إقتباس الرسالة الأصلية كتبت بواسطة ALJAR7I_AR7AM رشيد السليم انا شئ واحد محيرني ودايم اسئل الناس بعد كل كركتير قوي لك واقول: انت تعرف اللوبي الاصفر ومحاربته لكل مايمس بالهلاال وانت تعتبر منبر قوي اعلاامي وحارق دمهم !! هل حاولو بيوم من الايام انهم يقفونك ؟ وانا متأكد انهم حاولو لاكن الزبده كيف ماقدرو ؟ م11

حقيقة أنا لا ألتفت ,, لما ذكرتهم فأنا اعمل وفق ما يدور من أحداث.

إقتباس الرسالة الأصلية كتبت بواسطة هلال مابعده هلال احييك على فنك الراقي والابداع في رسم الكركتير بطريقة رائعه كنت اتمنى ان اجد جميع رسومك الكركتيريه.. ولكن لم اجد موقع خاص لك ؟ فهل لديك موقع خاص توجد فيه جميع رسومك.. ان لم يكن هنالك واحد.. فهل لي بموقع اجد فيه جميع رسوماتك وشكرا لك

اشكرك (هلال ما بعده هلال) والحقيقة أنه لايوجد موقع حاليا ،، لكن في القريب العاجل سيظهر الموقع لكن العملية تحتاج مزيد من الوقت ,,أما الرسومات فهي متوفرة على كثير من المواقع.

إقتباس الرسالة الأصلية كتبت بواسطة هلآلي و رآسي عآلي مشكورين على آلإستضآفهـ لِـ هذآ آلرسآم آلرآئع منور شبكتنآ يَـ إستآذ رشيد سـ / هل أتتكـ إنتقآدآت حآدهـ من أشخآص لهم ثقلهم فِـ آلوسط آلريآضي بسبب بعض رسومآتكـ ( آللي رفعت ضغطهم ) ؟؟ و عوآفي على موضوعكم آلروعهـ

الأنتقادات طبيعي تأتي سواء حادة ولا عريضة !! لكن طبيعة الكاريكاتير تقتضي المصارحة بالواقع وربعك يزعلون.

إقتباس الرسالة الأصلية كتبت بواسطة ...][ هلالي الخبر ][... هلا والله بالبطل رشيد ابوي من الرسام الكاريكتير اللي تعتبره توووووووب وبطل ؟

سن توب

إقتباس الرسالة الأصلية كتبت بواسطة الحرس الوطني اول شي الف مليون مشكوووووور يا رشيد على امتاعك لنا في رسوماتك الي تغني عن الاف الكلمات س1\ هل تواجه صعوبه في الرسم يوميا س2\ كيف طريقة بداية رسمك يوميا باليد بعدين تعدل بالكمبيوتر او العكس ياليت تشرحلنا

أولا احييك على (اليوزر) صراحة حركة !!(الحرس الوطني)،،الرسم باليد مباشرة على شاشة الكمبيوتر,,شكلك مافهمت يعني ارسم بقلم خاص على شاشة خاصة تتعامل بتقنية اللمس . اما في صعوبة الرسم اليومي فلا يوجد لأني متعود ذلك من سنوات.

إقتباس الرسالة الأصلية كتبت بواسطة هلاليه سنعه يامرحبا بأهل الغاط وابنهم المتميز رشيد السليم ماشاء الله فن الكاركتير مايتقنه الا القله .. وانت استاذي الكريم واحد منهم توصل الفكره بطرق سلسه وترسم البسمه دون استجداء .. النكته حاضره وفي الصميم دايم والرسمات بسيطه تعبر عنها .. اسئلتي : .. متى بدأت فن الرسم الكاريكتوري ؟ .. وهل ترسم لوحات تشكيليه غير رسم الكاركتير ؟ .. ايضا من اين تستنبط افكارك الكاريكتوريه ؟ .. هل جربت رسم كاريكتير في غير الرياضه ولو فيه ياليت نشوفه ؟ وعذرا لو كانت الاسئله متكرره .. وشكرا اخواني أبو طلال. .. الكلاسيكي .. !.{..الهلال..}.! والشكر موصول للمشرفين والاستشارين .. على الاستضافه الجميله لمبدعنا يعطيكم العافيه جميعا .. دمتم بخير ..‘‘

البداية من أيام الدراسة في المرحلة المتوسطة ،،وأزاول الرسم التشكيلي متى سنحت لي الفرصة استنبط الأفكار من الشارع الرياضي ،، ولي تجربة عريضة في المجال الإجتماعي في صحيفة الرياض قديما .

إقتباس الرسالة الأصلية كتبت بواسطة حي الاحساس سؤالي الوحيد: بما انك هلالي الصميم, هل تعد الجمهور الهلالي بكاركاتير يليق بالكيان الهلالي بعد الحصول على درع الدوي؟ بالتوفيق للزعيم

مبروك الدوري والرسومات تم نشرها في صحيفة الجزيرة الثلاثاء والأربعاء.

