السلآم عليكم ورحمه الله وبركاته

هذا الموضوع عن القطآع المظلوم من الشعب السعودي .. الدفاع المدني ..

ماهي وظيفه الدفاع المدني ؟؟

وظيفه الدفاع المدني إنفاذ الناس و مساعدتهم و تقديم أرواحهم فداء للوطن وهذا وجب ديننا الحنيف وهم يحافظون على المال والنفس وعلى الارواح ويقومون بخدمات إنسانيه
وقال تعالى : ( ومن أحياها فكأنما أحيا الناس جميعاً )

ويقومون الدفاع المدني طوال العام بالتحذيرات والتنبيهات من الآمطار والسيول ولكن من حب الشعب السعودي في وقت الامطار والسيول الخروج من منازلهم للتنزهه والفسحه
وقال الله تعالى ولا تلقوا بيأديكم إلي التهلكه )


دإئما أنظر إلي الإيجابيات ولآتنظر إلي السلبيات ..

عن أبي هريرة -رضي الله تعالى عنه- قال: قال رسول الله -صلى الله عليه وسلم-: (لا يشكر اللهَ من لا يشكر الناس).

ولآ شك أن حينما يعطي رجل المرور قسيمه لآي شخص فيقوم الشخص بتوزيع الابتسامات له .. ولا احد يقوم بالعتب عليه .. ولكن حينما يقوم رجل الدفاع المدني بالتضحيه وتقديم نفسه للتضحيه في الكوارث فإنه يلقى السب والشتم

اخي وعزيزي القارى لاتعلم كيف هي الحاله الصحيه لرجال الدفاع المدني


ولكن الصور خير دليل :

من داخل الآوديه يخرجون النساء




من داخل المنازل يخرجون الآطفال





من داخل المياه النظيفه يبحثون عن الغرقا





. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

من بطون الأوديه




من قلب الوادي





. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .


هذه الصوره من داخل احد المنازل


وهذه الصوره بعد عمليه الانقاذ



وأخيرا .. تذكروا ( لآيشكر الله من لايشكر الناس ) ..


أخوكم / أبو فالح

كل قطاع وفيه ايجابيات وسلبيات

انت عطيتنا صور ايجابية بصراحة تبرد القلب وتفتح النفس

بس بنفس الوقت فيه سلبيات كأي قطاع اخر ويوجد هناك مقصرون

مافي شي كامل ماكامل الاوجه الله

بس احيانا وتبعالبعض الاحداث والظروف

تطغى السلبيات عالايجابيات

مثلا شاهدنا صور مفرحة كثيرة في سيول جدة وفيهاتتضح فدائية بعض افراد الدفاع

ولكن هناك افراد من نفس القطاع وفي الضفة الاخرى من جدة

شاهدنا انهم فقط يقومون بالتصوير والمسح على المناطق بالمرور فقط مرور الكرام

دون اي جهد يذكروبتقصير كبير

وهذا كما سمعته من شهو دعيان في العديد من الوسائل الاعلامية!!!

******

ومو من المنطق كلامك انهم اذا انذروا الناس قبل وقوع الامطار والعواصف

انهم خلاص ماينقذونهم لانهم انذروهم قبل

بكذا نفهم منك ان وظيفتهم اعلامية فقط وغير مسؤولين ميدانياعن من يتجاوزتعليماتهم!!!!

*****

عموما الله ينفع فيهم هم وباقي القطاعات
تقبل وجهة نظري ومروري

يعطيك العافيه اخوي ع طرحك لها الموضوع

لكن يجب على العامل بالدفاع ان يعرف من تسجيله فالدفاع المدني ان نفسه ليست ملكه

فيجب عليه العمل لمساعدة الناس وعدم البرود ولا مبالاه

مثل ماقالت اختي الشيهانه انت جبت الجانب الايجابي

واحنا نشكرهم عليه والله يقويهم ولهم الاجر ان شاءالله ومايحتاجون شكرا من ولا من غيري

(وقل اعملوا فسيرى الله عملكم)

