|| ظآهرة الخسخسه ! || - نادي الهلال السعودي - شبكة الزعيم

BADER ~ } · #1 27/12/2009, 01:07 AM

السلام عليكم ورحمة الله وبركاته

صبآح الخير , جميعاً

كيف حآآآلكم . إن شاء الله بخير ؟

انا حبيت اتكلم عن ظاهره انتشرت
في الفترة الماضية الا وهي ظاهرة
....... ...... " الخسخسة "
طبعاً للخسخسه أنواع ولكنني سأتكلم عن نوع وآحد !
لمن لا يعرف ماهي الخسخسة , هي :
انك ترى أحد اصدقآئك يضحك لك بوجهك
ويشوه سمعتك من خلف ظهرك !

طبعا ً نآس بتقول ليه ؟ وش بيفيده فيه هالشيء ؟
انا أقولكم وش رآح يستفيد من هذا الشيء .
بيكسب إحترآم أطرآف مُتعدده يعني مثلاً :
بيروح لشخص ويتكلم عليك عنده ويشوه سمعتك , و بيقوله انك
قلت عنه كذا وكذا , و انك . و انك . و انك . و انك .......
و رآح يقول هالشخص والله هذا يبي مصلحتي ويحبني و و و ....
و بـ كذا لعبها " الخسخوس " صح , و كسب إحترآم هذا الشخص

وكثير مانشآهد مثل هذه الأفعآل
في عآلم الـ" انترنت " و المنتديآت تحديداً
والامور هذي أصبحت موجوده بكل مكان
وليس الانترنت والمنتديآت فقط !!!!
طبعاً كل هذي الامور مارآح تجيب للخسخوس
إلا المشآكل و القلق . وإن كان يرىآ نفسه
" ضآبط الحركة ضبط " فـ هو غلطآن

وللأسف بعض النآس ماقدروا يتحكمون
في انفسهم ويترفعوا عن هذا الشيء ,

تذكروا ان كل وجهة نظر قابله للصوآب والخطأ

هذآ كل مآلدي

إن أصبت فمن الله , وإن أخطأت فمن نفسي والشيطآن

دُمتُم بِخَير

بدر

عقـل الهلال · #2 27/12/2009, 01:36 AM

عادي عادي عيش كثير تشوف كثير

أنا وأعوذ بالله كلمة أنا أحب الواحد اللي يتكلم بضهرري ويحش وكذا مع انهم قليل لأنهم يكونون توهم يعرفوني ولا يعرفون اسلوبي .

أنا اذا بغيت أسب الواحد أسبه بوجهه اعطي وجهة نظري بالواحد بوجهه أقول له ترا ما يعجبني فيك كذا وكذا . واللي اكرهه وربي اجيه واقول له تراني اكرهك بشدة فا خل اللي بيني وبينك رسمية افضل .

ومعروف بالعمل وبالحياة الاجتماعية اذا جاء واحد يسب عندي شخص ثاني اخليه يخلص كلامه

وبعد مايخلص كلامه اقول له شف انا ما احب النميمه واتصل على اللي سبه عندي واعلمه بطريقه وديه انه فلان زعلان منه بسبب موقف صار وكذا والحمدلله تصلح الأمور بيناتهم .

مدحت نفسي واجد صح

بس اللي بوصله لك ولغيررك المواجهه سيف بتار يفصل الحق عن الباطل
واللي فيه الصفه هذي ابي اقول له تراك خسيييييييس خسيس

انتهى كلامي رحمني الله واياكم

Mr.Anfield · #3 27/12/2009, 01:38 AM

السلام عليكم ورحمه الله وبركاته

يعطيك العافيه اخوي بدر على الموضوع الرائع .. والحقيقه انت انرت جانب مظلم في مجتمعنا ولعل البعض يعاني منه .

--

الحقيقه انا اول مره اسمع فيها .. ولكن من تعريفك لها وشرحك تصورت إنها أقرت إلى [ النميمه ] وهي ذكرك أخاك بما يكره ولعل هالحاجتين تتشابه ، وبالإظافه إلى حديث الرسول صلى الله عليه وسلم :[ لا يدخل الجنة نمام ] ، وهذي غريزه في بني آدم وللاسف بعض من الناس ماقدروا يمنعون نفسهم من كذا .

الله يجيرنا من هالظاهره القبيحه .. ويسلمنا من كل شر يارب

فمان الله

ام متعب التميمي · #4 27/12/2009, 04:10 AM

الخسخسه<<معناها رجيم او دايت بس باللغه العربيه^_* خسخسه من تخسيس^_^

عالم البنات فالمدارس والظائف كله خسخسه

لدرجه تلقى وحده تخسخس صديقتها عشان تحصل ع الوظيفه الاحسن

يعطيك العافيه

وتوي ادري ان معناها خسخسه

اخبرها نميمه او حش او غيبه

تحياتي

BADER ~ } · #5 27/12/2009, 04:11 AM

^ ^ ^ ^

أنس

عقل الهلال
أم متعب التميمي
منورررين

بريماكس · #6 29/12/2009, 03:06 AM

هلا ومرحبا اخوي بدر

الخسخسه

يعن خس خس

الصخره اين انت

حلوه هالجمله خسخسه اجل

انت زينها مع ربك ومع اصدقائك وماعليك من اللي تكلم وماتكلم ..

