تقديم اكثر من رائع ,,
عوافي لكل من قدم لو شيء بسيط في هالموضوع الرائع ,,
تقديم مميز في كل شيء , ماشاء الله ,, عساكم على القوة حبايبي
بالنسبة لديربي الميرسيايد ,, اتحفتونا حقيقة بالمعلومات ,, الديربي قبل لايكون
بين اللاعبين بيكون في المدرجات بين جماهير الفريقين ,, مثل حال الهلال والنصر
مافيه اي وجه مقارنة بين الفريقين , لكنها حرب بدات ولن تنتهي , والضجة الحاصلة
بين إعلام الفريقين وبين الجمهور ايضاً ,, إيفرتون فريق مميز ويعجبني فيه ارتيتا
وفيلاني وياكوبو وقبل كل هاللاعبين وراهم الذيب ديفيد مويس
, يعجبني كثير هالمدرب ,,
إيفرتون مدري عن غياباته لكن اعتقد بيلعب بكل ثقله في خط المنتصف , ومحاولة الظغط على
محاور الليفر وامتلاك النص , وبعدها يبدا التوزيع على الاطراف , فيه ساها كويس داخل الـ18 ,
مممم بالنسبة لليفر واللي يعيش فترات سيئة هالموسم وخصوصاً بعد تأكد خروجه من التشامبيونز
البطولة المحببة للنادي الأحمر , وايضاً الظغوطات الجماهيرية لها تأثير كبير على المدرب واداء اللاعبين ,
بينتز بيبدا المباراة بشكل هجومي ومحاولة خطف هدف من البداية خصوصا اول 10 دقايق عشان يريح ,
مشكلة الليفر من بعد الونسو لحد الآن ما ثبتوا على ارتكاز(ين) , وهذي تحوس الفريق بالتأكيد ,
لوكاس مستوياته بين وبين , ماسكي يالبى قلبه سنجوبي من اشد المعجبين فيه , لكن مشكلته
بختصار يقضي على آمال الفريق بغلطة لاعب سعنوني >> يعني صغير
ممممم توقعاتي لنتيجة المباراة 3-2 لـ الليفر , ومسجلي الأهداف , توريس 2 و كاوت 1
وبالنسبة للتوفيز : ساها و ارتيتا ,,
واتوقع المباراة فيها طرد ,,
اتمنى من كل قلبي فوز الليفر في هالمباراة ,, ودي يتريشون عشان يوقفون ارسنال قدام ,,
بالنسبة لقمة الجولة ,, القنرز المتريش بمستوياته المنتازة , قدام تشيلسي اللي يقدم مستويات
ممتازة وثابته هالموسم , كل الفريقين بالتأكيد يطمحون للفوز , تشيلسي في حال فوزه في هالمباراة
والمباراة القادمة امام السيتيزن اعتقد بيضمن الدوري من بدري
وهذا اللي مانبيه حنا
كـ متتبعين للمتعة
, مقارنة بين خطوط الفريقين نبدا بالحراسة ,,
القنرز عندهم ألمونيا ممتاز خصوصاً في الكرات العرضية , يعيبه انه يفهي في بعض الكرات السهلة ,
تشيلسي يقف في الحراسة تشيك , واللي يعيش افضل فتراته من مواسم , حافظ على نظافة شباكه 1025 دقيقة
متواصلة ,, وعقبال المليون
تشيك ميزته عنده سرعة بديهة ممتازة ماشاء الله , مشكلته في الكرات العرضية
او بالأصح الكرات الثابتة , يفهي كثييير في الفاولات ,, ودخلت عليه اهداف بهالطريقة ماتدخل على حارس مُبتدئ ,
الكفة من وجهة نظري تميل لـ تشيك ,,
بالنسبة لخط الدفاع ,, ارسنال مدري عن ظهيري الجنب بسبب الإصابات , لكن اغلب ظني بيلعب تراوري باك يسار ,
