احب امسي عليكم جميعا بالخير
الحقيقة اني تفاجات اليوم يوم اكلم واحد من الشباب حاجز له مكان جنبي وتفاجات بان التذاكر مخلصة وانه اشترى تذكرتين له ولاخوه بـ100 ريال الوحدة بـ50
وانا اشوف الملعب فاضي توقعت القصور من موبايلي ماطبعوا تذاكر تكفي ولكن يوم دخلوا الجمهور فجاة وعبوا المدرجات توقعت لن في باصات دعم جاية اليما جو اخوياي ويالله يالله خلاهم العسكري يطلعون عندي وهو يشوف المكان فاضي عندي
ودايم اسمع نفس الكلام من الشباب الي يجون متاخرين من سوء المعاملة من قبل العسكر عشان كذا انا بقترح اقتراح لاني انا مسويه ومرتاح البال
انا اليوم اول مافتحوا الملعب وانا موجود الساعة 1.15 بالتيم وانا داخل بكل سهولة وراحه ودايم المباريات المسائية الساعة 4 الى 5 اكون في الملعب بدون مشاكل
عشان كذا اتمنى من الجميع يجون بدري وترى وناسة الملعب سوالف وضحك ليما تبدا المباراة
============================================


اليوم انا مكاني كان مقابل خط النص وكان هدف ويلي اوضح من عين الشمس
بس الحكم انا من شفته قلت الله يستر والله ان العمري افشل حكم عندنا
والله يستر من الجاي ومساكم زعامة

===========================================

مباراة الهلال والاتحاد العام الماضي في جدة حضرت من بدري فرق كبير جدا بين الرياض وجدة صحيح صعوبة الحصول على التذاكر هناك للاقبال الكبير ولكن وش اقول وش اخلي هذاك اليوم من الساعة 3 العصر وانا في الملعب مو زي هنا 4 وبعد طلعة الروح يفتحون البوابات وبعدين الشاشة الرئيسية للملعب انواع الاستعراض والمهارات للاعبي العالم واهداف وحركات ماحسينا ابد بالملل حتى بدت المباراة وهنا في الرياض يستكثرون حتى اعادة الاهداف عدى استاد الملك فهد والي في الفترة الاخيرة صار يعيد في شاشة والشاشة الثانية شكلها عطلانه
واعذروني على الاطالة