|
وربي مادري وش اقولكم.. انتم اكثر من اخوان.. فعلا عطيتوني دفعه معنويه كبيره.. شاكر اهتمامكم.. |
مكرر < :d والله يا اخوي انا انصحك تاخذ معاك اطلق شعّـال ( رشاش شعال ) .. وتشق بطونهم .. وكذا ترتاح منهم .. او تدورلك كم افغاني من 20 ريال .. والله ولا بودي جارد :d .. هذا ان بغيت الحل اللي راح يوديك في مشاكل لا تنتهي .. اما الحل الامثل .. انك ترد السيئة بالحسنة .. { واذا خاطبهم الجاهلون قالوا سلاما } والفئة اللي تتكلم عنهم اعتقد يندرجون تحت مسمى الجاهلون عيدك مبارك .. :rose::rose: |
رأيي .. أنك تستخدم سلاح الشرطة :d .. << خبرة بهالأمور .. مرة تهاوشت فـ التحلية .. ومرة فـ حياة مول ( كلها بـ الرياض ) .. وبـكل الحالتين النزاع انتهى بحضور الدوريات :d .. وقليل من الواسطة :d .. اللي فـ التحلية نفس نظام السلق اللي تعرضوا لك .. اتصلت بالشرطة .. سوالف شوي مع العسكري وتعرف فلان واخبار فلان .. العسكري ما قصر خرشهم :d .. وكتبهم تعهد وكتبني تنازل ^_^ .. أما اللي فـ حياة مول .. قهرني العسكري .. جا وفض التجمع .. وبلغ العمليات أن ما فيه أي شي .. وانتهى الموضوع سلمياً :d .. الزبدة .. الشرطة في خدمة الشعب :d .. وتراهم يستانسون لا وصلهم بلاغ عن هالسلق ( خصوصاً العسكري ) يفلها لا لقى واحد يستعرض عضلاته عليه .. وبالتوفيق والله يكفيك شر كل من به شر .. |
أولا / عيدك مبارك , وكل عام وانت بخير , ويعود العيد إن شاء الله وانت داق خشومهم واحد تلو الآخر s121s ثانيا / بما إنك في الرياض ستجد الكثير من هذي النوعيات , وأنا أعرف واحد نفس حالتك لكن حكوا سيارته وهو يمشي وصدموه كم صدمة وفحّطوا , ويوم لحقهم نزلوا له أربع , فخويي إنسحب وعلى حسب ظني إنه راح بلّغ عند الشرطة .... زي ذي النوعيات إن ما خلصت منهم من اول شيء , راح ينشبون لك , وبيتصيدون لك في الطلعة والنزله , وإن قلنا جبت لهم ناس تدق خشومهم , راح هم برضه يجيبون ناس , وبتكبر الشغله , وبيشغلونك عن الدراسة , وزي ذي الأشكال تكون معاهم أسلحة في السيارة , من عجرة و سكاكين , فأنت برضه لا تنسى تحط لك كم عجرة بالسيارة تفادياً لوجود أي حادث ... وحاول إنك تتجنبهم بقدر ما تستطيع .. ذكرتني بكلام أستاذ بالمتوسطة , كان يقول لا جاء واحد هايط عليك مشها أول مره , وثاني مره ولا كأنك سمعت ولا شفت شيء , لكن إن فّلها وجاء ثالث مره دق خشمه , وإلعن أبو سلسفيله s121s ختاماً / وسّع صدرك يارجل :d وكبّر دماغك :d :ga: |
