24/12/2009, 03:38 AM
|
زعيــم فعــال | | تاريخ التسجيل: 27/04/2008 المكان: الرياض
مشاركات: 418
| |
$$$ البســــاط الأحمــدي$$$ السلام عليكم ورحمه الله وبركاته
مساءالورد
وصباح الفل مقدمتي بسيطه بلا تكلّف … البساطه
البساط الاحمدي من يومها وانا اسمع فيه بس بصراحه ماكنت اعرف معناه
لكن قبل ما ادخل بموضوعي عن البساطه  محد سأل نفسه وش سالفه هالبساطه الاحمدى ؟!
بحثت عنها وعن اصلها ... عرفت انها تقال ((البساط احمدي)) في معرض الكلفه وإزاله الرسميه على الاخر ... يعني فلها ببساطه "قصه البساط احمدي"
هي كثيره اصح روايه
ما ذكره الأستاذ تيمور في كتابه عن الأمثال العامية قال:
قد كان لهذا البدوي الصوفي (يقصد السيد أحمد البدوي) بساط صغير على قدر جلوسه ، ولكنه - لكرامة هذا الصوفي ! يسع كل من جلس عليه ولو كانوا ألف شخص !! ... اجل الف شخص >>
فكره موضوعي عن البساطه الي نفقدها يوم ورى الثاني
بكل شى تفكيرنا ،تعاملنا, مظاهرنا
وباعتقادي الاخيره هي الاهم منتشره كثير...
المظاهر بتكلًف الي نشوفها بحياتنا اليوميه من الفشخره والهياط ...الخ ابستشهد بأمثله يكمن اقدر اوصل لكم اوصول الفكره ببساطه
1/ الوحده لمى تبي تعزم صديقاتها وش بتسوي ولا ايش الي ماراح تسويه
لازم كل عزيمه تعدل او تضيف في ديكوورات البيت .. تنسّق مع افخم مطعم علشان يجيب صنف على مستوى ... ويالله عاد من كل مطعم الصنف المميزبهذا المطعم
ولاتسؤلوني عن طريقه التقديم كيف بتكوون و من الي راح يقدم شغالاتي اكشخهم
اووو نسيت لازم اجيب صبابات لزوم الكشخه ... واصرف بناتي عشان ارتاح واهتم لمكياجي لايخرب ! وطبعاً راعي البيت مطرود من امس
عند امه (اول الضحايا)واشياء واشياء بالنهايه تصير الجلسه رسميه لأن البساطه مفقوده الهديا والبساطه
الهديه موجوده من وجود الانسان ولا كن تغيرت وتطورت
اتوقع تغيرت للاسواء لانها فقدت اهم صفه فيها وهي البساطه
فكانت من رمز المحبه والود للصداقه وللحب بكل اشكاله وتعطي الى ابعد الحدود وبعفويه وبمشاعر صادقه وبدون تكلف ..
الى ان تحولت الى اجباريه حتى لو مايعنيك الشخص المهدى له بس الهدف الفشخره بس
وانه ضروري تقديم هدايا بمناسبات معينه حتى لو ماكنت مو مره مع الشخص المهدى له
و ضروي الالتزام فيها احيانا تنتهي من هديه الى قطع صله الرحم
بسبب مافيه توافق بين الدخل المعيشي و قيمه الهديه الي تليق بمستوى المهدى له
^^هذاي النقطه نشوفها كثير بمجتمع الحريم
مثل مره جتني هديه عقد بسييط يسوى عندي افخم الهديا ووللحين باقي عندي
الي ابي اوصله الهديه مو بقيمتها الماديه الهديه معنويه بمعنها و بذكرى وجودها .. المظهر والبساطه
من اهم الاشياء ... تعطي تصور وانطباع اولى لشخصك .. عند ناس اول مره تقابلهم ...
بس تلخبطت المفاهييم و الافكار عند بعض الناس ...
ابمثل بشخصيه ابسميها (نوره) وياكثر النورات بمجتمعنا
تجي نوره بنت من الناس الله يصلحها لا انعزمت بزواج او احيانا حفله عاااديه مايبي لها كل هالزحمه..
جابت الي قدامها والي وراها ...ماتخلي شى ماتسويه بشكلها, والمكياج اوفر , والشعر تغيرت ملامحه من لندا الكوافيره من
كثرماتسحب بشعر نوره والفستان لحاله من غير أي شى حفله لدرجه مافيه مساحه فاضيه بشكل البنت او أي شىئ يووحي بالبساطه !
تللبس كل شى حلوو بس لانه كل شى حلوو طالع مو حلوو
من وجه نظري اشوف ان الشكل البسيط ارتب وارقى
البساطه قناعه ... البساطه طمأنينه ... ممزوجه بثقه في النفس قــفــلـه"
البساطه كلمه تحمل معاني ودلالات كثيره تولد الشعور بالرضى .. تعلمك ان تكتفي بالقليل .. البساطه تعملك ان تقييم وزن لجوهر الاشياء بكيفها لابكمها
البساطه تبني فيك روح التواضع ...والتأقلم مع ظروف الحياه ..
مررررررره شوكرا لحبيتي شوق الكويت
واخوي احساس خالد
على المساعده ادري تعبتكم
اخر تعديل كان بواسطة » تميــــ100ــه في يوم » 24/12/2009 عند الساعة » 03:57 AM |