|
الف شكر يالاخوان.. وربي عاجز عن شكركم|.. |
:dوعليكم السلام ورحمة الله وبركاته هلا وغلا وانت بخير وصحه وعافيه اخوي. الشئ بالشئ يذكر . انا من القصيم طبعاً كنت مسافر للرياض لوحدي وكنت متواعد مع واحد بالرياض اول ما اصل الرياض ابدق عليه ونتقابل. وصلت الرياض دقيت عليه قال نص ساعه وانا مخلص عنده ظروف اعتقد . المهم انا قلت خلني افرفر بالرياض لحد مايخلص ويدق علي مابي اواعد احد وانا مرتبط مع هذا:s2: كنت امشي بطريق انكاس خالد بن الوليد جاني مخرج 10 اخذته ويجين مطعم ماما نوره على اليمين بعده دخلت يمين للحاره وانا اتمشى يعني ما اسرعت شفت شباب عددهم تقريباً 7 مريت من عندهم والله ما بقى الا يركبون معاي من قوة نظرهم:s2: عاد انا انقهرت وازعق ذيك الزعقه اللي طيرت القار من قوته هع:s2: الا اناظر بالمرآيه يشرون يبوني ارجعلهم .. انا طولت وجاني حرف T .. قلت خلني ارجعلهم ووش يبون :s2:؟ بيني وبينك انا فاااضي بقوه وتعبان توني واصل من السفر :s2: رجعت والبق عندهم لو تشوفني تقول واحد مضيع يبي توصيف على البراءه:s2: انا سلام . ردوا علي قالوا خير وش قاعد تزاعق بوجيهنا ..انا قعدت اصرفه قلت مدري وش تبون تطالعون فيني اول مره تشوفون مزيون:s2: واحد واثق خخخ:s2: هم سبعه وانا لوحدي وفيهم واحد محترم جداً بعكس ثاني مهايطي وبقوه احس شوي ويصفقني :s2: المهم انتهى الأمر بالصلح واعترفت اني اخطيت بس قلت انتوا اكلتوني بعد:s2: مدري الا تجي قدامي دوريه لومينا قلت يالله فمان الله ومشيت شكله صديق احدهم:s2: وانا بالطريق يوم مشيت منهم قلت بيني وبين نفسي والله اني مهايطي وبزوع:s2:عاد كلمت خويي قلت بغيت اطلبك فزعه تو بس ربك ستر:s2: قال خير وش؟ قلت بغيت اتطاق مع شباب قلتله السالفه كامله قعد يضحك قال يلعن ام الجزامه فيك:s2: قال احمد ربك ولا هنا على طول دبج مافيه تفاهم:s2: نجي لموضوعك يالبريداوي يالمهايطي:s2: شف لاصرت بالرياض هايط وانبسط واذا قالولك شئ قلهم اعرف ( اسمي اقوله لك ) وبينحاشون:s2: نجي للصدق يابعدي. هواش وأمور زي هذي صكر الباب .. لاتفتح باب لمشاكل . خاصه ان مثل هالأشكال الله يعافيهم ولايبلانا شغلتهم الهواش والمشاكل وانت مالك فيها .. لو كلمت احد يفزعلك . بيجي يفزعلك طيب وبعدين ..؟ هاللي بيفزعلك اذا ماهو قريب لك ما اعتقد فزعه بدون مقابل وخاصه المشاكل الشبابيه!!هذا يفزع لهذا كله لقصد الله اعلم به يعني مافيه شئ لله:s2: كل شخص عنده معزه ومايبي لنفسه الاهانه بس مثل هالأشكال والله قهر تضيع من وقتك معاهم انا اقول .. خلك هادئ واذا شفتهم خلك ماسك طريقك واذا تعرضوك حاول تهدئ الوضع بنفسك.. يعني مممكن تتكلم مع هالشخص وتقوله ياخي انا اخطيت ومعاليش وزي كذا عاد كل شخص وله طريقته الخاصه ... يعني انه السالفه بتفاهم . اللي ابوصله حاول تخلص السالفه بدون تدخلات وفزعات لانه والله