بسم الله الرحمن الرحيم

السلام عليكم ورحمه الله وبركاته ..


من زمان عن المواضيع الخفيفه واشوف شباب منزلين مواضيع عن العريفي وعن البلاك بيري والصخره عن
الخرفنه وماجد يناظر من بعيد

جا في بالي موضوع وهو الطفوله وقصص في الطفوله باقول الاولى وهي مالها دخل في الموضوع

ولكن جت في بالي يوم اني صغير رحت الي بيت عيال خالي وكان وقتها رمضان والناس صيام

الا وفي الحاره يلعبون كوره وصيف وحرررررررررر المهم حنا صغار نزلنا نلعب كوره ووقتها

الكوره انرفعت لي وجيت انا ابي اسوي فنان على بالي بثبتها بالصدر واشوت وانا قريب من الباب كان بيني وبين

الباب نص متر او متر المهم بدال ما اثبتها بصدري صقعت الكوره بكتفي واتجهت للباب ودخلت قول

وصرت كاني قاصدها والناس يجوني وانا ما عرفهم يا فنان وشلون سويتها ويوم رجعت للبيت ,ولد خالي

يقول السالفه لاخوانه وقتها انا كبر راسي وادري انها صدفه ومن يومها صرت ادرب كيف اجيب اهداف بالكتف


لنفترض ان بدل ما قالو لي يا فنان قالو ان الهدف صدفه وانت ما تعرف تلعب وووو كان ما تدربت اجيب اهداف بالكتف وكانو حطموني



سالفه اخرى مالها دخل في الموضوع لكن نبحر في الاستطراد ليه لا



هذا احد العدائين السعودين كان في سباق جري 400 متر وكان السعودي متحمس وكان في المركز الثاني وهو يحاول باقصى ما عنده انه يكون الاول جاء المدرب بصوت عالي وقال له يا حمار اركض بسرعه عصب العداء وخسر نفسه وصار في المركز السادس ..... لو المدرب وقتها وقال يا بطل اسرع يالله يمديك ايش الي راح يصير ؟؟




نروح للموضوع

والي هو وش اول شي سرقته في حياتك

وانا صغير كان عندي هوايه وهي سرقه الاقلام بعد فتره اختي الله يطول بعمرها لاحظت كل يوم انا راجع بقلب جديد وقلم غير استغربت ودرت اني اسرق الاقلام وقتها كنت في التمهيدي المهم قالت للوالده وهاوشوني

لكن ذا الهوايه ما انطحنت وتولعت فيها بزياده فصرت اسرق الاقلام واخبيها في الدرج حقي الي في الفصل

حتى اني اذكر واحد من الشباب يقول شفت قلمي وانا اقول له هو كيف شكله مسوي مالي دخل وهو في الدرج عندي انتهت السنه وتركت الاقلام في الدرج ما كنت اقدر اجيبها للبيت وكانت اختي معي في نفس المدرسه في التمهيدي راحت تاخذ شهادتي ويوم شافت الدرج لقت اقلام الدنيا وجابتهم لي عاد جيت انا اخذتهم بكل برود وما قالت لي شي اختي وقتها قالت لقيت قلم حلو وقامت توصف في شكله وقالت لي انها تركته وما جابته وقتها بغت تجيني الصيحه بس قالت لي اضحك عليك والحمد لله برد قلبي



(نصيحه مالها دخل في الموضوع ... قائل النصيحه جدي الله يطول بعمره ..يقول اذا عطيت احد قلم في محل او في اي مكان وانت تبي القلم يرجع لك عطه القلم من دون غطى عشان يرجع لك )




اتمنى من الجميع سرد قصص عن اول سرقه في حياتهم او عن الطفوله بشكل عام



الموضوع كتب عفوي وانا متاكد في اخطاء املائيه بس احلى


بغيت انسى تشـــــاو


تشـــــــــــــــــــــــــــــــــــــــــــــــــــاو

إقتباس بقلب

لو سمحتوا اتمنى من جميع الاعضاء ماينزلون موضوع وهم مزكمين

اسمه قلم مو قلب

موضوع جميل الطفوله وماادراك ماالطفوله........

نمــ15ـــر

إقتباس صرت ادرب كيف اجيب اهداف بالكتف

ياليتك مهاجم فالهلال بدل ياسر وتسجلنا بكتفك ويسمونك العالم ابو كتف

امم نجي لسرقه..........

طلعوا اعضائنا حراميه واحد يسرق يوزرات والثاني اقلام

الله يستر من الفضايح الجايه

يارب لاتعقابنا بما فعل السفهاء منا

........

