"" أصعب موقف في حياتي .. حرامي دخل علي بغرفتي ! "" - نادي الهلال السعودي - شبكة الزعيم

عقد الياسمين · #1 07/01/2010, 06:09 PM

بسم الله الرحمن الرحيم

بصراحة أحب المواضيع الخفيفة اللطيفة ، الي تجي فجأة احياناً ..

وأنا لأني اعتبر المجلس

بيتي الثاني ، وكل أحد احنا فرد من أفراد العائلة ..
<< ترى والله هذا شعوري الحقيقي..

وبالمناسبة أبارك لـ باريو عودته من الإيقاف

جعلها آخر الإيقافات..
وصديقه السامج ذايب

<< تمون

المهم نخش بالسالفة ..،،

قبل يومين تحديداً ، كان الوقت بالليل الساعة حوالي 11 واحنا من عادة أهل البيت
ننام بدري ، يعني الساعة 10 كل أحد بغرفته ..

و نادراً يكون في احد خارج البيت في هذا الوقت .. طبعاً الشاذين عن القاعدة هم
أنا وأختي وأخوي

.. أما باقي العائلة فهم ملتزمين بالعادة هذي ..

المهم .. كنت في غرفتي أدرس تعرفون من شطارتي يعني

،
فـ كنت متربعة فوق السرير وقدامي كتابي و أوراقي و دفتري وملزمتي و أقلامي
و الهاي لايت و الحوووسة كلها

..

لدرجة أني ما يجيني النوم من الحوسة هذي

.. المهم كنت غارقة في الدراسة ع قولتهم ،

وفجأة أسمع أصوات في حديقة البيت .. أصوات غريبة كأنو في احد يتحرك !

طبعاً البيت كله نايم .. مستحيل يكون في احد صحى وطلع الحديقة !
وبعدين ليه يطلع هناك بهالوقت وش بيسوي يعني ؟

تعوذت من ابليس اللعين ، ورجعت اقرأ .. الا الإزعاج هذا يزيد ويقلقني زيادة !
انا خفت من الحركة الي قاعدة تصير .. !!

عاد ستارة الشباك ( النافذة) لونها فاتح فـ تبان الأنوار من برى و أنو في احد صاحي ..
قمت تحليت بشجاعتي المعهودة

و طفيت نور الغرفة و بخوف شديد رحت للشباك

ووخرت الستارة شوي عشان اشوف الي برى ! و لكن ما لقيت أحد !

رجعت استعنت بالله و ولعت الأنوار و قفزت لـ السرير من الخوووووف ..

المهم أن النافذة قدامها حوض ورد و زرع طوله متر تقريباً و عمقه نص متر ..
والنافذة مالها حدايد او اي شيء للحماية ..

وفجأة وأنا في عز توتري ..الا في احط يطق الشباك !

انا خفتتتتت .

. بس بصراحة حرامي محترم الي يستأذن قبل يدخل !

والله العظيم ما أمداني اركض ابي اهرب من الغرفة .. الا ينط ( يقفز)
على الغرفة ويدخلها !

وانا اركض ابي اطلع .."كل هذا صار في ثواني "!!
الا يلحقي ويقول لااااا تطلعييييييييين !!!

قمت اصررررخ و رحت افتح باب الغرفة لأنه مقفل بالمفتاح ..
الا يجي يمسكني ويوخرني عن الباب .. ويقول " لا تطلعيييين "

حطيت يدني على وجهي وقمت اصرخ على ابكي ..
والله العظيم اني ابغى اقول " بابا تعاااال " ماني قاااااااادرة !

ابي احرك لساني ما عرررفت ..
مسكني من يديني وقالي " خلاص لا تبكين .."

وانا ابعد عنه وهو يقرب مني يمسكني ويقول " قلت لك خلاص خلاص
بس عطيني فلوس ! "

قمت رفعت يدي واشرت على شنطتي ( حقيبتي) وكنت مغمضة عيوني
من الخوف ..

فجأة جلس يضحك ويضحك ويضحك ..

وانا اشهق بقوووة و ابكي..

قال لي .. " أنا محمد يا غبية

"

بصراحة أنا وقتها ما اعرف أسماء الناس ولا أصواتهم ..

مسك يديني وبعدها عن وجهي وقال " افتحي عيونك شوفيني انا محمد أخوك

"
فتحت عيوني وانا خاااايفة ومو مصدقة ..

يوم ناظرت فيه .. دفيييته بقوة و أخذت أسب وأشتم

..
وقلت كل الكلمات الوسخة الي في الحياة

جلس يضحك وقال " خليني افهمك وش السالفة "

قلت " لالالالا اطلع من غرفتي ما ابي اشوف وجهك يا حرامي"

قام يضحك و مشى ولما وصل عند الباب قال لي وهو يضحك
" كل السالفة اني نسيت مفاتيح البيت و الأبواب مقفلة .. فلما شفت انوار غرفتك
قلت اكيد صاحية خليني ادخل من شباكها "

طبعاً هو من هباله .. لما شافني خايفة قال خليني اكملها واقول عطيني فلوس

..!

بس بيني وبينكم لما سمعته يقول عطيني فلوس .. قلت بنفسي
" اشوووووى بس فلوووس .. والله ياخذ كل غرفتي ويتركني في حالي "

المهم هو وصاني ما أعلم بابا لأنه لو درى بيسوي له مشكلة عشانه خوفني

..
لأن من جد موقف صعب صعب صعب .. بشكل جنوووني ..

أتعب أقول قد ايش صعب الله لا يحط احد فيكم بهالموقف ..

بس الى الآن السؤال الي مالقيت له جواب " كيف تسلق ووصل للشباك ؟؟؟"

الله يهديك يا محمد

.. بليز لا ترد ع الموضوع يا حرااااااااااااامي

شكراً لقراءتكم