بسم الله الرحمن الرحيم


ترا هذا اول موضوع لي في المنتدى العام <<< طيب وش نسوي لك


اقترن اللون الوردي بالجنس اللطيف

وأصبح جزءًا لايتجزأ من حياتهم





فتراه ملازمًا للفتاة على :ـ




{ الشنطة ، الموبايل ، الساعة ، التنورة ، الــ .... إلخ }




أيضًا نجد هذا اللون الرائع حاضرًا في غرفة البنات من أثاث أوزينة




انتهينا من البنات





((الشباب))




في فئة من الشباب يلبسون قمصان وردية أو بلايز وردية





السؤال الآن




هل اللون الوردي للشباب عيب ؟ أو مياعة ؟؟

أو هو أمر ( يمس بالرجولة ) ؟؟؟





وأقصد الملابس الوردية




( البلوزة - تي شيرت )




لايروح بالكم على البناطيل ؟ أوالساعات ؟ أو الموبايلات ؟

الشباب ماوصلوا لهذي المرحلة ..





الشباب بس بيلبسون بلايز أو قمصان وردية

الموضوع للنقاش وانتظر أرائكم ؟؟
.

والله انا ما قد جربت ولا منيب مجرب البس اصلا بدله ولا بنطلون تيشرت
ان لبست لبست سروال فنيلة في البيت طبعا

انا ما انصح الشباب يلبسون اللون الوردي

مشكور اخوي فيصل على الرد


لكن فيه الحين بدله برشلونه الاحتياطيه لونه زهري يعني هل هي تكون من التي شير تات العاديه ؟

عيــب اصلاً وحرام !!
اللون الوردي للبنات وبس !
وانا حمدالله منب البس بدل كثير , ولاقد لبست وردي ولا أبي ألبس ولا لي نيه ,
فيما معنى قوله ..{ لعن الله المتشبهين من الرجال بالنساء والمتشبهات من النساء بالرجال }.. فيما معنى قوله صلى الله عليه وسلم ,
..

إقتباس الرسالة الأصلية كتبت بواسطة حتى ثوبي ازرق وابيض عيــب اصلاً وحرام !! اللون الوردي للبنات وبس ! وانا حمدالله منب البس بدل كثير , ولاقد لبست وردي ولا أبي ألبس ولا لي نيه , فيما معنى قوله ..{ لعن الله المتشبهين من الرجال بالنساء والمتشبهات من النساء بالرجال }.. فيما معنى قوله صلى الله عليه وسلم , ..

استغفر الله على التفكير العقيم .. !!


حرام مره وحده !!

اللون الوردي انا معك انه أقترن بالجنس الناعم ..

لكن الرجل اذا لبس وردي مافيها اي شي وماعمري شفت لون حكر لجنس عن الآخر !


بالله عطني لون رجالي مايلبسونه البنات


ببالنسبة لي انا ما احرص على اللون الوردي لكن عندي تيشيرت وردي فما المانع


عموما ً كلها ترجع لقناعات الشخص


أحترامي

و الله في حبــــــاتــــــــــــي مــا شــفـــــت رجـــال و لابــــس وردي !!!!!!!!!!!!!!!!!!!!!!!

اللون الوردي عيب للرجال !


في شباب مايعين يلبسون تيشيرت وردي !

إقتباس الرسالة الأصلية كتبت بواسطة leader ksa مامداك فتحت الموضوع الا جتك الفتاوى بالنسبة لي حرية شخصية ولا هو عيب الا اذا كان نفس التيشرت ناعم هنا كلام ثاني بعدين لحظة بتمشي على شي اسمه عيب اجل اقولك لبس الغربية بالنسبة للرياض عيب لبس الجنز عيب مسالة انك تشتري بوت ب300 ريال عيب مسالة انك تفصل ثوب وتطلب يكون وسعه عادي وموب مخصر عيب مسالة انك تفتح النت عيب والبنات يردون عليك ويسولفون معك عيب وانا الحين اللي اسويه عيب اني جالس ومارحت عزيمة عند الجماعة انا الحين مسوي عيب وعيب كبير بعد باختصار مافيه اي احد يحكم الا الشخص نفسه وبرأية لكن بعض الناس مادري مين يحسب نفسه ويبغى الناس يطبقون كلامه

والله اخوي كلامك في الصميم

بس بعض الناس معقدين لو شافك لابس اي شي غالي ولا كذا حقد عليك وليش تشري بالسعر هذا وزي كذا

طيب هذي حرية شخص يشري الي يبغا

بدايتن احترم رأي كل شخص منكم

ولكن لا ارى فلون الوردي اي مياعه او نقص رجوله

فهل نحن الاناث حنما نلبس اللون الازرق او الابيض اصبحت متشبه بالرجال

عذرا ولكن يجب عدم الربط بين الاحاديث وتفسيرها بالكيف

واللون الوردي او الاحمر او الاسود او البني ليست حكرا على جنس بعينه

فأذا رأيت مايناسبك فلبس

وبالنسبه لي شفت كثير لابسين وردي وبنفسجي وماقللت من رجولتهم

الا مشاءالله ماسكين احلى المناصب

واخر شي شفت دكتور امي لابس وردي وماشفته لا مايع ولا خكري

الا رجال والنعم فيه

هنا ياسر لابس احمر على وردي هل نقصت من رجولته شي







تحياتي

هو مب حكاية عيب بس بايخ على الرجال مع احترامي للي يلبسه ..!
عشان كذا الرجال مايلبسونه
شف وجه الرجال اذا لبس تي شرت وردي والله خياس : (

ام اذا وصلت للبنطلون فهذا العيب !..

اما تي شرت وردي مع جنز والله خياس

بديت أشك أن مفتي المملكه معانا بالمجلس العام يفتي وحركات ويقول لبس اللون الوردي حرام بالله اتقوا الله يا اصحاب الفتوى السريعه



فيه مثل يقول (( كل ما تبي وألبس ما يبون الناس )) .

يعني عندك بالريااض ممكن يكون اللون الوردي بدرجاته ع الشباب شيء مرفوض .

لكن بالمناطق البحرية اشوفهم يلبسون الألوان اللي يبون وعايشين حياتهم بكل راحه وبدون تنقد ع العالم .
بس عاد ماهو اللون الوردي الفاقع الي حتى البنات الكبار ما يلبسونه مخلينه للبنوتات الصغننات .

هذا رأيي



لكـ مودتي .

والله مآعندي كلام غير .. ان الوآحد حر في الي يلبسه
ومآنزيد على كلام أم متعب شي ...

..

لكن أعجبني مفتي المجلس ..
اسهل مآعليه يفتح النت ويطلع احكآم وفتآوي ..