الله يوفقك ويسعدك يآآرب بصراااحة موضوعك مرررة عجبني وخاااصة الوظيفة ياليت كل واحد يشوف وظيفه ولاشي يسوي زيك ولايحرم عمره اجر تفريح مسلم

سلام بريمو

ع طاري الهدايا

أمس عطوني المدرسة وردة
قلت نعطيها الوالدة
أول ما وصلت البيت إلا اختي الصغيرة قدامي
ودوك تقطيع بهالوردة المسكينة

نعوض إن شاء الله المرة الجاية


تحياتي

اولا شاكر لك الموضوع اللي يدكرنا بفضل امهاتنا
انا الان بالجامعة والحمد لله كليه تمام والوضع شوي زفت بس كمان حلو بحكم الغربة
الموووهم ما اطول وانا بثالث ثنوي كنا انا واثلاثة من اصحابي نسافر مسافة 110 كيلو عشان ندرس خصوصي لان مدرسنا حق الرياضيات (من جنبها) الموهم
كنا مرة نصور الاوراق وشفنا محل اكسسوارت قلت انا وخويي ندخله دخلنا وقلت اشري لامي (بنجرة) طبعا تقليد بس على قد الحال والله ما تتخيلو كيف فرحتها بها
والاكثر اني لو رجعت لهم ايام الاجازات تلبسها وتورينيها وانا مبسوط واوقول عقبال ما اشري لك دهب تقول لو تشري لي عشرطعشر وحدة دي بتكون اغلى هدية

طولت عليكم صح بس والله مشتاق لها ربي يحفظها

هلا بك خيو بريماكس ..


اخيراً شفنا لك موضوع وش هالقطاعة !

بس أهم شيء أن الموضوع عن الأم عشان كذا طلع مزبوط ..

ولا أوصيك المرة الجاية الهدايا لخواتك ترى والله حنا البنات نفرح لو الأخ جاب هدية .. يعني لها قيمة عندنا


الله يعطيك العافية ، ويحفظ لك الوالدة ويخليكم لبعض يارب ..

إقتباس الرسالة الأصلية كتبت بواسطة عـز الهلال ][ وعليكم السلام ورحمه الله ][ .. هلا بك ابرآهيم .. بصراحه موضوعك بتسوي فيه خير لأمهات البزآرين الي تقول عنهم ،، خلهم يوسعون صدر امهاتهم . .. [ الزبده ] مررره في مكه دخلت محل جلابيات نسائيه .. لأن يعجبني تصميمها مدري ليه احس انها تحفه الجلابيتآت .. شفت ارخص جلابيه وجبتها للوالده وهـــ بس لو تشوف فرحتها .. الله يديمها . .. الحين ودي اشتري كذا هديه لــ كذا نفر لكن المكآفئه ماتكفي .. الله يعين بس .. وشي ثآني خويك الي على اسمي .. سلمني عليه وهــ بس يالبى الريآنين كلهم . سلاميشو ...

هلا وغلا صديقي ريان

والله موضوعي ليس مخصص للصغار بالعكس موجه للجميع بزران ولا شيبان

اللي بياخذ فيه والله بينفع نفسه بالدنياء والآخره وانا ماذكرت هالكلام الا يوم حسيت الفرق بنفسي انا بين الآن وقبل سنوات فرق والله !!

ولازلت اشكر ولد خالي اللي غير تعاملي مع والدتي وفضله ولايعني اننا عاصي من قبل لكن غافل شوي

واللي يقول مامعي فلوس الهديه انا راح اساعد اي عضوو بيهدي امه هديه بشرط يهدي لها مايروح يهديه لا أحد ثاني ويكون السعر مناسب تراي مانب ولد الراجحي اللحين يجي كم عضو ويقول ابهديه هديه با الفين

ماقصرت والله ياريان وياليت ماتكون الهديه الجلابيه هي الاخيره داوم يالغالي

ريان اذا انا اللي من ضمن اللي بتهديلهم اقولك وصلت يالغالي ومشكور واحد واثق ههههه

يبلغ ان شاء الله اسلملك عليه

لا هنت ريان عالتواجد واسعدتني كثير وشكراً لك ..

إقتباس الرسالة الأصلية كتبت بواسطة الهنوووف وعليكم السلام ورحمه الله وبركاته هلا والله بـ بريماكس الهدايا لها تاثير على الكل الا عاد الي ميت احساسه مهما كانت الهديه بسيطه الا اننا نفرح فيها يكفي ان فيه ناس متذكرتنا كيف عاد لو الهديه من ابنك او امك او ابوك سؤالي .. هل اهديت والدتك هديه يوم ما .. وماهي ؟ ايه اهدي امي وابوي واخرتها عيد الفطر اعطيت ابوي (ساعه ) وامي شنطتين (تختار وحده طبعا ) + ملابس وكيف شعوره .. وشعورك انت واحساسك وانت تدخل السرور الى اقرب الناس اليك !! شعوري طبيعي يكون حلوو وانا اقدم شي بسيط لاغلى الناس عندي يمكن لو فكرنا ان هالهديه شي بسيط في ظل الي سواه وقدموه لنا بحياتنا شعورهم اسالهم بس الواضح من عيونهم وخجلهم انهم مبسوطين ومستحين وبخصوص الوظيفه من فرج لاخيه كربه من كرب الدنيا فرج الله عنه يوم القيامه وان شاء الله الواحد له اجر اذا دل ع منفعه لـ غيره والله لايحرمنا ولايحرمك الاجر يمكن الواحد مايحس الا لما يحتاج للوظيفه وينتظر احد يدله \ / الله يطول بعمر والدتك ويخليها لك ويرزقك برها ورضاها ويرزقني بر والديني ورضاهم والجميع يارب سم ياحبي لك تشبيه حلوو الهنوووف كانت هنا ورحلت

هلا وغلا الهنووف

صادقه والله الهديه له أثر نفسي

انا قبل سنتين تقريباً اهداني صديق لي يشتغل بزهور الريف هديه عطر جداً رائع .. سعره تقريباً 150 ريال حجم صغير

والله حتى هاللحظه مانسيته هالهديه وله أثر فيني بالرغم من مرور كل هالفتره الطويله عليه بس احسه من قلبه مهديني حتى اذكره اتصل علي وانا بالبيت قال هلا قلت هلابك .. وبعد السلام

قال اطلع عند الباب ابيك قلت طيب هذاني اطلعلك ..

انا طلعت ومستغرب منه احس كلامه خجل ومدري ايش

طلعلته وركبت معه بالسياره ونسولف الا يعطيني هالهديه ويتبسم انا وجهي عرق شكرته وواستئذني ومشى ..

ماشاء الله عليك الهنوف الله يحفظ والديك ويخليهم لكم واستمري على هالمنوال

مشكوره على دعواتك الله يجزاك كل خير ويرزقك بر والديك والجميع ان شاء الله

سمي وردتين ماهب وحده يالبخيله هههههههههههههههههه امزح والله

إقتباس الرسالة الأصلية كتبت بواسطة ماجد مقبل الله يعطيك العافية بريماكس وصدقني لو عندنا منك اثنين صوتوا ثلاثة >>> بلا سماجة والله موضوع جميل وفيه رساله رائعة وصادقة لنا جميعاً ... وياليت كل منا يقدم هدية بسيطة لامه حتى ننال رضى الله عز وجل ... بي بي بصراحة بعد ما قريت موضوعك مسكت معي أدور لك لقب عاد لقيت لك نحول المنتدى شف اذا تبيه والا بحوله لعضو ثاني دمت بحفظ الله ،،،

هلا وغلا ماااجد..

الله يعافيك يالغالي

والله اتمنى من الجميع ان يقتربوا الى والديهم وان يبروا بهم لان البعض قد يكون غافل شوي ويحتاج الى تذكير والخير موجود ان شاء الله ..

سمعت في أحد الاشرطه قبل فتره ان هناك احد من السلف كان يبكي على قبر امه يوم وفاتها سالوه قالوا ولما تبكي ؟؟؟؟
قال كيف لا ابكي وقد اغلق علي باب من ابواب الجنه الله يرزقنا البر قبل الممات

ياحبيلك انت اللي تقوله منفذ لو صار ماصار .. وهاالقب رائع جداً ويكفي انه منك

تحياتي .. نحول المنتدى واحد فرح ههه

إقتباس الرسالة الأصلية كتبت بواسطة miss zozo يعطيكـ العافية بريماكس والله يخلي لكـ الوالدة ويطول بعمرها يارب,, مهما سوينا للوالدين مانلحق جزاهم والله,, جزاكـ الله خير بريماكس عالتذكير,,

هلا وغلا ..

الله يعافيك اخوي .. وجزاك الله خير على دعواتك ولك بالمثل ان شاء الله ..

إقتباس الرسالة الأصلية كتبت بواسطة Blue Sun هلا والله بريماكس .. والله اننا مقصرين جدا في حق امهاتنا .. والهدية هي اقل شئ نقدر نقدمه لهم تقديرا لتضيتحهم تجاهنا .. والله اني دائما احاول اهديها اي شئ حتى لو كان بسيط .. يعني مثلا اذا رحت اشتري عطر او اي شغلة لازم احسب حسابها .. ويكفيك منها بس الدعوات اللي تجيك وقتها .. وما نقول الا الله يعيننا على برها والاحسان اليها والقيام بحقها .. جزاك الله كل خير على النصح والتذكير .. يعطيك ربي الف عافية على الموضوع ,,

هلا وغلا فهد

الوالدين مهما سوينا فيهم ماراح نلقاء جزاهم .. بس نسال الله العفو

على طاري الدعوات احيان وهي على السجاده قبل لاتصلي اقرب لمه واقول يمه ادعيلي لاتنسينن تقول ان شاء الله .. لن من الدعوات المستجابه دعوة الوالده لولدها

الله يعافيك يافهد عالمرور واسعدتني الله يحفظك والله يرزقنا بر والدينا ياكريم

إقتباس الرسالة الأصلية كتبت بواسطة R سام الاحاسيـ S يا وغلا بريمكاس صراحة الهدايا بشكل عام لأي واحد مهما كان صغير أو كبير لها طابع غير بالحيل مره كثير فما بالك اذا كانت الهديه لأغلى ناسك الله يحفظ لنا أمهاتنا ويخليهم لنا يا رب والوالد بعد نفس الشي الله يخليه ويحفظه ويطول بعمرهم يا رب لما تسعدهم بشي بسيط جدا تحس براحه مره كثير سبحان الله ولا ننسى اخواتنا الكبار خاصة المتزوجين ياخي اقسم بالله انحرج قمة الاحراج لما يدق أحد من أهلي خاصة أخواتي ويقولو وينك يا قاطع ولا حتى تدق ودك الارض تنشق وتبلعك خلاص الحمدلله بين كل فتره وفتره نهديهم خاصة بالاعياد الله يفكنا من الديون بس مدري متى تخلص بالنسبة للموضوع الثاني شوف اخوي صراحة انا من الناس الي كنت أحب اساعد أي واحد مثل كذا صارت لي مشاكل بالحيييييل مره كثير الي تبي تشغلهم تشغلهم عند ناس تعرفهم ويعزون عليك بالحيل تشتغل أي واحد ويقرب لك أو تعرفه ثاني يوم هو مفشلك احس معد لي وجه خلاص ليه تفشل الناس ياخي قمة الاحراج والله صرت الحين لو أعرف احد شخصيا يبي أحد مثل المحلات وكذا اقول لا لا معرف أحد ويا كثر الي يقربون لي على الأقل تبقى المعزه والصداقة مثل ما هي ومحد يفشلك ويقول أبي أشتغل وما عنده سالفه لا هو حق شغل ولا شي ناس حقين لعب بس وش ترتجي منهم

ياهلا وغلا اخوي ساام

ايضاً لا انسى فضل الوالد ولكني انا نسيت ذكره لن والدي متوفي رحمه الله تعالى .. ولا ينقطع البر بعد الوفاة

وذكرت موقفي مع والدتي لانه موجوده اسال الله ان يطول بعمرها ويرزقنا برها وحست بالاحساس وحبيت اذكركم فقط ..

الهدايا بصفه عامه اخوي حلووه ولها تأثير نفسي وايجابي للطرفين ولا يعني من موضوعي انني حددت الهدايا للوالدين فقط .. لا بس هم اولى من الغيرر

إقتباس بالنسبة للموضوع الثاني شوف اخوي صراحة انا من الناس الي كنت أحب اساعد أي واحد مثل كذا صارت لي مشاكل بالحيييييل مره كثير الي تبي تشغلهم تشغلهم عند ناس تعرفهم ويعزون عليك بالحيل تشتغل أي واحد ويقرب لك أو تعرفه ثاني يوم هو مفشلك احس معد لي وجه خلاص ليه تفشل الناس ياخي قمة الاحراج والله صرت الحين لو أعرف احد شخصيا يبي أحد مثل المحلات وكذا اقول لا لا معرف أحد ويا كثر الي يقربون لي

