... { أبعترف لك } .. - نادي الهلال السعودي - شبكة الزعيم

الـوفـا ديـــن · #1 20/12/2009, 03:01 AM

.

هناك مقوله شعبية تقول ( البعد يوّلد الجفا )

و الحقيقة تقول ( البعد يوّلد الوله !! )

.
.

.
.
.

ابعترف لك كل ما جيت ابنساك
ضجّت عروق القلب تعلن غضبها
وابعترف لك لا رويتك بذكراك
تنبت صحارى الروح حالي عنبها
تكفى طلبتك قوللي ليه وش جاك
قلي وش اللي بس حياتك قلـَبها
احرقت قلبي بُعد و البُعد قسّاك
يوم الجفا نارٍ ضلوعي حطبها !!!
يادرب مايرحم عن العين ودّاك
ليته يجيبك لين تحضن هدبها
كن الوله طفل ٍ تركته و ناداك
و عيونه الثنتين طاغي تعَبها
أبسألك باللي خلقني و سوّاك
متى تحس ابلوعتي يا سببها ؟!!
عوّد بَشوفك لحظةٍ ثم تفداك !!
روح ٍ تحبك كان جيت ابطلـَبها !!

الوفا دين

هلالي موت باعلى صوت20 · #2 20/12/2009, 03:04 AM

تكفى طلبتك قوللي ليه وش جاك
قلي وش اللي بس حياتك قلـَبها
احرقت قلبي بُعد و البُعد قسّاك

الله الله اهنيك على..الابياات هاذي خأصه...

ودمة زعيم ياازعيك

متآبعه بصمت · #3 20/12/2009, 03:23 AM

أبسألك باللي خلقني و سوّاك
متى تحس ابلوعتي يا سببها ؟!!

صح لسانك يا شاعرتنا

والله أبدعتي

مَاهِينُورْ · #4 20/12/2009, 03:29 AM

..

ياهلا والله وغلآ بشاعرتنا الوفا دين

عوداً حميداً إلى المجلس

قصيدك راائعة ما شاء الله

الله يعطيكِ العافية ولا تحرّمينا من كتابتك

...

هلاليه محترفه · #5 20/12/2009, 03:31 AM

كن الوله طفل ٍ تركته و ناداك
و عيونه الثنتين طاغي تعَبها
أبسألك باللي خلقني و سوّاك
متى تحس ابلوعتي يا سببها ؟!!

روعه مشاءلله عليك
الله يعطيك العافيه ..

Carizma · #6 20/12/2009, 03:31 AM

صح لسآإنك ,

يعطيك العافيـه على الطرح الرائـع , وبالتوفيق .

الـوفـا ديـــن · #7 20/12/2009, 06:55 AM

إقتباس

الرسالة الأصلية كتبت بواسطة هلالي موت باعلىصوت20


	تكفى طلبتك قوللي ليه وش جاك قلي وش اللي بس حياتك قلـَبها احرقت قلبي بُعد و البُعد قسّاك الله الله اهنيك على..الابياات هاذي خأصه... ودمة زعيم ياازعيك

حياك الله اخوي و شاكره أطراءك

لا هنت

عقد الياسمين · #8 20/12/2009, 07:36 AM

كن الوله طفل ٍ تركته و ناداك
و عيونه الثنتين طاغي تعَبها

صـــح لســـانك يا الغالية ..

ما أعرف يعني القصايد طلعت معك اليوم ولا هي مكبوتة من زمان وما شفناها الا اليوم ؟

دايماً أمتعينا وزورينا

..

Ṩάḓὲὲм~ · #9 20/12/2009, 07:46 AM

إقتباس


	كن الوله طفل ٍ تركته و ناداك و عيونه الثنتين طاغي تعَبها

القصيدة جزلة
وتشبيهك الوله بالطفل أعطى القصيدة تعابير خيالية

>> شعندها دكتور غسّان

بصراحة مو أنا اللي أقيمك تبارك الله
صح لسانك يالغلا ؛

الهلالي دائماً · #10 20/12/2009, 07:51 AM

حياك الله اختي الوفا دين ومنوره المجلس ..
وصح لسانك على الابيات الجميلة جداً ..

إقتباس


	تكفى طلبتك قوللي ليه وش جاك قلي وش اللي بس حياتك قلـَبها

اهديك ها البيت واقولك ليه غبتي عن المجلس العام

دمت بحفظ الله ,,,

مطيع · #11 20/12/2009, 11:05 AM

إقتباس


	يادرب مايرحم عن العين ودّاك ليته يجيبك لين تحضن هدبها

بعض الابيات تغني عن قصيدة
الوفا دين
صح لسانك

سع ـود · #12 20/12/2009, 11:28 AM

صح لسانك الوفا دين
احترت اي بيت اعلق عليه

عقـل الهلال · #13 20/12/2009, 12:01 PM

قمة الإحسـاس بالإحسـاس

أبيات تلآمس الروح

صـح لسـانك ,,

لكـ مودتي ,

الـوفـا ديـــن · #14 21/12/2009, 01:07 AM

إقتباس

الرسالة الأصلية كتبت بواسطة متآبعه بصمت


	أبسألك باللي خلقني و سوّاك متى تحس ابلوعتي يا سببها ؟!! صح لسانك يا شاعرتنا والله أبدعتي

هلا و الله و غلا أختي

صح بدنك و لا هنتي

و الإبداع أنتم أساسه

ربي يحفظك

شوق الكويت · #15 21/12/2009, 01:25 AM

ماشاءالله رووعه ابدعتي اختي الوفا دينـ

يعطيج العافيه حبيبتي