~ دوشقي يا دوشقي لا سليب هاي و لا سرير ! - نادي الهلال السعودي - شبكة الزعيم

Rocky Juve · #1 13/12/2009, 04:21 AM

السلام عليكم و رحمة الله و بركاته

بسم الله الرحمن الرحيم .. أما بعد

صباح الخير جميعاً

صدق من قال إن المواضيع ما تطلع إلا إذا صار عندك إختبار

كيف حالكم جميعاً ، إن شاء الله طيبين

ما لكم بالطويلة

الدوشق و في رواية أخرى الإسفنجة و قيل السليب هاي

الدوشق أحد وسائل الراحة التي وهبها الله للإنسان

من منا من يقدر على النوم من دون دوشقه

عموماً موضوعنا أوب بشكل أساسي عن الدوشق

طبعاً لكل شخص منا شخصية معينة و هذه الشخصية لها نفسية معينة !

يعني كل شخص لمخه وزنة معينة عشان يكيف و يروق

أنا إنسان عانيت في طفولتي من التدربي ( التدحرج أثناء النوم )

و كان ما فيه سرير أنام فوقه إلا أطيح و أقعد أصيح

و المشكلة ما أتوب ، و لأني كنت شيطان الوالدة الله يحفظها ما كانت تقدر علي

و لكن جاءت القشة التي قسمت ظهر البعير

مرة من المرات في أحدى شقق الطائف الحبيبة كان هناك سرير دورين

و كنت ملزم إلا أنام بالدور العلوي

و مضاربات أنا و أختي إلا أنام أنا فوق

و حصل ما كنت أتمناه

و رقدت فوق

عدى الليل على خير

و لكن عندما جاء وقت صلاة الفجر ، و بينما كانت الوالدة الله يطول بعمرها تصلي !

تسولف علي و تقول : " ما دريت إلا صوت صفقة قوي على الأرض ! "

تقول : " دريت مباشرة إنه أنت صفطت على وجهك ، تقول لهيت عن الصلاة و توقعتك جاءك شيء ، و أصبر و أصبر " .

" ماش خفت توقعتك فطست

، شوي و أسمع ونين

" .

و تضيف : " أيقنت لحظتها إنك طيب ، و أول ما خلصت صلاة جيت لمك ، لقيتك خام الأرض و بطنك تحت و خشمك يصب دم و فمك بعد

" .

طبعاً كل اللي صار ما أذكر منه شيء بتاتاً البتة

المهم أخوكم بالله من بعد هذه الحادثة صار عندي " فوبيا أسرة "

و من ذاك اليوم و أنا خوي الأرض و ما أنام إلا على الأرض

و يوم كنت في الصف الثاني الإبتدائي جاب لي الوالد الله يحفظه دوشق

يقول لي : " أريح لك و أنا أبوك

" .

المهم بدأت علاقة الحب بيني و بين هالدوشق

صار رفيقي الأول و الأخير ما أقدر أنام إلا فيه

مرت الأيام و الشهور و السنين و أنا ما أنام إلا عليه

لدرجة إني أحياناً ما أنام إذا صارت الشغالة تغسله

عندي بغرفتي سرير نفرين بس منظر ما أقدر أنام عليه

المهم ما لكم بالطويلة

أحس هالدوشق هذا جزء من تاريخي الطفولي و لن أتخلى عنه أبداً

حتى يوم الأمس جاءني قرار من الوالدة الله يحفظها تقول : " نبي نجدد الغرفة لك ، بس بشرط لازم نشيل الدوشق

" .

ماش أنا ضايق صدري ، دوشقي له عندي 12 سنة و ما أنام إلا عليه

تبغاني الوالدة بيوم و ليلة أتخلى عنه

المهم قلت لها تعطيني فرصة لنهاية الأسبوع و أرد لها خبر

بيني و بينكم الدوشق محلي و متخلل و خايس

هذه صورة للدوشق

و قعدت أسولف مع أمي الله يحفظها ، قالت لي : " واحد من خوالك ما ينام إلا معه بطانيته الخايسة حقته من يوم إنه بزر "

خالي ما شاء الله متزوج و عنده 3 عيال الحين و للحين عنده بطانيته المحلية

أنا كتبت الموضوع عشان حاجتين

الأولى : ما رأيكم بقصتي ، هل تؤيد أمي أم تؤيدني ؟ و لماذا ؟

الثانية : هل هناك شخص في المجلس العام مثلي يا ترى ؟ شخص له علاقة وطيدة بشيء ما من أيام طفولته و لا يستطيع الإستغناء عنه ؟ إذا كان الجواب بنعم ما هو و ما هي قصته و إن حصل صورة له؟

إختبار نهائي صح

على فكرة تراني جاد بالموضوع ما أستهبل

و الأسئلة بعد مهمة ، لا بد من الإجابة عنها

و في الختام أتمنى أكون وفقت بطرحي

و أعذروني على الإطالة و البثارة

و كل عام و أنتم بخير جميعاً

مـوت ومـيـلآد ! · #2 13/12/2009, 04:47 AM

:cc:

اووماااا عاااااااااااد..