اخوي مشكلتنا حنا يا اننا نتعب ونسعى بكل قدراتنا لخدمة الغير او خلاص نقفل الخدمه

يا اخوي الحرص الزائد مع البعض ماينفع لانك تتعب وهو مو حريص

انا معاك بعض الناس تسعالهم بالخير لكن يقابلونك بنكران وليش تسوي وتسوي .. انا مره كان فيه اشتراك مجاناً يعني ممكن تفوز وانت مجرد وضعت اسمك مع مشتركين انا وضعت اسم فلان وقلت الله يرزقه ممكن يطلع اسمه

يوم خبرته اني حطيت اسمه قال ليش تحطه قلت ماراح تخسر شئ قال لا ومدري ايش قلت انا اخطيت وآسف وبعده حرمت

يعني لو يجي واحد ويسوي لي نفس اللي سويته والله لاحب راسه واقول بيض الله وجهك بس فيه ناس غريبين صراحه

انا عقبه حرمت اسوي خدمه لاي شخص ثاني الا بعد الاستئذان منه وأخذ الرأي منه حتى ولد خالتي دقيت عليه وعطيته رقمهم وهو بنفسه يشوف شغله انا اللهم شغلتي اخبره فقط وانا اقولك لا تتعب روحك انت فقط لو ترسل له رساله وتخبره عن وظيفه بمكان ما عاد هو يروح وانت جزاك الله خير اللي خبرته عن هالوظيفه

لاهنت يالغالي عالمرور والرد واسعدتني الله يسعدك

إقتباس الرسالة الأصلية كتبت بواسطة هلاليه محترفه وش سالفة راسلني !! ^ ^ خشة عرض --- اعتقد الهدايا لها اثر في النفس على اي شخص فمابالك لو تهدي والدتك او والدك اعتقد الشعور مختلف لما تقدم هديه لأمك وأبوك عن اي هدايا تقدمها لأي شخص عموماً اخر هديه .. شنطة للوالدهـ الله يحفظه ويخليها لي يارب .. الله يعطيك العافيه اخوي بريماكس..

هلا وغلا ..

راسلني واضحه من اسمها وهي خدمه مراسله حلووه وتحتاج للتسجيل وكله من بركات تفكير المشاغب صاحب الفكره هنا

الله يحفظ والديك ويرزقك برهم ان شاء الله

الله يعافيك اختي هلاليه واسعدني مرورك وكل الشكر على حضورك

إقتباس الرسالة الأصلية كتبت بواسطة عقـل الهلال الأم لبى قلبها لو أعطيها روحي ما كافأتها عن ألم طلقه من طلقات الولادة بالنسبه لميمتي عندها عشق لا منتهي للغوايش و للقمصان والجلابيات بس تكرهه الجلابيات اللي تجيك شاموا ومخمل أقول لها ليه يمااهـ تكرهينهم بالعكس أحسهم أكشخ وكذا اذا مريتي من عند ابوي تقول لا ياوليدي مشكلتوهـ يبرم يبرم لين يلصق على رجيلاتي ويحرولني قبل اسبوع كانت آخر مرة أهديت أمي شيء << صدق عاد أحلف أبوي عاد والله من الجلآآفه إذا أهديته هدية يقول ايه عارف انها ماهي لله أخلص وش تبي أمنيتي يغير الساعه اللي عليه مآآش مقتنع بها اقتناع كلي عاد يالله يا شبااااب شدوا حيلكم وخلوا هاليومين مناسبه كذا تهدون أمهاتكم شيء يفرحهم . الله يعطيك العافية أخوي بريماكس على تذكير وعسى الله يجعل كل شخص أهدى أمه بعد ما قرا موضوعك ينولك ثوابه قل آمين .. بالنسبة للعاطلين كان الله بعونهم بس بقولهم كلمه صغنوونه بوهـ مثل يقول (( ارضى بأم شوشه لين تجيك المنقووشه )) لكـ مودتي

هلا وغلا

إقتباس بالنسبه لميمتي عندها عشق لا منتهي للغوايش و للقمصان والجلابيات بس تكرهه الجلابيات اللي تجيك شاموا ومخمل أقول لها ليه يمااهـ تكرهينهم بالعكس أحسهم أكشخ وكذا اذا مريتي من عند ابوي تقول لا ياوليدي مشكلتوهـ يبرم يبرم لين يلصق على رجيلاتي ويحرولني

اغلب اللي ذكرتهم من ملابس ماعرفهم لاني مادخلت بملابس النساء ابداً واحس لو ابتزوج ام العيال بتضحك علي بتقول من وين جاي انت ؟؟؟؟؟؟؟؟؟؟؟؟؟؟

الله يخليك لوالديك ومبين انك مزوووح انت معاهم من ردك الله يحفظهم ويخليهم لك

ابوووك اشرله ساعه ويغيره ههههههههههههههههههههههههههههه

إقتباس عاد يالله يا شبااااب شدوا حيلكم وخلوا هاليومين مناسبه كذا تهدون أمهاتكم شيء يفرحهم

ياسلام عليك يابطل ياياليت يصير من الجمييييييييع

إقتباس الله يعطيك العافية أخوي بريماكس على تذكير وعسى الله يجعل كل شخص أهدى أمه بعد ما قرا موضوعك ينولك ثوابه قل آمين ..

امين الله يجزاك خير على دعواتك يالغالي ..

إقتباس بالنسبة للعاطلين كان الله بعونهم بس بقولهم كلمه صغنوونه بوهـ مثل يقول (( ارضى بأم شوشه لين تجيك المنقووشه ))

صدقت .. وانا ذكرته بالموضوع مثل هالوظائف مجرد استفاده من الوقت فقط .. افضل من الجلوس (فارغ )

لك احترامي واسعدني كثيراً مرورك وشاكر ومقدر لك حضورك

إقتباس الرسالة الأصلية كتبت بواسطة الـمـشـاغـب هلا وغلا بريماكس .. من طول الغيبات جاب الهدايا الله يجزاك خير على الموضوع .. وإن شاء الله كلنا نسمع الكلام ونصير شطار الهدايا لها وقع في النفس على أي شخص .. كيف عاد لو جات الهدية من الابن أو الأخ؟ أحياناً إذا رحت السوق وشفت شي نسائي عجبني وسعره مناسب .. أشتريه وأهديه لأمي أو حدا خواتي .. ما أقول هالكلام عشانكم لا يكثر بس والله منتو بأكبر همي لا بس جد والله ثم والله لما تشوف وجيههم يوم ياخذون الهدية إن ينشرح صدرك وأن تكررها أكثر من مرة يمكن المرة الوحيدة اللي تحسفت أني أهديت أمي هدية هي أني استلمت مكافأتي أول ما دخلت الجامعة ورحت مجمع الراشد .. شريت لي خاتم فضة وقلت خلني أشتري لأمي هدية اشتريت عطر على ما أذكر كان بقيمة 300 ريال يزيد أو ينقص شي بسيط .. وأهديته لها قلت لها تراه عطر رهيب وقيمته 300 ريال ووريتها الفاتورة تغير وجهها وقالت : وأنت وشو له تشتريه بهالقيمة؟ كان خليت الفلوس لك تصرفك في الجامعة الله يهديك << يا حبي لك يمه بعدها خلاص بطلت أتفشخر مرة ثانية نرجع ونقول الله يجزاك خير يا بريماكس ولا راح يحس أحد بقيمة الهدية للأم إلا بعد ما يجرب

ياهلا وغلا بسلطان

إقتباس يمكن المرة الوحيدة اللي تحسفت أني أهديت أمي هدية هي أني استلمت مكافأتي أول ما دخلت الجامعة ورحت مجمع الراشد .. شريت لي خاتم فضة وقلت خلني أشتري لأمي هدية

هههههههههههههههههههههههههههههههه لايروح الأجر بس

بعدين انت شكلك موريه الفاتوره عشان تعلمه قيمته وانه غالي و تبيه تدفع يالبخيل

إقتباس ولا راح يحس أحد بقيمة الهدية للأم إلا بعد ما يجرب

بالضبط !! والله مايعرف قيمة الهديه الا لما يهدي الشخص هديه لأحد والديه بيحس بالراحه الداخليه

ارجع واقول الله يوفقك ويسعدك مثل ما اسعدتنا بالمرور الرائع الجميل يابومساعد -> رافع ايديه يدعي يقول ياالله ان مساعد يجي

لاعدمناك ولا عدمنا رسائلك بالأيميل اللي احسك مرسله بالغلط من عرفتي لك واول مره ترسل بس حلووه الرساله لاتحرمنا ياغالي

إقتباس الرسالة الأصلية كتبت بواسطة ^ العنود ^ ^^^^^^^^^^^^^^ احد يقول سعر الهديه الي جاايبها تسمع بالذوق ياسلطان

هههههههههههههه يبيه تعطيه قيمته يسمع بالهدايا هذا

سلطان ياحبيلك وبس والله اني اعزك واقدرك بس جد ليش تقوله قيمته مفهومه هذي يعني عطين القيمه !!

إقتباس الرسالة الأصلية كتبت بواسطة مَاهِينُورْ وعليكم السلام ورحمة الله وبركاته أهلاً وسهلاً بريماكس جزاك الله خيراً ونفع بك , ما شاء الله نصائح رائعه صدقت بكل ماقلت سواءاً بهدايا الوالدين أو بالتذكير بالوظائف الأم تفرح بأي شي يقدمه لها ابنها , مجرّد جلوسك مع أمك وسؤالك عنها وسواليفك معها وسماعك لسواليفها حتى وإن كانت مكرره , هذي تعبر أكبر هديه تقدمها لها والله بتشووفون الفرح بعيونها وبتدعي لك طول يومها الله يحفظهم ويرزقنا رضاهم .. شكراً بريماكس

هلا وغلا ماهينور

صدقتي أدخال البهجه الى قلوب الوالدين كالاستماع لهم والسؤال عن احوالهم من افضل الأعمال وليس محصور ادخل الفرح على الهدايا فقط

الله امين ... جزاك الله خير على دعواتك وكل الشكر على مرورك وردك

إقتباس الرسالة الأصلية كتبت بواسطة الكلاسيكي وعليكم السلام ورحمة الله وبركاته اهلاً وسهلاً بك بريماكس .. لن اضيف على كلامك وكلام الاخوان والاخوات , ولنا ان نرى الاثر الطيب من التهادي فيما بيننا .. فكيف ان كانت الهديه للأم لها طعم اخر .. ولها اثر كبير على النفس .. عني اخر مره اهديت أمي عطر , ومهما حاولنا ان نوفي للام حقها لن نستطيع .. فكل كنوز الدنيا لا تعطي الام حقها .. اسال الله ان يطول باعمار امهاتنا .. وجزاك الله خير على المساعده في نشر الوظيفه .. وهذا امر طيب .. تقبل احترامي وتقديري .. ودمت بخير

هلا وغلا الكلاسيكي

واياك ان شاء الله ..

كلنا اخوان نتساعد ونتعاون على الخير ان شاء الله

المسلم للمسلم كالبنيان المرصوص يشد بعضه بعضا

اسال الله ان يرزقنا بر والدينا .. كل الشكر لمرورك اخوي ومشرفي القدير عادل والله يعطيك العافيه

إقتباس الرسالة الأصلية كتبت بواسطة Mr.Marwan وعليكم السلام ورحمة الله وبركاته هلا وغلا بريمو ونعم النصيحة والناصح والمنصوح .. على فكرة مو شرط تكون الهدية نشتريها من محل .. خلي أيضاً هديك كلامك الحلو لأمك .. يعني غازل أمك بالكلام الحلو تراه يجوز بعض الناس ماشاء الله بار بأمه بس ماقد قال كلام حلو مثل يازين ثوبك يا أميمتي .. ويازين طبخ .. ويازين شعرك لو امك كبيره بالسن بس تراها تستانس اللهم اجعلنا من البارين بوالديهم يارب .. والله يعطيك العافيه يابريمو على الموضوع الجميل

هلابك اكثر مروان صديقي القطوووع اللي عقب مكالمة الحلم ماشفناك ولا سمعنا صوتك تذكرت

صدقت والله يامروان عاد بعض الكلام سحر وله تأثير كبير جداً ( ان من البيان لسحرا )

الله يعافيك .. لاهنت عالمرور يالغالي وخل نشوفك تكفى بس لايدري مهند اللي يقولي موضوعك حلو بس مايرد امزح وش تسوى الطلعه من دون مهند ولايهون سموكم

إقتباس الرسالة الأصلية كتبت بواسطة سطيح وعليكم السلام ورحمة الله وبركاته هلا وغلا بريماكس الله يجزاك خير والله موضوعك روعه والله يجزاك خير على حبك للناس والله الهديه لها تاثير حتى لو كانت رخيصه يا خي تحس ان فيه ناس تحبك

هلا وغلا سطيح ..

