#1  
قديم 31/12/2009, 07:13 PM
زعيــم فعــال
تاريخ التسجيل: 19/08/2006
المكان: Paltalk
مشاركات: 390
خذلتنا ساعه من نهار .. فأنت من أسعدتنا ليل نهار .. ولن نخذلك يا هلال

بسم الله الرحمن الرحيم



صباح / مساء الزعامه ..




سبحان الله تدرون ان الشي الوحيد اللي يجمعنا هو حبنا للأزرق مهما خسر
ماذكر يوم من الأيام شفت هلالي معصب من فريقه ويتحلطم بـ مجرد خساره ..
زمان كان الهلال ما يقدم زين بالآسيويه ومع ذلك ماشفت الجفاء من الأعضاء والناس
على اللاعبين بالعكس كنا نحاول اننا نزرع الروح والثقه باللاعبين ..
وخرجنا من الآسيويه والكل كان يقول ( تفداك اسيا يابو فيصل ) ..


طيب ضايقه صدوركم عشان الخساره ..؟
والله والله موب من حقكم ..
على ايش نتضايق وعلى ايش نحزن ..؟
عشان فريقنا مافاز ..؟ طيب عادي دام هالشي هو اللي جناه على نفسه شي عادي وطبيعي انه يخسر ..!
النصر قدم مستوى كبير كبير على غير العاده وكما توقعت وفاز ..
من حق جماهيره يفرحون فرحه كبيره لهم سنوات مافازوا علينا بالدوري .. يحق لهم والله ..


انا قلت هالكلام موب معناته اني فرحان لـ خسارة فريقي مثلا او ماضاق صدري عليه ..
اكيد بتضايق بس ضيقه بسيطه وتروح لان لو فكرت بالعقل مافيه شي يستاهل عشان اتضايق وفريقي
سيء والخصم من أروع ما يكون ..!!!


لاعبينا اليوم من ياسر الى الدعيع سيئين .. ليه ما ادري ..!

ياسر اليوم بصراحه مو سيئ جدا مثل البقيه جاته كم هجمه وكم رفعه بس مافيه تركيز , يالقحطاني غلطة الشاطر
بعشره اااخ يا ياسر مشتاقين مشتاقين مشتاقيييييين لاقوالك .. متى بس متى ..!!
والله اني حاس انه بيتحسن والله نشوفه بكل مباراة لعبه كويس وادائه بي يبيله تركيز على المرمى ..
عندك ويلي نفس الشي موب سيء اليوم .. يجي على الأطراف ويعدي ويرفع للعيبه ويمرر كرات بينيه
بس ماعندك احد ..
نيفيز مافيه اي شي قدمه لنا اليوم ماكان بيومه ..
الشلهوب بعد ان سيء ماتعودنا الشلهوب بهالمستوى بس يضل هو متصدر هدافي الدوري للآن والحمدلله ..
بس نبي اقوال عن عشره يالشلهوب .
لي يونغ ياويلي على برودة هاللعب سيء اليوم ومن يوم جاء للهلال ماشفته إلا بمباراة او مباراتين اللي برد بَه
قلوبنا ولا والله انه داج .. برود غير طبيعي ولا يهون الغنام اللي من شفته وانا اقول والله بنخسر
الغنام صراحه لاعب زيادة عدد بالهلال اتمنى ينسق لم يقدم ما يشفع للهلال ابدا ..

هوساوي ماعليه اليوم ماشفنا منه اي اخطاء يستلم الكرات بشكل جيد وكذلك يخلص الكرات ولكن كان ناقصه
توأمه المرشدي .. هالاثنين مكملين لبعض ويدخلون الثقه بنفوس اللاعبين ..

رادوي الله بس على رادوي مع انه مو بمستواه المعهود لكنه والله والله فنان كان يلعب بروح شفناه متحمس بكذا
هجمه تعجبني فيه تمريراته السريعه ابدا ما يتبطأ فيها .. لاعب واثق من نفسه يلعب على صافرة الحكم ولا يبالي
باللي يحصل من وراه فقط همه الركض بالكره .. تستاهل حُبه على الراس يابطل ..

عندك اليوم الزوري ماكان سيء لكن ماتوقعت يطلع بالمستوى هذا اللي اعرفه عن الزوري اني ماقد شفته سيء بأي
مباراة احلا مافيه ان مستواه ثابت بس والله ماقصر حسيت انه يلعب بكل جهده لكن ماتوفق .. عيوبه مايرفع زين
لكن تجي منه كرات بينيه حللللللوه ..
هذولا ابرز اللاعبين اللي حبيت اعلق عليهم ..