إقتباس الرسالة الأصلية كتبت بواسطة أزرق والقلب أبيض السلام عليكم ورحمه الله وبركاته منور اخوي رشيد السليم ماشاء الله عليك ايادي من ذهب ما ابي اطول لكن بختصر في كم سؤال : 1\ رسم الـ كاركتير .. هل هي هوايه وموهبه .. او .. رشيد التحق في مدرسه او معهد للرسم .؟ 2\ ماتجيك مضايقات خصوصا ان اغلب الكاركيرات (مدحه او سخريه) من شخص .؟ 3\ بعض الاحيان تجيني افكار اتمنى اوصلها لك .. كيف اقدر اوصلها لك ؟ 4\ اذا نزلت كاركتير .. هل يهمك اراء الناس ..وتتابعها ؟ 5\ اكثر كاركتير ..جتك ردود افعاال كثيره سواءً (+ ــ) ؟ 6\ تستشير شخص قبل ترسم الكاركتير ؟ < عشان تاخذ فكره عن الرسمه وسلآمتك .. اتمنى ماثقلت عليك واذا في سؤال مكرراتركه

رسم الكاريكاتير موهبة تصقل بالدراسة والممارسة والملاحظة ,,اما قضية دراستى (بكالويوس تربية فنية)،، وأراء الناس والمتابعين تهمني سلبا وإيجابا ،،أما أكثر الكاريكاتيرات ردود افعال فكثير واللحمد لله لكن لا استطيع تحديد لوحة معينة ،، وبالنسبة للأستشارة فلا استشير أحد خبرة السنوات علمتني ماهو المتاح والغير متاح .

إقتباس الرسالة الأصلية كتبت بواسطة حزين الكون هلا والله بالظيف العزيز والغالي س/ متزوج .. اذا كانت الاجابه بنعم هل عندك اولاد ..؟ س/ راتبك الي تاخذه راضي فيه خصوصاُ شعبيك مشاء الله كبيره وناس تشتري الجريده من اجل الكراكتير مشكورين يا احلى شبكه لبى قلوبكم

نعم متزوج لدي ثلاث بنات (غيد ،جمان ، بتيل) وما يتعلق بالراتب فالأهم هو حب الناس واسعادهم والشعبية افتخر بها وهي الحافز للأبداع.

إقتباس الرسالة الأصلية كتبت بواسطة بطل الأستاذ رشيد السليم تحية طيبة وبعد : أتمنى أن تتقبل هذه الكلمات بروح رياضية عالية من إنسان قد لا تعرفه ولكن هو يحب لك الخير كما يحبه لنفسه ، بداية أنا من المعجبين بكاريكتيراتك - إن صح الجمع - ورابط جريدة الجزيرة الإلكتروني يشهد بذلك ، كل هذا لا يهم فالمعجبين كثر والاصداء الجميلة تغري على الابداع .. ولكن عندما نتمعن في ( الحكم الشرعي ) للتصوير الذي أوضح العلماء بأن المقصود منه هو رسم ذوات الأرواح فإن الشخص هنا لابد له من إختيار أحد الطريقين إما المواصلة في ذات الطريق أو كف اليد عن ما هو محرم ، ومن ترك شيئا لله عوضه الله خيرا منه ، ما رايك أستاذي ؟

تقبلتها بروح رياضية واشكر لك هذه الكلمات وفقني الله واياك .

إقتباس الرسالة الأصلية كتبت بواسطة احساس عاشق الف شكر للقائمين على الموضوع سؤالي : هل من الممكن ان يطرح رشيد السليم كتاب يضم كل الكاريكاتيرات اللي طرحها كما فعل الهليل ؟

الكتاب تحت التجهيز وسوف يكون مفاجأة .

إقتباس الرسالة الأصلية كتبت بواسطة هلالي من العوالي مشكوريييييييين على رشيييييد سؤال سريع خطافي 1- وش بترسم كاريكاتير اذا اخذ الهلال الدوري ؟؟

الرسمات نشرت .

إقتباس الرسالة الأصلية كتبت بواسطة عاشق 9_20الهلال الاعضاء ماقصرو كل سؤال جاءعلى بالي سالوه الاعضاء الاسؤال وهو: من افضل لاعب مر على الكرة السعودية والاسيويه انا اعرف انه سامي بس ابغا اشوف عنده من هو

سامي الثنيان

إقتباس الرسالة الأصلية كتبت بواسطة the king of asia اما أبو سليم فيذا يالله ان تحيه والله .. نورت الشبكه ونورت الانترنت بكبره فيه كم سؤال خفاف طال عمركـ : متى حددت مسار حياتك انك تكون رسام كراكاتير ؟ و لو ماكان رشيد السليم رسام كراكاتير ماهو اقرب مجال كان ممكن الدخول فيه ؟ ختاما : بيض الله وجهك لانك دايما تقول اللي بخاطر المشجع الهلالي ولكن بصبغه مميزه منك واحبيت اقولك نصيحه وانا اخوكـ !! انتبه لايغتالونك << معروفين منهم

الله يحييك ويبقيك ،،بالنسبة لسؤالك متى حددت مسار حياتك أنك تكون رسام كاريكاتير ؟؟فهذا تم يوم الخميس الساعة خمس ونصف قبل صلاة المغرب بربع ساعة
ولوماكنت رسام كاريكاتير لكنت رسام تشكيلي .
وبالنسبة للأغتيال لا تشيل هم !!! أنا ما اطلع من البيت الا لابس فروة تحتها واقي رصاص ،، الزم ماعلى الواحد حياته

تحياتي لك يامبدع ,,

مرور للسلام والترحيب ,, للرسام المبدع ,, عبارات بسيطة تغني عن كتابات كثيرة ,,

دائما رسوماتك في الصميم ,,

رشيد السليم ,, أول شئ أبحث عنه في جريدة الجزيرة المميزة ,,

تسلم لنا دائما وعساك على القوة ,,

إقتباس الرسالة الأصلية كتبت بواسطة ya20ser اولا ياهلا ومرحبا ومسهلا الشئ الثاني اتمنى تعطينا كرتير عن وليد الفراج الشئ الثاني نبي كارتير عن المنتدى الشئ الثالث ماجتك مضايقات واخير طلب من اداره المنتدى بتفتح قسم للكرترات الرياضيه

الله يحييك ،، المضايقات لا توجد ،،وانا لا اهاجم اشخاص ،، أنا خلف الحدث فقط !

