هذي قصتي انا وخوياتي ايام الهبال والدجه
المتكونه من(روافد ـريماـرهام ـرنيم)كنا باول ثانوي
كانت بلاوينا وش كثرها بس مو دايم نجيب العيد الا مره عيدنا عيد وش زينه >>>هذا من الحظ الزين
اللي هو:
في مره من المرارررررررررررير كنا طفشانين مره لانه ما بقى شي ما سويناه في المدرسة حتى الادارةاذا مر اسبوع وما سيرنا عليهم يستغربون وينا دونا يقولون عسى ما شر وش هالغيبه لايكون فيه شي وحنا اخر من يعلم>>افا وحنا نقدر انتم الاساس
المهم
على غير العاده سكوت وهجده:
رهام:بنات وش سالفة اهلكم تحركوا خلنا نسوي شي
رنيم:ما بقى احد في المدرسه ما غثيناه حتى المدرسات ملاحق حنا وياهم في الاسياب
روافد:تونا طالعين من الاداره خل ناخذ نفسنا يومين ترى صارت بلاوينا على كل لسان ما بقى الا اهلنا يدرون>>> نقيتي علينا يا حولا
رهام: عندي فكرة شي00
ريما: ياشين افكارك احيان تودينا في داهيه مثل فكرة بنات الليل >>>سالفة بنات الليل ذي سالفه بس بختصرها00 اللي هي اني اخترت لنفسي اسم جريحة الليل وانا ما اسوي شي الا وخوياتي مثلي المهم اللي سميناها اهات الليل واللي اسيرة الليل واللي همس الليل المهم طلعنا اسم لشلتنا(بنااااااااات الليل)
وقمنا نكتب على جدران المدرسه فرحانين ياسم شلتنا الجديد بعد ما كان (طنش 00تعش00 تنتعش)>>مهويات صح
المهم ويشنون علينا المدرسه حملة وجابوا لنا الهيئة ومنا ومنا حاولنا نقنعهم اننا ما ندري وش معنى بنات الليل المهم تعهدات وتبكبك وسامحونا ولكنهم ما اقتنعوا>>>شفتوا وشلون حنا مظلومين
المهم نكمل خطة رهام
رهام:لا هالمرة محد راح يدري عنا عندي فكرة جهنمية وبعيد عن المدرسة وش رايكم (نهبق)يعنى ما نروح المدرسة
رنيم: لا لا الا كذا وش ذي الحركات ضفي وجهك
رهام: اقولك خليني اكمل انت وعيونك ذي يا الدباااا
ريما وروافد:يلا على يدك عليهم عليهم
رهام: منهم اللي عليهم انتم بس مع الخيل يا شقرا0
البنات:اللي بنطبق عليهم فكرتك لايكون بس الحارس وحرمته الفراشة ترى ما بقى غيرهم
رهام:لا ذي المره وناسة غير شكل بنتفق لا وصلت البيت اوكي خلنا الحين نروح نرقص في دورة المياه شوي والا نفحط في الاسياب

رنيم:الحقوا بنات ولد الوكيلة جا يلا نروح نكفخه لا وبعد معه بنت المديره الدبيه يلا نمصع اذانيها 0
المهم رحنا كلنا لبيوتنا 00ثم دار الحوار بين الاربعة 00 من زود التحمس دخلنا بخط جماعي>>>متحمسين مره ما دروا وش بيصير00 يا حليلهم
رهام:اسمعوا يا بنيات انا اليوم عقدت هذا الاجتماع لاهمية ما سنفعله باتسر اقصد غدا
روافد:اخلصي عن التمطع00علمينا
رهام:اقول انطمي وانت تسمعين00هذي الايام مراجعه وما فيه احد ياخذ الغياب اوكييييه بدل السلتحه في هالمدرسة المروحه تعالوا سيروا علي
رنيم:اهلنا ما يرضون
رهام:ومن بيعلمهم يا بقرة عاد من حبهم لي ما خلوكم في النهار بيخلونكم 6الصبح تسيرون على
ريما: لا انا خايفة ما ابي وقفلت السماعه
رنيم:اصرفلها هي وعيونها لا نها بتخرب علينا 00بس كيف حنا ومرايلينا حوسه وش بتقول امك علينا
: رهامهاتوا ملابسكم معكم انا اصرفها لكم اوكيييييييييك00باي