جزاك الله خير على دعواتك يالغالي وصدقت الهديه لها تأثير حتى على الصخر

إقتباس وبخصوص الشغل والله انها فكره حلوه يكفي ان الواحد يستفيد من وقته بشيء ينفعه ويكفه عن سؤال غيره بخصوص سؤالك انا الحمد لله كل ما سافرت حتى لو كانت داخلية جبت لاهلي هدايا جزاك الله خير وكثر الله من امثالك

ياغالي اذا انت عاطل فصدقني اشتغل اليوم قبل بكرى باي عمل يرضى الله ورسوله

منها فوائد على سبيل المثال ... القضاء على وقت الفراغ القاتل .. اعتمادك على روحك من خلال الراتب ولو كان قليل افضل من سؤال الاخرين من أخ او والد

تستفيد الصبر على العمل ... تستفيد التعارف لو تستفيد من اللي ذكرت فقط فانت ربحان 100%

الله يوفقك ياغالي ... وفكر بالموضوع اذا انت غير مرتبط بعمل ولا دراسه .. واذا كنت كذلك لا تحرم غيرك من المساعده

إقتباس الرسالة الأصلية كتبت بواسطة ỸàśśèṜ∫20 موضوع جداً جداً راائــع ومميـز..! والهديه شيئ مميز ورائـع صرآحة ,, الف شكر لك ,,

العفوو .. شكرأ على مرورك يابطل وحيااك الله

إقتباس الرسالة الأصلية كتبت بواسطة مواصل من عام 1413هـ كل هاللهجه القصيميه بالموضوع ويتداخل بينها ( من شان ) صعب صدقني يا ( بريمو حبيئا ) وقفتني هالكلمه كثير بموضوعك

هلا وغلا عبدالله ..
يالله ياخي وش فيها لهجتي والله اني استغرب واحسكم انتم مدققين علي وانت بالتحديد حرام عليكم ياويل يا انا

إقتباس خلينا نروح للشطر الثاني - بحكم وجود موضوع ( إذا كان موجود أو إنحذف ) بخصوص التفكير بالإنتحار ( لأنه ما لقى وظيفه )

اذا المووضوع بالمجلس ماشفته والله ..

إقتباس لاحظ سبحان الله إن ولد خالتك ( ما سعى للوظيفه ) وجته لحد عنده!!.

إقتباس ربك سبحانه يسوق الرزق لعباده حتى بدون ما يسعون لها ، بشرط الصدق معه سبحانه بالتوكل عليه. ولا يتكل على شهاده أو خبرات ( هذي من الأسباب )

صدقت والله ياعبدالله بكل كلامك الله يتوب علينا وبس

الرسول صلى الله عليه وسلم يقول (لو أنكم كنتم تتوكلون على الله حق توكله لرزقكم كما يرزق الطير تغدو خماصًا وتروح بطانًا )

شاكر مرورك ياعبدالله واسعدتني اسال الله ان يوفقك ويجزيك خير الجزاء

إقتباس الرسالة الأصلية كتبت بواسطة شوق الكويت حي الله بريماكس امي الله يخليها دايما تقول لنا انا واخواني هديتي اللي ابيها منكم هي اهتمامكم بالصلاة والدراسه لكن مافي مانع من الهدية الماديه بتكون غير للأم يعطيك العافيه بريماكس عالموضوع

هلا وغلا با اهل الكويت كلهم ..
جزاه الله والدتك على حرصها واهتمامها با أمر الصلاة

الله يعافيك اختي شوق وشاكر حضورك وردك !! شكراً ..

إقتباس الرسالة الأصلية كتبت بواسطة بطلة هلا بريمو ,, الهدية والله لها تأثير كبير على النفس اسألني بالذات إذا اكنت من ---------- اممم عن نفسي بين فترة وفترة اهدي أمي الله يخليها لي ماارتبط بمناسبة لا خاتم ذهب - عطر - جلابية هذه الهدايا اللي يحبونها امهاتنا ,, الله يخلي لنا أمهاتنا يارب ,, شكر لك بطلة

هلا وغلا

بالذات من مين ؟؟؟؟؟؟ ممكن نعرف

شكراً على حضورك بطله والله يحفظ والديك ويرزقك برهم ..

الله يحفظ لنا امهاتنا ,, ياارب ,,