إقتباس الرسالة الأصلية كتبت بواسطة هلا انتر لي والله تخصص ماشاء الله عليك والله ما عندي اسألة لان العضاء ما راح يقصرون ....... وانت استمر والله بعض الحيان ما يبرد كبدي في النصراوين الا انت ولاهنت على كل حال

شكرا لك ومرورك اسعدني

إقتباس الرسالة الأصلية كتبت بواسطة شموخ آل ثاني رشيد السليم : لمْ تَكُن تُغريني الـ / كركتيرات .. دَرجت صدفة لـ رابطٍ يضم كركتيرات السـليم .. وَ ما اجمل الصُدف إن أسعدتنا كما حصل : رشـيـد السـليم أسعد الله قلبك .. كما اسعدت قلوبنا .. وَ رزقك المولى من يُنافح عنك في غيابك / كما تفعل لـ الزعـيم .. فخورة جِداً بتشجيعي للهلال .. فخورة جِداً بـ مُبدع كـ أنت .. ينتمي للهلال .. أسعد الله قلبك . : : * ننتظر كركاتير / يصفُُّ قوة سماعِ الحكم لـ كورة لمست يد الحارس . . جُل التحــايــــا

اشكر لك اطرائك ,, وسعيد بمتابعتك ،،وكاريكاتير الحكم نشر .

إقتباس الرسالة الأصلية كتبت بواسطة Q u S a Y السلام عليكم س/ ماهو فريقك المفضل اوروبيا ؟ س/ نبي كركاتير للمجلس؟ ومشكورين كلكم

ريال مدريد ،،وكاريكاتير المجلس جاهز بس ننتظر ابو طلال يمدنا بالمعلومات

إقتباس الرسالة الأصلية كتبت بواسطة -الكشاف الهلالي- أبو سليم نبيك بس ترسم كاريكاتير خاص ل منتدى الزعيم ومشكوووووووووووووووووووووور

ابشر

إقتباس الرسالة الأصلية كتبت بواسطة الزعيييييييييييييييم أووووه وش هالضيف الزين الله يعطيكم العافية يارب سؤالي .. اللي عنده فكرة في كيف يوصله له ..؟!

على الكود اللي يظهر اسفل الكاريكاتير.

إقتباس الرسالة الأصلية كتبت بواسطة Abo 3mr المدح في الأخ السليم نوع من الترف اللفظي فهو غني عن مدحنا له سؤال يتبادر لذهني دائما وكلما طالعتنا بإبداع يتضمن الإلماح إلى شخصيات ((ذوي سلطة إجتماعية)) ألم يبادر أحد منهم لتهديدك مع العلم أن بعضهم ((عرابجه)) كما نراهم في بعض التصريحات كل التوفيق لك أيها المبدع أخوك أبو عمر الرويلي

والله يابو عمر انا لا التفت لتلك الأصوات ،، ومهمتي كشف الحدث وإبرازه للجميع بلغة بسيطة وسهلة وهذا ما اقوم به وهذا طبيعة الكاريكاتير على المستوى العالمي اللي نعرفه ماهوب (العالمي) اللي يعرفون

إقتباس الرسالة الأصلية كتبت بواسطة هلالي جوه خيالي يعطيكم العافيـه وجهد تشكرون عليــه .. وماعندي اسئله الاعضاء مشاء الله جابو كل الاسئلـه الي ببآلي آحب اثني على ابداعات الفنان رشيد سليـم وانا من المعجبيـن فيه وفي ابداعاتـه بالرسـم . < من المشتركيـن بجوآل رشيد سلـم مهندس اللقاء : أبو طلال. اعداد ومتابعه : الكلاسيكي تصميم : !.{..الهلال..}.! يعطيكم الف عافيه

والله هذا يزيدني شرف .

إقتباس الرسالة الأصلية كتبت بواسطة الازرق يلعب مبدع دومآ يأخ رشيد ورسوماتك تغني عن الكلام وتعبر عن واقع رياضتنا وأنديتنا بشكل عام والاحداث الدائره السؤال هو نلاحظ انه فيه تعدي سافر لمواقع الأنديه الأخرى ولا فيه داعي لذكرها وأضن الجميع يعلم ما أقصده تعدي على رسوماتك وتحويرها لمقاصد أخرى ليش مايكون فيه حفظ لحقوقك كصاحب فكره ؟؟؟ نرجو منك المحاوله لحفظ حقوقك ومطاردة سارقي أفكارك قضائيآ أو العمل على تسجيلها رسميآ لإنه شئ يقهر إنك تجد شخص تافه ومفلس ويتعدى على حقوقك وأفكارك الجميله ويقوم بتشويهها ......ودمت دومآ راسمآ الابتسامه لكل جمهورك .....الله يحفظك.

اشكر لك حماسك ومتابعتك أنت تقصد تلك الأقلام التي تأخذ الرسومات الخاص بي وتقوم بتحريفها ،، ياعزيزي هذا نوع من التزوير !! وسع صدرك وأنا أخوك زورو.. بطولات ! ماتبيهم يزورون رسومات !!