بالنسبه لي كنت اسرق بس مو من احد غريب اسرق من اخوي

شروخه ((طرطعان)) العاب ناريه<<فهمتوا ولا اوضح اكثر

يعني صواريخ وام ديك

وتحياتي لك

وترى عندي لك قلب جديد كان تبي تسرقه مني^^

هههههه اخبر مره يوم كنت صغير كنت اموت في شي اسمه حلاو + بيبسي
طبعا يوميا اروح البقاله واقوم واحط اسكريم في طاقيتي و حلاوييات الدنيا في جيبي واطلع طبعا صارت الحاله ذي كل يوم لين شك البنقالي ثمن جاني قال انت كل يوم ايجي بقاله ثمن اطلع ما في اشتري شي يالله اشتري عاد وقتها كنت بالع ريقي ويوم يشوف البطاطس الي في جيبي ويقول هراااااامي وانا اركض ركض برا البقاله واقول في نفسي لا ابوها من سرقة واركض ركض للبيت بعدها تبت اسرق شي مره ثانيه

امممممممممممممم مذكـــــــر اني سرقة شي
انا مو حـــــــــراميه

مشكووووووور ع الموضوع الخفيف

هههههههه

أنا تربيت أوائل حياتي في الدمام في مخطط75 ..وكان فيه سوبر ماركت حولنا اسمه (كاين) رحت له مرة أنا وولد خالي أكبر مني بــ10 سنوات تقريبا ودخلت السوبر ماركت وعلى طول سيدا قسم الحلويات طبعا ماكان معي فلوس وقتها وشفت حلاو اسمه (شربيت) مدري تعرفونه وإلا لا.. المهم أخذته وحطيته بين شرابي -أعزكم الله- وبين ساقي ونزلت البنطلون ولا كأن فيه حاجة احم احم..

رجعت البيت وماكان فيه مكان آمن إلا دورة المياة أعزكم الله فجلست فيها آآآآآآآآآكله..

قمة الرومنسية صح..؟هههههههههه

شكرا لك على موضوعك..

..سيناتور..

********
ياحبني لي يوم كنت زغيرة يوووووبس
كنت مهوووسة من يوم كنت صغيرة بأي شي يخص اللبس والاشكال
من ربطات شعر حزامات شباصات مشابك
وكان عندي اخت اكبر مني بأربع سنوات الله يهديها كانت
معذبتني من هاك الايام
كان عندها اشياء عاجبتني وماعندي مثلهابحكم انها اكبر مني
اتذكر عندها حزام عاجبني مررررررا
وكانت هي بسادس ابتدائي وانا بثاني ابتدائي
بس كانت مستحيل تتنازل عن شي يخصها لحضرتي
ووميتة اناابغى هالحزام اكشخ فيه بالمدرسة
وهي مستحيل تعطينياه بالطيب
خططت (ازرفه) منها وجيت فالليل وخذيته وحطيته فشنطتي تبع المدرسة
وكنت ماابغى حتى امي تشوفه لانه يطلع مع المريول غلط
ومن يوم دخلت المدرسة وقربت من فصلي لبسته
والبنات ففصلي كلهم يطالعوني من قدي كاشخة ذاك اليوم فـ هالحزام
وانا اشهد ان العين حق
فجأة بالفسحة مادريت الا اختي قدامي
وهاك معط للحزام قدام البنات ماتعرف تجامل ابد هاك البنت من يوم يومها
مايسوى علي ماامداني افرح فيه كلها ساعتين
وانا لي ايام احلم فها اللوك واتخيل نفسي لابسه هالحزام


أختي ظليمتها شينة بإمكانها تـأجل عقابها لاني سرقت حزامها
للبيت وماتفشلني بس عـ قولتها فشلتها فهاللوك قدام زميلاتها موراكب أبد

من يومها حرمت اخذ اي شي منها ومن غيرها
عقدتني ذاك اليوم كل البنات ضحكوا علي وعايروني
وعلموا المعلمةعني عـاد ياكبرها كلش ولا المعلمة تدري
عاد بزارين ماهمهم فالمشاعر ابد

*******


يسلموا موضوعك مميزوحلووكوميدي نمـــ15ـــــر

******

إقتباس لو سمحتوا اتمنى من جميع الاعضاء ماينزلون موضوع وهم مزكمين اسمه قلم مو قلب

ام متعب هههههههههههههههههههههههه يقطع شيطانتس

********

إقتباس هههههه اخبر مره يوم كنت صغير كنت اموت في شي اسمه حلاو + بيبسي طبعا يوميا اروح البقاله واقوم واحط اسكريم في طاقيتي و حلاوييات الدنيا في جيبي واطلع طبعا صارت الحاله ذي كل يوم لين شك البنقالي ثمن جاني قال انت كل يوم ايجي بقاله ثمن اطلع ما في اشتري شي يالله اشتري عاد وقتها كنت بالع ريقي ويوم يشوف البطاطس الي في جيبي ويقول هراااااامي وانا اركض ركض برا البقاله واقول في نفسي لا ابوها من سرقة واركض ركض للبيت بعدها تبت اسرق شي مره ثانيه

