ألـهـذا وصـل احـتـرام الـطـالـب لـ مـعـلـمـه ,. !! - نادي الهلال السعودي - شبكة الزعيم

the king yasser · #1 09/12/2009, 01:48 PM

السلام عليكم ورحمه الله وبركاته

بقول لكم موقف حصل اليوم والي من جد انغبنت فيه وانا مالي دخل بالسالفه

انا مالي بالمقدمات وببدا السالفه على طول

اليوم وفي الحصه السابعه علينا حصه فيزياء ومدرس الفيزياء قمه قمه قمه في الاحترام

ومافي احد يشتكي منه والكل يحبه ويقدره

المهم الاستاذ شاد حيله بالشرح ولاحظو الحصه سابعه والكل نفسه في خشمه هالكلام واحنا بالمختبر

المهم طالب من الطلاب black man

مسوي يستخف دمه

المهم الاستاذ وقفه وقال ليه تتكلم ومن هالحتسي يعني

المهم الطالب قعد يستخف دمه على الاستاذ والاستاذ ساكت له

واخر شي طرده برى المختبر وهو طالع من المختبر هالطالب قام يتحلطم ويسب الاستاذ بكلمات نابيه

الالستاذ وقف الطالب وقاله وش قلت ..؟؟

قال الي سمعته الاستاذ ماتمالك نفسه وعطاه كف

ماامداء الاستاذ يرجع يده لجسمه

الا وهالخال يطب في بطن الاستاذ وجلد وجليد بينهم انا وكم واحد من اخوياي فكيناهم

الطالب راح

والاستاذ قعدنا نلملم اغراضه المهم رنت الحصه وخلاص بنطلع

المهم كلن جمع اغراضه وبنطلع الا واحنا طالعين من المختبر لقينا هالخال مجمع اربعه من بني جنسه

جايين ناصين الاستاذ

الاستاذ شافهم عرف ان فيه مطاقه جاء لمهم بيهدي الوضع وبيفهم هم وش القصه

ماامداه يكمل كلامه الا وواحد منهم يمدي يده عليه الاستاذ تلاقط معهم صمل له مع اثنين بس

الكثره تغلب الشجاعه جاء واحد من وراه وخنق الاستاذ والباقين ترفيس ببطنه وفي كل مكان
واحنا قاعدين فك فيهم بس عجزنا والله

المهم راح واحد من العيال ينادي الوكيل والمدير المهم فكوهم وخذوا الطلاب واحنا جلسنا نهدي في الاستاذ لان المسكين جاه جلد مهوب صاحي

لملمنا اغراضه للمره الثانيه

ووصلناه السياره وهالخوال ماادري وش صار عليهم

اسئله للنقاش

ماتعليقك على القصه ..؟؟

ومن برأيك الغلطان المدرس ولا الطالب ..؟؟

ووش تتوقع قرار المدرسه مع هـ السلنتح ..!!؟

سبحانك اللهم بحمدك اشهد انا لااله الا انت استغفرك واتوب اليك

واعتذر على عدم تنسيق الموضوع لاني كتبته على عجاله

وليد القحطاني · #2 09/12/2009, 01:59 PM

والله لو ايش المدرس المفروض مايعطيه كف
لو الامر وصل عند الوزارة المدرس هو الغلطان

سلام

(اسير& المحبة ) · #3 09/12/2009, 02:14 PM

ياخي حرام لو اني منكم اخش مع الاستاذ على الاقل اخذ جميله من الاستاذ ويمكن

يزيدني درجات

مصلحجي كبير , لا صراحه يعني المفروض خشيتوا مع الاستاذ

بس بيني وبينك المدرس غلطان من البدايه كان المفروض مايمد ايده مهما كان السبب

والله يعينه الحين ممكن يجيه نقل تاديبي .

قناص سدير 20 · #4 09/12/2009, 02:20 PM

^

صح ان المدرس هو الغلطـان بس برضو الطلاب غلطآنين !!
المفروض يفصلون لأكثر من سنه كامله !!
سلامـات ترفيس وخنق لا واستاذهم بعد

بس من جد سالفه تقهر وبقوه بعد , بس تشوف ان ماوقفو لأكثر من سنه !

إقتباس


	ومن برأيك الغلطان المدرس ولا الطالب ..؟؟

شف المُدرس هو الغلطـان بس في هالحاله اللي يستحق هالعقاب والغلطان هو الطلاب بكل تأكيييييد ,

إقتباس


	ووش تتوقع قرار المدرسه مع هـ السلنتح ..!!؟

هههههههههههههه , اعجبتني كلمة سلنتح

مثل ماقلت فوق .. فصل سنه كلهم

● • ѦẐỔẐ »~ · #5 09/12/2009, 02:21 PM

ماتوقعت توصل لدرجة ذي

بس المفروض المدرس مايعطيه كف

والله يوفقهم

وان شاء الله ماتصير مشاكل

$عزوز الهلالي$ · #6 09/12/2009, 02:26 PM

السؤال المهم أهلية ولا حكومية وأنا أرد عليك إذا قلت لي

تلميذ زيزو · #7 09/12/2009, 02:34 PM

أعتقد أن الخطأء من الطالب 100%
يعني الطالب قام يستخف دمه ثم طرده المدرس ليه يسبه مسبات الشارع و المدرس ما قاله وش تقول الا أنه سمعه

و أتمنى من المدرسة أولا أنه تضرب الطلاب بعد الصلاة أو في الفسحة (ضربا مبرحا) حتى يكونون عبرة لغيرهم

مورينهو السعودية · #8 09/12/2009, 02:36 PM

الولد قليل أدب وهذي قاضيين منها

طيب الاستاذ المفروض مـاينزل لـ مستوى هالطالب المفروض من أول مـاغلط طلعه برى الفصل من دون نقاش حتى لو جدع عليه كلام بذيء يكتفي بـ تبليغ ادارة المدرسة بـ هذا الموضوع .

وأتمنى تشديد العقوبات على مثل هالمخالفات من الطلاب ويكون فيها عقوبات ماليه , صراحه شيء مؤسف أن المعلم يهان , وكذلك المعلم تكون عليه عقوبات اذا اخطأ بـ حق الطلاب

تراي ماني معلم أنا طالب في كلية الاقتصـاد والادارة

the king yasser · #9 09/12/2009, 02:42 PM

بالنسبه للمدرسه

المدرسه حكوميه

بس ياشباب الولد غلط على امه بـ كلمه نااابيه مررره يعني تعرفون وش اقصد

وبعدين انا من وجهة نظري الغلط على الاثنين والنصيب الاكبر للطالب

شارك لكم مروروكم واراءكم

$عزوز الهلالي$ · #10 09/12/2009, 02:48 PM

يا عيال خلوها بالعقل !!

أنت تخيل لو واحد ورع يقول لك هالكلمه هل تبي تسكت وتعلم الإدارهَ!!

أنا أقول فصل + تبليغ الشرطة

لكنهم مهب رجاجيل هالرخوم أجل 4 يرنون واحد

the king yasser · #11 09/12/2009, 03:02 PM

8

ولاتنسى انه في اخر حصه والاخلاق سيااااحيه

فيـــ ص ـــل · #12 09/12/2009, 03:14 PM

إقتباس


	ومن برأيك الغلطان المدرس ولا الطالب ..؟؟

الغلطان الطالب حتى لو غلط عليه المدرس المدرس له احترام

إقتباس


	ووش تتوقع قرار المدرسه مع هـ السلنتح ..!!؟

اتوقع ملفه والباب

دحوم القصيم · #13 09/12/2009, 03:55 PM

الطالب بعقوبه اكبر من الفصل اجل يتكلم على المدرس ولا جايب فزعات
في الفتره الحاليه نعاني من سوء تربيه بعض ابناءننا
هل من تربيتنا او من البيئه المحيطه بنا او من الاعلام
اترك لكم الاجابه

~DARK KNiGHT~ · #14 09/12/2009, 03:58 PM

وش هالطالب؟

ماينلعب معه اجل جاب اربعه !! امداه يجيبهم ويفهمهم السالفه

بس اذا جينا للصدق اولا المدرس غلط يوم يسطرهـ كف ... خيييررر وينا فيه؟؟

ولو مهما يحصل مايمد يدهـ

والطالب برضو انا اتوقع انهم يحولونه منازل والله يعينه

بشرنا باللي بيصير يوم السبت

بطلة · #15 09/12/2009, 04:13 PM

وعليكم السلام

تصدق اول ماقرات العنوان فيه المعلم والاحترام على بالي القحماني كاتب الموضوع

المهم صح الأستاذ الله يهديه المفروض مايمد يده ,,
بس ماتوصل إن الولد يسوي كذا سب وضرب وجاب شله يالهوي ماخلى شي

تصرفاته تدل على إنه متعود وبقوة على المضاربات وبالذات الجماعية>>

والله الطالب هو اللي بدأ ,,

قول للأستاذ بطلة تسلم عليك >>

(وتقول بلغ الشرطة لااااااااااااااااتسكت عن حقك يرحم أمك بلغ الشرطة )
لأن تصرف الطالب مع أصحابه فيه إهانة للأستاذ ,, يخبر الشرطة إن الولد تطاول عليه ,,

الإدارة المفروض تعاقبهم ,,

والله إني حزنت على الأستاذ موقفه صعب ,,
اكيد إلحين رجع بيته وماله نفس بالغدا

وحط حرته بزوجتة وعياله

واليوم أربعاء يعني مو متهني بالإجازة