المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إضافة رد
   
 
LinkBack أدوات الموضوع طريقة عرض الموضوع
  #1  
قديم 13/12/2009, 04:13 PM
الصورة الرمزية الخاصة بـ الهلالي 11
زعيــم مميــز
تاريخ التسجيل: 01/01/2002
المكان: Awaaaaaaay
مشاركات: 5,124
!! .. في بيتي بودي جارد ... في بيتي صعيدي .. !!

!! .. السلام عليكم ورحمة الله وبركاته .. !!

للعلم : القصه خياليه من بنات افكاري تماما ولا صحة لوجودها على ارض الواقع
+ القصة نفسها نزلت مني بيوزر اخر في موقع اخر .. اللي بيقول منقوله من الحين
بقوله بشر امك
+ ربي معطيني خاصيه بنت كلب اعرف اللي يرد تسليك وهو ما قرا الموضوع
عشان كذذ الموضوع ما هو طويل لدرجة اني ما استاهل تعطيني دقايق وتقراه
بس بنفس الوقت انا ما استاهل احد يسلك لي






Body Guard 93ede
لغير الناطقين بالعربيه
بودي جارد صعيدي



يقول الشاعر :



يا ونة ونيتها معرفش ليه ... وقمت اوزع الونات في كل حته
القوم شدو وانا شديت معاهم .. امال ايه يروحو ويسيبوني لحالي




هذا البيت من الشعر ما احد رح يعرفه ويقدر قيمته الا شخص مثلي جرب شعور التعامل مع الصعايده


اشغالي كثرت ... استثماراتي زادت ... وبديت احس ان الخطر من حولي كل ما له يزيد !! فكرت وفكرت لين قلت بس ابغى حال مناسب وبنفس الوقت منطقي ... اخر شي وصلت لقناعه انه ما رح يناسبني شي اكثر من اني استقدم لي بودي جارد من الصعيد ... توكلت على الله وبديت امشي بالموضوع .



رحت لمكتب استقدام وطلبت منهم قلت ابغى بودي جارد من الصعيد ... اقنعوني يمين يسار شف لك غير الصعيد قلت ما فيه ما ابغى الا صعيدي يقولون ان بنيتهم قوية + ما ينمزح معه ... لو كل العالم يقولون له يمين ومديره يقوله يسار مو يقول يسار وبس ... ياخذ كل هالعالم يسار غصبن عليهم في سبيل مديره يكون راضي ... يعني اخلاص وولاء بشكل مو طبيعي .



المهم بدينا بالاجراءات والايام مرت ... لين الامور كلها جهزت وبلغونا بموعد وصول البودي الجارد العظيم ... قعدت انتظر هاليوم بشغف ... ودي اشوفه اشوف شكله مواصفاته وكذا ... قعدت اتخيل شكله وش لابس ومن هالحكي .. لين جاء اليوم المشهود ... ومن زود الحماس رحت بنفسي استقبله بالمطار ... قلت بشوفه قدها والا اخليه يديور ويرجع بالطياره اللي جاء معها .






وصل خوينا وانا واقف انتظره يطلع وماسك لوحه فيها اسمه ... شوي والا واحد وش هالطول بسم الله ما شاء الله ... بنيته ضخمه ورجال رجال يعني ... جاي لابس جلابيه من حقتهم ذيك اللي الكم من كبره لو اشر لتاكسي دخل بـ الكم ومعاه مسدس وخاش جو بالاخير اتضح انه شايل مسدس مويه تمويه انه وخرو عني وجاء يمشي لعندي انا منصدم ادقق بجسمه والا بجلابيته والا بشنبه يعني الى الحين ماني مستوعب هذا البودي جارد تبعي والا لا لين وقف قدامي وقالي تعال ابغاك شوي !!



انا قلت بيني وبين نفسي حلو حلو الرجال يمون بسرعه يعني من هنا لشهرين بيشاركني بالشركه ... المهم مشيت معه لين صرنا بمكان منفرد شوي ... ويطلع من جلابيته مطوه .. والمطوه هي الموس عند العرب <== على اساس الصعيد مدينة اوروبيه ... ويقولي اسمع ترى هالحركات قديمه مسوي انك مديري اللي انا جاي عنده ومنتحل شخصيته عشان تخطفني ... انا ناظرته بنص عين قلت له انطم لا ارجعك للطيارة اللي نزلت معها ... شوي والا هو يضحك ضحكة ليته ما ضحكها ... ضحك ضحكة طلعت سنونه معها ... مدري هي اسنان والا حبوب كيرم






قالي لا انا بس كنت بختبرك اشوف انت مديري او لا وواضح انك واثق من نفسك ... انا قلت له ايه انا هو ايش رايك تعال امش معي بس ... وبيني وبين نفسي اقول الله يستر ما يندرى هالموقف طالع من زود الذكاء والحذر والا من زود الدلاخه .. المهم ركبنا السيارة وبدينا نسولف اقوله ايش اسمك .. يقولي بالليل والا الصباح ! قلت له اوف عندكم تفرق بالصعيد !! قالي ايوه انا بالليل كان اسمي حسنين .. بس بعد ما ضربت بانجو ومشيت بالشارع ضربت بعمود وكل حسن راح في جهه ها ها ها ... بعدها اطلق ضحكه يا ويلي بس مدري انا اضيع مع حبوب الكيرم والا من ريحته .. وافتح الدرايش بعد ضحكته على طول واسلك له انه احلى بودي جارد وخفيف دم .






بالطريق وقفت عند صراف بسحب ... وقلت له انتظرني هنا بالسيارة لا تنزل ولا تروح ولا تحاول تسوي اي شي انا دقايق بس وبجيك المهم سحبت من الصراف ودخلت بقاله قلت خلني اشتري له كم شغله يقضي اموره الليلة ويرتاح وكذا ... شريت وتقضيت له من البقاله كم شغله .. وانا طالع الا القى حسنين عند الصراف ماسك اثنين وسادحهم على الارض وواضح انه فرشهم فرش مو طبيعي لين وصلو لمرحلة انهم ارتمو على الارض من دون وعي ... رحت اركض له واناظر اشكالهم اقول الله يستر ... الاول بالراحه معه تهشم كامل للقفص الصدري ... والثاني كسر بالجمجمه !! قلت له يا مجنون وش تسوي ... قال: امال ايه ... يسرقو خزنتك وانا اتفرج !! انا شفتك اخدت منها فلوس ورحت اول ما رحت هم جو واخدو منها فلوس كمان ... اسيبهم يعني !! قولي لو عاوز اسيبهم يبقى رجعني المطار انت جايبني احرسك والا اسرقك ... اموووووووت على الاخلاص انا يا شيخ ... وين الحب من اول نظرة اللي تقولو عنه ... الصعيدي حطم كل الارقام القياسيه وحطم معها مستقبل شخصين بريئين



اخذته وقلت له تعال نمشي قبل لا تجي الشرطه تبلشنا فيهم ... وطول الطريق وانا احاول اقنعه انه يا ولد الحلال اللي سحبت منه هذا صراف تبع البنك عادي كل الناس تستخدمه وكذا ... اخر شي اقتنع مع اني شفت على ملامح وجهه انه توه فيه شوية تناحه وسلك لي عشان نغير الموضوع ... بعدها ايقنت اني امام مغامره قادمه اسمها في بيتنا صعيدي .

اخر تعديل كان بواسطة » الهلالي 11 في يوم » 13/12/2009 عند الساعة » 04:32 PM
اضافة رد مع اقتباس
  #2  
قديم 13/12/2009, 04:15 PM
الصورة الرمزية الخاصة بـ الهلالي 11
زعيــم مميــز
تاريخ التسجيل: 01/01/2002
المكان: Awaaaaaaay
مشاركات: 5,124
المهم اخذته ودخلته لغرفته قلت له هنا مكان نومك وقعدتك وكذا ... كل صبح تطلع معي الدوام ومشاويري وترجع سوا ... يعني شغلك كله معي .. زعل وناظرني نظره استحقرت نفسي فيها ... انا قلت الله يستر وش يبغى هذا ... قالي ايه يا عم الحج انت جايبني بودي جارد يعني لزما حتما بتاتا اني حفضل معك 24 ساعه انت ليه محسسني اني مش فاهم شغلي من اولها ارجوك خليني اشتغل براحتي ... انت لك مني تضل بامان خلاص ما عليك .

ما اخبي عليكم اول مرة احس بشعور الانتصار اني توفقت في اختيار البودي جارد ... قلت له بطل يا حسنين ... هذا اللي ابغاه منك تفهم كل شي على الطاير .. يله تصبح على خير وبكره الصبح خليك مستعد .. طلعت فوق انام وخليته يستكشف الامور تحت ... بنص الليل اسمع صوت الجرس يدق يدق لين صدع راسي نزلت لقيت حسنين !! قلت له خير وش عندك انا ماني قايلك نام ورانا قومه بدري الصبح .. قالي انا ما جاني نوم وقلت اضل صاحي احرس البيت والسيارة والحاجات دي .. وقلت اصحيك اقولك يعني لزوم تعرف اني شغال كويس ومهتم بالموضوع وبتعب عشانك والله ... قلت له الله يقلعك ما تبطل هالحركات قاعد تتميلح وغصب توريني انك تشتغل تبغى بخشيش من اولها توك ما بديت بس ما فيه امل هالحركات بدمك ... صرفته وقلت له نام لو ازعجنا مرة ثانيه برجعك مصر واشوف غيرك .




عدت الليله على خير ... نزلت الصبح مريت عليه اشوفه وينه ايش صار عليه دور على حسنين بالغرفه مو موجود ... انادي عليه حسنين وينك .. رد يا حسنين ... شوي اسمع صوته ينادي من داخل الحمام ... رحت عنده اقوله وش فيك يقول خش يا عمنا خش ما فيش حاقه ... ادخل القاه يقلع بليسه واقف فوق السيفون ومستعد بينط للبانيو ... يقولي الللللللللله دي لعبه جميله اوي ... من امس الى اليوم وانا كل شوي انط وما احس بشي ... قلت له ومتى بتخلص اللعبه ان شاء الله قالي لما راسي تعورني ويبقى الدم يصب صب خلص كده انا خسرت ... قلت له تستهبل صعيدي انت <== مسوي جايب شي جديد والله من السباكه الا يبيلك امسك راسك واحطه بالمويه اشوف التنسيم من وين بالضبط .


قلت له البس بس والحقني يرحم امك خلي هالصباح يعدي على خير ... لبس وطلع وراي واشوفه حاط بالجلابيه علب فول امريكانا ... طنشت قلت خله ياكل يدبر عمره بس يفكني من شره .. بالطريق واحنا رايحين للشركه شوي لف علي ورى وناظرني ... قالي ايوه يا بيه ان شاء الله انك مرتاح وتمام ... ما يهمك المنطقه كلها متامنه ومراقبه ... الطريق امن والحمد لله الوضع كله تحت السيطره ... قلت والله لو ما اعطيته شي بينشب لي خلني اسكته .. وامد يدي بجيبي اشوف وش الفكه اللي معي ... واناظر في عيونه وملامح وجهه واضح ان الرجال بدا من الحين يخطط وش بيسوي بالفلوس اللي بعطيه وصرفها وخلصها اصلا قبل ما اطلعها ... ويوم امد يدي له يقولي لا لا استغفر الله ما يصحش انا هذا شغلي وواجبي مش لازم تكافاني عليه صحيح اني اتعب بشغلي وكذا لكن هذا واجبي امال انت جايبني من مصر ليه عشان احميك والا اسرقك


طبعا انتو بتقولون اخص وش هالموقف النبيل ... اقولكم والله انتو اللي طموحكم عالي متوقعين انه ما اخذها .. كعادة الصعايده يعني كل هالحكي اللي قالي اياه وهو ماخذ الفلوس وحاطها بجيبه وقاضي ... بس من زود اللعانه الا بيحسسني اني يوم اعطيه الفلوس قرار خاطئ عشان اتحسف عليها زياده ..



وصلنا الشركه قلت له انت شوف لك اي مكان هادي وكذا انتظرني لين احتاجك او اناديك ... رحت لمكتبي والامور ضلت ماشيه طبيعي الحمد لله ... كل ما سالت احد عنه يقولون لي شفناه بالمطبخ ياكل فول ... يعني الرجال استغل يومه كله بالفول قلت ايه والله مو من قليل كل علب هالفول اللي معه ... يومي بالشركه ضل هادي وحلو ... وانا بالمكتب مبسوط اقول ما شاء الله وش حليله حسنين شكل الدوام كله بيعدي على خير طول ما هو منشغل بالفول ..

يوم جيت بطلع للبيت ... امر عليه لقيت معطيها نومه وخاش جو ... قومته قلت له قوم الله يقلع بليسك طبيعي كل هاللي اكلته متوقع انك بتضل صاحي ... قام وهو مسطل ... ولبس جلابيته بالمقلوب ... قلت له خير يا حسنين وش تسوي فشلتنا ... قالي انا في حمايتك وطول ما انا معاك اكيد انا واياك مستهدفين ... قلت اقلب الجلابيه يعني لزوم التنكر عشان التمويه ومحدش يعرفنا ... يا ربي وش الشعور اللي جاني بعد جملته هذي ... تمنيت اني املك الصبر والهدوء اللي يكفيني اني اشرح له وش يعني بودي جارد بس عجزت ما امداني اصحى من تخيلاتي وشعوري الخايس هذا الا وعيني على حسنين معصب ويناظر بزبالة المطبخ الله يكرمكم .. قلت وش فيك طلع علبه فول امريكانا مفتوحه وماكلينها الناس وباقي في اخرها شوي ... قالي بص عيال الكلب بيلعبو بالفول هالمره عاد انفجرت مشاعري وقلت له تعرف تسوق يا حسنين ... قالي ايوه .. قلت له اجل Drive it



اخذته وطلعنا على البيت ... وبالطريق كل شوي يطلع من جيبه سندويش فول وياكل ... ما يطفش ولا يشبع ... لدرجة اني احس الشيطان طفش وبيطلع له بنومه يقوله يقلع شكلك يا تسمي يا تبطل فول خخخخخخخ ... ما الومه طفش الشيطان وهو ياكل معه كل شوي فول فول فول ... طبعا حسنين ما يخلي ظرافته وبالطريق يحاول يسولف ينكت اي شي المهم انه يقضي وقت ... هو يسولف وانا انواع التسليك ... شوي يقولي تصدق ان القمر اهم من الشمس !! قلت له اوف ليش قالي لان القمر لما يجي بالليل بنور الدنيا بس الشمس بتجي الصباح والدنيا منوره اصلا ... قلت له ما شاء الله عليك وش هالذكاء اللي عندك ... قلت له ايوه ايش كمان ... قالي انت عارف احنا كنا اذكى ناس في مصر لين صار موقف وبعدها الناس حكمو علينا بالغباء تخيل الشوارع عندنا كنت تاكل مطب ابن كلب وبعد ما تبلعه تلقى لوحه انتبه خلفك مطبات !! قلت هذا كذا من زود الذكاء ... قالي ايوه .. احنا وصلنا لمرحله انه مش محتاجين اشارات ولا حد يعلمنا لين مرة مهندس هو اللي خرب علينا حياتنا وقلبها فوق تحت !! قلت له ايش سوى قالي كان فيه شارع عندنا بالصعيد اسمه شارع ابن الكلب ... وكان شارع ممتاز وحلو وحسني مبارك بنفسه افتتحه ... وبعد ما افتتحه قررو يغيرو الشارع باسمه ... وبعدها حطو لوحه كتبو عليها شارع حسني مبارك ابن الكلب سابقا !!