ماراح تنتهي لو جبت فزعه وظربتوهم بيجي يوم ويغدربك . فانت قفل الباب وريح بالك ومثل هالأشكال لو صار ماصار مافيه شئ يخسره بعكسك انت. بمعنى " لاتتحدى انسان ليس لديه مايخسره " ناس فاضيه وعاطله الله يعافيهم ولايبلانا .. واذا طولها معاك مباشره بلغ عليه وماعليك ان شاء الله .. اهم شئ فزعات ومظارب ابعد عنها لانه ماله تالي .. الله يكون بعونك ووسع صدرك السالفه اقل مما تتصور .. إقتباس:
|
آهـلين خيـوـوـو :rose: قسمـ بـآللهـ حـآس فيكـ وبشعـوركـ .. مـآ آحد يقبـل آهـآنهـ على نفسهـ .. وآلرسـول صلى اللهـ عليهـ وسلمـ نهى عن قهر الرجـآل فيهـ حلول لمشكلتكـ كثيرهـ آفضلهـآ بلآ شكـ ..{ الشرطهـ صح عندهمـ رخـآمهـ بس تـآكد لو آنكـ بديرتـكـ آو عيـآل عمكـ وقـرآيبكـ موجوديـن مـآسويت الشي هذآ ولا اسفههمـ .. ورب البيت بيتعبون وتـآلي يتركونكـ .. آدري صعبهـ عليكـ .. وخصوصـآ آنكـ مو متعـود آن وآحد يهـآيط عليكـ سو نفسكـ ماتشوف ولا تسمـع .. كبسولكـ لا توقف .. نـآدآكـ طنـش .. عرفت كن مـآفيهـ آحد ورب البيت كذآ ترآكـ رفعت ضغطهـ .. وبيخليكـ ومـآ آنصحكـ تسوي غير هالحليـن لان العنف ماينفع .. وحتى لو جبت نـآس ولعنت آبو آبو آبوهمـ .. بس تراهمـ مـآهمـ معكـ دآيمـ .. و ترآ بكرهـ رآح تكون لحـآلكـ اللهـ ينصركـ آن شـآء اللهـ |
ياخوي انت تقول ماودك تروح للشرطه لان الموضوع مايستاهل ..! طيب بالله جوك وضربوك بعدها تروح للشرطه ابعد عن الشر وغنيله روح من الحين قبل لايصير شي |
إقتباس:
نفـس حـآلتـكـ حصلـي مـوقـف فـي ذيـكـ الحـآرهـ يـآفيهـآ نـآس بروسهـم حبـة مـآطحنـت للحيـن << خربهـآ :s2: لآ الجـد ذآك اليـوم كنـت في العثيـم اللـي جمب ماما نورهـ اللـي تقصـدهـ لقيــت أربعـه ينـآظرون فينــي وقفــت وقعـدت انـآظـر فيـهـ طـولنـآ واحنـآ ننـآظـر ببـعـض المهـم رحــت وخليتـهـ لمـآ رحـت اسمعـه يزآعـق ويتكلـم بس مدري من يقصـد و وش يقصـد فـ رحـت وركبــت ولـد خـآلتـي الثـآلـث وقعدنـآ نـدورهـم لكـن للآسـف مـآلقينهـآهـم وبعديــن اللـي فهمتـهـ مــن كلمـة تـزآعـق انــكـ فجـرتـهـ بأثنيــن وكملتـهـ بـ الثـآلـث لكـن هـذي نسميهـآ فحطـه بالـوجـهـ اول مرهـ اسمع عن كلمة تزآعـق ع العمــوم القصيـم يوصلهـم كـل جـديـد مـن هالنوعيـهـ ثـم تجينـآ :s2: |
كـل عــآم وٍآنــت بخيــر :smilie47: هذآ بيــت من قصيـدهـ سمعتـهآ لـ حـآمد زٍيـد ،، آحـسن دوٍآء للي يحـآوٍل يستـفزٍك تحقــرٍهـ :) |
شاكر مرووركم اخواني.. المره هذي بسكت.. لكن خلله يجي المره الثالثه.. والله لو الحق من وراه سجن..ويضيع مستقبلي..لالعن شكله>>ياقوي |
شف انت لازم تأخذ حقك منه وصدقني اذا ظليت ساكت ولا هجدته بيضايقك طول الوقت لأنه يحسبك ضعيف احسن شي تسويه اتصل على اخوياك وخلهم يفزعون لك وامسك المهايطي هذا وشرخ وجهه تشريخ عشان يصير رجال واذا ماسويت كذا راح يظل يزعجك صدقني اسأل مجرب .... |
إقتباس:
اباخذ شور الاخوان..واببعد عن المشكله المره هذي.. خلله يضايق المره الثالثه..وربي لادفنها بمكانه |
الله يعينك على هالاشكآل يآ اخوي انآ من رأيي انك تتحآشآهم ومآ تسبب لنفسك مشآكل انت في غنى عنهآ خآصه انك مآ تعرف احد بآلريآض بس آذا زودوهآ وسوولك شي مآلك الآ الشرطه |
إقتباس:
شاكر مرورك.. |
إقتباس:
هههههه وهذا بيت للفراعنه ان يكن اغراك بي طول حلمي ياغلام*فان عين العقل ان تتقي شر الحليم شاكر مرورك |
يآخوي وش لك بالمشاكل ووجع الرآس .. والله لو تجيب فزعه وتقعد تفقع وجيههم ما تقضي منهم .. يآخي ذولا قاعدين للمشاكل والهواش .. ما وراهم مستقبل ما وراهم طموح .. تلقاه تاكي عالرصيف مع سندويشه لوزين وحمضيات << هذي عيشته والله نصيحه ياخوك ابعد عنهم وحاول بقد ما تقدر انك تنهي هالمشكله .. انت وراك دراسه ومالها داعي تقعد دبج ودبيج مع هالرابجه وانت وراك دراسه ياخي سفه البزر سنه .. اتركه وخله يقول اللي يقوله وانت الله يهديك لا منك بغيت تزاعق مرتن ثانيه امش للريان عند شارع التربيه وتعال سو اللي تبيه كلهم ناسن اجاويد قصمان يحبهم قلبك ههههههه ويا لبى بريده واهل بريده .. اشتقت لديرتي والله مبطي عنه لي شهرين ما رحت له :( |
صيع دشير ماوراهم لاجامعات ولا مدارس اتركهم عنك بس وخلك بالجامعه انت مبعد عن اهلك علشان دراسه مهب ذولي السلنتح تعوذ من الشيطان واتركهم وكل عام وانت بخير |
يا هلا بك اخوي.. انا نصيحتي لك اذا تحرشوا فيك للمرة الثالثة بلغ الشرطة وبس :) صدقني اخوي ما فيه حل احسن من كذا ابداً. لو فرضنا انك اتصلت على ناس من الغالة مدري وش اسمها ذي ولا الجرادية و جبت ناس فزعات ومسكتوا هـالمهايطية و جلدتوهم، بهـالحالة مصير هالمهايطية يلقونك بعدها لحالك ويتفردون بك كلهم وانت لحالك .! حط في بالك اخوي انك مهما جمعت من فزعات وجلدتوهم مصيرك يوم تطلع وتجي وتروح لحالك وهالمهايطية مصيرهم يلقونك لحالك وتبتلش بهم. يعدين ياخوي انت مو ناقص تخسر عضو من اعضاء جسمك لا قدر الله . عين ولا اذن ولا شي. ترى هـالأيام كاثرين الهمجيين المهايطيين اللي ماعنده اي مشكلة يمسك اقرب واحد ويقعد يطعنه او يذبحه. تلقاه يطلع من بيتهم معاه سكين، ولا يتمشى ويروح يمين ويسار الا بسكين او سلاح.! استهتار بـالأرواح لأبعد درجة. نصيحتي لك اخوي تجنب المشاكل معهم لأنهم ماعندهم شي يخسرونه وماعندهم مشكلة يمسكون سكين ويطعنون. انا ما اقول هـالكلام اخوفك ولكن والله لـمصلحتك. فيه شي اسمه شرطة ان تحرش فيك للمرة الثالثة خذ رقم لوحته وكلم الشرطة وقلهم 3 مرات يتحرشون فيني والشرطة ان شاء الله بتشوف شغلها معهم. بـالتوفيق لك وشد حيلك بـدراستك. |
| الوقت المعتمد في المنتدى بتوقيت جرينتش +3.
الوقت الان » 05:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd