رفقـــاا بالقنـاص ياجمــاهير الزعــيم - نادي الهلال السعودي - شبكة الزعيم

دانـــــ20ـــــهـ · #1 06/01/2010, 07:57 PM

بســـــم اللـــــــه الرحـــــمن الرحــــيم

جمأأأهير الزعـــيم ابيكـــــم بكلمـــه راس

موقف شفته من اسبوع ودفعني لاْكتـب هذا الموضوع

كنت قاعــده اقلب بالقنوات ووقفت عند قناة العربيه برنامج في المرمــى

وشدني حــوارلنجمنا الكبير ياسر القحطاني طبعا انا نطيت من مكاني وطولت الصوت وخليت كل اللي في المجلس يسكتون

وابوي قال بصوت منفعل ترى صرقعتي راسي بالهلال <<< شبابي متعصب الوالد

المــهم قعدت اشوف الحوار بحماس ووقفت عند نقطه حزة بخاطري قالها القناص :

المذيع / كابتن ياسر لاحظنا ان الجماهير الهلاليه تطالبك بالرجوع لمستواك المعهود ماردك ..!!

ياسر / والله انا وجماهير الهلال متفاهمين ولافي شي ياُْثر فينا بصراحــه انتم بس خلونا في حالنــا ومو الجماهير الهلاليه اللي تطالبني بالمستوى واكبر دليل انها توجتني افضل لاعب بالجوله ال 14 بدوري زين ..

استوقفتني كلــمه القناص واْثرت فيني لانـــه مادرى انه الجماهير الهلاليه وللاْسف الشديد تطالبه هالايام بدكـــه الاْحتياط

مو بس بالمستوى يعني لو يدري بجماهيره اللي يشد الظهر فيها ايش تقول عنه

تتوقعون شلون راح يكون وقع هالخبر على نفسيته

نفسيته اللي تعبت من كثر اللي يطالبونه ويطالبونه

ليــه ياجماهير الوفاء ..!!!

هل اثرت فيكم هتافات الحاسدين ..!!

هل سمحتوا لجماهير الاصفرين ان تترس قلوبكم على نجمنا الكبير ..!!

من اللي جعلكم تقيمون مستوى ياسر .!!

هل انتم مؤهلين لنقده بعد كل مباراه ..!!

حبايبي جماهير الزعـــيم

انا هنا لا اْقسوا عليكم لاكنني مجرد مشجعه لهذا الكيان الشامخ

فضميري هو من يتكلم معكم كوني مشجعه هلاليه وعاشقه لهذا الشعار

انا لاحظت اكثريتكم بالمنتدى متفقين على جمله (( ياسر مكانك الدكه ))

معقوله وصلنا الى هاذي المرحله ولم نعد نثق بنجمنا الكبير
هل تريدون ياسر يرجع لمستواه المعهود ..!!

اذا عليكم بمحاسبه انفسكم لا بمحاسبه ياسر

لــيه بعد كل مباره توجهون له اصبع الاتهام ..!!

ليه بعد كل مايضيع هجمــه تقولون ياسر خلاص انتهى

يعني ياسر بنظركم ماقدم ولاشي

حطوا في بالكم انه كل هدف بالدوري لو بحثتوا من اللي بدى بالهجمه او من اللي صلحها بتمريراته تلقونه ياسر

يعني لانه مو اناني ؟؟

ويحرص على ان الهجمات تتسجل ويصلحها لنيفيز والشلهوب وويلي

ياسر عنده 6 اهداف بالدوري ومصلح باقي الاهداف وهو بربع مستواه الحقيقي اجل لو بكتمل وش بيكون

تلومون ياسر وانتم اكثر الناس عزيزه على قلبه

تصرخون ضده وانتم سبب عشقه لكره القدم

لا تصيرون انتم والزمن ضده

يعني بيلقاها منكم ولا من هتافات بعض الناس المرضى وناقصين العقول

تـطالبونه بمستواه وانتم تبونه بدكه الاحتياط
يعني معقولــه نسيتوا ياسر ..!!!!!

نسيتوا اهدافه ومهاراته ..!!

نسيتوا ياما فرحنا واسعدنا وياما عطانا وعطانا ...!!

وانتم وش عطــيتووه ..!؟

وينكم عنه الحين وهو محتاج وقفتكم معاه ..