لكن هناك سلبيات من البعض ومحاسبين عليه

زوجة اخوي توفت بسبب الدفاع المدني الي يشوفها تغرق بالمسبح نقول طلعوها

يقولون مانعرف نسبح خلها تطفح شوي ونشيلها<<يعني خلها تموت

الله يرحمها برحمته وحسبي الله ونعم الوكيل عليهم

تحياتي

مشكوره اختي الشيهانه على مرورك ..
اتمنى من الناس عدم الجمع فما يفسد المجتمع الى الجمع فجمع على الدفاع المدني وما ذنب المثابرين والمنتضمين منهم ..!
مشكور اخوي التميمي على مررك ..
اخوي التميمي انا لي صله بضباط وافراد الدفاع المدني وبمكانك تشتكي من قام بالتهاون في اداء عمله ولكن واقسم بالله والله شهيد على ما اقول انني اعرف اشخاص يعملون بالدفاع المدني انني اشاهدهم بعض الاحيان لا اعرفهم من الحاله الصحيه التي هم عليها والله الهداي إلي سواء السبيل

مشكوره اختي نوف على المرور

ولكن من قال لكي ان الدفاع المدني فشل !

انا لا اعطي الدفاع المدني اكبر من حجمه ولكن .. الدفاع المدني ظلم كثير من الشعب .. وان كان كما تقولين الحرس الوطني من شارك في كارثه جده ..؟ فما اعتقد ذالك لان مصادري موثوقه 100% من قائد من قاده الدفاع المدني انما من قام بالمساعده رجال قوات وزاره الدفاع والطيران لماذا لانرى رجال الحرس الوطني البواسل يقومون بعمليه الانقاذ .. ؟
وبالنسبه للصوره والمقطع لماذا لم يتدخل المواطنين قبل وصول الدفاع المدني ؟
لماذا نرى تجمع الشعب السعودي في الكوراث والحرائق يقومون بالمشاركه والتدخل في اعمال ليس لهم فيها ؟؟ لماذا ؟؟ لانراهم ينظمون حركه المرور حين وقع حادث ؟؟
وشكرا

مشكورين اخواني على المرور

ما نقول مالهم ايجابيات

لكن سلبياتهم كثيرة

وهي تعتمد على شيئين

اللي يرد على التلفون وذمته في ايصال المعلومة

والفرقة اللي تغطي

تخيل مغرز واكلمهم يقولون مالنا صلاحيات نطلعك

وصادف اني حضرت مناسبة جاء فيها سعد التويجري مدير الدفاع المدني واقولها بوجه

دفاع مدني لما تصير كوارث بس لكن واحد معلق وحالته حالة يقولون طيب بعدين مدري كيف

مشكورين اخواني على المرور وجزيتم خيرا .. ووفق الله أبناء المسلمين لم فيه خير .

حياك اخوي..

الدفاع المندي اقصد المدني يُعرف بأنه مجموعه شباب متكين قدام مبنى
الدفاع المدني يتقهوون واوقات يفلونها ويلعبون كرة طايره..

الدفاع المدني عندنا يبيله تطوير وتدريب ...المملكه اصبحت تمر عليها
كوارث طبيعيه بشكل كبير ورأينا فشل هذا القطاع في مواجهتها

اللي نشوفه الحين من الدفاع المدني هي انجازات فرديه كما حصل مع اليامي مأخرا







سلاااااااااااااااااااااااااااااااااااااااااااااااام

مافي احد ينكر المهمات اللي قاموا فيها لكن برضوا سلبياتهم كثيره

حصلت لي قصه قبل خمس سنوات سيارتنا طاحت في السيل وكنت انا اسوق ومعي ثلاثه من

الشباب حالنا نطلعها لكن بدون فائده والمويه وصلت الى مقعده السياره وحالتنا سئيه مره اتصلنا

عليهم لانا شفنا سيارتهم على الشارع قريبين من عندنا كلمنا الموظف قال فيه محتجزين داخل

السياره قلنا لا قال خلاص دبروا اعماركم يعني المشكله لو مو قريبين كان هانت اشوي لكن جمبنا

بيننا وبينهم كيلو تقريبا اتصل خوي على نفس الرقم قال يمكن واحد ثاني يرحم بحالنا عكس الاول

ورد علينا بنفس الرد يعني مايدري يبغوننا نغرق داخل الماء بعدين يجون او اش القصه بالظبط

وجانا واحد مطوع الله يجزاه خير معه صالون طلعنا وجلسنا وسط الماء من الساعه 6 الى الساعه

8 والمشكله ظلمت الدنيا والناس راحو لكن الله ستر بالمطوع والا كان رحنا فيها

الله يستر على واحد من الشباب يسميهم الدفاع المندي وهو صادق في كلمته هذه

يعطيك العافيه اخوي ع طرحك لها الموضوع

والجانب الآخر منهم ,
إذا اتصلت عليهم في حالة الحريق
يقول لكـ, طفيه أنت !!!!
<< والله حدث فعلاً