السلام عليكم
قبل ان ابدا بالموضوع احب اقول اني لست من النوع الي يحب عليهم عليهم بحالة الهزيمه او معاهم معاهم بحالة الفوز هذا الموضوع اردت اكتبه من زمان,,
ارجو ان تتقبلوا وجهة نظري اذا كانت لكم وجهة نظر مخالفه ولا مانع من المناقشه,,


بقلب لغه عاميه الحين

يقولك كان ايام زمان ايام العجه والخرفان
كانت فيه شغاله اسمها ماما انيسه وماشاءالله عليها ماما انيسه طبخها حلو وتنظيفها حلو وكل شي وزياده على كذا سواليفها ونيسه !! كانت تحب تسوولف ومررره حبوبه ويحبها كل احد يجلس معاها,,
ماما انيسه كانت عند عائله على قد حالها,, وحبوها ودلعوها وكل شي طبعا غصبن عليهم لان زي ما قلت مواصفتها كويسه من طبخ الى تنظيف الى سواليف !! يعني ماما انيسه كانت سيدة البيت,الابو وكل احد والجيران يمدحونها وكل شي,,
الى يوم من الايام عرف عن ماما انيسه شخص تاجر !! ساكن بنفس الحارة قال الا لازم اجيبها !!
الزبده ماما انيسه وافقت وكانت متحمسه مررره للعائله الجديده !!
الزبده راحت ماما انيسه لعائلة التاجر المطخطخه ومرت خمس سنين ولك تطبييخ وسوالييف وكل شي تمام يعني من قوووة حب العائله لها يخلونها تنام بغرفه احسن من غرفهم !! يعني مررررره يحبونها ومرررره يعزونها ولا يمكن يزعلونها بشي,,
مرررررت الايام وجاء اليوم الي خلاص ماما انيسه احسن شغاله بالسعوديه وخذ لك تطبييييل ورقص وكل شي عشان ماما انيسه اقولك كل الشعب انهبلوا علييها يحبونها يحبونها حتى اذا جاء يوم ما طبخت ولا نزلت للمطبخ تشووف البييت كله يصيييح وحتى عيال الحاره كلهم يصيحون ( تعرف شيوخ يغدون الحاره كلها ) الزبده يعني ماما انيسه هاذي مررره تمام !!
الين جاء الوقت الي شافت فيه نفسها وتعالت على كل الناس !! بس العجيب انه محد يقدر يزبد لها !! يعني كل الناس تحبها عشان سواليفها وعادي تاركينها وماما انيسه انبسطت زياده,,
الزبده صارت ما تهتم بالطبخ !! تخيلو تحط الرز مع حطت اللحم بالقدر وما تقطع البصل والطماط زيين وكل شي يعني اكلها حوسه وما ينوكل اصلا !!
بس تخيلوا ومع ذلك ياكلونه الناس والعائله وبالعكس يمدحونه كمان !!!! يقولون ايه احسن من اول الطبخ ويقولون انه كوييس لان فيييه بهارات ولان فييه مللح !!! يعني خذ لك انواع التسلييك لماما انيسه !!
وكل ما احد قال اكلها مو حلو قالو انت الي ما عندك ذوق وما تشووف الملح والبهارات الي حاطته وش زيينه
يعني تسلييييك موب طبيعي !! والمشكله الاكبر انهم عندهم شغاله كويسه ثانيه جايبينها من مكه !!
بس يا حرام المطبخ مخلينه لماما انيسه بس يعني 24 ساعه (الي هي 90 دقيقه) بالتمام كلها لماما انيسه !!!
وللحين محد زبد لماما انيسه وطلعها براا المطبخ عشان تعرف قدرها

ما نستفيد من الموضوع ,,
يعني لو ابو العائله يوم شاف ماما انييسه بدت تبوزط المفروض يزبد لها مو يسلك لها على حساب بيته المسكين !! وحتي عيال الحارة المفروض يزبدون مو يطبلون لها ويرقصون بعد طبخها البايخ !! بس الله يهديهم ان شاء الله

الشخصيات:
العائله الي على قد حالها : القادسيه
العائله المطخطخه : الهلال
عيال الحاره: مشجعين نادي الهلال
ماما انيسه: ياسر القحطاني
الشغاله الكويسه الي من مكه: عيسى المحياني