يوم الاربعاء 25-11-2009 ، يوم لن تنساه جدة "عروس البحر الاحمر" واهلها ، بل لن ينساه الجميع !
"مأساة جدة" حركت فينا المشاعر التي وقفت عاجزة من هول ما رأت من "مهازل" لن ينساها التاريخ !
جدة تلك العروس التي "تعرّت" ليلة مطر !
جدة تلك الفاتنه التي "فاضت" دموعها ليلة العيد !


لجدة ، ولأهلها ، ولهذا الوطن ، ولكم انتم اهدي هذه الكلمات ،،

جدة ..
كيف حالك ؟!
علميني وش جرى لك !
وش في ليلك من سواد الهم حالك !
منهو عكر صفوك وطول بالك !
وش في هالشايب منذهل !
وش في هذي الأم تبكي .. والطفل !
منهو فرّق هالشمل !
منهو بخّر هالامل !

جدة ..
علميني من هو اللي جرّحك !
منهو اللي شوّهك !
منهو تجرأ وذبحك !
علميني وش جرى في ليلة مطر !
علميني وش حصل !
هو صدق هذا المطر ؟!
والله قهر !


جدة .. "يا وهج الشموس" ..
قولي وش بك يالعروس ؟!
قومي وانثري غبار الأسى عنك
قومي يالله .. لا يهمك !
قومي .. " واسقي البحر من طلك عذوبه "
قولي والله .. كل هقاويهم كذوبه
شوفي بحرك "يلعب بشعرك هبوبه"
شوفي صبحك "ماسك الشمس بيديه"
خلّي ليلك "عرس .. وافراح .. وخطوبه"
ما عليه .. حتى لو كنتي تعوبه ... ما عليه !

جده .. جده
وش جرى يا ام الرخا والشدة !
أدري انك متعبه ..
وادري جرحك ما اندمل ..
ما الومك !
علميني منهو يمسحها دموعك !
قومي يالله واقهري حتى ظروفك ..
قولي للي تسبب .. هذي انا جدة العظيمة
هذا انا ببقى عروسٍ ما تجاريها مدينة ..
علميهم وانثري عطرك ووردك , وياسمينه
يا حزينه ..


تحياتي