إقتباس الرسالة الأصلية كتبت بواسطة كود بلو سؤالي للأستاذ رشيد السليم لماذا لاتفتتح لك موقع على الانترنت مع تحيات مشجع هلالي عاشق لرسومات رشيد السليم

ان شاء الله قريب.

إقتباس الرسالة الأصلية كتبت بواسطة جار الزعيم مميز مهندس اللقاء : أبو طلال. اعداد ومتابعه : الكلاسيكي تصميم : !.{..الهلال..}.! الف شكر لكم على ماتقدموونه اسئلتي لرشيد السليم س1: وش رايــك بمسـتوى احــمد الفريدي س2؟ ليش انت شاب بس على النصر يعني ماشفناك شاب على الشباب ولا الرائد ولا انديه اخرى ثالثا ابي ترسم لي رسم من ابداعاتك وتكتب عليها ابو كرم تكفى قلت تم الله يعطيكم الف عافيه

أحمد الفريدي لاعب نجم بس .....احيانا مايحمي السيارة !!
وسالفة النصر ،، أنا مع بوصلة الأحداث سواء نصر ولا ارطاوي الرقاص !!

إقتباس الرسالة الأصلية كتبت بواسطة يا مجاديف القدر في البداية اشكركم على استضافة ( المبدع ) رشيد سليم وأحب اسأل عدة أسئلة وهي : س1/ ألا تتفق معي يارشيد على الرسم الكريكاتيري هو من أكثر ما ينشر التعصب بين الجماهير ؟ س2/ هل حدث في يوم وأن أنتقدت أحد عبر رسم معين ووجدت تجاوب منه , بحيث أنه يحاول إصلاح النقطة التي أشرت إليها ؟ س3/ هل هناك خطوط حمراء يجب ألا يتعدّاها الراسم ؟ لأننا نشاهد رساما في جريدة الرياضي يتجاوز كل الخطوط ولا يجد أحد يردعه. س4/ بالنسبة للرسام الذي في جريدة الرياضي ( أو غيره ) هل حدث وأن ردت على إساءاته عبر رسم معين ؟

انا لا أرى أن الكاريكاتير ينشر التعصب فالكاريكاتير فن قديم ظهر في القرن التاسع عشر وهو انعكاس للشارع،،
أما هل الكاريكاتير اصلح خطأ فلا استطيع الجواب على ذلك لأن عملية الإصلاح هي مجمل لعدة كتابات ورسوم.
وبالنسبة للخطوط الحمراء فالبتأكيد أنه يوجد ،،وما يتعلق بالزميل (يزيد) فكما سبق أن قليل المتابعة لما ينشر.

الحمد لله على سلامة الوصول

تعال عندي سؤال قبل لا تروح عاد وش يرجعك

س/ عرف الكاركتير < متأثر بالإختبارات

إقتباس الرسالة الأصلية كتبت بواسطة هـــ الشماسيةـــلالي ابوطلال : طارئ على البال أرغمني العودة وإضافة الرد , وهو طلب بسيط من استاذنا وضيفنا الكريم ابوسليم الله يحفظه ,, أطلب رسمة تجمع أعضاء المجلس الحاليين بصورة كاريكاترية كما هي صورة السالفين لنا في الصورة التالية : 0000

ابشر بس لا أحد يزعل ،،

إقتباس الرسالة الأصلية كتبت بواسطة هلالي رغم الجروح اولاً: اشكر المجلس على استضافتك لانك بكل صراحه صوت المشجع الهلالي سوالي هو هل حصل لك مضايقه في الجريدة من مسئولين بسبب رسوماتك ؟ هل عرض عليك نقل الى جريدة اخرى ؟ السوال هذا فيه بثارة شوي بس هل تم حجب رسومات ومنعها من العرض في الجريدة حيث اني لاحظت انه تم حجب جزء من مقاله للكابت صالح السليمان من نفس الجريدة ؟

المضايقات لاتهمني ،،اما فيما يتعلق بالعروض نعم تتأتي ولكن أنا متعلق بالجزيرة،، كل ما تذكرت سالفة الدوخي وخميس يوم تركوا الهلال ،،اتراجع
وسالفة الحجب فلم يحدث ذلك .

إقتباس الرسالة الأصلية كتبت بواسطة qassam boy ابي رقمك علي الخاص لاهنت ابعزمك

اول شئ وين فيه العزيمة ؟؟ أخاف الدعوى في البوفيه الحصري!! ساندوتش جبن وببسي حار!!

إقتباس الرسالة الأصلية كتبت بواسطة مجنونة يـآسر عندي سؤال وآحد بس .. متى بترد علينآ ؟

شكلك عصبية الله يستر

إقتباس الرسالة الأصلية كتبت بواسطة عصر الخيانة كل الشكر لكم اخواني على اللقاء الجميل :- سؤالي :- كم قيمة اشتراك جوال رشيد سلليم وهل تصل رسومات او اخبار الرسام؟

قيمة الإشتراك 60 هللة باليوم

إقتباس الرسالة الأصلية كتبت بواسطة المـشـاكـس الله يسامحك يا ابو طلال .. فضحتنا .. خلاص يا المشرفين .. غيروا اسمي الى رشيد السليم .. <<< تخيلوا اطلع انا هو .. ما علينا .. انا صراحة جاي اقول كلمتين .. وراكم ساحبين على الشباب واسئلتهم ؟! .. وبعدها .. ابريش بالاخ رشيد لأنه صراحة يستحق الترييش .. يا شيخ قسم برب البيت ياللي يشوف كاركتيرات ربيع وطقته انه يجيه مغص .. اما انت .. غيييييير .. صدق انك ترسم شيء يشق الوجه من الضحك .. ويرفع معدلات الضغط الصفراء فوووووووق .. اشكرك على كل شخطة قلم بكاريكاتيراتك .. وان كنت بشكرك على شيء معين .. فاشكرك على كاريكتير اللي رسمت فيه طلال الرشيد وهو قافز له قفزة بنت كلب يبي يطب على المشجع .. اهنيك صراحة على كل شيء .. على الافكار .. وعلى طريقتك في رسم الاشخاص .. وعلى حتى الالوان .. وعلى اهتمامك بأدق التفاصيل .. وحتى على الخط المميز اللي تستخدمه .. واكثر شيء اهنيك عليه .. انك ما عمرك رسمت شخص بنفس تفاصيله كلها .. وانما تأخذ شغلتين ثلاث من اللي تدل عليه وتحطها .. وباقي التفاصيل تحطها بشكل مضحك .. اتعب وانا اقول انك بطل .. هالكلام قلته قبل ما اشوف هاللقاء .. واقوله لك هالحين .. وبعد هالترييش .. نجي لشوية اسئلة .. قلق وقروشة لا اقل ولا اكثر .. س1 / ما مليت من كثر ما تقرأ كلمة " في الصميييييييم " والا " روووووووعة يالسليم " والا " الييييييييييييمة " ؟ .. س2 / وش رائك في بعض رسامين الكاريكتير اللي يحط له شخصية معينة ؟ س3 / هل تعرف تذب بالردود مثل ما تذب الرسم ؟ .. س4 / وش سوى البلوي عشان تتفلت عليه وتنتفه بهالاسلوب المؤلم ؟! .. س5 / ما تحس بالغصة اذا شفت كاركتيرات يزيد .. وسبب الغصة انه يسمى برسام كاريكتيري (بغض النظر عن الافكار اللي يرسمها ) وما تشعر انه ينزل بالرسم الكاريكاتوري الى مستويات خايسة ؟! .. س6/ والله العظيم انه ودي انك تجمع كاريكتيراتك بكتاب او موقع او اي شيء .. المهم اننا نروح لها كل ما بغينا .. وش رايك ؟! اخيرا / هذا طلب اكثر مما هو سؤال .. تكفى .. ارسم ماجد مقبل اذا قابلته .. اذا ما قابلته .. تراه يشبه البلوي .. <<< القلب لماجد وللبلوي .. ابو طلال .. واحد شكرا على هالضيف .. السليم .. واحد شكرا على قبول الاستضافة .. كل من له علاقة بهالاستضاقة من قريب او من بعيد .. واحد شكرا ..

يصلح اجاوب السؤال الثالث قبل الأول ؟؟تذكرت بعض الطلاب في الإختبارات ،،اللي يسأل هالسؤال اعرف انه من جنبها !!
كلمة في الصميم وغيرها ,, تعني أن الرسالة وصلت ولا يمل منها.
اما الرسامين اللي يضعون شخصية فهذا اسلوب للكن لا يناسبني اعتقد انه( يكبل)الرسام( لاحظ,, ترى كلمة_ يكبل_!! متعوب عليها)
ام الذب فما اعرف مطلقا
والكتاب عن قريب ،،

إقتباس الرسالة الأصلية كتبت بواسطة عا الكاسر شق ياهلا برشيد ودي اشوف كل كراكتيراتك وشلون يعني جديدك وين هوبه اشوف ياليت تجاوب علي يعني كان لك موقع بس هالفقراويين اخترقوه ابي شي لك اي كراكتير تزينه تنزله وين بس هذا اللي عندي

الموقع سوف يظهر لكن يتم الإعداد له بشكل افضل.

إقتباس الرسالة الأصلية كتبت بواسطة هلالي...القريات تحياتي لك .. الاستاذ / رشيد السليم.. انا من اشد المعجبين فيك. بس عندي كم سؤال.. 1/ جوال رشيد السليم ليه ماهو مثل اول؟ ماصار يرسل حصريات 2/ كم لك سنــه بالجزيره؟ وهل انت مرتاح فيها؟ وهل جاتك عروض من جرائد اخرى؟ وسلامتك.. وأتمنى لك التوفيق والنجاح..

الجوال مستمر في عرض الرسوم اليومية ،، والحصريات حسب قوة الحدث
وأنا في الجزيرة من تسع سنوات ،، ومرتاح والحمد لله ،، والعروض تأتي لكن علاقة التقدير المتبادلة بيني وبين الزملاء الجزيرة أكثر بكثير .

إقتباس الرسالة الأصلية كتبت بواسطة دميـ ازرقـ بصرآحه مآعندي سؤال لكني حبيت آسجل شكري وآعجآبي الشديد جدآ برسومآتك وآفكآرك الرآئعه وآآآصل الابدآآع فنحن عشآآق رسومآتك " السليم دآئمآ في الصميم " ^^ آختكم ^^

متابعتك تزيدني فرح شكرا لك.

إقتباس الرسالة الأصلية كتبت بواسطة الامير المدريدي رشيـد سليم وهـ بس فديت قلبك والله .. قسم بالله إني مآحـبيت جريدة الجزيره إلى منك والكاتب الاستاذ صالح السليمان .. رشيد السليم انت ظاهره وكفى ..

