بسم الله الرحمن الرحيم

السلام عليكم ورحمة الله وبركاته

بداية كل عام والجميع بخير

..والله ولكم وحشه..

من زمان عنكم,,

_المهايط_

موضه ّّّطفوليهّّّ بدأت بالانتشار الكثيف في الآونه الاخيره

((أولا أنا شاب جامعي من مدينة القصيم وبالتحديد بريده العزيزه..
كل عزوتي واهلي ببريده وأنا مقيم بالرياض لفترة مؤقته لأني طالب جامعي هنا,,
قبل 3 أيام وبالتحديد الساعه 12 ليلا..احسست بجوع قووي..
فخرجت لأحد المطاعم..
وعندما أخذت الطلب عائدا للبيت مررت بأحد شوارع الحواري,,وكان هناك سيارتان فقط في ذلك الشارع
((جالسين يسولفون))المهم وعندما مررت من عندهم كان هناك((مديور)) وكان بعيد تقريبا عنهم المهم ((ديورت)) وانا ((مديور))دست على البنزين__من دون قصد أي شيء__فاخرجت الكفرات صوت^ تفحيط ^
ومادريت الا وراي سياره تلاحقن من مكان لمكان وتكبيس,,وكان فيها 2
وقفت-نعم
المهايطي-خير
أنا-وش خيره
المهايطي-وش عندك تزاعق
أنا باستغراب-مزااعق!!
المهايطي-ايه مزاعق
انا-ماقصدت والله ازعق عليك وبعدين وش بيني وبينك علشان أزاعق..؟
المهايطي-ركد وضعك أحسن لك
أنا-أوووه والله وتعرف تطول لسانك
((وعندما اشتد النقاش))
لم اعلم الا وسياره صافطه جنب المهايطي فيها 4 نفرات
أنا-حسيت بوضعي الخطر..المكان لايوجد به الا انا وهم
هم 6 وانا 1
انسحبت بهدوء ذاهبا للبيت..
& نفسيتي زفت بزفت..لاني ماتعودت احد يهايط علي لكن الكثره تغلب الشجاعه &
نسيت الموضوع ومشيته المره هذي
<< امس المغرب << نفس المهايطي شافني بحاره ولحقني..بس كان لوحده..
قلت وش تبي يالمهايطي..بعد لايكون زعقت بوجهك
المهايطي-أقول ترا امس فكك الله بغينا نرضك رض وكمل كلامه((انت شفت كم حنا))وانت بلحالك وماحولك احد..
لاعاد تتعودها وانتبه لوضعك
انا-قلت كانك رجال تعال بلحالك مو تجيب لي 6 على 1
-لم يرد علي وعلى ماظن اتصل على اللي امس كانوا معه وقال تعالوا بالمكان الفلاني((كان قريب جدا من المكان اللي قبل 3 ايام))
انا مشيت فلحقني وقال((لاعاد تهايط))
المهم اقسم بالله ماحسيت لا بطعم الاجازه ولا العيد
نفسيتي تعبت جدا جدا
-انا ماني راعي مشاكل بس هو زودها

انا ماعرف احد بالرياض
وصعبه اكلف على ناس ببريده يجون علشان واحد مايسوى
1- فكرت اجيب ناس من حي الفيصليه..(الغاله)
وأعطيهم لو 500 ..الف..الفين..3 الاف
بس يهجدونه لي..,
لاني من بعد السالفه تعبت فعلا..


آسف عل الاطاله

ابي رايكم
يهمني جداا
هل الحين اشغل الموتر واروح ادور ناس..ولا لا..؟
ووش السوات معه..!
لاهو راضي يقابل بلحاله..؟

وبالمناسبه اهديه بيت الفراعنه

ان يكن اغراك بي طول حلمي ياغلام**فان عين العقل ان تتقي شر الحليم
من قبل لالطمك وافطمك تالي فطام

يـ آبوي دز لـبريده بس وعيـد بذ!ك وبعد العيد يحلها الف حلآل ..
وتسآنك بغيت شئ لآ يردك آلآ لـسآنك |

إقتباس تعوذ من ابليس وافتكـ من هـ المشاكل ،، بس بكون صريح معكـ ، اسلوبكـ اللي تعاملت مع المهايطي مب ذاكـ الزود ،، 70% الغلط عليـه والباقي فيكـ ولا تزعل من صراحتي وكل عام وانت بخيـر

وانت بخير اخوي
طيب ممكن تقولي وش الغلط اللي انا سويته..!

إقتباس يـ آبوي دز لـبريده بس وعيـد بذ!ك وبعد العيد يحلها الف حلآل .. وتسآنك بغيت شئ لآ يردك آلآ لـسآنك |

تسلم يابعدي..
والله انك كفو..ورجال ولد رجال..

قسـم باللـهـ أنـي منغبـن لمـآ قريــت سـآلفتـكـ
قهـر قهـر قهـر بجــد حسيــت بـ موقفـكـ
انـآ مـن نفـس النـوعـيـهـ اللـي تتصـف فيهـآ
يضيــق صـدري اذا احـد قـآم يهـآيــط

فـي الغـآلـب اذا هـآيـط احــد وجـآء وقـت الجـد يخـآف
مثـل ذيـكـ المـرهـ كنــت ادور بالـسـوق مع ولد خالتي
لقيــ اربعـهـ قـآعديـن ينـآظرون ويتحرشـون !!
عطيتــهـم نـظـرهـ كلهــم خـآفـو وسلمـو
بـس خل عنـك عطيتهـم نظـرهـ مـآقبـل القـدحـهـ
يعنـي كنــي مرهـ بقـدح وانا جـد كنــت بقولهم طلعو لي واحد راس بـ راس


بـس هــذآ اللـي تتكلـم عنـهـ يبـدو لـي انـهـ صـآمـل
ومـآ عليـكـ منهـم لآ تفكـر فيهـم اهـم شي انكـ قلت لـهـ
اطلع رآس بـ رآس وخـآف وجمـع اخويـآهـ
بكـذآ انت المرتـآح وهـو المنقهــر لأنـهـ حـس بنفسـهـ انـهـ قمـط


وبعديـن معقـولـهـ يـآ صديقـي مـآعنـدكـ ولآ خـوي بالريـآض!!