بعد شوي 00رهام راحت لامها وواثقه من نفسها 000000
يمــــــــــــــــــه00 ترىا لشله قصدي صديقاتي بيجون عندي بكره
امي:الله يحيهم بس ورا ما يجون اخر الاسبوع ازين
رهام: لانهم بيجوني الصبح
امي:متى يعني00الضحى
رهام:لا وش حركات الحريم ذي 00الضحى يالله لك الحمد 00بيجون الساعه 7 الله يسلمك
امي: وشو الصبح
رهام: ايه يمه لا نهم من بيجيبهم الضحى وحنا نبي نذاكر زين نبي وقت اطول00

وفي اليوم التالي: تولمت من الصبح وكشخت 000 دق الباب>>>واعـــــــــــــدي يعني اجري بسرعه
رهام: هلا والله 00افااااااااااااا وش ذا بمرايلكم يا الدلوخ حنا وش قلنا امي هنا روحوا البسوا وبعدين تعالواااا اوكيييييك فمااااااااان الله وصكيت الباب >>> يلعن ام الصداقه
البنات : طيب وين نلبسها
رهام:في درج الطوارئ ماعليكم مافي احد روحوا بسرعة والا اخربط وجيهكم
شوي جو ودخلوا وسلموا على الوالدة وتطمنت ورقدت00
وقمنا نحوس البيت كاني اول مرة اشوف بيتنا ومسجل وحركات ولبست ثوب وتلطمت بالشماغ وعطيتهم شمغ وقمنا نرقص
ثم فطرنا وعلينا بالخير وكملنا مابديناه الين جا الظهر وقاموا يغيرون ملابسهم وهم طالعين قامت الوالدة عشان تودعهم00وكفشتهم بالمراييل لكنها سكتت00<<<<<ماما ماتبي تفشلني قدامهم عادتها
بعدين قالت امي لا تعودينها ياويلك تسوين مثلهم<<<<<<مادرت اني انا الي منظمه القاعدة
رهام:افااااااوانا بنت ابوي موب انا الي اسويها<<<<<عاقلتن بالحيل
وتم ذاك اليوم على خير00وبعد كم يوم لزمت علينا رنيم اننا نسير عليها<<< مايصير الحرمة حلفت مانردها00
وانا ماصدقت خبر وبعد الاغراءات اقنعنا ريما انها تجي معنا وبما انها ماتعرف شي طلعنا انا وحنو الصبح في احدى العماير المجاورة للمدرسة بعد ماحطها اخوها عند المدرسة ومير تذكر وتجينا وهي تنافض ثم رحنا عند رنيم وهيصنا ومن غرفة لغرفة حسنا الدنيا
وحطينا على قناة lbcالبنانية وكان فيها اغنية تايتنك وبما ان رنيم وروافد مفحطين ولا عمر ابوهم شافوا دش فتحوا فمهم وسنتروا عند التلفزيون وعيو يقومون
رنيم:رهام اخذنا ذنبهم 00رهام:راحت وجات على ذا الشئ اقول قم بس قم>>>قمة العربجة
المهم خلا ص رجعنا لبيوتنا00
اليوم الثاني رحنا المدرسة00
وحدة من البنات:وينكم داجين كلهم مستغربين الغياب الرباعي المفاجئ00
رهام:عادي ماودنا نجي 00نثقل00رنيم:اقول ريماوينها ماشفناها وحشتنا لنا كم يوم ماشفناها هههههاي تاخرت0
رهام:يمكن ضيعت طريق المدرسة
روافد:بعذرها هي وعيونها هههههههههاي
بنت ملقوفه:ليه انتم مادريتوا وش صار00اوالده ام عيون جت امس وسالت عنها ويقولون انها ما لقتها0
رهام:لا كثري منها انت ووجهك ذا
روافد:يا نصابه شوفي عيونها جايه من بعيدههههههههاي00 هلا والله بالطش والرش والدب المرنقش
ريما:امي ا امس جت المدرسة تسال عن التقويم اللي شقيته 00تدرون اول مره تدخل المدرسه>>>بلاه من حظك الزين انت وخوياتك00مااالت
نصبت عليها وقلت لها اني كنت نايمه في المعمل لا ني تعبانه0
ريما: مشت عليها ،روافد:ايه اشوى
رهام:اكيد بتمشي عليها موب انت بنتها 00 الله يخلف
ريما:وشو ،روافد: لا سلامتك0

