مستقبـلك بعد الثآنوي ... ( دكتور ) لا محآآله .. - نادي الهلال السعودي - شبكة الزعيم

BaRiO · #1 07/01/2010, 12:16 PM

السلآم عليـكم ورحمـة الله وبركآتـة

+

رجعت من الاصآبه ولله الحمـد وان شآء الله تكون الايآم القآدمـة كلهآ فرح بمجلسنآآ

ندخـل في الموضوع ..

المرحلـة الثآنويـة

طبعآآ طبقـت ورزآتنا الحميـدة قرآرآت لطلآب الثآونيـة لتحديد مصيـرهم في الثآنوي ومآبعـد الثآنوي ..

اولآ النظآم الترآكمـي .. وهو القرآر البديـل لأسـئلة الوزآره ..

وهو يصنـف كآلتآلي .. الريآضيآت الدرجـة بـ 6 .. الفيزيآء والكيميآء والاحبآء والانجليـزي الدرجه بـ 4 .. الحآسـب والنحو الدرجـة بـ 2 .. امآآ مواد الديـن فالدرجـة بـ 1 مافي تغييـر

.. وعند التخرج تقسـم نسبـة ثآني مع ثآلث ..

الكوآرث اللي تتركـب على هذآ الموضوع وهو تصنيـف المدرسيـن لطلآب حسـب الاهميـة ..

يعنـي مثلآ .. انا طآلب مجتهـد طول السنـة واحضر كل الايآم وكل الحصـص واجيـب 49 من 50 .. في الاخيـر يجي طآلب يجيـب المدرس البيت ويعطيـه مبلغ وقدره .. ياخذ الخمسين كآملـه .. يعنـي هو احسـن مني .. بالله هذآ مو ظلـم .. ؟؟ .. على الاقل اسئلـة الوزآره كانت تعطـي كل وآحـد حقـّـة ..

علشآن ابوي ماعنده المآده اللي تسمحلـة يجيب مدرسيـن .. ما أقـدر اجيـب نسبـة ؟؟
وياليتهآآ لو على كذآآ .. لو مدرس عرف انـك جايب مدرس ثآني للبيـت .. بيجيـك يتمصلـح معك علشآن تجيـبه .. واذآ رفضـت يبدآآ يستلعـن عليـك بالدرجآآت ..

.. يمسك مع ايدك اللي توجعـك ..

فالطآلب المجتهـد في هذه الحآله رآح يجيـب نسبـة 92 % .. الطالـب الكآش راح يجيـب نسبـة 98 %

اختبآر القدرآت

طبعآآ نجـي عند اختبآر القدرآت اللي نص الشعب فيـه .. حقره بقر ه باختيآآر الاجوبـه ..

هذآ الاختبآر طول الله عمركم بنص الكتآب حقه يقول .. اننـآ نعطي فرص للطلآب اللي ماطلعـت مواهبهـم بالثانوي .. اكيد انهآآ بتطلـع هنآآ .. شوفوآ الحكمـه من ذلك

.. الحيـن الطآلب المجتهـد مع الطآلب الكآش كلـهم آكلـوهآ بالقدرآت ..

طبعآآ خلصوا اختبـروا القدرآت وهو عبآره عن 4 فرص .. كل فرصـة تدفع 100 ريآل .. واحسـب كم طآلب بالسعوديـة يختبـر ..

.. والطآلب المتأخر يدفع 150 ..

الاختبآر التحصيلي

طلع قرآر بالاختبآر التحصيلي وهو اختبآر بعد المرحلـة الثآنوي مبآشرة .. يحفر فيـة الطآلب السعودي تحفيرآ جيدآ ..

وديـت واحد من اخويآي للاختبآر التحصيلي .. يوم خلـص مريـته قلتلـة كيف الاختبآر ؟؟! .. قال اقسم بالله يامحمد إن 85 % من اولى ثآنوي الاسئلـة .. عاد انا انصفـق وجهي قلت: .. حلويـن حلويـن

واحد من العيآآل السنـة اللي رآحت جاب درجآت مايحلم بهآآ طالب سعودي .. ( القدرآت 74 ) .. ( التحصيلي 69 ) .. ( الثآنوي 97 )

والحيـن يدرس في كلّـية ..

.. مآقبلـتة جآمعـة البترول ..

طبعآآ بعد كل هالتعب وجبـت نسبـة حلوة ودخلت الجآمعـة ولله الحمد والمنّـة ..

القبول في الجآمعـآت

طلعوآآ لك قرآر جديد اللي هو ( السنّـة التحضيريـة ) .. سنـه تضيع من عمرك على الفآضي .. يعني لاتفرح انك قبلـت بالجآمعـة انك بتستمر ..

واللي يبي تخصص طب ولا هندسـة .. مايقبلون الا خمسيـن طآلب كل سنـة جآمعـة سعود ..

.. ولازم نسـبة 100 % .. او .. 99 % .. علشآن تضمنهآآ

.. لو نسبـتك 96 % ماراح ينآدونك الا في اليوم الرآبع او الخآمس وتكون رآيحـة عليـك الامآكن حتى لو قبلـوك ..

لان الجآمعآت يطلبون .. التحصيلي 40 % .. القدرآت 40 % .. الثانوي .. 20 %
ويآخذون النسبـة الافضـل ..

يعنـي 12 سنـة ادرسهآ تروح على الفآضـي ..

مثآل بسيـط ( 10 طلآب كانوآ زملآء في المرحلـة الثانوي .. 2 حفروآ في الثانوي .. البآقي 8 .. و 2 حفروا في القدرآت ولا قدروا يستمرون .. باقي 6 .. 2 حفروا بالتحصيلي .. باقي 4 .. و 2 حفروآ بالسنة التحضريـة .. و2 استمروآ )

2-10 يدخلون الجآمعآت عندنآآ ..

معـد عندي شي اقولـة ..

+