الـمـشـاغـب ينضم للجيش السعودي ويحصل على رتبة مناضل شهيد أول ..! - صفحة رقم 5 - نادي الهلال السعودي - شبكة الزعيم

الـمـشـاغـب · #61 19/12/2009, 03:38 AM

رسائل راسلني

ديمبا : أشكرك على الاشادة وهذا من ذوقك الله يحفظك

والجواب : نظرتي معروفة من قبل .. مجرد المشاركة ما فيها شي .. وبالنسبة للأمر الآخر فأنا تقريباً ليبرالي في رأيي فيه

ما أقدر أجاوبك هنا بالتفصيل لأنه صعب .. لكن يمديك تشترك بالخدمة وأرد عليك هناك

سلامى : اها فهمت سبب السؤال .. وشكراً لك على الافادة بس لو تتكرم علي بالاسم أكون لك شاكر

تذكير : شكراً جزيلاًعلى التذكير لكن للأسف دايم أحذف رسائل الجنك ميل وما أقراها

يجب عليك الغياب عن المنتدى أسبوعاً : هههههه ما أخفيك رسالتك خوفتني .. لكن رحت للرد عشان أتأكد ولقيت أنه أنت اللي فهمت غلط .. لأنها قالت تقريباً ( تسلق على شعرها ونزل ) يعني منب غايب

توضيح : شكراً ع التوضيح وشكراً على التصميم مرة أخرى .. مو لازم يكون أنت اللي سويته يكفي مجرد الاهداء اللي أسعدني .. لا هنت

أبي رد بسسسسسرررررعه : آسف ع التأخير لي بالويكند ما دخلت النت .. لكن تم الارسال للعضو وإن شاء الله ما كنت متأخر كثير

سؤال : وعليكم السلام يا هلا .. هلالي الظهران آخر علمي به أنه مسافر بالخارج ومنقطعة أخباره . والهاوي يقول ضغط عمل ولا يفضى للمنتدى .. أما أبوريمان فهو للأسف معتزل الكتابة بالمجلس لأسباب خاصة مدري عنها .. وإن شاء الله يغير رايه ويرجع

هذا اللي عندي والعلم عند الله

------------------------------------

فيش مفصول
هلا وغلا بالأنتيم حقي

الحمد لله لا اختفينا ولا حاجة .. سبع البرمبة ما يخافش غير من ربنا والحكومة

متشكر أوي على هيك مرور

دوق فليد
هلا وغلا بأبوفليت

يا أخي مدري ليه كل ما شفت يوزرك يجي على بالي المقفع يوم يتهمونه بالزندقة

بيني وبينك .. أعجبني وصف قطاع الطرق ولو أني ما أقدر أقولها لأني منب وقح مثلك

بس والله أنك تعجبني

أشوفك بهاليومين متغيب عن المنتدى .. إن شاء الله المانع خير .. وترجع لنا نشوف آخر أطروحاتك

<< أستغفر الله كتبت زندقاتك ومسحتها .. يا شين مزحي

لأجــل الوعــد!!
هلا ومرحبا لأجل الوعد!!

وش هالتحطيم؟ والله ماخذين عني فكرة غلط

مرة من المرات في دوري شبكة الزعيم لكرة القدم .. قال لي مستر قول تعال للموج عشان نسلم عليه .. كنت مستحي لأني مربط لساني خايف أفلته على الموج ثم أصبح على إيقاف

سلمنا عليه وقال مستر قول للموج : هذا المشاغب .. أتوقع الموج ما عرفني وقتها بس ليته سكت ولا قال : لا والله شكله مو شكل واحد مشاغب

يا إني حسيت وقتها بالإهانة وكأنه يقول لا هذا خكري أو رخمة أو ما شابه

ولولا احترام مسترقول كان عضيت الموج في خده عشان يعرف أن الله حق وأني شخص شرس ومفترس

يالله عاد عطيناك وجه

مشكورة على المرور وخذي هالوردة معك في طريقك

رائدة الزعيم
هلا ومرحبتين بالعجوز الماصلة عريبووه

عقد وقريباتها كبوة جواد ما راح تثنيني عن اظهار المواهب المدفونة << في الزرف طبعاً

ما فهمت ردك يوم تقولين بنات أفكارك أو الفكرة مقتبسة .. حسيت أنك قريتي شبهها .. ما أنلام صرت موسوس بعد أم الخير وعقد البرسيم

يالله ما علينا .. شكراً على ابداء اعجابك بالقصة ولو أن ردك لا يخلو كالعادة من اللعانة

أحس أنك يالعجوز من زود اللعانة اللي فيك لو تمسكين مكنسة وتدقين بها سلف برجلك أن تطيرين مثل أفلام الكارتون

المهم ميرسيه كتير على مرورك الجميل اللعين

عقد الياسمين
أهلاً وسهلاً عقد البرسيم

<< نسيت من هو اللي قايلها لك؟
المهم ما علينا .. الرسيم وبتاكله أم الخير صاحبتك حنا وش علينا ..

ايه على طاريها .. كني شفت لك رد تقولين أنهم ما تفعلوا

بالله ماجد مقبل وش قاعد يسوي هنا؟ يزرع فجل؟ ارسلي له وبيفعلهم ان شاء الله

عموماً سلمت أصابعك على الرد

<< دوّرت برسيم ما لقيت إلا هالوردة .. مشي حالك لين يحلها الله

أمـيـر
هلا ومرحبتين بالأمير

تشرفت بمرورك يا صاحب السمو

وأشكرك على الوردة يا بعد مخدة القيصر رهيب

<< مخدته معفنة .. سرواله أزكى رائحة منها خخخخ

الله يعطيك العافية .. ولا عدمتك يا بطل

هلالية والعز عنواني
هلا وغلا بهلالية والعز عنوانها

الله يقويك يا بنت العز

يا والله أنك تصلحين تردين في كل موضوع لي .. يا عليك ترفيع مش صاحي

امدحي وامدحي وامدحي حتى تتعبين وبعد ما تتعبين امدحي وارتاحي

رجعتيني لماضيي الجميل

( الأسطورة ) آآآآهـ ما أحلاها من ذكريات

كان الكل يخدمني ويتعب في خدمتي .. حتى بلبسي ما كنت أتعب نفسي في شي .. بعد ما ألبس ملابسي الداخلية يجون المعجبين ويلبسوني بقية الملابس

أما الحين .. لي أسبوع ما تروشت

محد غسل ملابسي ولا احد غسّلني

على العموم ألف شكر على ردك الحلو .. وإن شاء الله دوم هالضحكة

مرآة الهلال
يا هلا ويا مسهلا بمرآة الهلال

يسعدني اعجابك بالقصة والأسلوب .. وإن هذا لمن دواعي سروري

ويشرفني بالتأكيد أن تجاملني بقولك أنك من المعجبين بقلمي

دمت لمن تحب .. غداقاً , شراقاً , مغداقاً , مفداقاً , شامخاً أبيّاً

<< لو أنك يا مرآة عندي كان ترفست ببطنك لأنك خليتني رسمي وأؤلف كلمات

الهنوووف
أهلين وسهلين هنوفوه

وأنا وش دخّل أمي فيك إذا تميلين للمواضيع الساخرة المحبوكة أو المواضيع المنسدحة؟

روحي سوي تقويم وعدلي هالميلان بعيد عني << سماجة تضحّك

الصدق .. ترى أمزح معك

وترانا مبطين عن مواضيعك .. من بعد مواضيع المناسبات اللي صاروا يتسابقون الأعضاء عليها معاد شفناك .. شدي حيلك واكتبي موضوع بناتي

يعني عشرة مواضيع في موضوع

شكراً لا إلك على مرورك الطيب .. لا خلا ولاعدم

اليزابيث هيرلي
لأ لأ .. مش مسأدأ عينيّه .. مش ممكن ده يحصل .. لأه دا مستحيل خالص ..
هلا وغلا إليزابيث هيرلي

عاش من شافك يالعجوز الثانية .. من أي كهف طلعتي لنا؟

المهم حياك الله وبياك .. هذا الترحيب كله لأننا مبطين عنك ولأنك عجوز .. يعني الشبهات منتفية بكل أريحية خخخخخ

إذا ما كل سلطان سلطان .. فما كل إليزابيث هيرلي إليزابيث هيرلي .. واسألي اليوتيوب

عاد أحلى ما في ردك أنك ركزتي على كلمة ( خضم ) اللي الأعضاء للأسف ما عطوها وجه ولا قدروا التعب فيها

والله هذا أحلى ما في ردك .. أما باقي الرد فمزبلة التاريخ أولى به

( تكرمون )

شكراً لك ليز .. اسعدتيني بتواجدك

Blue Sun
هلا وغلا بإلهامي .. هلا بالغالي الهامي .. هلا بمعشوق إبهامي

أسبوع وأنت تستنتج الفوائد؟ يا شيخ والله أن المجلس أكثره منافقين دجالين خخخخ

لا تكون تحسبني وحدة خبلة تقردنها بكذابك؟ يالله اقطع واخص يا حياتي

بالنسبة لمنال .. لا أبشرك ما تزوجتها .. يمديك عليها ولو تبي مسيار ما عندها مشكلة أهم شي تخرجها من الصدمة العاطفية بعد ما أنا سحبت عليها

الله يعافيك يا بعدي على المرور المتأخر .. يا حبني لك بس

R سام الاحاسيـ S
هلا وغلا برسام الأحاسيس

يقولون دايم .. ختامها مسك

بس الظاهر ختام موضوعي ( ختامها تبن )

أمزح معك يالغلا وإن شاء الله ما يمديك تشوف ردي عليك .. بس اليوم أحس بإحساس العدوان والطغيان وودي أشرب من دم كل عضو

يالله عاد تصبّر يا فؤادي ورسام أحاسيسي .. وخذ هالهدية عشان يكون ختامها وردة (

) ..!

تم وبحمد الله الانتهاء من ردود الموضوع .. آي هاف فينيشد