جــمهـور الــهــلال وش سـويـتـو بـطـارق + نـقـاط أخــرى ..
السلام عليكم ورحمة الله وبركاته
كل عام وأنتم بخير وصحه وسلامه
صراحه لي فتره ماكتبت مواضيع مستمتع بمواضيع أعضائنا المميزين لكن جاء دور المواضيع اللي تخدم الفريق في هذا الوقت الحساس ... موضوعي راح يكون على شكل نقاط متفرقه منعا للملل من المواضيع الطويله 
*جمهور الهلال وماأدراك ماجمهور الهلال شفتو وش سوى بطارق تحيه قبل المباراه وترحيب وصافرات أستهجان أثناء المباراه ..جمهور يحب الاعب خارج الملعب ولكن وقت المباراه يرمي العاطفه على جنب وينصب تركيزه على فريقه
بين قوسين (جمهور واعي ) وعلى طاري جمهور الهلال خصوصا في الرياض كل مباراه يثبت أنه الرقم الصعب مهما حصل له من إنتقادات على الرغم من برودة الجو والأمطار لكن حضوره كان مميز وكان فعال على عكس ماقيل عنه أنه جمهور مقاهي
.
* الفريق قدم مباراة أعتقد من وجهة نظري أنها ممتازه جدا من كل النواحي لولا الهدف في الثواني الأخيره من الشوط الأول اللذي لخبط أوراق الفريق وأحبط الاعبين
...وفي أعتقادي لو أن الهلال أنهى الشوط الأول متقدم 2_0 أتوقع راح تزيد الغله من الأهداف لكن قدر الله وما شاء فعل (رب ضارة نافعة )
* لاحظت على الفريق من بداية الدوري الروح العاليه واللياقه الممتازه اللتي كنا نفتقدها في المواسم الماضيه وأعتقد أن السبب الرئيسي في هذا الشيء هو المدرب تقولي ليه المدرب أقولك صرامته اللي فرضها على الاعبين والسبب الأخر وهو مهم أيضا التمارين الصباحيه خصوصا ثم المسائيه اللتي فرضت على الاعبين ومنعتهم من السهر وعلمتهم الإنضباطيه والأحتراف الحقيقي (شكرا جيريتس )
* نيفيز يلوموني فيك يانيفيز أجزم أنه في المباريات اللتي لعبها وخصوصا أمام الشباب لم يسكت منتقديه فحسب بل أخرسهم
وأنتظرو المزيد .
* إلى جميع من طالب الإداره بمحترف أجنبي أو بالأصح مهاجم ياناس المعدل التهديفي للفريق عالي جدا والأجانب مقدمين أفضل المستويات
نجيب أجنبي وين نحطه ؟؟؟؟
كل الأجانب مميزين راح أبين سبب التميز فيهم واحد واحد
:-
لي يونج : طبعا المركز هذا سبب مشكله للهلال في السنوات الماضيه بل أصبح عقده وماصدقنا يأتي لاعب ويسد الخانه بكل إقتدار نروح نلغي عقده !!!!وعلى فكره في منتديات رياضيه تشيد بهذا الاعب وتعتبره الأفضل في هذه الخانه في الملاعب السعوديه . رادوي :أعتقد أنه ماسك المحور بشكل رائع ..طيب راح تقولي عندنا لاعبين في مركز المحور أرد عليك وأقولك هل هم في مستوى رادوي ؟؟؟؟؟(فرق شاسع )وأحب أشير إلى نقطه أنه يمتلك صفات القائد داخل الملعب وهذه مفقدوده بعد سامي ويلي : أنا أشوف أنه من أفضل الاعبين اللذين يربكون الخصم بسرعته ومهارته العاليه فلذلك الفرق تحسب له ألف حساب خصوصا عامل السرعه عنده يسوي مشاكل في دفاع الخصم وذلك يتيح فرصه للمهاجمين لتقليل الرقابه عليهم .. غير كذا لايوجد لاعب يبدأ المباراه وينهيها بنفس المستوى سوى ويلي نيفيز : سابقا قبل أن يأتي كنا لانستفيد من الكرات الثابته نهائيا ولكن بعد أن جاء أصبحت الكرات الثابته مشروع هدف جب لي لاعب ينفذ مثل تنفيذه للكره لايوجد . (راح يصنع الفارق في الملاعب السعوديه )إن شاء الله 
بعد اللي ذكرته إي واحد تهمه مصلحة فريقه لن يطلب مهاجم خصوصا أننا لن نستفيد منه في الدوري إلا في 7 مباريات فقط على بال مايتأقلم إلا الدور منتهي *أبو فيصل رئيسنا الغالي لم يقصر في خدمة الهلال من كل النواحي ماديه ومعنويه فلذلك نريد إسعاده في الحضور الجماهيري في كل المناطق مثل ماأسعدنا بجلب نجوم ومدرب على مستوى ...لاتخيبو ظنه . * يشهد الله تعبت على الموضوع بس لعيونكم يهون كل شيء لكن نبي الردود اللي تثري الموضوع وتعطيه رونق وجمال بردودكم المتميزه ..
- الموضوع للنقاش والحوار يعني ممكن أكون مصيب في كلامي وممكن أكون مخطيء فأي إضافات أو تعليقات أتقبلها بصدر رحب
وعلى دروب المحبة نلتقي
الوضع العادي