وجاء اليوم الثاني وكثرت الاشاعات حول المزايين


ثم اتى صوت جميل من خلفنا: روافد رنيم ريماالاداره تبيكم
رهام: هلاااااااااااااا لا تجيبون سيرتي>>>>يلعن ام النذاله
ومضت ساعتين وانا على احر من الجمر ومن زود الذل رحت ابي اصليلي ركعتين الا وجايتني زينة الحلايا اليد اليمين للمديره الله يا خذها متقعدتلي >>>ضعيفه مظلوووومه الله حسبي عليكم
قالتلي :رهام تعالي، قلتلها شوي مو الحين>>>مسويه انها مهمه
قالت :لا الحين، يوم شفتها عند اللفت رحت بسرعه لها قلت اكيد بروح للاداره باللفت ونااااسه واطلع معها
وسالتني وين كنتي يوم السبت ، انا: كنت غايبه، الاستاذه: ابي الصراحه وين كنتي،انا: والله كنت غايبة مو مصدقتني طيب ليه السوال ، المهم وياقف اللفت عاد واسبقها بما اني حافظه الطريق اكثر منها ومير ادخل وكنه بيت ابو جدي00
رهام: سلااااااااااام>>>>>قووووووة عين
المديرة:هلا رهام وين كنتي يوم السبت
رهام (بكل ثقة ) والله غايبة وش سالفتكم انتم
رنيم: (بصوت خفيف ) اعترفنا>>>>هلااااااا والله
المديره : وتحلفين بعد
رهام: لا ما كذبت ايه غايبه ورحت بيت رنيم
وانظر والا اشوف ام ريما موجوده تناظرني كنها بتاكلني
رهام: هلا خاله وشلونك سيرو علينا >>> خبله لها وجه تكلمها بعد
ام ريما: تستخفين دمك>>>شفتي يلا لقطي وجهك00يلعن ام التكشيمة
ومير اتفشل واسكت
المديره : وين كنتوا اعترفوا
رنيم: والله كانوا عندي
المديره خلوا عنكم الكذب
ونحلف ومير ما يصدقوننا والا الحمد لله ام رنيم شافتنا يوم فتح ورعها الصغير الباب>>>شفتوا وشلون الصغار ينفعون لا فتحوا البيبان
واستدعوا ام روافد وجت واقرت انها شافت طخخنا
المديرة: روافد: اخوك كم عمره ، سمسم: 9 سنه
المديره: ايه اكيد تحبونه>>>>>>>>وقمنا نتذكر يوم شفناه وهو نايم بالصاله وفاتح فمه وسنونه مقلبه وتحومت كبودنا مع ذا الصبح00 الحمد لله طلعنا منها بس بقى مشكله ما بقى الا استدعاء ام رهام بما انها لها واسطه قويه هي الوكيله حاولت فيها انها تساعدها لكنها ابت لانها تفشلت من معرفتها بها>>>>>>> لها الشرف ومن كبر حظها انها تعرف شخصيه مهمه و مشهوره في عالمنا العربي
بس وبعد من دخلنا علمي عقلنا كلنا والحين تخرجنا وكل وحده في جامعتها والي تدرس في ابها الله يستر عليها والي بتروح جده تدرس والي في الشرقيه
هههههههههههههههههههههههههههههههههههههه
هذه القصه صارت قبل ثلاث سنوات

مع تحيات بنات الرجه شكر خاص لرنيم وروافد وريما على الاشتراك في الموضوع وعلى كل جهودهم والتعديلات فيه
النهـــــــــــــــاية
تحياتي رهام الملاك


جميع الحقوق محفوظه لشركة الرجه

ههههههههههههههههههههههههههههههههههه والله رجه ههههههههه تقبلوني معكم بالشله؟؟<<<ياشين قطة الوجه

اقول رهام شخبار يدك بعد هذا كله ؟؟ ههههههه

الــــسلام before الكلام؛




علىىىىىىىى قووووووووووووولة اخووووووووي المـلـك كيف يدّك




ويييييييييييييييم واااااااااااااااافد ماهي مشتركه في المنتدى ===========> ياشييييين اللقافه

اجتمعتو وصرتو كأنكم المافيا الله يكون فى عون المديره



تحياتى ابو الذهب الملاك
ايه نسيت شى مشكور اخوى رهام

إقتباس هذه القصه صارت قبل ثلاث سنوات

طيب وحنا وش دخلنا <<---------- والله من زين الرد هههههههههههه


هلا اخوي رهااااااااام <<-------------- كيف الحال

إقتباس وحطينا على قناة lbcالبنانية وكان فيها اغنية تايتنك وبما ان رنيم وروافد مفحطين ولا عمر ابوهم شافوا دش فتحوا فمهم وسنتروا عند التلفزيون وعيو يقومون

ههههههههههههههههههههه الله يرجكم من رجليكم

عاد وارش ماحطيتي لهم قناة السودان


ترى أنا قريت الموضوع ،،، والدموع أربع أربع ،،، من التعب !! بس ،،،

لا عاد تعوّدها

ليه ما تكتبون سطر وتنقزون سطر ،، عشان نقراء معكم !!