حاليا قاعد يمر باْصعب فترات حياته قاعد يثبت للجماهير كله ويقول انا موجود

ومحتاجكم جنبه بس للاسف تقولون(( دكــه احتياط ))

والبلا عذركـــم نبيه يرجع مثل قبل

الله واكبر الحين الدكه صارت حل للمشكله

ولا دريتوا انكم انتم سبب المشكله اللي يعانيها ياسر

الدكه مانفعت لاعبين قبله كان ممكن يصيرون اساطير لاكن الدكه قتلت مواهبهم وعجلت في رحيلهم من الملاعب

تبون هاذا يكون مصير ياسر

..!!

تبون تقضون على مستقبله يعني ماكفاكم اللي فيــه ؟؟؟

قبل لاتساْلون ليه ياسر مايرجــع لمستواه ابيكم تقعدون مع انفسكم وتحاولون تجاوبون على الاسائله اللي طرحتها

بعدين يحق لكم مطالبته بدكه الاْحتياط

ولو غرك النسيان لحظات انا اذكرك

هذا لاعبنا الاْول وهذا اللي ياما رفع روسنا

هذا اللي شرانا بقلبه يوم الكل قدمله الملايين

هذا ياسر القحطاني

واعتقد من اسمــه مايحتاج اكمل لانكم تعرفون من هالاعب

قفلــــه <<

هاذا عتب محبه من انسانــه قلبها ينبض بحب الزعــيم

واتمنـــى الفكره اللي ببالي قدرت اوصلها لكم

وياليت تتفاعلون مع موضوعي وتعطوني وجهات نظركم

يمكن اكون مخطئه بس اللي متاْكده منه انو كل شخص طالب بوضع ياسر على دكه الاحتياط هو المخطئ الحقيقي

وياليت يحس بغلطته

وان كان مقتنع انه على صواب فاْنا انتظره يقنعني بوجهه نظره الغريبه

تقبلو اطيب تحياتي

دانـــ20ـــهـ

حمـ(الهلالي)ــد · #2 06/01/2010, 09:31 PM

اسلوب جميل وتنسيق جيد واجادة في الحديث عن مضمون الموضوع ..

اتمنى منك مواصلة الكتابة وتنويع الطرح والكتابة عن قضايا مهمة في الهلال ..

شكرأ على الموضوع

حمد القصيم · #3 06/01/2010, 09:44 PM

خلونا واقعيين مستوى الكابتن ياسر منخفض وانا متفاءل بعودته الى مستواه الحقيقي باذن الله ...

شاكر لك

البدائع بلاد الروائع · #4 06/01/2010, 09:54 PM

يعطيك العافية

ياسر سعيد القحطاني

الكل يعرف ان مستواهــ جدآ منخفض عن الاولــ
ياسر الحين مو ياسر زمانــ ياسر الارقام والاعجاز
ومن الطبيعي لاي لاعب بالعالم ان ينخفض مستواه
ومن ثم يعود من جديد 00واعتقد ان القناص الان
بداء يعود لمستواهــ قليلآ 000يالدعم الجماهيري
والاداري 00

نتمنى ان يكون ياسر في افضل حالاته دائما وابدا
ونتمنى ان يعود ياسر زمانــــ

يعطيك العافية
موضوع رائع
دمتي بود

زعيم سدير7 · #5 06/01/2010, 10:05 PM

لابد من ياسر ان يذوق طعم الدكّه

مثل ما ذاقها قبله الشلهوب

المنصور بن أبي عامر · #6 06/01/2010, 10:07 PM

.
.
.

موضوع عاطفي ..لو رجعتي وقرأته مرة أخرى لوجدتي انك تناقضي نفسك كثيراً ..وأنتِ تعترفين انه لم يقدم ولا ربع مستواه !! إذن ما الحل عزيزتي أن يبقى بربع مستواه على حساب الكيان !!

عدولي الهلالي20 · #7 06/01/2010, 10:09 PM

الهمة الهمة ياجمهور الرياض
والله يوفق الزعيييييييييييييم

DoO$H · #8 06/01/2010, 10:13 PM

اسلوبك جدا جميل ورائع

لكن احنا هلاليين وتهمنا مصلحة فريقنا ,, ومن مصلحة فريقنا ان ياسر يريح شوي

لان فيه البديل وجااااااهز

اتمنى من كل قلبي ان ياسر يرجع لمستواه المعهود

شاكر لك

blue cresent · #9 06/01/2010, 10:14 PM

كفايه تطبيل للاعب سئ وعاله على الفريق!!!

ذبحتونا ياسر يصلح وياسر تكتيكي وياسر مراقبيه!!!

كل المهاجمين مراقبيهم !!! مع ذلك يسجلون!!

لما تشوفون مهاجمين ناشئين زي السهلاوي والياس والشرميطي والشمراني يسجلون

يسجلون على الفرق الكبيره وهم زلايب !! وتشوف ياسر مايسجل الا على نجران والفتح والوحده وانت نازل!!

والا في الدوري السعودي مايراقبون الا ياسر !!!!!!!!!!!!!!!!!!!!!!!

مستواه يؤهله للدكه لا اكثر!!!
لم يحقق الهلال ولا بطوله خارجيه يوجود ياسر وصار يطلعونه من اسيا ام صلال والوحده .....

لان ماعندنا مهاجم !!!
لاعب سرحان في الملعب ياله يمشي ويطيح بشكل مكشوف حتى في التمثيل فاشل!!!

العابد والمحياني افضل من ياسر ولازم ياخذون فرصتهم ويجرب الدكه!!

الدكه رجعت الشلهةب وسامي والثنيان !!!

اشمعنى ياسر معاه صك بالخانه!!!!

الهلال فووق الجميع والافضل يلعب لكن نجلس سنه نتحرى ياسر يرجع لا

نحترمه كشخص لكن مكانه الدكه والمصيبه انه مو مقتنع ان مستواه منخفض!!

ميزه ياسر الوحيده وجود فرقه تطبيل من المراهقين تطبل ليل نهار!!!

وهي السبب الرئيسي فى انتهاءه كلاعب!!!

2007 قدام الاتحاد المنتشري لاصق بياسر واذا دخل منطقه الجزاء جاء معاه تكر وانواع التكسير
على ياسر ومع ذلك يسجل!!!

واليوم ينفرد بالمرمي لحاله مع الحارس ويضيع!!!!

وتقولون مستواه زي ماهو!!!!

سنه كامله دعم مانفع معاه!!

الحل هو الدكه!!!!

هلالي يازين فالي · #10 06/01/2010, 10:17 PM

ترى مارجع الشلهوب لمستواه الا كوزمين يوم حطه بدكة الاحتياط
نبيلنا واحد يحط ياسر بالاحتياط ويرجع مستواه

هلآآآلية ومن قدي،،، · #11 06/01/2010, 10:17 PM

صدددددقتي ..
اقسسسم بالله صددددقتي..
والله اني تعبت من موضووع لموضووع ادافع عن يــآسر..
يــآنآس حرآآم علييكم..
خلآآص انــآ مآني قايلة شي..الآآ..:

يـــآسر سرر ونحن من خلفـــك يــآ قنــآص ..يــآ آفضـل لآآعب في السعوودية وآآسيــآ..

ومشكووورة آختي برردتي قلبي بالهموضوووع .. وان شــآءالله الكـــل يقـــرآآآهـ..

ماركيز 2006 · #12 06/01/2010, 10:18 PM

اسلوبك جميل الا ابعد الحدود وياسر مستواه كل ماله في تقدم وياسر لو تعطونه دعم جماهيري
لتشوفون ياسر 2007-2008
تقبلو تحياتيـْـْـْـ,
ماركيز 2006

تـــــ هلالي ـــــرج · #13 06/01/2010, 10:19 PM

الله يوفق الكاسر بس بحقيقه ياسر مو في مستواه و مو عيب اللاعب يجلس على دكة الاحتياط شف الشلهوب اكبر دليل

كريزي هلالي · #14 06/01/2010, 10:20 PM

تكلمنا في هذا الموضوع اكثر من اللازم بس الكل يعرف مستوى ياسر متراجع

واعتقد الحل دكة الاحتياط ياخذ غيره الفرصه مثل ما اخذها وكل الامنيات بالتوفيق في مبارة الاهلي وإكمال المسيره ان شالله

zezo king · #15 06/01/2010, 10:21 PM

كفاااااااااية تطبييل اللي مايلعب زين نقوله بوجه لعبك مو زين

الى متى هالمستوى الغير مقبول من ياسر..
اتمنى اني اشوفه بالاحتياااااط الين يعرف وش لون يبذل ويحترق عشان الفنيله

مو عيب يقعد بالاحتياط ,, جلس بها الثنيان قبله وهو اطلق منه

والله مو عاجبنااا مستوى ياسر مررررره اتمنى انه يراجع نفسه ويصحح اخطائه

مودتي