عطني مهاجم (( ولو كان أسوأ مهاجم بالكون )) مايسحب مدافع معه ... ياخي نامي لو يطلع قدام يب يسحب المدافع اللي قدامه ويجريه أجل بيخلونه لحاله !!!!
الزوري سئ و المرشدي سئ لكن هذي إماكنياتهم .. ياسر الناس تعتب عليه لأنهم يعرفون إمكانياته ... أترك سجله التهديفي على جنب لأنه سجل أسود و محرج ... لكن هل تحركات ياسر الآن مقنعة .. لاعب يعطيه ويلي كرة وقدامه مبروووك بيتفلسف وبيعدي وتقولي بطل .. هوساوي في مباراة النصر يرتقي و يضرب الكرة متجهة للمرمى كهدف تعادل وحضرة جنابه واقف زي مدافعي النصر عشان تضرب فيه الكورة وبعدين يبي يدبل !!! مهاجم في الكرات العرضية مايعرف يروح للقائم الأول ؟؟؟؟ باختصار شف هدفه على تونس في كأس العالم قبل 3 سنوات .. أتمنى تشوف هالهدف بس و تشوف ياسر الآن .. ساعتها يمكن تقتنع بأن مستوى ياسر زفت !!!
يا شباب كلنا نحب ياسر مافيه هلالي مايحبه !!! مشكلة جماهير ياسر أنها تتصور ياسر أغلى من الهلال !!! أنا أنت غيرنا ممكن ينتظرووووون ياسر مليار سنة لكن لادوري ولا آسيوية تب تنتظر رجعة ياسر ...
إذا أراد ياسر أن يعود فلن يعود إذا سجل في مباراة ... ياسر يحتاج أن يبذل مجهود إضافي بعد تمرين الفريق و يجلس في النادي يتمرن ... ياسر لو أستمر على هالشكل وزنه يب يتضاعف ... يابن الحلال اليامي عمره 40 سنة جا من وراه و سبقه و أخذ الكوره بعد .. وحضرتك تضحك على الناس بردك !!!
محللين كبار و أولهم الشنيف قالها وبصريح العبارة أضعف خطوط الهلال هو الهجوم .. لو كان الهلال يملك مهاجم قناص فعلا لتجاوزت أهداف الهلال هذا الموسم ال 60 من زماااان..
الجماهير وقفت معه لين ماقالت بس ... صوتوا له في جوائز زين وهناك من يستحق أكثر منه ... ياخي في ناس تحترق مثل الشلهوب و هوساوي و رادوي .. تبيني أهتم بياسرك ليييه ؟؟؟؟ من حق هؤلاء أن يمنحوا جائزة أفضل لاعب اللي أخذها ياسر أكثر من مرة وهو لايستحقها ...
للمعلومية ... الهلال سجل خمسة في نجران و الفتح إتي لحالو .. نصيب بوعبدالعزيز منها (( 2 )) فقط لاغير .. خلها مستورة بس واللي يرحم والديك .. ولاتقولي لأنه يساعد لاعبي الوسط على التسجيل لأن الرد بسيط ياعيوني لو تحسب كم فرصة أضاع ياسر (( فرص أهداف )) في هذه المباريات فقط لتجاوز أهداف الشلهوب بالضعف على الأقل !!!! لكن الآخرين يسجلون و من أنصاف الفرص فمابالك بإنفرادات صريحة !!!!
أتمنى أحد يحصي بس كم فرصة ضيع المهاجم اللي يسحب الخصوم ويفتح المساحات فرص حقيقية ليعلم مطبليه عن ماذا نتكلم ...