بس جيدين ترصون في الحتسي ،،، على بعضه ،،، الين يصير الموضوع كنّه جدار !!


حرام عليكم !!


ياخي وين جمعية الرفق بالح،،،،؟؟؟ يوووووووو بغيت أجيب العيد !!!

بس وين ما يروح الأزرق أنا وياه !!



مبطين على سوالفك ياخوي رهام


يسلموووووووووووووو


دمتي ظهراً ,,


تشا11111111وووووووووو

مسوياااات تنظيم القاعدة !!!!!!!!

مشكووورة أختي رهام !!!!

إقتباس اقول رهام شخبار يدك بعد هذا كله ؟؟ ههههههه

تمام اي احد تعطي له بوكس ماعاده يشوف الطريق

إقتباس ويييييييييييييييم واااااااااااااااافد ماهي مشتركه في المنتدى ===========>

ماهي وافد وافل

إقتباس اجتمعتو وصرتو كأنكم المافيا الله يكون فى عون المديره

اصلا ذيك العجوز ماروراها الا الهم

إقتباس هلا اخوي رهااااااااام

هلا اختي باوواااو

إقتباس عاد وارش ماحطيتي لهم قناة السودان

لان حنا ما نطلع الا على الاخبار المهمه;)

إقتباس مبطين على سوالفك ياخوي رهام

<<<<<<<<ناويه عليك هين

إقتباس ليه ما تكتبون سطر وتنقزون سطر ،، عشان نقراء معكم !!

ماما تقول لا تطمرون علشان لا نستعمل ورق كثير

إقتباس مسوياااات تنظيم القاعدة !!!!!!!!

احنا بنات عم قاعدة الديجتل

إقتباس تحياتى ابو الذهب الملاك

تحياتي ام الذهب الملاك

ههههههههههههههههههههههههههههههههههههاااااااي



حلوووووووووووووووووووه



والله اسلوبك حلو يا رهام
وانا اقرا ابغا اروح انام
حلفت اني مااقوم الا ومكمله السالفه





يعطيكي العافيه




وسلمي لي على خوياتك






اوغفواااااااااااااغ

هلا والله بشلة الرجه

قصه ممتعه مررررررررره
وذكرتيني بأيام المتوسط
لكن طبعا مو لهاذي الدرجه مثلكم لكن إذا سويت شيء شوفي الأبلات وشلون علي
انتي تسوين كذا؟ معقوله؟

وطبعا أختكم المصون تتفشل ولا تتعودها مره ثانيه >>>>> يقالها مؤدبه


رغم ذلك قد انطردت كذا مره من الفصل لا ومن زود الثقه أحد الأيام إلي انطردت فيها كرموني في المدرسه مع المتفوقات
لكنها كانت مرحله وعدت بخير ..

سلامـــــــــــــز


مشكوره على المسلسل المكسيكي



بس والله يانكي مسكينه كتبتي كل هذا يالله;) ;) ;)





تحياتي && قم بس قم&&

معقد الملاك








بببببببببببببببااااااااااييييييييوووووووووو

وخري رهام خلني راد علشان تعبي


ياهلا بالماسه

إقتباس وطبعا أختكم المصون تتفشل ولا تتعودها مره ثانيه >>>>> يقالها مؤدبه

اخص ما طلعتي زيي

إقتباس رغم ذلك قد انطردت كذا مره من الفصل لا ومن زود الثقه أحد الأيام إلي انطردت فيها كرموني في المدرسه مع المتفوقات

ايه ونعم فيك

إقتباس لكنها كانت مرحله وعدت بخير ..

هاذي هي المشكله:sad:

إقتباس بس والله يانكي مسكينه كتبتي كل هذا يالله

ايه عندك مانع وانا معها

إقتباس معقد الملاك

هذا ازين مافيك جبهتك


اهلين نوروه

إقتباس والله اسلوبك حلو يا رهام

وانا مالي مدح

إقتباس حلفت اني مااقوم الا ومكمله السالفه

حنا بنات ونموت في هالسوالف:p

تحياتي للجميع رنيم رجه مجنونة تفحيط

يا رهام .. ويا رنيم .. ورهف ما شفتوا صوركم بموضوعي ( اعضاء المنتدى """ في

اوضاعهم الحقيقيه ) لو شفتوها كا ن بطلتوا رجه ......