هو ده غلطنا الوحيد بعدها صارو الناس كلها يتهمونا بالغباء قلت له يعني افهم منك ان هالموقف هو سبب كل مشاكل الصعيد ... قالي ايوه لو مش مصدقني اسالني عن اي حاجه وشوف احنا اصلا لما قامت حرب كبيرة بينا وبين ناس تانيين جنب الصعيد ... انتصرنا عليهم انتصار كبير قلت ما شاء الله كيف !! قالي كنا نتحارب ونتواجه شخص لشخص واللي يدبح التاني ... بس احنا كنا نخدعهم كانو ينادو على محمد نوديلهم حسن .. واذا نادو على بسطويسي نطلع لهم محمدين .. امال الحرب خدعه انت فاكر ايه ... قلت له طيب يا حسنين مصدقك خلاص بس انتبه للطريق لا يصير فينا شي .



رجعت البيت حطيت راسي على المخده عشان انام وارتاح من عناء يوم طويل زاد علي من صعوبته انه دخل في حياتي شخص اسمه حسنين سيقلبها راسا على عقب .. وغطيت في سبات عميق لاترك لكم توقع ما سيحدث في اليوم التالي .

انتهت

قبل امشي ... سؤال !! هل صار فيه اندماج معين بالاقسام والا انا عندي مشكله معينه
اضافة رد مع اقتباس
  #3  
قديم 13/12/2009, 04:19 PM
الصورة الرمزية الخاصة بـ silva
موقوف
تاريخ التسجيل: 18/05/2008
المكان: اتركني ياحبيبي ضيعني الحنين !
مشاركات: 954
السلام عليكم

عبد الرحمن لو سمحت لا عاد تكتب مواضيع


كنت خاش جو مع الموضوع وطلع لي هالصعيدي وخرعني شلت هم ما اقدر انام اليوم


الله يروجك




silva

اضافة رد مع اقتباس
  #4  
قديم 13/12/2009, 04:19 PM
الصورة الرمزية الخاصة بـ وليد القحطاني
موقوف
تاريخ التسجيل: 20/04/2007
المكان: الظهران
مشاركات: 9,506
هههههههههههههههههههههههههههههههههههههههههههه
ههههههههههههههههههههههههههههههههههههههه
الله يرجك يالدحمي
اول شئ ولكم باك , وينك يالقاطع ؟ والله لك وحشة يالدب
المهم بصراحة قصة ولا أروع وفطست ضحك
خاصة يوم الصعيدي يقول ليش ياخذون من صرافتك هههههههههههههههههههههههه

الله يسعدك يالدحمي ولاتقاطع وسير علينا هنا

تحياتي
اضافة رد مع اقتباس
  #5  
قديم 13/12/2009, 05:11 PM
الصورة الرمزية الخاصة بـ ابو عبدالله A
زعيــم متألــق
تاريخ التسجيل: 02/12/2008
المكان: القصــيم
مشاركات: 1,005
مشكوووووووووووووووووووووووووووووووووووووووووووووووور
اضافة رد مع اقتباس
  #6  
قديم 13/12/2009, 05:16 PM
زعيــم فعــال
تاريخ التسجيل: 26/04/2008
مشاركات: 421
هههههههههههههه
قـصــه روووعه لاتحرمنا من جديدك
اضافة رد مع اقتباس
  #7  
قديم 13/12/2009, 05:27 PM
الصورة الرمزية الخاصة بـ ام متعب التميمي
زعيــم مميــز
تاريخ التسجيل: 18/10/2007
المكان: في ــ♥ــه
مشاركات: 2,247
خخخخخخخخخخخخخخخ