تسلم يالغالي ،، اشكرك.

إقتباس الرسالة الأصلية كتبت بواسطة الامير المدريدي نسيت اقول حاجه بسيطه .. رشيد السليم ../ آنت منسسسم وربي وزآآآآحف إلى اخر درجه ياخي ماشاء الله عليك اللي يشوف رسمآتك مايقدر يوقف ضحك بعض المرآت تجيني نوبة ضحك هستيريه يعني اجلس اضحك لمآ تدمع عيوني وخآصه رسمآتك اللي تكون على الفـقر احسك حاشرهم وودهم يذبحونك من القهررررر .. يعني بالمختصرر المفيد انت فاكهة الاعلآم .. // آستآذي العظيم " رشيــد " انا احس إنك لو بتطلع في برنامج حوآري بتقلب البرنامج تنتـيف وذب على الحثآله الي تعرفهم يعني قريت لك حوآر في الجريدة الجزيره وجاك السؤال هذا ما رأيك بالسياحة الداخلية ؟ - مسابقات شد الحبل ! وجيب يمشي على كفرين!!،، الله يذكر ماليزيا بالخير هههههههههههههههههههههههههههههههههههههههههههههههههههههههههههههه الله يرجك بس هههههههههههههههه حتى السياحه نـتـفـتـهـآآآ نجي لـ سؤآلي هل صحيح ان الرسام رشيد سليم يستوحي رسمآآآته او آفكآره من الخآرج ..؟ بالنهآيه ,,, انصح كل انسآن يبغى يضحك ويستآنس ويوسع صدره يدور كآريكتيرآت رشيد السليم وانا متأكد ان مصرانه تبي تتمصع من الضحك ..

الأفكار موجودة بكل مكان فقط تحتاج للصياد الذي يلتقطها ..

إقتباس الرسالة الأصلية كتبت بواسطة غصب اكون هلالي من اين تأتي بأفكار كاريكاتيراتك الرائعه اللي دائما تاتي في الصمــيـم ؟

من خلال قرائتي للأحداث !!

إقتباس الرسالة الأصلية كتبت بواسطة مكتوب الهلال أول ما أفتح الكمبيوتر والله العظيم أدخل على جريدة الجزيرة ، ,ادخل على الكاريكاتيرات ، واشوفها واحد واحد إلين أصل لابو سليم بصراحه مبدع لابد الحدود ورسوماته وأفكاره روعه أستمر يارشيد فانت في المقدم ، سؤالي الوحيد ؟ هل صادفتك مضايقات خاصة من الجماهير النصراوية وكذلك الاتحادييييييية وألف شكر للجميع وعلى أستضافة ضيف لطالما نادينا كثيرا بأستضافه لانه فاكهة الاعلام مثل ما أسماه أحد الاخوان الذين سبقوني

متابعتك واعجابك يسعدني شكرا لك.

إقتباس الرسالة الأصلية كتبت بواسطة منصوري خي رشيد مساك الله بالخير انا احد زملائك اللي ترك المهنه قصدي زميل عين معك في الاشراف وكنت اتواصل معك بس ضيعت تلفونك ياليت التواصل يعود اتذكر كلمة قلتها ولن انساها (والد فلان ذكي ويتغابا اما هو فغبي يتذاكا )دمت لاخيك علي

شكلي عرفتك !! ومعرفتك تزيدني بهجة دمت بصحة وعافية.

إقتباس الرسالة الأصلية كتبت بواسطة أبوسعود العريمة الله يعطيكم العافية وحيا الله رسامنا المبدع س/ هل كل هذه الرسومات المسيئة على الأصفرين (يستاهلون) رد على الرسام يزيد الحارثي؟

والله يابوسعود ،، أنا لا التفت لأحد ولا أرد على أحد ما يعنيني هو الحدث ،، اللي بيخربط !! طبيعي يكون هدف للكاريكاتير.

إقتباس الرسالة الأصلية كتبت بواسطة I B R A H E M لأ ما إتفقنا على كذا إترك عنك شغل الذب وجاوب على أسئلة المشاغب و RDH و النادي اللي يقصده شكسبير هو نادي النصر يلا جاوب

قل كذا .. أجل النصر!! طيب ذكرني با لسؤال صراحة متعاجز ارجع للصفحة!!

إقتباس الرسالة الأصلية كتبت بواسطة المــalmojــوج هلا والله بالمبدع والفنان الموهوب رشيد السليم في شبكة الزعيم حقيقة ليس لدي اي سؤال ولكن احببت ان ارحب بك في شبكة الزعيم الموقع الرسمي لنادي الهلال واشكر اخونا الغالي ابو طلال على جهده الكبير في تنسيقه لاستضافة شخصية كبيرة بمكانة فنانا المبدع رشيد السليم

شكر لك وللجميع.