لانه بالاخير مايصح الا الصحيح ... راح ينكشف هالشخص هو واساليبه وانت ماراح يجيك الا كل خير ....

اهم شئ لاتلقي للأشكال هذي باال .. واللي يتكلم فيك ترى بينفعك لانه بيزود حسناتك وحتى لو كان بشئ مو فيك

يعني احمد ربك واشكرك انت كسبان كذاا

وهالأشكال هذي ما اقول الا الله يعافيهم ولايبلانا ويهديهم ..

اسمحلي استوقفتني عباره بموضوووعك وهي

إقتباس


	انك ترى أحد اصدقآئك يضحك لك بوجهك ويشوه سمعتك من خلف ظهرك !

غلطت بالوصف

هذا مو صديق
هذا اعظم من العدو
لان العدو تعرفه وباين اما هذا يعيش معاك وهو ضدك

أحلى سيفون للأشكال هذي

شكراً لطرحك بدر ..

بطلة · #7 29/12/2009, 04:11 AM

انك ترى أحد اصدقآئك يضحك لك بوجهك
ويشوه سمعتك من خلف ظهرك !

^ ^ ^ ^
هذا مو صديق عدو ,,
وربي أأأأأأأأأأآخر همي

على قلبي زي العسل فدوة لهم ذنوبي ماتغلا عليهم نياههههههااااااااي

شكر لك
بطلة

الغدير الازرق · #8 29/12/2009, 05:35 PM

الخسخسة ؟؟ أول ماقريت العنوان توقعت إنك تقصد الخصخصة

الخسخسة بالمصطلح الشبابي ماخوذة من الخسة والنجاسة

يعني فلان خسيس وفلان نجس .. هالتوضيح للي يقول خس وإلا يقول

تخسيس

شووف حبيبنا أنا ماراح اكون مثالي واقول هذا مو صديق وماني عارف ايش

الموضوع ومافيه إن اللي يسوي هالشي مايستاهل إنك تضخم الموضوع

علشانه لأنه بإختصار جبان .. وبالعكس أنا أكره ماخلق ربي اللي يجيني

ويقوول إن فلان تكلم فيك وفالن سوا ؟؟ طيييب وأنت وشدخلك خله يتكلم خله

يسب ويشتم لأن لو ماأنت قلت لي كان ماعرفت وأنا من الأساس

مابي اعرف لأن لو فيه خيرجاء وتكلم بوجهك ،،

عالعموم قالها أحد الحكماء ..

أحذر عدوك مرة .. وأحذر صديقك ألف مرة .. فربما انقلب صديقك عدواً
وأصبح أعلم بالمضرة ،،

لك

Mάd Blũè · #9 29/12/2009, 06:15 PM

بـ المعنــى الأصح [ الـ تقطيـع .. الحــش ..]..!
..
والله صاارت هالاشيااء .. اشيااء عاديه جداً جداً هنا بالسعوديه .. واحد يقطع من ورااك .. ومن قدامك يمدحك ويناافق ..
والهل لاتبلانا بس ..
وهالظاهرة للأسف الشديد , لآ أتوقع بإنها ستزول ولو بعد سنين ..
..
على العموم طرح جميل ورائع .. وكل الشكر لك

فَيْلَـسُــ زَمَانَهُ ـــوفْ · #10 29/12/2009, 06:23 PM

ما يظر السما نبح الكلاب >> مثل شعبي

يعني اظن هالفئة من المجتمع ناس فاظين يحبون التخريب ..

فاشليين .. لديهم مشاكل نفسية .. يعانون من اظطرابات داخليه خارجية ..

يمارس عليه ضغوطات كبيره ..

فيبي يسوي نفسه انه شي .. ويبدا شغل المبزره الي ماله داعي ..

بالنسبة لي ما علي منهم .. ولا اعطيهم بال لأنهم ما يستحقون ولا جزء من وقتي ..

الف شكر على الموضوع الجميل بدووري

Q u S a Y · #11 29/12/2009, 08:45 PM

الله يقينا شر هـ الا شخاص
يعطيك العافيه علـى الطرح

ABO-SAAD.K.S.A · #12 31/12/2009, 01:08 AM

الخسخسه الله لا يوريك منشترة بـ شكل اكبر مما تصور يما ناس اصدقاء لي واخوياي اقعد معهم ونطقها سواليف وسعه صدر ولا رحت قام يحش فيني قدام خلق الله

@ عاشق الكاسر@ · #13 31/12/2009, 05:10 AM

يعطيك العافيه على الطرح ..........................................................................