يا شباب انا ابغى اقولكم قصه يا ليت تعجبكم

بسم الله الرحمن الرحيم:

يقولك كان فيه واحد من شيوخ الجوف غني وطيب ويساعد

المحتاجين المهم اجبرته الظروف انه يسافر للاردن يدور الشغل

هناك المهم انه راح لمدينة الزرقاء بالاردن صادفه اول بيت

وطلب من راعيه ان يضيفه لانه تعبان و...........و...............

المهم اجاره راعي البيت وكان من اكابر الناس بالمنطقه هذيك

بس انه كان يعامل الضيف معامله حقيره وكان يخليه ياكل من

خلفاتهم ويشرب بعد ما يشربون ويعني عاش عيشه ذليله

المهم بيوم من الايام قام الشيخ اللي من الجوف ومع طلوع الشمس

يقصد قصيدة يرثي بها حاله ويدلل على طيب اهل الجوف وهذي القصيدة:

يا ما حلا والشمس يبدي شعقها
من حدر الزرقاء على نقرة الجوف
تلقابها غيد ظليل ورقها
نقدمها للمسايير والضيوف
اطيب من البلقا وصافي مرقها
اللي مرقهم بس ذرعان وكتوف
كم حايل للضيف نجدع شنقها
يجلس حثث ما هو عن الزاد مردوف

وهو يقول هالقصيدة كانت بنت الشيخ الاردني

تسمعه راحت لابوها وقالت له: ترا ضيفك هذا قال هالقصيدة

وفهمته انه يتكلم بطيب اهل الجوف راح الشيخ الاردني للرجال

وقاله اسمع: اذا طلع ان كلامك اللي قلته صح انا اطلق سراحك

وارجعك لاهلك واذا كان ما هو صحيح اقص راسك: وش قلت؟

وافق الشيخ اللي من الجوف ارسل الشيخ الاردني جماعه من

عنده قال ابغاكم تروحون لاهل الجوف وتضيفون عندهم يبغى

يشوف القصيدة كلامها صح والا لا لانه بين بالقصيدة ان كل بيت

لازم يذبح ذبيحه للضيف المهم انهم دخلوا اربعين بيت ورجعوا

للشيخ الاردني باربعين رأس وعرف ان القصيدة صحيحه ولاهي

كذب وبعدها اطلق سراح الشيخ اللي من الجوف ورجع لديرته.

وســـــــــــــــــــــــــــــــلا متــــــــــــــــــــــــــــــــــكم.

مشكور اخوي صمت العيون على هالقصه
بس انا شهاااادتي باااااااهل الجوف مجروحه لاني انا من اهلهااااا

وابشر باللي يرضيك بس تعااااال لنااااااااا