في بيتنا ..

سلام عليكم , اول مره يمكن اكتب بهذا الاسلوب في المجلس وعساه بس يوصل الي ابي اوصله لكم !


اعتقد ما فيه بيت حالياً يفضى من الخدم سواء شغالات والا سواقين وفي بعض مكاتب
الاستقدام عروض حلوه خدامه وسواق طبعا مهوب كذا من باب الله معطينك الا علشانه رجلها
وتبلش بهم بعدين ويمكن يولدون عندك


على سالفة الولاده .. اذكر وحده من البنات تقول سواق خالتي طلع زوج شغالتنا بعدها بفترة
بسيطة اكتشفنا انها حامل شلون قعدو مع بعض ماندري .. وبعدها بفترة بسيطة طلع لها ولد
يشتغل هنا ويبي يشوف امه .. قلت لها الهنود عادي عندهم بكره تلقينهم قد بنو بيت جنبكم
و3 وبزارين معهم خخخخخ


ووحده من عماتي عندهم شغاله الظاهر عمرها 100 وشوي .. تقول مره من المرارير وهم
يغسلون الحوش يدورونها مالقوها .. قالو يمكن راحت المطبخ وتجي يحترونها ساعة ساعتين !
وين ذي طست ! .. ويروحون يدورونها شوي يلقونها طايحه ورا الحوش مغمى عليها ..
وطبعا عمتي دقت على طول 911 حقنا ووصلو بعد كذا ساعة < لزوم الخدمه السعودية ..
وودوها .. بعد الكشف يقول الدكتور هي مرهقه ! .. شلون مرهقه بالله وهي توها صاحيه
ونايمه نومت اهل الكهف !!!! .. قلنا لها سفريها وجيبي وحده بدالها قالت لا خلوها تسترزق !


النية الطيبه مننا احيانا مع الخدم حلوه .. لكن بعض الخدم ما يستاهلون .. اعطيكم سالفة بعد !

صديقتي تقول عندهم سواق مهايطي ! .. ينفخ عليهم يضرب عيالهم الصغار .. ولما يجي
ابوهم يقعد يبكي يقول بابا انا ما فيه سوي انا مسكين كلو بزوره يضرب انا .. طبعا صديقتي
مفهيه تقول ذا نصاب يتمسكن قدام ابوي وطبعا ابوها قلبه طيب ويرحمه يقول خلو ذا الضعيف
ما ترك ديرته الا يدور لقمة العيش وش فيكم عليه ! .. وهذا السواق استمر على هالمنوال لين
مره صاده خالها وكفخه كفخه كفخه ووداه القسم .. بعدين رجع لهم وتاب يسوي ذي الحركات ! ..
بس اكيد النفس مهيب طيبه عليه ..



نجي لسوالف الخدم الي تضحك ههههههههه ..

اذكر مره حاظرين زواج وطبعا كل وحده تمشي ووراها بناتها طابور رازتهم يعني شوفو بناتي
وورا هالبنات شغالتهم شايله عفش البيت !! .. لكن هذا شي عادي وتعودنا عليه .. لكن ان
الشغاله تصير احلى من البنات وامهم مشكلة ! .. وزود على كذا مسوين لها مكياج !


اغلب الخادمات يحبون يجلسون مع الجدات .. سوالف ونفس طيبه وما يكرفونهم كثير مثل
بعض الناس .. ومن خلال جلستهم يتعلمون بعض الكلمات الي احيانا ما ودك يعرفونها مثل
العيارات .. فشينه تصحين من النوم يا اختي الكريمه وتناديك الشغاله بعيارتك الي يقولونها
اخوانك .. فوحده من البنات تقول لنا اخوانها يسمونها " عليبص" للامانه ما اعرف وش معانها
بس من النطق تضحك .. فتقول نزلت المطبخ اشرب لي مويه شوي تقول لي الخدامه "اوليبص" ...
استغربت شوي ؟! ما فهمت المقصود .. قلت هاه ؟ .. قالت اوليبص انتي اسم اوليبص .. قلت طسي هناك يا كلبه #$%#@$@# < كلام مشفرهههههههههههههههههه .. طبعا
خويتنا عصبت وحقدت على جدتها شوي مالها داعي تروح 4 سنوات تناديها كذا ! ..