هههههههههههههههههههههههههههههه
من اول ماشفت الموضوع وانا متأكدة بشوف كثيييييرمن نوع هالسرقات

انا كنت اسرق من البقالة

لكن اغرب سرقة سرقة صرصار ( الي يستخدم في الاعمال الفنية الي فية الوان اصفر وازرق وبرتقالي ) <<<< الناس تسرق حلاو شي يستاهل السرقة لكن صرصار هههههه

كنت اشوف عيال جيرانى معاهم صرصار يعني هم احسن مني ولا وشلون <<< تبرير السرقة

وأنا اقول وين تروح اقلامي .!! يا علي بابا

هلا وغلا بالحرامي الكبير متعب

الحمد لله أنا تاريخي ناصع ما قد سرقت شي >>> اي هين

الصدق ايام الطفولة ما كنت حرامي بس كنت مجرم وكانت عندي جراءة غير طبيعية !!!

وفي سوالف يوم اذكرها استغرب وشلون كنت اسوي كذا !!!!!!!!

عموماً الجريات اللي سويتها ماتنقال بس لعيون متعب بحط واحدة خفيفة لها علاقة بنادي الهلال

يوم كنت في المتوسط قبل أكثر من 13سنة وانا بزر يعني رحت لنادي الهلال
وكنت مجنون ومتعصب هلالي بشكل غير طبيعي .. وبكل بجاحة دخلت المعلب بطريقة غير شرعية ..
بعد ما هبلت بالسكورتيه واذكر اني جلست جنب منصورالموينع في دكة الاحتياط واراقب التمرين كني عبد الرحمن بن مساعد

المهم لقيت التيماوي طلع من التمرين وراح غرفة تغيير الملابس قلت خل اروح اسولف معه
والحقه واسلم عليه وشكله كان عنده مشوار فغير وطلع وحط فنيلته في درجه واجيك بكل قاحة افتح الدرج وكان رقمه 8 وأخذ الفنيلة ذكريات طبعاً كان في فنايل واجد بس ما اخذت الا واحدة واكيد شيكت على ردج ابو يعقوب 15 ولقيته مقفل الا كان زرفته كله
طبعاً الحب الاعمى هو اللي خلاني اسوي هيك .. وبعد فترة رحت للتيماوي وعلمته القصة وعطيته الفنيلة فوقع عليها ورجعها لي وصارت حلال

متعب لو صار لي شي يا ويلك

ههههههههههههههههههههههههههه اقلامي دايم تنسرق من اول شكلك انت


انا اول شي سرقته من ابوي مدري امي 50 ريال .. < وشريت 25 بسكويت وانفضحت يقول ابوي من وين لك الفلوس

قلت انا مجمع هههههه

الـسرقـــــــه حرام وأنا أخوووك <<

اووهــ
وش كثرها
بس اقووى وحدهـ من البقاله
والله العامل شك
وبغى يمسكني بس ربك ستر

ذكرتنا ايام الصوبا << حلوها عاد

والله ما انسى الجريات انا وعيال عمي في الطايف ههههههههههه
قد شوفتوا احد يسرق من بقاله جده ؟.
كنا نسرق من جدي كول حاقه لدرجه انا وقت الصلاه نخلي واحد بالمحل اذا قفل جدي واذا جا يفتح ندخل كلنا ثم نطلع سوا ولا كان شي صار

وعاد يرجع محملا بالغنائم
اولا الحلاو اشكال وانوع
ثانيا فلوس عشان العشا طبعا كانيودينا ولد عمي الكبير ونعشيه معنا الله من السربته ولاقد سال من وين ههههههههههه

واخيار الطراطيع اووووووووووووووه سوينا مخزن فوق من الاجرام

طبعا الحين بتسالون كيف تطلعون كل هذا ؟.

البقاله فيها حمام والحمام طبعا فيه دريشه وهي مطله على الشارع طبعا الشارع هذا شبه ميت
نطلعها من الشباك ثم ناخذها اذا طلعنا


بس في النهايه علمنا جدي الله يرحمه وقال منيب مسامحكم لين تردون فلوسها ههههه طبعا ابوي وعمي رجعوها وانا وعيال عمي يا جانا تهزيئ مع انا كبرنا شوي بس اهم شي تجاوزنا مرحله الجلد ايه هين بس . . .

بس جدي اصلا كان فاتح البقاله للتسليه والفضاوه يعني ما خسرناه واجد لانه مات الله يرحمه ونص الحاره مديونه له ما سددوا ال يشروه لذلك عماني سامحوهم و قفلوها


يالله ياشيخ ذكرتنا الفله يبيلنا دزه للطايف هالاجازه نعيد مماضى من اعمارنا << ابو 40 سنه
تحملوا البثاره الي فوق
شوووووووووووووووكرا