تخلي هذاا عندك..

متشقق وحالته حااله..

هههههههههههههههههههههههههههههههههههههههههه..

لا بس صدق معهاا حق امك..

على الاقل غيره وجب زيه..<< لا يااشيخه..

الأولى : ما رأيكم بقصتي ، هل تؤيد أمي أم تؤيدني ؟ و لماذا ؟

اناا اايد امك..لانه بصرااحه هي ادرى بعياالهاا وبعدين

تلقى زيه ولا جب شرشف جديد وخل الخيااط يفصله عليه..

الثانية : هل هناك شخص في المجلس العام مثلي يا ترى ؟ شخص له علاقة وطيدة بشيء ما من أيام طفولته و لا يستطيع الإستغناء عنه ؟ إذا كان الجواب بنعم ما هو و ما هي قصته و إن حصل صورة له؟

ايه اناا عندي ..عندي بلوزه كانت عندي من يوووم ماكان عمري 4 سنين

امي الله يخليهاا لي محتفظه فيهاا

لانهاا من صنع يدهااا فحبت تغبيهاا لي وعشاان كذاا هي عندي ومعلقتهاا بدووولابي بعد..

ومشكووور على هالمووضووع..الفرفووشي...

هلالي من راسي لاقدام · #3 13/12/2009, 04:59 AM

لا لا خله انت ووجهك هذا ما يبيليه الا نطل في اقرب برميييييل
ياخوي مثله بعشرين ريال
والله اني متأكد انه يشتكي منك ويقول الله يرحم امك فكني

اما بالنسبه للاشياء القديمه معاي جوال عنيد رقم 1 بس شغال تمام ومستحيل افرط فيه لانه هديه

kalasnikov · #4 13/12/2009, 06:19 AM

عندي لعبة من يوم عمري 5 سنين

والى الحين موجوده

ولا اخلي اخواني الصغار يلعبون فيها

واخوي اللي اكبر مني

عنده لعبه من عمره سنتين
ولا فكر يتخلى عنها

.........

الدوشق هذا غيره

بس خل القديم في دولاب للذكرى

تقبل مروري...................

الشيهـانه · #5 13/12/2009, 06:44 AM

ههههههههههههههههههه
واللهي مشكلة اجل متعلق بالدوشق
كان مير يوم تعلقت تعلقت بشي صغير موبالدوشق بكبره

لاوماتنوم عالسرير بعد حالتك حالة الله يعينا وياك

بس الحين الوضع عادي ممكن تمشي حالك

بس المشكلة مستقبلااذا بغيت تتزوج

ترى مافي بنت ترضى تنوم عالارض

الااذا حكيتلها قبل عن وضعك ووافقت عليه عاد الله يعينا وياها

,,,,,

نرجع لأسئلتك
بصراحة انا مع امك انها تغيره اجل مهتري ومكحوت ومومتخلي عنه بعد
شكله ترى يجيب الهم

جب لك غيره من الانواع الجديدة السنعة العريضة

يمكن ماراح تنوم اسبوع اسبوعين لكن شوي شوي تبي تتعود وتتأقلم عليه
اومثل ماتقول هلالية

وده الخياط خيط عليه شرشف عالاقل

,,,,
اومـــابالنسبة لي

فيه اشياء كثيرة متعلقة فيها بس عاد صغيرة
تروح وتجي معي لكل مكان

ومومن النوع اللي يتغير ويتشقق <<ماتقصد الدوشق ابد

معي من اول ابتدائي الى الحين ع وش تخرج مالجامعه

واغلى هذي الاشياء على قلبي خداديتي الله يحفظها

لونها وردي ع شكل قلب

لوأروح أبعد مكان تروح معي

انسى اغراضي كلها وماانساها

ماانوم واقوم الاوهي معي

احس براحة نفسية عجيبةبوجودها

<<<شكلي بكتب فيها شعربعد شوي تستاهل

,,,,

استمتعنا بصراحة بموضوعك
وطريقة طرحك

تقبل مروري

نـوف الهلال · #6 13/12/2009, 07:13 AM

اااااهاههههههههههههههههههههههههههههههههههههههههههههههه
تسلفني ايااه شكله مريح ,,

الله يقطع شيطانك ماتو الي يرقدون على ذا الدواشق الا انت واخوي وعمي حضره سموكم ليه كده بئا