يا رجال زلبه اتركه يمكن يكون راعي مخدرات ويمكن ما خذله حبة ومايدري عن نفسة ويذبحك

إقتباس قسـم باللـهـ أنـي منغبـن لمـآ قريــت سـآلفتـكـ قهـر قهـر قهـر بجــد حسيــت بـ موقفـكـ انـآ مـن نفـس النـوعـيـهـ اللـي تتصـف فيهـآ يضيــق صـدري اذا احـد قـآم يهـآيــط فـي الغـآلـب اذا هـآيـط احــد وجـآء وقـت الجـد يخـآف مثـل ذيـكـ المـرهـ كنــت ادور بالـسـوق مع ولد خالتي لقيــ اربعـهـ قـآعديـن ينـآظرون ويتحرشـون !! عطيتــهـم نـظـرهـ كلهــم خـآفـو وسلمـو بـس خل عنـك عطيتهـم نظـرهـ مـآقبـل القـدحـهـ يعنـي كنــي مرهـ بقـدح وانا جـد كنــت بقولهم طلعو لي واحد راس بـ راس بـس هــذآ اللـي تتكلـم عنـهـ يبـدو لـي انـهـ صـآمـل ومـآ عليـكـ منهـم لآ تفكـر فيهـم اهـم شي انكـ قلت لـهـ اطلع رآس بـ رآس وخـآف وجمـع اخويـآهـ بكـذآ انت المرتـآح وهـو المنقهــر لأنـهـ حـس بنفسـهـ انـهـ قمـط وبعديـن معقـولـهـ يـآ صديقـي مـآعنـدكـ ولآ خـوي بالريـآض!!

اولا حياك الله اخوي..
لا والله لاهو صامل ولا شيء بس شافني سكت المره الاولى وقال شكله خواف خل اهايط عليه..

مهب ماعندي احد بالمره..يعني ماعندي احد امون عليه وااجد

يارجل خلك سيدا معهم والله مايجونك .
ما اقلك لاتدافع عن نفسك , دافع اذا غلطوا عليك

بالتوفيق وكل عام وانت بخير

إقتباس يا رجال زلبه اتركه يمكن يكون راعي مخدرات ويمكن ما خذله حبة ومايدري عن نفسة ويذبحك

هو شكل اخوياه باين عليهم من راعين هالحركات..
هذا اللي انا خايف انهم يغدرون فيني

إقتباس معلَييُك منْهم قل لهَم أنت زآحفْ ورجّآل , ورآعيُ مُشاكل , وتعرّف تدّخن , تلقآه يفرحَ ويُحبّك ويعّزك , يُآخي مُشكلة المهآيُطية , اللي يدّخن رجآلْ , واللي مآيُدخن خكري , !! ولا رآعيُ المَششآكلْ آطلْق وآحَد , والدّآفور رخمّة مآيسسوى عندهم شيء ! والحلْ وآنآ آخُوك " الحكّومْة مهيبْ مقصَرة , والمُشآكلْ مهيبْ لعبَة " ! رحْ بلّغ الشرطُة وهم يُتصرفون معهَم ويُكتبْون تعهّد !

هههههه الله يسلمك وش شرطه..ماتاصل المواصيل...!
نورت الموضوع

والله أنها صعبة تسكت لهالأشكال .. لكن خلني أفكر شوي وأعدل ردي وأعلمك وش تسوي
-------------
جينا

بصراحة أنا فكرت بوضعك .. وشفت من الأسلم أنك تطنش وتبلع العافية
كنت بأشير عليك عشان يذرقون منك تاخذ معك سلاح شخصي .. بالعربي مسدس
بس خفت تتهور ثم أتحمل ذنبك

يا ابن الحلال .. لا تفكر في الموضوع .. كلنا ما نبي أحد يغلط علينا .. لكن دام محد شافك ما عليك
أقصد .. طنش دامك ما انجلدت .. أو إذا كنت تبي ترد اعتبارك اتصل بالشرطة وقل لهم انه دايم يتهددك كل ما شافك .. وبكذا هو بنفسه بعد ما يتعهد عند الشرطة لا شافك في طريق بياخذ الطريق الثانية

ياني انغبنت و انا اقرا

اكبر حرمه الي يسوي كذا

حتى الحريم اذا تطاقي ون تو ون

لكن زو الله ورعنه المهايط زايد ذا الايام و الله

اعرف واحد ياهو خبلللللللل يمشي هو و اخوياه كلهم تقريباً 35 واحد في جمسين<<يلعن امممممم الحشششششررررررره

و يروحون غرناطه ولا حياة مول و يتكون و يوقفون ياهم مهبل

قلت لخويي ذا طيب وراك ممشاينا بالله؟

قام قال هذوليك ما عندهم عيال عم اما انتم عندكم عيال عم كتييييييييير<<حجازي هو

و ما خلا احد بحاله

لكنه قممطه

و مثل هالاشكال عطه على جوه يعني سلكله قله يه خلاص آسف و مدري ايش و سلكله و مش له

اما اذا معك عزوتك قله انتظر دق على نفس العدد و اقدح

<<يبي يورطه

تحياتي