أول شي عساكم على القوه ان شاء الله مجهود مميز ماشاء الله عليكم
البرشا لو ركز طول المباراتين اللي ممكن تجلب له كاس العالم راح ياخذ الكأس بأقل مجهود بس لو يفقد التركيز مثل مافقده امام انترناشيونال قبل ثلاث سنوات فبتروح عليه
والبرشا محتاج هاللقب عشان يسوي سابقه تاريخيه ومهيب بعيده عليه ان شاء الله
ندخل في الموضوع
ياعيال بذمتكم ... في احد حاس ان في كاس عالم صاير الحين !!
يمكن عشان مافي ولا فريق عربي مافي اهتمام بس يعني البطوله صراحه ميته اعلاميا وفنيا وكل شي صراحه
يعني صراحه مايليق هالبطوله هذي بمسمى كاس عالم وانا هنا مالوم اوظبي ولا اليابان على التنظيم انا ألوم الفيفا على طريقة البطوله اللي خلاها تهريج صراحه .. 6 افرقه فقط 2 منها يلعبون مباراتين لو فاز واحد منهم باللقب هذي ماتسمى كاس عالم هذي تسمى بطوله سداسيه العب مبارتين وكذ كاس ومشينا
كاس العالم المفروض يتوسع اكثر من كذا على الاقل يشمل 8 افرقه
2 من اوربا
2 من امريكا الجنوبية
1 من آمريكا الشمالية
1 من آسيا
1 من اوقانيسا
منظم البطوله
كذا راح يكون عندك مجموعتين يتقسمون الفرق على حسب مستواهم ويكون في دور اربعه ونهائي وتحلى البطوله ويكون فيه شوية حماس مو هالتهريج اللي صاير يعني انا صراحه كمشجع برشلوني ماحس هالكاس بيفرق كثير معاي لأنه مايعتبر شي كبير عند اي نادي حقق البطوله يعني ماتشوف مانشستراوي ولا ميلاني يفاخر بلقب العام ولا قبل العام !
وانتو وش رايكم ياشباب ماتحسون ان الفيفا يلعب علينا بهالبطوله