احمد ربك ماغير سوالف

اول كانت تقول جدتي ان الشباب يغنون واحنا نرقص يشعورنا

فلللله كانوا مو الحين مالت على حظنا

بس جد من زمان كانت براءه عندهم مو مثل هالوقت وماكان تفكيرهم شين ابدا

هلا والله بالسنيورة ..

والله هالموضوع قاهرني من زمان ..
اشغلونا فيها الشيبان , المشكلة كذبوا كذبة وصدقوها ..
تلاقيهم مع كل قعدة وقومة قالوا الله يرحم زماننا , كان الناس طيبين وقلوبهم بيضاء ..
معنى كلامهم ان احنا الحين خبيثين وقلوبنا سوداء ..؟!!
اشوه ان كانت عندهم بلاوي وفضايح لليل ..
بس اللي سترهم بعد الله ان ايامهم ما كان في كاميرا جوال ولا بلوتوث ..
ولا كان شفنا البراءة والقلوب البيضاء على حقيقتها ..

يعطيك ربي الف عافية على الموضوع ,,

هلا بتس السنيورة

نوم العوافي يابعدي بس عاد شكل حلومتس مهيب متعديه نوير وهذلول

******
عاد احلى مافيها حياتهم اللي قبل هالبساطة وهالتواصل السهل بينهم
إلاعهد ابوي اللي ماابطى مرة نسبيا
وترى كلهم نفس الشي ماعندهم حواجز سواء اللي فمدينة ولاع قولتك بقرية
ابوي يعرف تقريبا اوصاف أغلب الحريم اللي بعمره
سواء بنات جيرانهم اواقاربه
وحكاويه اذاكان فالها عن حركات ولعب هالبنات سابقا الحريم حاليا
قسم بعض القصص اللي يقولها لنا
لوبتسويها بنت الحين
كان جابوا خبرها الدفاع والمطافي والهيئة
لاوجدتيشي ثاني<<<شكلي بخربها اليوم بسوابق العائلة الكريمة
كانت فالتها وانواع القصص والمغامرات مع بنات جيلها
تجاه الفتيان المليحين
عاد هي بالذات كما يروى كانت تحب ولد عمهاحب طاهر برئ عذب
وفالتها معاه بس للأسف قطعوا اواصر هذه القصةالرومانسية
اول ماتمت 12 سنة وزفوها ع اول خطيب دىء بابهم
ويقولون صارت حالة ولد عمها حالة ذاك الوقت انحاس ودشر
والسبب زواج هالحبيبه

******
يعني الحب بينهم اذا صارفهو صــــادق
وعشق على سنع وقمة وفاء واشعاروقصايد من قلب
مومصالح وكذب مثل الحين الامارحم ربي

الحين على ان الوسايل اسهل للتواصل
وكل شي يطلع يسهل اكثرواكثر
ومع ذلك كل مالها الامور تصعب اكثر والتباعد يزيد والمصايب تكبر
والسبب الله اعلم فيه
هل هوبالنوايا اللي صارت سيئة مع تطور وبذخ الحياة الحالية
اوان الوسايل الحديثة مااحسن استخدامها وصارت نقمة
وبعدت الناس بدال ماتقربهم
*****
عوافي سنيورة
يسلمو ع ـهـيك موضوع
واستروا ماواجهتوا

وعليكم السلام ورحمة الله وبركاته

هلا بك السنيوره ..
قهر رديت رد طويل وصار خطا بالموقع وراح الرد

اختصار ماكتبت .. ما اعرفه في السابق و ماسمعته من اجدادي ان الرجال غيورين على بناتهم
وزوجاتهم كما هي عادة الرجل الشرقي , ولكن هذا لا يمنع انها تجلس مع اولاد عمها ان كانوا مجتمعين
بنات واولاد ولكن طبعاً كل وحده بغطوتها .. يعني مو كاشفين

كذلك من بساطة اول ان الجار عادي يلقي بالسلام على زوجة الجيران ان كانت مسيره عليهم
يعني اتوقع ان العجوز اللي قالت فهمتك خطاً , يعني تبغى تقول ان بنات العم عادي يجلسون مع ابناء عمهم
جلسه بقلوب طاهره ونيه طيبه ونقيه ..

بس مافيه انفراد هذا الاحتمال الاول ..

الاحتمال الثاني ان العجوز تهك عليك << امزح ..

هذا اللي اعرفه .. عموماً ايام اول فعلاً النوايا فيها طيبه .. لذلك الثقه موجوده ولكن مو لدرجة
ان يسمح الاب لبنته تجلس مع ولد الجيران

السنيوره .. عوافي لك ع الطرح .. ولاتحرمينا جديدك ..
وتقبلي احترامي .. دمتي بخير

..

السلام عليكم
يعطيك العافية سنيورة

..

السالفة صدق .. وكانت منتشرة سابقاً .. حتى يسمونها تعلوله .. يقول اروح اتعلل عندها يعني نفس السمر بس بشكل ثاني .. فيه شياب كثير اكدولي هالسالفة يقول بس السوالف بريئة وفيه غزل طاهر عفيف وشعر وحركات
طبعا هالشي يتم بمعرفة أهل البنت .. وكثير زواجات تمت بهالطريقة .. واستمرت حياتهم بأحسن ما يكون وعاشوا بسبات ونبات .. طبعا السوالف هذي قديمة بالحيل يعني ايام البادية و الفقر المدقع

..

شكراً سينوريستا

اهلين يالسنيوره اعجبني اسمك

المهم ترا زمان كان النيات طيبه وكان الوضع عادي عندهم لان الثقه موجوده ومستحيل احد

يسوي شي واذا فكر يسوي شي يطيرون راسه لانهم معروفين كلهم ويعرفون بعض ومافي سالفه

تقعد سكاتي الخبر ينتشر مثل النار وعشان كذا خلاص الكل يجلس مؤدب ولا يسوي شي

في سالفه صارت قبل اسبوعين زوج اختي امه تصير بنت عم بوي ,,,لحسه صح

المهم ان اختي جابت بنوته مزعجه وجات ام نسيبي عندنا البيت دخلت الا الوالد والوالده ونسيبي

وامه جالسين وفالينها فقول لبوي بعدين قلت مايصير تكشف عليها رد علي عادي من وحنا صغار

سواء وقفت على الحين وحنا شيبان يعني الوضع عادي عندهم ويعتبرون نفسهم اخوان.

هلا بك اختي السنيورة

وش ها الموضوع يبيلي أبلغ الهيئة عنه

بصراحة احس ان العجوز تهك عليك

واللي اذكره ايام اول الشباب يسمرون لحالهم والبنات لحالهم ...

من دون اختلاط ومدري شسمه

والنية في ها الامور ما تنفع

شكرا لك الموضوع الختير

تصبحين على خير

ريمـآ كيفك حبيبتي عسآك منيحـه
الموضوع حلو واسلوبك احلىآ بالنسبه لزمآن اول الي تحول الان ..
كآن هنآك ثقه بس ع حسب كلام جدتي انهم مآيسمرون لـ آنصآف الليالي
تقول نرعى الغنم مع عيآل جيرآننـآ وبنآتهم وسوالفنا عاديه مجرد اسئله
بسيطه والحياء يمنعنا من الكلام معهم اصلن .. اتوقع لكل قبيله عآده
واساس حريم اول الحيـآء وعدم مخآطبة الرجآل ..
وفقتي عزيزتي بآلطرح