وأنا لأني اعتبر المجلس بيتي الثاني ، وكل أحد احنا فرد من أفراد العائلة .. << ترى والله هذا شعوري الحقيقي..
وبالمناسبة أبارك لـ باريو عودته من الإيقاف جعلها آخر الإيقافات..
وصديقه السامج ذايب << تمون
المهم نخش بالسالفة ..،،
قبل يومين تحديداً ، كان الوقت بالليل الساعة حوالي 11 واحنا من عادة أهل البيت ننام بدري ، يعني الساعة 10 كل أحد بغرفته ..
و نادراً يكون في احد خارج البيت في هذا الوقت .. طبعاً الشاذين عن القاعدة هم أنا وأختي وأخوي .. أما باقي العائلة فهم ملتزمين بالعادة هذي ..
المهم .. كنت في غرفتي أدرس تعرفون من شطارتي يعني ، فـ كنت متربعة فوق السرير وقدامي كتابي و أوراقي و دفتري وملزمتي و أقلامي و الهاي لايت و الحوووسة كلها ..
لدرجة أني ما يجيني النوم من الحوسة هذي .. المهم كنت غارقة في الدراسة ع قولتهم ،
وفجأة أسمع أصوات في حديقة البيت .. أصوات غريبة كأنو في احد يتحرك !
طبعاً البيت كله نايم .. مستحيل يكون في احد صحى وطلع الحديقة !
وبعدين ليه يطلع هناك بهالوقت وش بيسوي يعني ؟
تعوذت من ابليس اللعين ، ورجعت اقرأ .. الا الإزعاج هذا يزيد ويقلقني زيادة ! انا خفت من الحركة الي قاعدة تصير .. !!
عاد ستارة الشباك ( النافذة) لونها فاتح فـ تبان الأنوار من برى و أنو في احد صاحي ..
قمت تحليت بشجاعتي المعهودة و طفيت نور الغرفة و بخوف شديد رحت للشباك
ووخرت الستارة شوي عشان اشوف الي برى ! و لكن ما لقيت أحد !
رجعت استعنت بالله و ولعت الأنوار و قفزت لـ السرير من الخوووووف ..
المهم أن النافذة قدامها حوض ورد و زرع طوله متر تقريباً و عمقه نص متر ..
والنافذة مالها حدايد او اي شيء للحماية ..
وفجأة وأنا في عز توتري ..الا في احط يطق الشباك !
انا خفتتتتت .. بس بصراحة حرامي محترم الي يستأذن قبل يدخل !
والله العظيم ما أمداني اركض ابي اهرب من الغرفة .. الا ينط ( يقفز)
على الغرفة ويدخلها !
وانا اركض ابي اطلع .."كل هذا صار في ثواني "!!
الا يلحقي ويقول لااااا تطلعييييييييين !!!
قمت اصررررخ و رحت افتح باب الغرفة لأنه مقفل بالمفتاح ..
الا يجي يمسكني ويوخرني عن الباب .. ويقول " لا تطلعيييين "
حطيت يدني على وجهي وقمت اصرخ على ابكي ..
والله العظيم اني ابغى اقول " بابا تعاااال " ماني قاااااااادرة !
ابي احرك لساني ما عرررفت ..
مسكني من يديني وقالي " خلاص لا تبكين .."
وانا ابعد عنه وهو يقرب مني يمسكني ويقول " قلت لك خلاص خلاص بس عطيني فلوس ! "
قمت رفعت يدي واشرت على شنطتي ( حقيبتي) وكنت مغمضة عيوني
من الخوف ..
فجأة جلس يضحك ويضحك ويضحك ..
وانا اشهق بقوووة و ابكي..
قال لي .. " أنا محمد يا غبية "
بصراحة أنا وقتها ما اعرف أسماء الناس ولا أصواتهم ..
مسك يديني وبعدها عن وجهي وقال " افتحي عيونك شوفيني انا محمد أخوك "
فتحت عيوني وانا خاااايفة ومو مصدقة ..
