أول كل أبو شي ...كل عام وانتم بخير .. بعد الزحمة وتقطيع اللحمة من أكبر زعيم لأصغر زعيم 
ثاني شي .. بـدخل في الموضوع على طول تياقو نيفيز Thiago Neves
قريت مره في المنتدى يقولون أن نيفيز مقلب وشربناه وانه أسوء أجنبي<< (هذا لو كان لاعب مغمور
) أنا أقول وكثير كتبوا وقالوا:: تذكرون مستوى كماتشو أول ما جاء ومستوى ويلي ومستوى تفاريس وغيرهم كثر وكُتِبَت مواضيع تدافع عنهم
حتى اثبتو وجودهم وفي رد سريع سامي قاله اللي ما يعرف تياقو نيفيز فهو غير متابع لكرة القدم العالمية 
مو شرط أي لاعب ناجح ومميز في فريق يكتب له النجاح في اي نادي ينتقل له في نفس الدولة فالظروف من نادي الى نادي مختلفة والتأقلم والتكيف يبيله وقت
فما بالكم في انتقال لاعب من قارة إلى قارة ومن دوله إلى دوله ومن عادات وديانات إلى غيرها و و ..الخ
وتعرفون أن تياقو توه صغير 24 سنة وعقده مع الهلال 4مواسم يعني قمت عطاء أي لاعب في هالفتره العمرية وهذا اكبر مكسب للي ما يعرف من هو تياقو نيفيز يكتب في محرك البحث "تياقو نيفيز- Thiago Neves" 
وراح يشوف الرابطة اللي سووها شباب سعوديين يحبونه وراح يقرأ أخباره العالمية ويبحث برضوا في موقع اليوتيوب ويشوف من هو تياقو نيفيز أهم شي البحث بــ "Thiago Neves" مو بالعربي 
ادري طولت عليكم راح أقولكم وش اكتشفت
يا ناس هذا اللاعب أسطورة في دولته ومحبوووب من جماهير ناديه السابق فلومنزي وهو لاعب جماهيري ويموت في الجمهور لحد الجنون فهو يعتبر من اللاعبين اللي يحترقون اذا صاح الجمهور 
وهذا زي ما تعرفون يسمونه في الفن (نجم شباك) وهذا نجم مدرجات وقليل من اللاعبين على شاكلته فهو في لحظه ممكن يقلب المباراة بسبب تفاعله مع الجمهور وتتذكرون طيب الذكر طارق كان يلتف للجمهور في وسط المباراة ويطالبهم بالتشجيع
تعرفون هالصورة وكثير منكم شافها تواقيع هنا في المنتدى 
وتتذكرون فرحته يوم عض الفنيله في فمه بعد هدف 
وسواها مع الهلال وهذا تصميم لاحد اعضاء الشبكة 
اللاعب هذا يعبر عن فرحته بالهدف بطريقه جنونية تدل على حبه للكوره فهو من أبناء السامبا
ولكم بعض الصور 
أحيانا يأخذ الكورة 
أو يعض فنيلته او يحب الشعار والمهم هالصوره الشهيرة له وش سببها 
مره كتب واحد من الجمهور عن هالمقطع واضن هو اللي رفع المقطع (صمت المشاعر) مشكور واستاذنه للوضع الرابط في هذا الموضوع
http://www.youtube.com/watch?v=ueHP2lO-DIE
اسمعوا الجمهور كيف يردد اسمه
آآوه تياقو نيفيز .. آآوه تياقو نيفيز .. آآوه تياقو نيفيز .. آآوه تياقو نيفيز .. كل الملعب ياناس
ولا تخيلوها مع الزلزال الهلالي
آآوه تياقو نيفيز .. آآوه تياقو نيفيز .. آآوه تياقو نيفيز .. آآوه تياقو نيفيز
طبعا أن ضد ان يتم ترديد اسم اللاعب الفلاني في الدقيقة الفلانيه
زي ما قال واحد يقول لو كان كاملل الموسى والمعروف ان رقمه في الوحده 99متى راح يقولون اسمه
ممكن يتم ترديدها قبل الفاولات فهو يعتبر قاذفة صواريخ (ما شاء الله تبارك الله )
او بعد الهدف او اذا قدم لمحات فنية
عموما تياقو نيفيز مع جمهور فلومنزي البرازيلي غيييير
أترككم مع المقطع ولاحظوا كيف الملعب باكمله يردد اسم اللاعب وقتها عرفت ليه يسوي هالحركة
تتذكرون بهجا وحمزه وآآآه حقتهم
وربي كنت احسد الاثنين الجمهور واللاعب
كيف يتفاعلون مع بعض
المهم أنا أتمنى أن الرابطة يطبقون هالحركة للاعب عشان نذكره فيها ونحسسه بقيمته عندنا
ولا نخيب ضن 
أميرنا في هاللاعب فاللاعب ما جاء ببلاش ولا جاء غصب وتتذكرون مين كان ينافسنا عليه
والله أنها سهله
آآوه تياقو نيفيز .. آآوه تياقو نيفيز .. آآوه تياقو نيفيز .. آآوه تياقو نيفيز ..
جمهور الرياض ورابطة جمهور الرياض تقدرون تطبقون هالحركة والا لا واذا ماتقدرون جماهير الغربية والشرقية يتحدونكم .. مبارة الشباب اول فرصة لتطبيق هالحركة
وفك شفرة هذا اللاعب
اتمنى اللي يعرف احد في الرابطة او مجلس الجمهور يوصله هالطريقة
وبعدها شوفو من هو تياقو نيفيز ..
آآوه تياقو نيفيز .. آآوه تياقو نيفيز .. آآوه تياقو نيفيز .. آآوه تياقو نيفيز
و آآوه تياقو نيفيز .. آآوه تياقو نيفيز .. آآوه تياقو نيفيز .. آآوه تياقو نيفيز
ملاحظة للي عارفين انفسهم / موضوعي ليس لتقييم اللاعب فأنا لست جيرتس موضوعي للجمهور والرابطه
ودمتم زعماء
سر تياقو نيفيز بالصور والفيديو ..هااام لرابطة الجمهور وجمهور الرياض خاصة لازم يدخلون !! 
) 
الوضع العادي
