26/12/2009, 11:48 PM
|
 | أرسنالي مميز
أفضل كاتب بقسم الرياضة العالمية لشهر فبراير | | تاريخ التسجيل: 08/04/2007 المكان: َّ فَي المُلحق ~
مشاركات: 8,872
| |
|| يـآ خـي الموضـة , كـيـذآ ! وشفيـك أنت ؟ ||
|| يـآ خـي الموضـة , كـيـذآ ! وشفيـك أنت ؟ ||
, في يوم من آلآيآم وأنآ رآيح أصلي صلاة العصر < الحمد لله مسلم  وإذآ بي أرى تلك السيآرة الفآرهه مآ شآء الله بصرآحه مدري وش آسمهآ لأن خلفيتي عن الموآتر [ محدوده ] > مآ عرف من الفآرهة الا ( لكزس ) صفط يمين عند المسجد ونزل منهآ ذلك الشآب [ محدود الوسآمة ]  لابس نظآرآت ومتكشخ كآنه في عرس , آقتربت من البآب وآقترب من البآب (   ) حتى وصلنآ إلى بآب المسجد فالتقينآ  , وإذآ بـ هي ( يعطيني تلك النظرة ) ويمر ولا يسلم  . آبن اللذينَ , على آيش شآيف نفسه مآ يسلم ,  الموهيم , دخلنآ للمسجد وجلس جنبي وكبرنآ للصلاة الطآمة الكبرى يوم ركع الآمآم ركعنآ وآنآ اللي آشوف وآنتو بكرآمه شرآب مشقوق  ( جوآربه متقطعه ) , أي فشليه تلك , حلت بك آيهآ الشآب المتغطرس ,  صدق من قال " حبل الكذب قصير" > مآلهآ دخل آنتهت المقدمة بسم الله نبدأ , الموقف آلآول كنت في الكافتيريا بالجآمعة الموهيم الجو بالدآخل مغطى يعني مآ فيه ولا حبة شمس حتى آنه ذآك اليوم ( سحاب وغيم ) فوآحد من شبآب الجآمعة لابس نظآرآت ومستآنس آنهآ مآركة ( رآي بآن ) ويمتشى بهآ آقولكم الدنيآ ظلام يعني مآفي شمس في الجآمعة بس يعني شوفوني معي نظآرآت وآنآ كشخه , جلسنآ نتريق عليه الموهيم في يوم من آلآيآم وآحد من اخويآي سوآهآ ولبس نظآرآته , فـ ( حشرنآه ) آخر شي قال : الحين آنآ شآريهآ ليش عشآن النآس تشوفني , يآخي وشدرآكم آنتو الموضة هذي آلآيآم كيذآ
الموقف الثآني كآن عندي لعب كوره مع الربع بعد صلاة العشآء دخلت البيت عشآن آغير
ملابسي والبس وآروح العب , رحت ( للخدآمة ) أسألهآ عن شرآبآتي آنـآ : آنيسه وين شرآب حق كوره ؟
آنيسه : مدري آنت مآ في جيب غسيل
آنـآ : دوريهآ وبجي الحين آخذهآ !
آنيسه : طيب , بعد شوي رجعت لهآ آنـآ : هآه لقيتي شرآب آنيسه : بآبآ رشود مآ في آلقى آلآ هدآ آنـآ : طووووووووط < كلمه مشفره , تستهبلين آنتي آنسيه : ................ آنـآ ( طقني السكني ) آي : غضبت غضبآ شديدآ : آنقلعي يآ بنت .طوووط > مشفره تصدقون جآبت لي شرآب وآحد آبيض والثآني آسود ,
وش آسوي مآلي آلآ العب بـ هـ الشرآب ( المشّكل ) , رحت للملعب وآنآ دآري ان العيآل عيآرين و ( بيتمصخرون فيني ) آول مآ آقبلت عليهم , آنتظر وآحد يستهبل يقول آي كلمه تجرح مشآعري وآنآ اللي آسمع ذآك الصوت : آحلللللللللللللى يآ حركآت ,. ؟ جلست آتلفت يمين ويسآر مدري من يقصد ؟ قآل : هي وشفيك , قلت : تكلمني ؟ قآل : آيه قلت : وش آحلى حركآت ؟ قال : الشرآب ملون , توقعته يستهبل , ثم كمل : آجل مآشي مع الموضة ؟ آنآ وبآطمئنآن : آيه آجل وش رآيك الموضة لنآ يآبوي , قآل : آيه والله الشبآب طآحين فيهآ يلبس شربآت مختلفه , < شغل حوآري بعدهآ قلت في نفسي , الله يالدنيآ هذآ وآنآ خآيف آتهزئ , صآرت هذي موضه , تصدقون رحمت المسكينة الخدآمة يوم آني ( كرشتهآ )
-- الموقف الثآلث , في آحد آلآيآم كنآ تآكين ( جآلسين ) عند { برج الخرج } فهذآ المكآن هو المتنفس الوحيد لشبآب الخرج  > حرآم عليكم  الموهيم , تجد هؤلاء الشبآب اللي يسولفون واللي جآلسين يلعبون بلوت آو اللي يتعشون آو وآحد جآلس في زآويه حبّيب متيم يكلم بالجوآل آو وآحد شآيل هموم الدنيآ فوق رآسه ومعه سبحه ويفرك فيهآ لين تنقطع وتتنثر  واللي يدخن , فكنت آتآبع حال الشعب السعودي المسكين عُدت بالنظر إلى الشآرع ( شبآب يتمشون بسيآرتهم ) ورآفعين
صوت المسجل يسمعه اللي في آخر الدنيآ , المشكلة وش تتوقعون يسمعون ؟ مزعل فرحآن فهد بن سعيد و محمد عبده طلال مدآح و آم كلثوم فيرووز عرفتوآ الآغآني القديمة اللي تجلس ربع سآعه آو نص سآعه وهم يغنون , هذآ هو اللي يسمعونه , آستغربت , وين رآح الفنآنين التآليين .؟ وشفيهم مآ يسمعون لهم , برضوآ صـآرت هذه الموضة ( أغآني قديمة ) ---- قبل تسآؤلاتي , ( * ) لآ تستغربون آن وآحد جنبك ( يكح ) تقوله سلامآت يقولك : لا مآفيني شي بس الموضة كيذآ آو يجيك وآحد يدعي آنه يموت ويقولك الموضة هذه الايآم آنك تموت إليكم تسآؤلاتي , ** تكلم عن الموضة بشكل عآم سلبيآت آجآبيآت ؟
** تحدث عن الموآقف الثلاثه السآبقة بوجه نظرك ؟
** إن كآنت لديك آضآفة من موقف حصل لك
بالموضة , قُم بطرحهآ للمنآقشة ؟ آنتهى , ___  صديقكم رشـود |
الوضع الشجري