يوم ناظرت فيه .. دفيييته بقوة و أخذت أسب وأشتم ..
وقلت كل الكلمات الوسخة الي في الحياة
جلس يضحك وقال " خليني افهمك وش السالفة "
قلت " لالالالا اطلع من غرفتي ما ابي اشوف وجهك يا حرامي"
قام يضحك و مشى ولما وصل عند الباب قال لي وهو يضحك " كل السالفة اني نسيت مفاتيح البيت و الأبواب مقفلة .. فلما شفت انوار غرفتك قلت اكيد صاحية خليني ادخل من شباكها "
طبعاً هو من هباله .. لما شافني خايفة قال خليني اكملها واقول عطيني فلوس ..!
بس بيني وبينكم لما سمعته يقول عطيني فلوس .. قلت بنفسي " اشوووووى بس فلوووس .. والله ياخذ كل غرفتي ويتركني في حالي "
المهم هو وصاني ما أعلم بابا لأنه لو درى بيسوي له مشكلة عشانه خوفني .. لأن من جد موقف صعب صعب صعب .. بشكل جنوووني ..
أتعب أقول قد ايش صعب الله لا يحط احد فيكم بهالموقف ..
بس الى الآن السؤال الي مالقيت له جواب " كيف تسلق ووصل للشباك ؟؟؟"
الله يهديك يا محمد .. بليز لا ترد ع الموضوع يا حرااااااااااااامي
********
بس قسم وأنا أقرأ عايشة جوفيلم رعب
وجالسة أنتظر وش نهاية هالحرامي معك
ومتحمسة انتظر النهاية بسألك وين ساكنين
كودكم بعيدين عنَا
خصوصا ان الحرامية دالين هالحي
******
لاوالله لوهو اخوي اللي مسوي تسذا والله مااتركه اعلم ابوي
ولاعلي منه
والله ان يطير عقلي ومايرجع بسم الله علي
خلقه اخااف من ظلي
مستحيل امشي حتى وانابوسط البيت اذا كانوا اهلي كلهم نايمين
كيف عاد بغرفتي يطب علي يمممممممممممممممممه
******** عوافي خيتو عقد موضوع خفيف وضريف بصراحة ولو ان البداية تخووف وان شاء الله اول واخر حرامي بس ولولازم تعاقبين اخوتس ماتعدينها بسلام<<<مشكلجية
المشكله انتم يالبنات تاخذون حقكم وأزود والشباب هم الي يروحوا فيها
عذرا احس الموقف عاااادي جدا جدا جدا جدا لاني متعود ما تمر فتره الا مسوي أفلام لأخواتي وطبعا هذا الموقف ولا شي
ياروعة هالموااااااااااااااقف .. أذكر قبل كم شهر كنت طالبه وقت العصر من البقاله المهم رن الجرس وانا طبعاً اقول مين كالعاده وهو يقول بقاله <<بترقيق القاف انا ذبيت الفلوس من تحت الباب وانتظرهـ يروح عشان آخذ الأغراض بعد ماحسيت انه راح فتحت الباب بآخذ الأغراض بشوي شوي الا ويفتح الباب بقوه وانا اللي أغمض عيوني وأسحب عمري بنحاش الا ويصير خالد أخوي الله يهديهـ بس من جد روعتي لايمكن أنساها
ههههههههههههههههههههه الله يرج إبليسه عن نفسي قد سويت بأختي كذا بالغلط .. ههههههههههههه كانت بالمطبخ وانا بلحوش طبيت من دريشت المطبخ ههههههههههه .. وتصرخ وتركض انا عن نفسي خفت على بالي حرامي وطلعت انا الحرامي هههههههههههههههههه ذكرتيني بذاك اليوم موضوع بطل الله يهدي اخوكـ احس انه زااحف بس ودي اعرف وشلون طب من الدريشه .! عندكم نخل اكيد