جريتس اليوم غريب ما تلاحضون ..!!
الهلال بآخر الشوط الاول ماكان سيء والله كان بالعشرين دقيقه هذي مستواه لاباس ليه ماتدخل مهاجم ..!!!
ليه ماتدخل احد يساند الهجوم .. مدربنا اليوم بارد حتى تغييراته متخبطه ..
اجل فيه احد يطلع ويلي ..!
ويلي اعتبره انا روح الفريق من بعد الشلهوب ليه يطلع ..!!
المحياني المفروض ما يدخل بمباراة زي كذا ماشفنا منه المستوى المأمول ..
الهلال اليوم بصراحه غرررريب ما ادري وش اللي حاصل ..
..

عالعموم هلالنا لا تحزن
خسرنا من قبل في احدى المواسم من نجران والرائد وكسبنا الدوري ..
والله والله شي عااااااادي جدا خسارتنا في ظل هالمستوى البارد ..
الهدف الاول اللي جا للنصر لخبط الهلال , النصر كان يلعب بهدف الاتيان بقول اول يخلص المباراة
من البدايه .. الهدف الأول دائما ما يُبْرد الهلال للاسف ..
لاعبيننا من بعد الهدف صاروا يلعبون بشكل سريع يبون قول .. ودائما بالسرعه هذي تتلخبط الامور ..
غاب عبدالرحمن بن مساعد فغابت روح الهلال ..


حال جمهور الزعيم يقول ..






على كل حال معاك يا هلال ..
وان خذلتنا ساعه من نهار ..!!
فأنت من أسعدتنا ليل نهار ..
ولن نخذلك .. اييه يالهلال ..


..


اخر شي واللي حبيت ادخله بعقولكم وهو داخل بعقلي من اول خسارة ..
إن خسارة الهلال لا تعني نهاية المطاف ..


اضافة رد مع اقتباس
  #2  
قديم 31/12/2009, 07:53 PM
زعيــم نشيــط
تاريخ التسجيل: 26/10/2008
المكان: منتدى الزعيم
مشاركات: 903
على كل حال معاك يا هلال ..
وان خذلتنا ساعه من نهار ..!!
فأنت من أسعدتنا ليل نهار ..
ولن نخذلك .. اييه يالهلال ..

أأأأأأأأأأأأه ياهلاااااااااااااااااااال تكفوووون تراني صحت الما قلتتت بسسس

خلاااااااااااص كلماتتتت تقطع قلبي
اضافة رد مع اقتباس
  #3  
قديم 31/12/2009, 10:02 PM
زعيــم فعــال
تاريخ التسجيل: 16/07/2006
المكان: بيتنا
مشاركات: 266
صادق وانا اخوك
عموماً احنا جماهير نادي القرن نتقبل الخساره زي ما نفرح بالفوز
الحمد الله على كل حال و عسى ان تكرهو شي و هو خير لكم
اضافة رد مع اقتباس
  #4  
قديم 31/12/2009, 10:24 PM
الصورة الرمزية الخاصة بـ فهد السويلمي
زعيــم مميــز
تاريخ التسجيل: 17/06/2008
المكان: الحدود الشمالية
مشاركات: 4,424
لو هبط الهلال لدرجة الحواري سأبقى هلالي ..
فعلاً .. خذلتنا ساعة من نهار .. فأنت من أسعدتنا ليل نهار .. ولن نخذلك يا هلال !
اضافة رد مع اقتباس
  #5  
قديم 07/01/2010, 01:20 AM
زعيــم متواصــل
تاريخ التسجيل: 20/09/2009
المكان: مع الزعيم
مشاركات: 175
مشكووور ع الموضوع

والله يعطيك العافيه
اضافة رد مع اقتباس
  #6  
قديم 07/01/2010, 01:40 AM
زعيــم نشيــط
تاريخ التسجيل: 11/10/2008
المكان: AUSTRALIA
مشاركات: 710
بأذن الله راح يسعدنا الزعيم امام الاهلي
بالتوفيق للزعيم
اضافة رد مع اقتباس
  #7  
قديم 07/01/2010, 03:22 AM
زعيــم نشيــط
تاريخ التسجيل: 10/01/2009
المكان: بريده
مشاركات: 771
يعطيـكـ العآآفيـة

وبالتوووفيــق للزعيــم..,
اضافة رد مع اقتباس
  #8  
قديم 07/01/2010, 06:00 AM
زعيــم نشيــط
تاريخ التسجيل: 05/01/2009
المكان: عروس البحر الاحمــر
مشاركات: 550
نحن مع الهلاااااااااااااااااااااال دائما وابداا وفي جميع الاحوال
ولن نخذلك ياهلال ... معاك بالحلـــوه والمره يازعيم قارة اسيــــــااا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:43 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube