يمه حملت الفاير فوكس خلاص لا تقوميني للصلاة ض1 - صفحة رقم 5 - نادي الهلال السعودي - شبكة الزعيم

بريماكس · #61 05/12/2009, 10:31 AM

موضوع بايخ وعادي جداً

بالله كيف تنزلينه يامتابعه

امزح عاد لاتصدقين تزعلين علينا

موضوعك ذكرني بسالفه من ثلاث سنوات تقريباً ..

اممممممممممممممممم جتني فتره مامعي سياره وكنت اقضي حوائجي عن طريق الاصحاب ..

هلا ابوفلان .. تعال مرني وودني هناك ... بصراحه طفشت ومليت لاني بعت السياره قبل لا احصل سياره ثانيه وهذي مشكله

المهم ... مره من المرات كنت طالع مثل هالوقت هذا للمقهى الساع 10 صباح من امس مانمت .. وصلني خويي يمه الصباح ..

اانا ماعندي شئ .. ومشتاق للنت .. بحكم ان المنزل مافيه نت ذاك الوقت .

وصلني للمقهى جلسنا وجلس هو بجهاز آخر .. ساعه الا يبي يمشي قال تبين اوصلك

قلت بدري

قال ابي امشي وابي انام ومدري ايش .. قلت الله يساعدك ماقصرت انا ابجلس قال من يوصلك .. قلت احصل احد ان شاء الله ماني بلش..

جلست ساعه ساعتين ثم صلينا الظهر رجعت كملت ثلاث اربع خمس

صارت الساع 2 امسك الجوال وابي ادق على فلان اقول لا لا مشغول توه طالع من الدوام .. خويي فلان .. لا توه مخلص جامعه وتعبان .. المهم دقيت على واحد مارد علي شكله نائم ..

وصلت الساع 3 العصر وانا جالس بالمقهى .. تعبان .. ماتغديت .. مرهق .. فيني نوم

كلمت ولد خالتي قلت تكفى تعال يمي .. قال انا مرتبط اول ماخلص اجيك .. قلت تكفى الله يعافيك

انتظرت ساعه .. ساعتين وهو لسى ماجاء .. اانا تعبت ماعاد اشوف الأرض ..

رحت للاستقبال بالمقهى وجلست اسولف معاه شاب لي علاقه معاه سطحيه

سولفنا مدريت الا انا طايح ونيم على الكنب

... احس بواحد يصحيني ابراهيم ابراهيم ابراااااااااااااااااااااااااااااهييييييييييييييييييييييييييييييييييييييييييييييييييييييييييييييييم

انا من شافني قال ماخذله هذا كاسين شنبان بس

مسك يدي بيحاول يصحيني ثقيل عجزت اقوم الا يقومني وانا بسابع نومه يحاول يمسكني وانا ابطيح

قسم بالله اننا قاطعين شارع سيدين كبير جداً وانا نيم

مدريت الا يوم قال اركب السياره واناظر المقهى بالشارع المقابل

ركبني السياره وسيدا للبيت .. ما اذكر الا يوم وصلنا .. قال يالله وصلنا .. مضيع انا قلت انعم الله عليك

ايقالي اذكر وش قلت عاد بس الصدق يوم ما انساه متعب جداً جداً

الله لايعيده من ايام كانت ايام مرهقه

يالله طولت عليكم يامتابعه وانا وراي اشغال

يسلموووووووووووووووووووووووووووووووو عالموضوع الخفيف اللي يحول النفس من

الى

الله يعطيك الــــــــــ ع ـــــــــــــــــافيه ..

MaRoUaNe · #62 05/12/2009, 04:38 PM

^^
بريمو والله مشتاق لك

أهلين متابعه ..

نومي للأسف خفيف جداً .. أي واحد يفتح باب الغرفه أقوم ..
من خف نومي إحدى المرات قمت من زقزقة العصافير خخخ

عموما شكراً يامتابعه على الموضوع البايخ على كلام بريمو