إقتباس الرسالة الأصلية كتبت بواسطة كان هنا تعال تعال يابو سليم .. تقول انك موظف ومتعاون مع الجزيرة .. قل الصدق كم يعطونــك

أنت جاي تسأل ؟؟ولا تسلف ؟؟

إقتباس الرسالة الأصلية كتبت بواسطة بركان أزرق ويش يمثل لك زيدان ..؟؟ هل اذا ارتفع منسوب المياه في السد يزور السليم السبلة ؟؟ متى نشوف السليم يرسم كاريكاتير اجتماعي ..؟؟ هل السليم معجبه مستوى ياسر يومه يرشحه افضل لاعب , ..؟؟ >> ابو طلال يبي يكفخني

الله يجيب المطر ،، والكاريكاتير الإجتماعي لا يستهويني والموجودين فيهم الخير والبركة ,,وبالنسبة لياسر ابخلي ابوطلال يرد عليك

إقتباس الرسالة الأصلية كتبت بواسطة Mr.Scrub رشيد السليم عندي طلب أبيك تسويه / أبيك تكتب أسمي على الهوى , أيه أكتب أسمي الحين .. < يسمع بالخقه < هو نفسه البزر اللي متصل على سامي يقول أكتب أسمي على الهوى مساك الله بالخير .. سؤالي / وش وضع الواسطه عندكم !! بمعنى آخر , وش وضع التفتيش اللي تحت مخرج الغاط ؟ يعني وش الفايدة منه ؟ بيض الله وجيهكم

اجل تسأل عن التفتيش ؟؟ والله بدينا ندخل في السياسة !! شكلك ما سافرت لكندا ،،هو نفس التفتيش أول ما تقبل على مدينة (تورنتو) !!

إقتباس الرسالة الأصلية كتبت بواسطة Juventino بصراحة ما عندي سؤال بس حبيت أرحب بك يابو سليم وبصراحة نورت الشبكة وتأكد إنك من أهم الأسباب إلي تخلينا نهتم بالصحافة الرياضية الفترة الأخيرة ولا أوصيك شد حيلك على الأصفرين

الله يحييك ،، الشدة على الله

إقتباس الرسالة الأصلية كتبت بواسطة Ą Ħ M Ă Ð استاذ رشيد .. جريدة الجزيرة .. ما تكتب شي ( على البلطان ) ولا تتعرض لسلبياته .. حتى في الكاريكتير !! يعني انت ما شاء الله عليك بتكتب عن اهم الاحداث الرياااضية !! وشفنا احداث ساخنة الموسم هذا للبلطان .. وما شفنا شي من ابداع اياديك ..

ياحبك للشر!!

إقتباس الرسالة الأصلية كتبت بواسطة شكسبـal.zaeemـــير افا توقعتك شجاع ما تعرف النادي الي مايتسماش انا ما ودي اجرح مشاعرهم بس مشكور على تواضعك اخوي واهنيك على سعت صدرك بصراحه كيف تقيم رسامين الكاركتيرات الاجتماعيه ما تحس ان اكثرهم بعيد عن الشعب ويرسم اشياء من خياله ومعليش على الازعاج

الزملاء يقدمون عمل مميز وكل قارئ يميل لمن يحب ،،وزميلي عبد السلام الهليل وربيع وعبد الله صايل يقدمون وجبة دسمة في المجال الإجتماعي.

إقتباس الرسالة الأصلية كتبت بواسطة عشقي 20 حيه حيه .. ^_^ ,, رشيد لك يوزر بالشبكة ثاني غير هذا وتشارك ولا احد يدري عنه ^_* .. حط لنا صورة مرسمك .. .. وش نظام الألوان الي عندك لأنها ما كأنها رسم ماشاء الله .. هذا الي عندي وكفا .. ^_^

والله يالغالي ما عندي يوزر ثاني ،، هذا متسلفه من ابو طلال وصورة مرسمي ما نصحك تشوفه أنواع الورق والجرايد الألوان،،
اما نظام اللوان فهو بين اليدوي وبرامج الرسم .

إقتباس الرسالة الأصلية كتبت بواسطة سع ـود هلا ابو سليم ما شاء الله وش هالواسطة تسجل ويفعلونك بنفس اليوم وغيرك ينطقاربعة اشهر ويمكن تاصل الى سنة وهو منطق ينتظر التفعيل تسجيل اعجاب لا غير ولا يهمونك الفقراوية عليك بهم

قل ما شاء الله لا اصدم فيه ،،واعجابك يشرفني

إقتباس الرسالة الأصلية كتبت بواسطة شموخ آل ثاني سؤال : وراك سآحب على الصفحتين الأولى ؟ هل هو لأنك : ما تحب رقم 1 , و إلا من وانت صغير عَجـل , و إلا تحسب إنك مجاوبن علينا فلذلك بديت بالأسئله اللي بعد اجوبتك . و إلا انت من النوع اللي ما يهتم بالترتيب ؟ سؤال سهـل / و أختار الإجابه الصحيحه << تذكر إنها تواجدت هنا / و مالقت تعليق منك

جميع ما ذكر

إقتباس الرسالة الأصلية كتبت بواسطة منتشي بالزعامة صرارحة تسجيل دخول لتحية المبدع السليم ..!! ابداع يشق الوجه الله يحفظك ما شاء الله ..!!

تسلم ...لك مني الشكر والتقدير

إقتباس الرسالة الأصلية كتبت بواسطة R D H السلام عليكم ورحمة الله وبركاته تحيه طيبه من جديد لك أيها الضيف الكريم . أنت ذكرت أنك ترسم عن طريق شاشة لمس حديثه .. لي بخصوص ذلك .. طلب. وهو / ياليت تصور لنا شاشة اللمس الحديثه .. اللي ترسم من خلالها ! أو عالأقل نشوف صورة لنفس هذا الجهاز . ولدي سؤال / من متى أصبحت تستخدم هذه الشاشه ؟! وهل ترى أنها أسهل من ( القلم ) ؟! يعطيك العافيه أخوي .. والشكر متجدد للغالي ابو طلال .. و عادل . دمتم بأجمل حال

هلا وسهلا فيك ،، الشاشة ياعزيزي من واكوم يمكن البحث عنها في محرك البحث او على اليوتيوب ،، وهي نقلة بالنسبة لي من بعد استخدام اللألوان المائية وورق الكانسون.وعلى فكرة أنا مازلت استخدم القلم في جميع رسوماتي .