وسانيا باك يمين ,, وفي القلب جالاس و فيرلامين ,, ممم تراوري مو ذاك اللي في الظهير , ميزته مميز دفاعياً ,
وسانيا يعيش فترات حلوة , مساندته الهجومية ممتازة وجيد دفاعياً , مدري ليه احس انه بينطرد
بالنسبة لـ قلبي الدفاع ,, جالاس و فيرلامين مميزين خصوصاً الأخير , جالاس بيلعب من قلب للحين ماطلع حرته
نقطة ضعف خط دفاع القنرز بشكل عموم ,, هو ان الفريق المقابل يقدر يكسر خط الدفاع بتمريرة ,
بالنسبة لتشيلسي , في الباك اليسار آشلي واللي يعيش احلى فتراته من مواسم , لكن متخوف الفترة الماضية
بسبب الإصابة وخوفه من عودة الإصابة من جديد , لكن هالمباراة بيخربها بيطلع كل حيله وعقبها للهوسبتل
ممم أشلي بحكم مستوياته بشكل عموم هالموسم اعتقد انه الأفضل في مركزه في العالم ,,
بالنسبة للباك اليمين ,, فيه إيفانوفيتش , مميز جداً دفاعياً وثقته عالية في التمرير وفي الاحتفاظ بالكرة ,
لكن يعيبه التخوف من التقدم للأمام والمساندة الهجومية ,, يبقى افضل الحلول المتوفرة لـ آنشي ,,
واشوف الكفة متوازنه بينه وبين سانيا , يمكن سانيا يتفوق هجومياً على إيفانوفيتش ,,
نجي لقلبي الدفاع , تيري وكارفا , من افضل قلوب الدفاع في العالم , بينهم تفاهم كبير ,
وخبرة كافية ومستويات رائعة من فترة طويلة , تيري ما عليه كلام مستواه هالموسم شيء ثاني ,
بالنسبة لكارفا , هو الثاني مميز لكن يعيبه بعض التمريرات اللي تجي بدون تركيز , لكني افضله على جالاس ,,
نجي لخط الوسط ,, ارسنال مدري كيف طريقة لعبه لكن اعتقد بالنص بيكون سونغ بالجانب الدفاعي ,,
سونغ تطور مستواه كثير واصبح يعتمد عليه فينجر بشكل اكبر , بنيته الجسمانية قوية , ومميز دفاعياً ,
جنبه يلعب دينلسون , يعيش فترات حلوة هالولد , رغم انه صغير الا انه تحس عنده كمية خبرة هالخبل ,
هدفه بالتشامبيونز ليج آخر مباراة رووعة صراحة ,, وكان رايق في هالمباراة , ميزته الثقة العالية بلعبه ,,
وقدامهم فابري ,,
اللي يعيش افضل فتراته من مواسم , أنيق ورايق هالولد وكل شي فيه مميز ,,
بالنسبة لـ تشيلسي ,, يوجد في الجانب الدفاعي إيسيان ,, هالخال لحاله في هالمركز , مميز في التمرير
والتسديد والتغطية والمساندة الهجومية والمان تو مان واللياقة العالية , بإختصار رقم 1 في مركزه ,
جنبه يلعب المايسترو بالاك
, اعتبره هو الرابط بين دفاع تشيلسي وصناعة اللعب والهجوم ,,
غاب 3 مباريات عن تشيلسي هالموسم , خسر تشيلسي منها ثنتين , وهذا يدل على اعتماد آنشي عليه
مثل ماكان في ميلان كان يعتمد على بيرلو في الربط مابين الوسط والهجوم , بالاك مميز مشكلته يتنرفز على طول ,,
وممكن يخسره الفريق بسبب خطأ تافه , بعيد هالشيء ان شاء الله , اتوقع له بصمة في هالمباراة ,
وبالتأكيد أفضله على دينلسون ,,