قصة بطله اجل حسني مبارك ابن الكلب <<هذي لحالها موضوع

مرااا اندمجت مع القصه حلفت مااوقف لين اخلسها

بس حومت كبدي الله يحوم كبدك على سنونه من وين لك هالصوره

الهلالي 11<<اضحكتني الله يضحكك(لاعاد تدعين)

تحياتي
اضافة رد مع اقتباس
  #8  
قديم 13/12/2009, 05:38 PM
زعيــم مميــز
تاريخ التسجيل: 19/01/2007
المكان: غربـة
مشاركات: 2,040
هلا والله خيو عبدالرحمن ..

لا بصراحة أن أُطالب بإيقافك مرة ثانية عشان لما ترجع المرة الجاية من الإيقاف تكتب لنا قصة زي هذي

عوداً حميداً .. وما نبي نشوف يوزرك موقوف مرة ثانية



القصة مرة رووووووعة .. أنا مت ضحك ماشاءالله تبارك الله ..أنت من وين تفكر ؟ .. << صعيديه بس ذكية من يدري احتمال تكون تفكر من يدك


**



إقتباس
قالي ايوه انا بالليل كان اسمي حسنين .. بس بعد ما ضربت بانجو ومشيت بالشارع ضربت بعمود وكل حسن راح في جهه ها ها ها ... بعدها اطلق ضحكه

هههههههههه

تصدق عاد فكرت فيها .. من جد ليه يقولون حسنين و مدري ايش ؟



إقتباس

قلت له يا مجنون وش تسوي ... قال: امال ايه ... يسرقو خزنتك وانا اتفرج !!



حلوة ذي خزنة بالشارع




إقتباس
قالي ايوه يا بيه ان شاء الله انك مرتاح وتمام ... ما يهمك المنطقه كلها متامنه ومراقبه ... الطريق امن والحمد لله الوضع كله تحت السيطره

آيوه يا حسنين .. كدا الرجالة ولا بلاش

أما مراقبة و تحت السيطرة .. شيء ثااااااني !!





إقتباس
ويوم امد يدي له يقولي لا لا استغفر الله ما يصحش انا هذا شغلي وواجبي

والله كلهم كذا .. بالبداية يقولون لك ..لالا ما اخذ ولا مليم ! واذا قلت له " لا يا شيخ خذ بس " سبحان الله يأخذها عادي
اصلاً أنا تعودت اذا حدا قالي لا شكراً .. أرجع الفلوس



إقتباس

قالي انا في حمايتك وطول ما انا معاك اكيد انا واياك مستهدفين ... قلت اقلب الجلابيه يعني لزوم التنكر عشان التمويه ومحدش يعرفنا


يا عيني يا عيني ع التنكر لا بصراحة يعرف يتنكر



إقتباس
لوحه انتبه خلفك مطبات !!

قل قسم


طب أنا عندي لك شيء !

في مصر أول مرة تموت يعطونك شهادة وفاة مجاناً .. اذا مت مرة ثانية لازم تدبر نفسك وتدفع لهم







إقتباس
وبعدها حطو لوحه كتبو عليها شارع حسني مبارك ابن الكلب سابقا !!

لووووووووووووووول



**



صحيح القصة من خيالك .. بس هي نفسها خيال ( يعني مرة حلوة )

لازم تشغل هالإبداع المرات الجاية و تمتعنا .. اذا يهمك مصلحة الرأي العام




إقتباس

قبل امشي ... سؤال !! هل صار فيه اندماج معين بالاقسام والا انا عندي مشكله معينه


لا أنت عندك مشكلة

اي دمجوا قسم الصور والسيارات مع المجلس .. عشان كدا العيال يتكلمو في الجيب الي مدري وش اسمها والهايلوكس الي مدري وش نبي فيها .. ونحن نستمتع بحواراتهم الهادفة عن السيارات


اضافة رد مع اقتباس
  #9  
قديم 13/12/2009, 06:47 PM
الصورة الرمزية الخاصة بـ GOLDEN BOoOy
زعيــم مميــز
تاريخ التسجيل: 02/09/2006
المكان: Japanese
مشاركات: 1,861
باحجز ردي هنا !