وبالنسبه للأسئله ماذاكرت

<<برااا

الأولى : ما رأيكم بقصتي ، هل تؤيد أمي أم تؤيدني ؟ و لماذا ؟

شوف هذا الموضوع يتعلق بالراحه النفسيه انا معك في هذي الحاله لكن من الناحيه الصحيه فـ أنا مع الوالد الله يطول بعمرها اكيد <<<

لاني احس مابوه حشره الا وهي بذا الدوشق الكريم

الثانية : هل هناك شخص في المجلس العام مثلي يا ترى ؟
يب يب السيد اخوي & عمي ..
شخص له علاقة وطيدة بشيء ما من أيام طفولته و لا يستطيع الإستغناء عنه ؟
ايييه انا عندي قرد صغنطووط وربي ضاعت كل اشيائي الا هو وما ارقد الا وهو جنبي بالزبط معاي من عمري سنه عمره من عمري

فديت قلبه الحشوه طلعت قمت حطيت نشاف أي منديل يعني كلينكس
إذا كان الجواب بنعم ما هو و ما هي قصته و إن حصل صورة له؟

ذكرتها في الاعلى وبالنسبه للصوره ماتوقع انك تبي تشوفها ,,,

شكرا على سدحك للموزووع تووحفه انت ودووشقك

سياا

زعيـم نـصف الكـون · #7 14/12/2009, 04:34 AM

ههههههههههههههههههههه
في الأولى أؤيـد أمك 100%

الثانيه ما مرت علي هالحاله أبد

تحياتي

))بريه(( · #8 14/12/2009, 04:51 AM

:

مشاء الله وش ذا الزين ........ شكله مرة مريح:

>>> ياخوي أرحم نفسك وش ذا الدوشق الخايس

أقول جعلك منت بدوشق

أما بخصوص أمك ...
والله معها حق

وكانك معزم تبيه ...... لبسه ولا نجده ولا شفله صرفة بس لا يصير كذا

يعطيك العافية ع الموضوع الممتع

Mr.3aSheq · #9 14/12/2009, 05:53 AM

الـدوشق اجل < اول مره يسمع بالاسم هذا

بعدين انت مـتأكد ان عندك سرير نفرين تأكد نأكد

واهم شي انك ما تعاني من الحساسيه مع داشوقك
بالنسبه للسؤال الاول
انا ايأدك وبقوه لان امك لو غيرت الغرفه وراح الداشوق
بيتغير مجرى حياتك ولا عاد تحس بالراحه ويمكن يصيرلك امراض نفسيه لا قدّر الله
والامراض النفسيه ينتج عنها اشياء كثيره.

واما الثاني
فيا كثرهم وانا واحد منهم بس الدوشق < اعجبتني هالكلمه
الدوشق شكله غيرر اللي عندك ما عاد يوجد في الاسواق .

وتحياتي لك

الفيروسه الزرقاء · #10 14/12/2009, 10:10 AM

هلا بـ Rocky Juve

و عليكم السلام ورحمة الله و بركاته .

كل عام و أنت بصحة و عافيه و الله يجعل السنه القادمة سنة خير عليك

..

إقتباس


	أنا إنسان عانيت في طفولتي من التدربي ( التدحرج أثناء النوم )

لووووووووووووووو

ووووووووووووووووووول

ع الاقل التدحرج أحسن من اللي يرجف

أتذكر يوم كنت صغيره لـ رحنا لمزرعة أهلي وفرشنا المراقد كلهم مايبون ينامون جمبي

يقولون أنتِ ترجفين

.
عاد الآن عقلت

صرت أنوم ع نفس الوضع

مافيه تشويت لـ يمين ولا يسار

.

إقتباس


	طبعاً كل اللي صار ما أذكر منه شيء بتاتاً البتة

لوووووووووووووووو

ووووووووووووووول

من جدك !!!!!!
ماحسيت بطيحتك

هههههههههههههههههه

هههههههههههههههه

طب ماصار فيه آثار ع الطيحه

ميبي طلعت لك ذيك اللي لونها أزرق وبنفسجي

لوووووووووووووووووووو

وووووووووووووووووووووول

معليش ياريت تغيره

يـ أخي متشقق مسكين وطلع الاسفنج يقول أرحموني

.

إقتباس


	الأولى : ما رأيكم بقصتي ، هل تؤيد أمي أم تؤيدني ؟ و لماذا ؟

لا و الله أنا أيد أمك ، من باب التغير زين

إقتباس


	هل هناك شخص في المجلس العام مثلي يا ترى ؟ شخص له علاقة وطيدة بشيء ما من أيام طفولته و لا يستطيع الإستغناء عنه ؟ إذا كان الجواب بنعم ما هو و ما هي قصته و إن حصل صورة له؟