إقتباس الرسالة الأصلية كتبت بواسطة اللورد123 ألف شكر لمن قام بإستضافته . ما أقول إلا الله يحفظك ويخليك ,

وأنت كذلك

إقتباس الرسالة الأصلية كتبت بواسطة هلالي--911-- ترى مافهمت عليك ..........

ولا تزعل عمري 39 سنة احب السباحة وركوب الخيل !

إقتباس الرسالة الأصلية كتبت بواسطة مكتوب الهلال ههههههههههه هلا أبو سليم قسم ذبات على كيف كيفك ، روعه حتى ردودك عندي سؤال وعندي طلب السؤال لماذا لانشاهد رسومات رشيد سليم ملونه على الدوم في صحيفه الجزيرة فمرة تكون ملونة ومرة باللون العادي ... وش السبب ، وليش ماتنقل طلبنا لرئيس التحرير بخصوص الرسوم نبيها ملونه على الدووووم وبخصوص الطلب نبي صورة شخصية حديثه لك طلبتك قل تم تسدحها فيذا والف شكر لك يابو سليم على الردود الروعه

جميع الرسوم ملونة لكن الصفحة التي ينشر فيها الكاريكاتير غير ملونة لإعتبارات فنية.والصورة قريب ان شاء الله

إقتباس الرسالة الأصلية كتبت بواسطة قلـ الزعيم ـب النابض ممبدع وربــي ,, كلآمي مايووصف تعابيري تجاهكـ ,, سؤآلـي هـو : هــل هـو عملـك الوحيد رسم الكاركتير ؟ سؤآلـي الثانـي : ومنـذ متىآ وانت تعمل علىآ رسـم الكاركتيـر ؟ وسؤآلـي الثـآلـث : كيـف اصبحت كاركتيراتك في منتدى الهـلآل بشكـل يوومـي ؟ اتمنىآ ان توآصــل الابدآع بعمل كاركتيـر بمناسبة حصوول الهلال

الكاريكاتير ليس عملي الأساسي ،،وهو ليس الوحيد ،،والعمل في الكاريكاتير من ايام الدراسة في المرحلة المتوسطة !
اما وجود رسوماتي في المواقع فهذا من جهود الأخوان والمحبين .

إقتباس الرسالة الأصلية كتبت بواسطة راشــد تحياتي لك يامبدع ,, مرور للسلام والترحيب ,, للرسام المبدع ,, عبارات بسيطة تغني عن كتابات كثيرة ,, دائما رسوماتك في الصميم ,, رشيد السليم ,, أول شئ أبحث عنه في جريدة الجزيرة المميزة ,, تسلم لنا دائما وعساك على القوة ,,

تسلم يالغالي واعجابك تاج فوق رأسي.

إقتباس الرسالة الأصلية كتبت بواسطة I B R A H E M الحمد لله على سلامة الوصول تعال عندي سؤال قبل لا تروح عاد وش يرجعك س/ عرف الكاركتير < متأثر بالإختبارات

،،ذكرتني بــ ( اعرب ما تحته خط !!) الكاريكاتير : لوحة مختزلة لمشهد يعبرعن رأي معين بأسلوب ساخر.

هـلآ صديقي رشيد , كيف حالك , تصدق من أهم الأسباب اللي تخليني
أشتري الجزيرة يوميا والا احرص اني أقراها هي البتاع حق الرسم بتاعك ..

انا بصراحه ماعندي أسئلة , لكن حبيت أسئلك بخصوص
موقعك لاني حاولت ادوره بجوجل بس ماحصتله ودنا
نشوفك رسوماتك وانا أخوك , وودي أسالك عن علاقتك بلاعبين
الهلال وخصوصا سامي الجابر , وياليت تذكرلنا موقف طريف
وأخر حزين , واذا ودك بـ محرج عادي ..

صديقك : محمد الحربي

^ ^

ماتلاحظ ان خويّك جحدني ؟؟؟

إقتباس رسام كايركاتير بجريدة الجزيره

كايركاتير او كاريكاتير

او كلهم نفس المعنى

إقتباس الرسالة الأصلية كتبت بواسطة ابو طـــــلال على طاري الجحدة .. ماتلاحظ إنك جحدتني بعد !؟؟؟

انا جحدتك ؟؟ متى وكيف ولماذا

اذا قصدك على الشي اللي قد كلمتني علشانه.. جاهز وموجود بالسيارة من زمان.. لكن ماصارت فرصة علشان اعطيك اياه

كلّش ولازعلك يابعدي تؤبشني عويناتك شو مهضوم

//

مهندس اللقاء : أبو طلال.
اعداد ومتابعه : الكلاسيكي
تصميم : !.{..الهلال..}.!

شكراً لكم على اللقاء الرائع ..

رشيد السليم شخصية غنية عن التعريف ،،
دائمأ ما نستمتع مع رسوماته


الله يسعدك ويجزاك خير ..


//

إقتباس ولا تزعل عمري 39 سنة احب السباحة وركوب الخيل !

العمــر كلــه..
وشكرا لك