كثير نسمع سوالف الخدم الي ينحاشون واغلبهم خادمات .. اما سمعت سالفة سواق انحاش
جديده علي ههههههههههه .. لكن من الغباء ما يعرف ينحاش .. الي ينحاش ما يروح لاماكن
مشتبهه .. فسمعت هالسالفة من بنت خالتي تقول انها سمعتها من صديقتها عندهم سواق
انحاش ومن الظهر لين العشاء ما لقوه يوم جا صلاة الفجر جا صلى معهم هههههههههههه
ويمسكه اخوها مع قفاه بعد الصلاة ! وياخذه معه للبيت ويقفل عليه !! غبي غبي غبي هههههه


بعض الخادمات حراميه وبعضهم الله يكفينا شرهم ساحرات ! .. يعني لما شغالتكم بتسافر
لزوم تفتشونها .. فصديقتي تقول لي كل ماجات شغاله عندنا بتسافر نخليها تروح عند شغالة
خالتي تسلم عليها وتودعها وبينما هي هناك .. نسوي سطو على غرفتها واغراضها وعفشها
ونفتش نشوف اخذت شي والا لا .. قلت لقيتو شي خذته ؟ قالت اكيد بنلقى لقينا اشياء
واجد بس بعضها عاديه العاب اكسسوارات حتى وهي مكسوره ماخذتها ..


وصلت لنهاية موضوعي الي الصراحة ما ادري شيبي لكن هذا الي طلع معي اليوم .. كنا
جالسين وطلعت سوالفنا كلها عن الشغالات ووو وطبعا الي جاب طاري هالموضوع ان شغالة
خالتي بتسافر بكره ههههههههههه لزوم نفتح مثل هالمواضيع ومنها ندردش ونفرفش ..

عاد لازم اعطيكم اسئلة < واجب قراءة


- بالغالب ببيتكم او ببيت احد اهلك عمك خالك جدك عمتك خالتك جدتك اين كان يكون فيه خادمة او سواق ؟ كيف تعامل اهل البيت معها ؟

- تحبون تطيحون الميانه مع الخدم ؟ يعني انتي يالبنت تسولفين مع الخدامة وضحك واستهبال ؟ وانت يالولد نفس الشيء مع السواق ؟

- مواقف صارت لك مع الخدم ؟

- نظرتك بشكل عام لهم ؟

- مساحة حرة تكلم فيها بما يتعلق بالموضوع المطروح ..




ان شاء الله يعجبكم طرحي الي مدري وش يبي < اثار السهر ..
ونشوفكم بمواضيع ثانيه .. وكل عام وانتم بخير وجمعة مباركة / السنيورة

بالغالب ببيتكم او ببيت احد اهلك عمك خالك جدك عمتك خالتك جدتك اين كان يكون فيه خادمة او سواق ؟ كيف تعامل اهل البيت معها ؟



وش تحسين فيه بالله انتي !!؟ يعني بمشي عليهم كلهم واقولك هذولا كويسين وهذولا ماهم كويسين وهذولا بنتهم فلآنه تحشر الخادمه بالحمام << تكرمون .

بتكلم عن بيتنا ,, أمي بعض الأحيان نقول ياليتني خدامه عند أمي تدلعها دلع آخر كلآم الشغاله عندنا مرفهه ترفيه كامل (( حتى اسألي روح الهلال )) تصحيه من النوم وهي على بعد 10 كيلو تخاف يجيها طاوله كرسي دولاب



- تحبون تطيحون الميانه مع الخدم ؟ يعني انتي يالبنت تسولفين مع الخدامة وضحك واستهبال ؟ وانت يالولد نفس الشيء مع السواق ؟




يعني معاملة انسانية فقط لآ أكثر



- مواقف صارت لك مع الخدم ؟



يقطع شيطانها داني مرة جاي من السفر وقلت لها وش مصلحه عشاء قالت سوي عشاء فطور ههههههههههههههاي يقطع شيطانها يعني عشاء نواشف فا مسكنها من عقبها ان النواشف تكون فطور بكل وقت .
أنا الي يضحكني بالشغالات ان حتى هم بيناتهم غيرة وسوالف حريم يا انا افطس على سوالفهم هذي داني ماتحاكي شغالة أختي لأن شغالة أختي تقوم الصبح قبلها



- نظرتك بشكل عام لهم ؟




نظرة ثاااقبه <<



- مساحة حرة تكلم فيها بما يتعلق بالموضوع المطروح ..




شوفوا ياناس ترا والله حرام انكم تقسون على الخادمات أو السواقين لأنهم هذولا بشر مثلك مثلهم وعسى الله لا يحدنا على الضروف اللي حدتهم وخلتهم يجون عندنا خدم وسواقين من أولها أعجبتك الخدامه أو السواق والا رجعها للمكتب اللي جابها أما أنك تعذبها أو تهاوشها دايم فا ما يصلح لأن كل شخص فينا ما يحب انه تمس كرامته بشيء .

على طاري تفتيش الخادمات قبل يسافرون فيه شغله جديدة طالعه بس اهنيهم عليهم هالطقاقات يقولون انهم بأوقات كساد السوق يشتغلون مفتشات على الخدم اللي بيسافرون يفتشون كلش كلش كلش . عجايب .







مشكورة ع الموضوع الترفيهي المفيد ان شاء الله .


لكـ مودتي

احمد الله ان الموضوع نال استحسانكم .. نجي للتعليق على ردودكم .. :


بريماكس ’

إقتباس هلا وغلا السنيوره اول موضوع لك ويكون بالهجمال؟ صدق اعجبني كثير كثير ماشاء الله عليك اتمنى يكون الأنطلاقه والبدايه في طرح الجميل هنا بالمجلس

هلا فيك بريماكس .. ’ الله يسلمك اخجلت تواضعنا .. وان شاء الله ما تكون اخر المواضيع

إقتباس اولاً يوجد بيوت وعوائل كثيره لايوجد عندهم لاسواقين ولا شغالات ولا خدم العيال وش شغلتهم ؟ والبنات وش شغلتهن؟ تقوم البنت وتفسر ايدياته وتغسل وتطبخ وتطحن والولد يودي ويجيب وكلن له شغلته او مقابل النت ومشاهدت المسلسلات الله يهديهم والولد دوران مع اصحابه لا دقوا عليه الأهل قال انا مشغول بليز لاتكلموني

اكيد من ضمن هالبيوت بيتنا ما نعترف بالخدم .. المشكلة الاكبر دايم من الولد هو الي يرفع الضغط الصراحة يعني اهله يحتاجون لحاجه او مشوار وهو يطنشهم والا يقول بعدين فما ينلامون الاهل لما يطلبون من الوالد يجيب لهم سواق يخدمهم دام ولدهم ما منه خير

إقتباس ههههههههههههههههههههههههههههههههههههههههههههههههههههههههه زين هندي لو هو بنقالي تسان تلقينهم توأم خمسه دفعه وحدهالبنقالي مايوفر الحمل عندهم سته شهور

انا الصراحة ما افرق بين الهندي والبنغالي .. اشكالهم وحده اتحفنا بخبرتك

إقتباس قبل شهر مدري بالضبط كنت مودي اعيال اخوي وشغالتهم لأهلهم اخوي مرتبط ورحت اوديهم وكانت معهم الخادمه ستي ركبوا معي وسلمت عليه وسالتني قالت مافي زواج؟ قلت لا مافي زواج صغير انا لسى الا خبرتني بنت اخوي انها بتسافر بعد اسبوع قلت خلاص سيتي في روح مافي يجي قالت ايه قلت انا في زواج انتا فيه موجود انا مبسوط كثير قالت انا في دعاء

