10/12/2009, 12:51 AM
|
زعيــم نشيــط | | تاريخ التسجيل: 05/05/2007 المكان: الطياره
مشاركات: 756
| |
آآآبـــي آرجــع داافــور ... زي أول هـلا والله يالله حيـّـهم أخـباركم عساكم بخيـر ؟ ومبسوطين؟؟ عندي موضوع وودي افضفضه فيذا المهم ودي اقولكم قصتي وسالفتي ودفرتي ومن ثم دجتي طبعا انا ماشاء الله من بدايه مادخلت المدرسه وانا طالب مجتهد ودرجاتي داائما عـالية والاول عالفصل تخرجت من الابتدائيه بنسبه 100% ورحت لاولى متوسط وفي اولى كنت ماأذاكر كثير يعني اكثر شيء كنت اعتمد على شرح المدرس يعني شرح المدرس كان يغنيني عن المذاكره في البيت ومايمنع اني اراجع في البيت بعض الدروس.. بس كنت افهم فهم عالمدرس ماانساهـ طبعـا انا كنت الاول عالفصل وكان معي سوري يوم درى اني الاول مااات قهرر شوي ويطب ببطني كل الاختبارات كنت اجيب درجات عاليه يعني ماشاء الله كانت درجاتي ممتازهـ والطلاب الله يجزاهم خير ... ((هبببببببببب عليييك يالداافور ,,,, يقلع ابلليسسسك وشلوون جبت هالدرجه ,,,,, ولا يجيك الثاني يقولك جعلك تسقط ,,,, ولا الثالث يقول تكفى غششني )) وللأسف كنت دايم على هالحاله والطلاب عيونهم علي ونفس الكلام يكررونه وطلعت من اولى متوسط بنسبه 98% وكانت مرضيه بالنسبه لي وجيت ثاني متوسط والا والله دجيت دجه ماهي صاحيه نسبتي نزلت من 98% الى 87% !!! من جد مدري وش صاااار فيني معقووله انا كانت نسبتي ماتنزل عن 97 او 98 تصير 87% >>>>> مااقول هالكلام تكبر لكن احب احطكم بالصوره صررت مااقدر اركز مع المدرس والدرس اللي افهمه انسااه على طوول واذا جيت البيت احاول احفظ وكل شيء واليوم الثاني انساااه حتى وصلت لدرجه اني جبت مدرس رياضيات يجيني البيت مع العلم اني الفصل الاول جبت بالرياضيات 13 من 30 جبت مدرس رياضيات قلت يمكن تتحسن درجاتي ولو بالشيء البسيط لكن للأســـف ماتحسنت درجتي الا يمكن درجتين او ثلاث مع اني كنت اذاكر واكرف نفسي لكن مادري وش صار فيني ووصلت لثالث متوسط ونجحت بنسبه كانت معقووله نوعا ما وهي 92% مع اني مافرحت فيها ووصلت بعدها اولى ثانوي وقلت بنفسي لازم لازم ارجع مثل ماكنت بأولى متوسط نسبتي ماتنزل عن 98% لكن برضو للأسـف درجاتي ماهي بالمستوى اللي انا اطمح له من جد ماهي حـاله .. والله اني تعبت نفسيااا وصرت اكره امسك الكـتاب مع اني كنت اذاكر واحب افهم لكن كلها من هالطلاب وحسدهم.! الله يكفينا شرهم ياخي وش المشكله اذا قلت ماشاء الله اذا شفت واحد درجته ممتازه !!! والله شيء يقهرر ادعووولي بالتوفيق ياشباب آآراائكم 1/ هل مررت بهالحاله؟ 2/ وش رايك ببعض الناس اذا علموا بدرجاتك يعطونكم من هالكلام (( هبببب يالدااافووور .... ومن هالكلام....) 3/ انت دافور ولا عادي ؟؟ 4/ نصايحكم لي ؟ أبـــي أرررجع شـــاطر زي أول |