وانا منسجم مع اغنية فوق هام السحب وقاعد اغني بمناسية اليوم الوطني وخاش جو الا شي يصبخني (يضربني) مع راسي,,, تعرفون اللي نايم ويجيه شي ينهبل,,,
المهم قمت من النوم الا اخوي الصغينون جادع علي قوطي قشطة التاج ام 2.75 ريال,,, واقوله ليه كذا ما قالك ابوي اذا جيت تقومني من النوم خذ قوطي صلصه القديم القحشه بريال,,, قلتله المره الثانيه اذا جيت تقومني مو لازم قوطي صلصه جب اقل شي قوطي علبة كرفت<<تصدقون حلوه قوطي علبه ,,,
بس تصدقون انا مسكين جتني الضربه مع الجز الشمالي من الراس ويكثر فيها السكان وطاحت عمارتين في ذيك المنطقه<<اكيد تعرفون السكان من النوع الخاص >قمل<
ومن القهر اللي فيني اقوم والاحقه من غرفه لغرفه عاد الارضيه سراميك ما غير تصبيخ بالجدران واخوي كنه قطو ما يتأثر اخوي تعب راح يتغبى في كهوف تورابورا يعني عند ابوي,,,
بس حلفت ما اخلي اخوي يفلقني مع راسي ويطلع لي صعرور كبر كورة قدم ,,,
واروح للمستشفى يوم شاف الدختور الصعرور انهبل قالي: ايش هذا,,
قلت:مثل ما انت شايف والله اخوي الأرهابي فقع راسي بقوطي قشطه
قال لازم اشعه ,,,
قلت انثبر والله لو لني حامل <<قروي لاتشرهون يحسب بس الحامل اللي تاخذ اشعه,,,المهم نرجع للموضوع
وقلت: والله لو انك ابوصالح
قال :منه ابو صالح
انظره بتعجب واقول اللي وراء بيتنا ساكن يكوي ويعطيك عشب تشربه وتاكله
قال: ده طبيب شعبي
قلت: لا مو طبيب ذا الحكيم حق حارتنا
قال طيب لازم تاخذ اشعه نشوف ليه منتفخ راسك
قلت اقول وراك ما تضف وجهك خلاص ما ابي علاج اروح لابو صالح ويكويني وينسم الصعرور
المهم واخذني غصب لغرفة الأشعه
ويدخلوني ويربطوني في سرير
وانا اهاوش واصرخ واقول والله ما اخليكم
المهم وادخل ويقعدوني بالحالي واقول لدكتور على الاقل دخل ذي معي اقصد الممرضه والا يلفعني بذاك الكف الي خلى الصعرور يكبر اكثر
المهم دخلت الفتحه الصغيره كنه الفتحه اللي يزينون فيها خبز التميس (التنور)
واقعد اصيح
المهم نمت انا من كثر الصياح
والا اقول من النوم واحصل نفسي في غرفه وقدامي اربع رجاجيل كن الواحد العملاق الاخضر وبجمبهم حرمتين يعطونهم منشار وسكاكين ومقصات
وانثر النذل باطني ابره بس والله يا هي تدوخ confused:
ما قعدت دقيقه الا وانا اشاخر
الظاهر اني قعدت يومين وانا نايم
اقوم عقب اليومين اللي نمتهن والله كنت في حاله لا يحسد عليها
ابن الذين الدختور فاك راسي وشايل الورم
وحاطين ليات في ايديني وحركات زي اللي بالأفلام
وحاطين لي ممرضه بس تصدقون حلوه
لاه وتحبن بعد<<<فاهم غلط
قاعده تمسع العرق اللي في جبهتي<<يعني العرق من وين بيطلع
وتزين الليات والمواصير اللي مدده فيني
ويخلوني عشرة ايام في المستشفى مرقد
وانا مستانس اخر وناسه قاعده عندي الممرضه وتواسيني
بس والله قهر ثالث يوم جابولي سيرلانكيه تحوم الكبد
يوم خلصت العشرة ايام جابوا لي فاتوره طويله ما لها نهايه
واخر شي مكتوب مجموعة اصفار فهمتها اني رحت فيها
قلت وش ذا قالوا هذا فاتورة علاجك
وانا اقول بكل صياح حسبي الله عليك يا اخوي قايلك بقوطي جبنة كرفت يعني لازم اتبهذل واضيع عمري بسبب قوطي قشطه
سالتهم كم مبلغ الفاتوره
ردو علي اتاتني كالصاعقه 100الف ريال
قلت وش رايكم تاخذون اخوي بدال المئة الف
والا تاخذون قوطي القشطه المتسبب في الحادثه
بس الصراحه ما انتبهت لعمري الا وانا نايم على سرير المستشفى
ويوقل وش فيك اغمى عليك
قلت ابد والله حاله طارئه
واتذكر ابو صالح في ذيك اللحظه
واتناهد واقول
يا حليلك يابوصالح
كوية الراس
خير من دخلت التنور
كويه مئة ريال
ولا نومه بستشفى بمئة الف ريال
ندم ووجع لحظه
خير من نومة المستشفى
وبالخير نتبطح في الحبوس
والا ما ادري الا الماء فوق راسي واقوم منهبل زي العاده انثر اخوي الصغينون اللي مقومني
واقوله وش صار على المستشفى وفلوسهم المئة الف
يجي يضحك اخوي الصغينون ويقول شكلك خاش في الحلم مررررررررررررررررررره
قلت يعني احلم كل ذا حلم
واقوم واطمر وراء اخوي وعلى غير العاده اذا صدته اكفخه المره لا قعدت احببه واقول كل يوم مويه بارد خيرا من قوطي قشطه واخوي ما يدري وش السالفه
يحسبني انهبلت بس ما يدري وش صار لي بالحلم بسببه
وش رايكم حلوه والا لا
والكلام الغير معروفه يقولي وانا اشرحله لاني قاعد اتكلم بلهجات مختلفه