ههههههههههههههههههههههه يا حليلها مثل هالشغالات ينحبون والله

إقتباس ماعندنا لا خدم ولا شغالات لأننا لسنا بحاجتهم الحمدلله ومتى ما احتجناهم مافي مشكله لكن لو صار عندنا عن نفسي ابطيح الميانه مع الشغاله كيف السواق امزح لايصدق احد ه ه ه ه --> يعني هههه

طبعا تطيح الميانه علشان تسوي لك سندويتش < النية الطيبه

إقتباس والله انا تعبت الصراحه عقب اللي كتبته لاني انسجمت وانا اعلق ومدريت الا الظهر منكسر لذذلك اكتفي واقول موضوع رائع جداً ومواقف مضحكه !! وكل عام والجميع بالف خير .. وشكراً السنيوره عالموضوع !! وننتظر جديدك .. تحياتي ..

عسا دوم ان شاء الله والحمد لله اعجبك موضوعي < عاد وش يمسكها الحين بتدهر مواضيع
وحياك ربي مره ثانية










عقـل الهلال ’

إقتباس بما أني أول رد فا لازم أخذ راحتي اتكلم مثل ما ابي << سقط علينا بريماكس الله يهديه ,, يمدي يمدي بريمو ولووو المطرح مطرحك

المره الجايه علمني امسك لك سرا < برا

إقتباس وش تحسين فيه بالله انتي !!؟ يعني بمشي عليهم كلهم واقولك هذولا كويسين وهذولا ماهم كويسين وهذولا بنتهم فلآنه تحشر الخادمه بالحمام << تكرمون . بتكلم عن بيتنا ,, أمي بعض الأحيان نقول ياليتني خدامه عند أمي تدلعها دلع آخر كلآم الشغاله عندنا مرفهه ترفيه كامل (( حتى اسألي روح الهلال )) تصحيه من النوم وهي على بعد 10 كيلو تخاف يجيها طاوله كرسي دولاب

بلحضه حسيت انك تهاوشني !
بس بعض الخدم ما يستاهلون من يدلعهم يمكن ينقلب هالدلع بشكل سلبي ويأثر عليكم بدال ما يخدمونكم تخدمونهم - من قالت طاش ما طاش

إقتباس قطع شيطانها داني مرة جاي من السفر وقلت لها وش مصلحه عشاء قالت سوي عشاء فطور ههههههههههههههاي يقطع شيطانها يعني عشاء نواشف فا مسكنها من عقبها ان النواشف تكون فطور بكل وقت . أنا الي يضحكني بالشغالات ان حتى هم بيناتهم غيرة وسوالف حريم يا انا افطس على سوالفهم هذي داني ماتحاكي شغالة أختي لأن شغالة أختي تقوم الصبح قبلها

هههههههههههههههههههههههههه جارات ..
مو بس الشغالات يسمونه عشا فطور .. يعني احيانا حنا من ناحية التريقه والضحك نقول عشانا فطور يعني نواشف

إقتباس شوفوا ياناس ترا والله حرام انكم تقسون على الخادمات أو السواقين لأنهم هذولا بشر مثلك مثلهم وعسى الله لا يحدنا على الضروف اللي حدتهم وخلتهم يجون عندنا خدم وسواقين من أولها أعجبتك الخدامه أو السواق والا رجعها للمكتب اللي جابها أما أنك تعذبها أو تهاوشها دايم فا ما يصلح لأن كل شخص فينا ما يحب انه تمس كرامته بشيء . على طاري تفتيش الخادمات قبل يسافرون فيه شغله جديدة طالعه بس اهنيهم عليهم هالطقاقات يقولون انهم بأوقات كساد السوق يشتغلون مفتشات على الخدم اللي بيسافرون يفتشون كلش كلش كلش . عجايب .

كلامك درر واضافه حلوه للموضوع الله يعطيك العافية

إقتباس مشكورة ع الموضوع الترفيهي المفيد ان شاء الله . لكـ مودتي

العفو , وشاكره لك تواجدك وردك بالموضوع ’










صديق ويلي ’

إقتباس اهنيـــك ع الموضوع والله..!

الله يسلمك

إقتباس والله نفس الازمة اللي صايرة عندنا جاتنا وحدة جديدة يــآآآآلعنبا الفهــآآآوة والبرووود اللي فيها تقوم الصبح تستقبلك بريحة الفم الكيماوي ونبي نرجعها الله لايعيدها..!

هههههههههههههههههههههههههه حاسه كلمة يالعنبا طالعه من قلبك ..
مشكلة لما تكون الشغالة وسخه ولا تتغير من طباعها بتفشكلم لو جاو ناس عندكم

إقتباس بس بجد اكبر هاجس يحوم فوق راسك وقت رحيل الشغالة تيدأ المرة توسوس(وش ماخذه معها من اغراضي وش خذت من البنات وش وش وش) لكن امي الله يخليها ^^مباحث البيت^ قبل لاتروح شغالتنا للمطار تنزل كل الملابس اللي عليها وتلبس غيرها وهذا اللي صار وقعدت تبكي الشغالة ليش مدام ليش بعدها فتشنا ملابسها الداخلية ماحصلنا شي

زين سوت امك .. من ابسط حقوقنا اننا نفتشهم لما يروحون ما نضمن وش خذو والا ما خذو حتى لو جلسو الدهر كله معنا
بس حاسه ان التفتيش قدامها محرج شوي .. المفروض لما تكون موب فيه

إقتباس ومع مجريات واعتيادات الحياة مرت علينا عجوز كبيرة حالتها مايعرفها الا رب العالمين وتصدقنا عليها بـ 200 ريال وترجع امي ترتب البيت وتحصل ملابس الشغالة نفسها قبل لاترميها بالزبالة قالت خلني افتش من جديد والله وتفتش الملابس وتستغفر وتذكر ربها ومن دون ماتشوف امي سبحان الله طاحت يد امي ع الجرم المتخبي زي الجيب مخفي ومخيط بطريقة عجييييبة مايتخيلها الواحد ونطلع ونلقى شعر امي وشعري وشعر خواتي واخواني كلهم حسبي الله عليك يابنت الكلب..!

حسبي الله عليها .. الحمد لله الي فتح قلب امك عليها مره ثانيه ’ والله يطول بعمرها ويخليها لكم

إقتباس والشغالة اللي قبل سارقة حول الف ريال وخاشتها الله يكرمكم بحفايظها..كــآآآآآك مصــآآآيب الى الليل الله لايبــلانــآ >طفشنا من الاندونيسيات الساحرات والسيرلانكيات الزلايب

ههههههه زين انها بحفايظ مو بمكان ثاني .. الله يعينكم ويرزقكم بشغاله طيبه وعلى نياتها وتخاف ربها

إقتباس >>ابوي يقول بنجيب روسية يمدحونها>>آآآح اي والله يمدحونها يبه جبها وازهلها ولا من البحرين من قريب..ههههه اما شغالة روسية ببيتكم..ههههه والله يقلب بيت دعارة ياشيخ..!

ههههههههههههههههههههههه وين الهئية عنكم < اول من بتبلغ

إقتباس آآآسف ع الاطالة لكن موضوعك يبيله سوالف مو رد>>ماشاءالله عليتس بعد انتي ماخذه طبع النسوان صح

ابد عادي خذ راحتك .. ما كتبت الموضوع الا علشانكم !
ونورت الموضوع بطلتك , وخلنا نشوفك مره ثانية










للبقية ’ لي عوده بإذن الله ~
[IMG]file:///C:/Users/MRCE9D%7E1.BRA/AppData/Local/Temp/moz-screenshot-7.png[/IMG]