الوالده قالت وش رايك نخطب لك بنت الحلال وقلتها بدري ولا افكر اتزوج اصلاً قالت بس خطبة مع العلم ان عمري 24 سنة بس قلت اوكي واخطبولي بنت فلان جارنا ولازم اشوفها بس مافي زواج الا بعد اربع سنوات من الان فهي مجرد خطبة فقط ..
وافقوا الاهل على شرطي الوحيد المتمثل في تأجيل الزواج الى مابعد اربع سنوات الاخوان والاصدقاء يقولون خلاص الليبرالي بيتزوج ( هذي معياره فقط )
رحنا يوم الاربعاء قبل يوم عرفة الى بيت جارنا يقال اننا بنخلي العيد عيدين
دخلنا البيت وتقهوينا قال الشايب لجارنا جيناكم نخطب للولد بنتكم واكيد عندكم خبر رد جارنا وقال لابوي اكيد وعبدالعزيز ولد راعي واجب واهل الحي يعرفون ان اجودي ( عربجي ) لكن بنسأل البنت ونرد لكم خبر خلا الاسبوع هذا
نقزت انا وقلت ياعم بس ترى ودي اشوف البنت في حال الموافقة طبعاً
هنا جارنا ناظر ابوي وقال وش يقول هالخبل ( توه يقول اجودي هالنصاب )
قال ابوي يابن الحلال هذا شرع الله وسنة نبيه وما جبنا شيء من عندنا
قال جارنا بعصبية جداً اذاً زواج ولدكم من بنتنا مرفوض من الان ولا تفتحون هالموضوع نهائياً
نقزت انا كالعادة وقلت احسن بصوت خافت
سمعني من كان بأخر المجلس
هنا جارنا وصل حدة وارتفع ضغطه وقال اطلع برا بيتي ولا عاد اشوفك في هالبيت وحلف على ابوي الا ويتعشى معه وان تصرفي فردي ولا يعكس واقع العائلة ومن هالخرابيط
المهم في اليوم الثاني جتني رسالة من ولدهم صديق مقرب لي كتب فيها ان لم تستحي فأصنع ماشئت
انا اقول في نفسي وش يبي هالمطوع زعلان بعد .. وادق عليه ويرد بصوت خافت على شوية تضخيم يقال اني زعلان يقول نــــــــــــــعم ما تستحي يوم انك تبي تشوف اختي وانا اللي كنت فرحان انك بتصير نسيب لي لا كان ماتستاهل انت تتزوج من عندنا
هنا انا رديت عليه بكبرياء وقلت ضف وجهك انت واختك
وبصراحة دخلت البيت متنرفز ورحت للوالدة وقلت لا تفتحون معي موضوع الزواج الا بعد الثلاثين وبصراحه شكلي بتزوج من الخارج حبشية
طبعاً ردت والوالد وقالت انقلع وتستاهل ماجاك والا المفروض انك اخذت بنت خالتك وانا قايله لك من زمان بس هذا اختيارك
وبصراحه جارنا وعياله زعلانيين علي كثير لاني بنظرهم تعديت حدودي ( بقريح )
السؤال هنا
ليش في ناس تحرم ما احل الله في شرعه وسنة نبيه ؟؟
هل عمري 24 سنه عمر زواج في عصرنا هذا مع العلم ان لم يجبرني احد على الخطبة بل مجرد مشاورة ؟؟
هل انا اخطأت في تصرفي مع جارنا المستفز ؟
غير كذا مقولة الليبرالي لزقت علي بعد الحادثة حتى ان زصديقي غير اسمي عنده بالجوال الى الليبرالي لاني ما اعرف سلوم القبايل مع العلم اني ولد قبائل بس في نظرهم اني مخطىء
وكذلك من صفاتي اني انسان عطوف حنون اعترف بخطىء بسرعة وسريع الاعتذار ودائما وما احمل بيدي هدية ومسالم متسامح بس ليش اخطائي تضخم على انها اخطاء شنيعة .. الكل اكد لي ان جارنا مخطىء بس انا تسرعت في ردي عليهم
محتاج رايكم في القضية الاكثر غرابة في حياتي ؟؟
افكر اكتب لنفسي مذكرات
تحياتي الخاطب المطرود / عبدالعزيز
القصة من بنات افكاري ضلل في اعلى هذا السطر عشان اللي تحت ما يزعل
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههه
مايمديييييييييييييني على التزبيييد
والله مدري القصه صدق ولا كذب بس بكل الحالتين اهنيك على اسلوبك الخطير
الله يرجك والله اني ميت ضحك اجل احسن ياليبرالي ههههههههههههههههههههههههههههههههههههههههههههههه
صدتوهـ يالسسرابيت
والله يانت وسيع وجه يرراعي الموضوع شين وقوي عين
تسذب وتنكر بس على مين النشبه ذايب دائم في الموعد
بالله لك وجه تدخل المجلس بعد هالقفطه عييال تو اششوف خشم يناقز
وبعدين والله الذكرى الطيبه تبقى طول العمر .. يكفي من الجيران الان لو تكفيهم شرك .. ما أ قصدك انت لا والله اقصد العااااااام وبعدين كيف تروح تخطب وانت عربجي ومعروف بالحاره
خلك مثل اللي مسربت يوم فكر يتزوج هو اللي ورى الامام ماشاء الله يوم خطب وتزوج ماعاد تشوفه بالمسجد هههههههههههههههههههههههههههههههه
عموماً عمر الشخص مو مقياس للزواج .. اهم شئ العقليه وهل هو انسان متفهم ولا لا وقد المسؤليه ولا انسان ( خرطي ) ومايحمل من الرجوله الا اسمه فقط
تحياتي لك والله يوفقك اخوي ويرزقك بنت الحلال اللي تضمك ضمه الأم لولدها وتنسيك هموم الحياة
فالخطأ خطأي انا ومع ذلك وضحت لسكروب عبر الخاص اني كتب الجملة في الاسفل وبعد ما شفت رده على الموضوع رجعت ورفعت الجملة للاعلى لا اكثر ولا اقل وهذا الخطأ اللي انا طحت فيه وقلت لسكروب هذا الكلام عبر الخاص واتمنى يكون قالك قبل ما تفلم بالموضوع وتزبد يا ذايب الله يهديك
خلني اشوف لك موضوع والله لاخربه
عموما انا اعتذر للجميع وان شاء الله الموضوع يعجبكم او الكذبة زي ما قالوا ذيب وسكروب
الللي اطالبهم بالاعتذار امام الاعضاء يوم انهم خربوا موضوعي