لي بااااك عقب الصلاة ان شاءالله ...


الدحمي :$
اضافة رد مع اقتباس
  #10  
قديم 13/12/2009, 07:12 PM
الصورة الرمزية الخاصة بـ ‏دوآکِ عندي
زعيــم مميــز
تاريخ التسجيل: 14/06/2007
المكان: بٌـ ¬› قٌلٌبً غُدىآ בـَبـﮧ جُنُوُني !
مشاركات: 5,008
يآليل آلسسسمآجه بس .. !

,
اضافة رد مع اقتباس
  #11  
قديم 13/12/2009, 07:21 PM
الصورة الرمزية الخاصة بـ ஜ ₣ ฮ เ ṥ λ Ŀ ஜ
زعيــم مميــز
تاريخ التسجيل: 27/02/2008
المكان: In Fact,I don't know
مشاركات: 4,181
هلا والله بـ الدحـمي

مـا ينـفع تـكون اجـزاء

يـعطيك العـافـية يـا بـعدي
اضافة رد مع اقتباس
  #12  
قديم 13/12/2009, 07:29 PM
زعيــم نشيــط
تاريخ التسجيل: 20/05/2007
مشاركات: 553
ههههههههه
دخلت جو مع القصه
الدحمي
الله يجعلك بواحد مثل هذا الصعيدي
معاك في العمل
يعطيك العافيه
اضافة رد مع اقتباس
  #13  
قديم 13/12/2009, 08:48 PM
الصورة الرمزية الخاصة بـ Dexter Morgan
زعيــم متألــق
تاريخ التسجيل: 15/10/2008
المكان: ( ستامفورد بريدج )
مشاركات: 1,029
إقتباس
الرسالة الأصلية كتبت بواسطة دَوٍآڪٍ عِندٌيَ ‏•●
يآليل آلسسسمآجه بس .. !

,

ليه ؟ . !!
.......

قسم اول ماشفتها رحت فيها
عوافي اخوي فصه مفطسه جداً جدا

....
اضافة رد مع اقتباس
  #14  
قديم 13/12/2009, 09:01 PM
موسوعة المجلس العام
تاريخ التسجيل: 25/12/2005
المكان: حيث اجتمع الحب والوفاء ..!
مشاركات: 2,580
يا حيااا الله ابو دااحم منووور منوور منوور يا الغالي $

والله صاحبك حسنين قصته قصة ومش محتاج أئولك رأيي فيه
هو انتا اصلا يعني بتكتب حاجة مش كويسة !!

إلا ليه ما قلت اني انا منسق الموضوووع والصور <<= يحلفوون راد عشان هالسطر النصاب :p


الموضووع عارف رايي فيه موضووع فايف ستار في الفكار والحبكة الدرامية الشاطحة
خاصة مشهد الصرافة ومن زمان كنت فاقد مثل هالمواضيع *|




اخر تعديل كان بواسطة » f*y*d في يوم » 13/12/2009 عند الساعة » 09:25 PM السبب: يا جعل ايامك كلها تمضي بخير |&
اضافة رد مع اقتباس
  #15  
قديم 13/12/2009, 09:21 PM
زعيــم مميــز
تاريخ التسجيل: 03/11/2007
المكان: بكـــل مكـآآن وزمآآن
مشاركات: 2,896

ابداع بالصميم
شكرا جزيلا لك الهلالي 11
قمة الخياااال والابداع لدرجة حسيت ان حسنين بيطلع لي من الشاشه يقولي وش فيك تضحك علينا

يعطيك الف عافيه وننتظر ابداعك

اخر تعديل كان بواسطة » S.SAM في يوم » 13/12/2009 عند الساعة » 09:37 PM
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:38 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube