارات .. ومتحمسه في الرقص ..
انا ما استنكرت الامر ابداا ..

فجأة .. شفت بنتها مادري اختها تجي وراها وتحط يدينها في جنبي هذه المراه << كأنها تمسكها .

انا شفت المنظر جا في بالي شي مو زين

لان المنظر كان مريب جدا

الا وشوي صديقتي الي جنبي قامت من مكانها بسرعة وانا اقول لها وين رايحه قالت

الي ترقص فيهاااااا بسم الله

انا دوروني ماتلقوني حسيت قلبي وقف كأن احد كاب على وجهي ماي حار بارد ..

وكنت ناويه الحق صديقتي وانحاش من مكاني الا زميلاتي الموجودات قالوا مو زين تنحاشين وانتي خايفة

اجلسي مكانك واقري الاذكار والمعوذات .. ووحده من زميلاتي مسكت يدي وتقرأ علي وانا كمان اقرا .

. ووجهي صااااير الوووان كنت متوقعه ان المرأة الي ترقص بتطب فوقي

خلصت الاغنية .. قالوا الي معنا يلله خلونا نروح الاستقبال لما يهدى الوضع ..

فلما قمت من مكاني التفت ورا ويالتني مالفيت ورا ..

الا واشوف الحرمة منسدحة على الجسر وراااي على طول

انا هنا صرت ارتجف ورجولي مو قادره تمشي

رحنا جهة الاستقبال .. وصرنا نقرا الاذكار ونسمي ..

والحرمة الي فيها يبي يرقص مرة ثانية مادري وش سالفته

انا قلت خلاااااااااص ابي اروح بيتنا ابي اهلي ماعلي منكم ..

جيبوا عبايتي وشنطتي مستحيل اجلس في الزوااااج .. ونفس الشي صديقتي ..

حاولوا فينا زميلاتنا نجلس لكن قلت لو ايش الي يصير وربي ما ادخل مرة ثانية ..

وحده من زميلاتي الله يجزاها خير جابت لي انا وصديقتي عباياتنا وشنطنا ..

وصديقتي اتصلت على زوجها يجي ياخذنا .. انا هنا ما استحيت ابدا ..

قلت لها ايه بروح معك مابي ارجع مع السواااق في هذا الطريق الموحش بعد المآساة الي صارت ..

وجلسنا تنتظر زوجها وحنا لابسين عبايتنا وطلعنا برا الصالة .. الا شوي يدخل 15 رجال من اهل العرس

الي معه مسدس والي معه خيزران والي معه سيف ..

انا هنا لصقت في صديقتي . خفت انو واحد فيهم يجيه زاره ويتحمس ويتهور ويذبحنا

وكان فيه بسّاطات بيعون

<< احسه داخل عرض في السالفة

اتوقع انهم يقولون في داخلهم وش يحسون فيه هذول الثنتين وهم واقفين برااا <<

ذكرتهم لانا شرينا منهم ماي عشان يخفف من روعتنا << لو يدرون عني اني مدخلتهم في القصة

وصل زوج صديقتي .. وطلعنا من الصاله والاستراحة .. وكل ماتوقف سيارة وفيها رجال من نفس نوعيتهم احس انهم بينزلون وبيسوون لنا شي ..

ركبنا السيارة وانا على اعصاااابي ..

وربي ما اكذب عليكم .. حسيت كأني في غابة وواحد يطاردني .. كرهت الاستراحة وكرهت هذا الطريق .. وكرهت هذا العرس كله ..

جاني شعور انو ممكن يصير لي اي شي وانا بهذه الاستراحه المشؤومة

واقول في داخلي متى اووصل بيتنا متىىىىى ...!!

ولما دخلت بيتنا تقولون داخله الجنة حسيت بالاماااااااااان ..

يمكن انكم تقولون اني مهولة الموضوع .. لكن والله انا لو سمعت هذه السالفه ماراح تأثر فيني

لكن لما شفتها بعيوني خصوصا ان الحرمة كانت وراي ويمكن تسوي اي شي فيني .. ماراح تلوموني ..

خصوصا انو زميلاتنا قالوا لي بعدها ان بعد مارحتوا خمس حريم صاروا يرقصون وذاك فيهم

وذيك الليله والله اني مانمت وكل شوي يطري علي خيال الحرمة وهي ترقص ..

وربي اني نمت وانا ملاصقه امي ولما طلع النهار انبسطت .

لكن كل ليلة لما يجي اليل اتذكر خيال الحرمة وارتجف خوف

مايستفاد من القصة /

1- شكر الله على نعمة الامن والامان ونعمة الصحة والعافية

2- قبل ماتروحون اي مكان وخصوصا البنوتات حصنوا نفسكم بالاذكااااااار

2- اذا انتوا مثلي خواااااافين لا تروحون عروس من هذه النوعية .. << نصيحة لكم

وووبس يا حلوووين