سلام الله عليكم
ومساكم الله بالخير
ابو يعقوب يوم قال ...الوسط الرياضي هالايام قذر بكل ماتعنيه الكلمه.... ويش صار
قوموا الدنيا وقعدوها واخذوا من لحمه حتى شبعوا
الوسط الرياضي هالايام يا ناس واضح للجميع وعارفين ان ابو يعقوب ضرب على الوتر
وكل واحد عنده كلام ويبي يقول بس ليش تنفخ في قربه فيها تنسيم
ابو وجهين اليوم هو اللي عاش وانبسط والمثاليين قعدوابها والمصيبيح يشهد
الغشيان ماسار على دربهم واكلها هواء والثنيان عرف لهم وما قدروا عليه
كل واحد يقول هذا غلط والصح لازم يكون كذا واذا اختلف اللصان بان المسروق
صارالكلام الفاحش على قد من يشيل واصبح التفنن في اطلاق (الالقاب العلميه)العير فن قائم بحد ذاته واللي ما يعرف يغلط على البشر مافيه خير


انت صحفي النادي من الجريده الفلانيه ونبيك معول هدم ووسيله للاخذ بالثأر وما دمت تسمع كلامنا فانت كفو ولا احد يمك وبس تروح يمين شوي ولا يسار شوي لا انت منا ولا نعرفك وليت الامر كذا وبس ..راح نطعن فيك وفي اللي جابوك وفي جريدتك بعد.
اطلب ان تستضيفني الفضائيات وركزوا معي انا اللي اطلب الاستضافه واجند صحفييي تلك الجريده واللي اتمصلح منهم فتره بعدين اكرشهم ويعطوني من الارشيف مايدين مسؤول التحرير في جريدتهم وبعدين تعال تفرج على المهازل على تلك القناة اللي قاعده تربح من وراء ظهورنا ولا ازيدكم من الشعر بيت هالصحفيين ما اخليهم يجون النادي قبل اسبوعين من موعد الجلسه امام صبي بني شهر
لسبب مايعرف مسوؤل التحرير في الجريده انهم مصادري ومعاول الهدم عندي واضرب هالمسوؤل بسلاحه وهو غافل وما كذب من قال (اعلمه الرماية كل يوم فلما اشتد ساعده رماني).......

اللاعب هذا ماهو خاش مزاجي ولانه يلعب في هالنادي اللي مدير الكره فيه حاط راسه براسي وقاعد
يلعب بذيله ويحاول يهدم فريقي بادبر له من هالمصايب حتى يشبع ... وولد خالة رقم15 في منتخب الكاميرون ماهو بعيد وسالفته باقي تتبرد عند رجل الامن الفريد من نوعه (اسعد فضه ...اوه اسعد عبدالكريم)


ابغى اطلب منك تلعب المباراه المرتقبه غدا امام هالفريق اللي نساني حتى اهتم في شكلي وقاعد افكر ليل نهار كيف اقضي عليه طبعا انت عندك اصابه جامده والدكتور يقول 3اسابيع ماتمشي حتى
وطبعاانت معروفه مواقفك امام هالمصيبه وبالتالي نستنتج انك رايح تلعب غصب عنك وكل شىء بحقه
هاللاعب المسكين وراه عيال ووراه بيت واسره واذا صار بكره من اعضاء(جمعية المعاقين) والله ماينفعه ابو الرموز كلهم ويش السواه الحين ...
هاللاعب كانت السياسه اكره شىء في هالدنيا عنده وبالتالي خالف التعليمات وطلع من النادي قبل المباراه بيوم....هنا انا اليوم الثاني جمعت الجيش حقي من الصحافه والسكرتيه والباقين وقلت شوفوا لنا سالفه نلصقها فيه وياتينا اخونا في الله ويقول (ترك النادي وراح يشكشك في الثمامه)
شوف هالوقاحه وين وصلت اباطعن حتى في رجولته ولا يقولون انظف رجل في الرياضه السعوديه

باعتباري (الختيار) في النادي ومادام ان هالنادي الشرقاوي صجني بلاعبه اللي يبغى النصر غصب
ابي اساوي حركه بنت كلب واصيد عصفورين بحجر اللاعب وخزينة النادي
راح احضر بورقة العقد واللي فيها في الوجه الاول 50000ريال للاعب والوجه الثاني 50ريال
واخليه يوقع على ال50000 وطبعا الورقه من نوعية فواتير المغاسل تنسخ كل شىء وبعدها تبغى النادي ب50ريال والا العقربيه اولى بك وعند سعيد الودعاني الخبر اليقين (القادسيه)


اخيرا ترقبواااااااااااااااااااااااا يوم الجمعه القادم صدى الملاعب وحرب البسوس بين وليد الفراج وعبد الرحمن بن سعود وتراح تعرفون ابو يعقوب ويش قاعد يقول