لامبارد العائد من الإصابة وبعيد عن مستواه هالموسم ,, من مباراة اتلتيكو الذهاب ومستوياته ممتازة ,
إلى مباراة المان وبعدها أصيب وللحين مالعب , ونتمنى يكمل على المنوال ويستمر إبداعه , لكن افضل فابري عليه ,,
وجنبه يلعب ديكو هالفلبيني يالبى قلبه , راااايق من جد ,, لمساته رااايقة
عنده رجل حلوة بس الكلب
مايشوت ,,
ومتفاهم بشكل كبير مع خط الوسط وايضاً دروجبا , شفنا بينهم طقطقات حلوة هالموسم ,
بالنسبة للهجوم ,, ارسنال اعتقد بيلعب بـ ابو بندر و ارشا و ونصري كمهاجم ثاني ,,
ابوبندر خوي عبود مميز هالموسم , لكن لاحظت من بعد الإشادات اللي جته انخفض من مستواه ,
لكن يبقى مميز وحاسم , وفاهم لفابري وتمريراته بشكل كبير , عنده كنترول مميز وقناص جوا الصندوق خصوصاً بالهيد ,,
نصري والعائد من الإصابة وسجل هدفين بالتشامبيونز , ومستوياته ممتازة , لكن اعتقد من وجهة نظري إذا
لعب تقل فعالية فابري الهجومية , لكن يبقى نصري يأدي ادوار هجومية ممتازة ,, ومميز في تمريراته ,,
على الجانب الأيسر , في المدرعة الروسية , آرشا
يالبى قلبه بس والله اني خاق معه من ايام زينيت ,,
هاللاعب مزاجي بشكل غير طبيعي , مباراة تشوف مستواه في التوب والمباراة اللي عقبه مستواه في الحضيض ,
من جد شيء غريب , مباراة الليفر اللي جاب فيها 4 اهداف , المباراة اللي عقبها مستواه كان سيء !
لكن يبقى آرشا لاعب حاسم ومهم في تشكيلة فينجر , ولو مايجي منه الا تحركاته المزعجة ,,
بالنسبة لـ تشيلسي ,, فيه دروجبا المتخصص في القنرز ,, دروجبا واللي يعيش افضل حالاته من 2006 ,,
لا في التهديف ولا في الصناعة ,, مميز جداً اسرع في العالم ,, عندي إحساس هو الآخر بيكون له بصمة بإذن الله ,,
نجي للشيخ انيلكا ,, مستوياته روووعة من جد هالموسم , مدري جيدن فيه ولا من ابوخديدات ,,
اللاعب انفتحت نفسه بشكل اكبر للتهديف , وصار يصنع وقبل كل هذا صار الفريق يعتمد عليه بشكل كبير في التهديف ,,
وهذا شيء يحسب له و لـ آنشي اللي لعب بخطة تجمع بين تكثيف خط الوسط والفعالية الهجومية ,,
اشوف ان تشيلسي يتفوق هجومياً على القنرز , وبالتوفيق للبلوز ,,
وبس ,,
عوافي على الشغل الاكثر من رائع مرة اخرى ,, ولاعدمناكم ياحلوين
فمان الله
.
.
![][ || EPL 14 || المانيو ينتصر ع البومبي برباعية .. الريدز ينتصر بثنائية نظيفة .. البلوز يهزم آرسنال بثلاثية || ][](iconimages/t838630_rtl.gif)
.. والله يعطيكم ألف عافية 
على نفسه بعدم الإستهتار بالخصم 
!
عليكم مدافع 
.. مانشستر بصراحة لو ما فاز بهالجولة شخصياً باشطب على الدوري .. نقابل فريق متواضع صحيح غيّر مدربه بس ما تفرق معنا المفروض .. ومنافسينا بيلعبون مع بعض يعني لو فزنا بجميع الاحوال راح نكون كسبانين .. خصوصاً لو إنتهت تعادل او حتى فاز ارسنال .. اهم شي تشلسي ما يفوز ويدعس 
الوضع العادي