>>> فــــيس واحد حبوب ما تطآاق من أيآم الابتدائي :wub: يآعـمي فيـك نقـص ؟ هل لمـا تكـــبر مخك شـــوي وتقــــول مــآلي ومـــال المشـــآكـــل تصير رخــمه .! إسمعني عزيـــزي غـــآليا إن في دآخلك ما تبي هالمــــشآكل . صحيح ؟ كـــآن بالأحرى عزيــــزي زحلقته ومكبر مخك ومالك ومالك القرف ! بعطيك سالفه . أيآم ما كنت بالثنوي كان معنا واحد من الشباب قمه العقل الله يرحمه ! المهم إنه في ليله ولما كان في ثالث ثانوي وكان على الدايري الشمالي والكل يذكر الدايري الشمالي كيف كان قبل المرور السري كان حلبه سبآق طايرين العالم كلهم المهم خذ محادات وكلام إثبات ذات في شآرع ! المهم الولد الله يرحمه الله إبتلاه في واحد سكران ولا كان يعرف . كبس له ولبق خوينا في الشارع هو وخويه طبعا الآدمي ذاك ما كان في وعيه . ففي لحظه بسيطه كذا نفض أبو صدر الولد الله يرحمه بكم طلقه رشاش .! نقول الله يرحمه . لكن لو قلنا إنه ما هايط . تلقى أمه بتبكي عليه . الحين اهو قال بثبت رجولتي . يبا تثبت رجولتك في مطاقه . تحس إنك مرتاح . طيب يبا إنت الحين رحت مت إنتهيت وش رآح ترجي ! ع العموم أنا عايشت مواقف شباب وآخرهم وربي قبل كم شهر إنطعن بالخط لين ما بغى تطق له طعنه حول شريان في راسه وبغى يروح ملح .! يعني إسمعني كبر عقلك . وإنت أقوى حس فيها داخل قلبك :laugh: المهم ترا أسلوب الإبتسامه يخلي الواحد إبن أم جابتهه يغلط وشف وقارن طبعا ربعك هذول راحت عليهم إنك تعدل معهم . لكن الأجدر عشآن ما يصير شي موب زين إنك تفك عمرك وتبعد عنهم لا تقول تجيب وإلا تنادي .! لإني أنا عارف البزر كذا تفكيره لازم العن خيرك موب عشان يرد عليك أنت إنك كمخته لااا حبيبي عشان خويي يقولي يا بطل !.؟ ويللا خذلك همج ماتوا بسبه هالنظريه .! والله الموفق :) حٌرر في 10 - 10 - 1430 . :wub: |
والله انه موضوع على الجرح ماتدري ايش تسوي وياهم والمشكله ان كان ما عندك عزوه ولا انت راعي مشاكل وفي مجتمعنا الاتصال بالشرطه يعتبر جبن والموضوع يجرنا الى مواضيع اخرى وتصيد ابناء الناس لاهداف اخرى بنفس الطريقه ونفس الاسلوب ويش الحيله ويش السواة سؤال لو كان الهدف من المهايطه انه يبي منك شيء معين اعطيه وافتك من شرهم (( للي يقولون ابتعد عنه )) واللا اتحمل حتى الشرطه احيان ما تجيب حقك ولا تسوي شيء ماعلينا بالعربي نسوي عصابه المجلس العام للدفاع عن الاعضاء :d |
هلا بك أخوي والله مشكلة صحبة بس خذ نصحية من لك أنت أذا جبت خوياك وهو جاب خوياه بتسير هوشة صح؟؟ وبعد الهوشة تلاقي المهايطي ماراح يسكت بروح يلاحقك ويسوي مشاكل وحوسة وتر هذي الطقة من المهايطية ماوراهم شي إلى الهوشات والمشاكل وإذا بغيت أي شي بس كلمني والله يوفقك وأقولك فلهــــــــــــــا وربك يحلهـــــــــــــــــــــــا وكل عام وأنتم بخير |
للرفع.,.,.,.,.,.,..,,..,,.. |
عشنا وشفنآ وانا خوك \\ سسلك ولايهمك احد لانك انت العاقل وهم حاله شاذه في المجتمع واي شخص بنفس موقفك ويفكر صح راح يتحاشاهم خلك كبير ولايهمونك الورعآن ..! بالعكس اضضحك وقل الله يهديهم ~ واقولك راح تتعب وانت تشوف بالحياه اشياء تقهر وتغبن مشش ولاتشووف الا قدآم |
إقتباس:
|
الحكومه وين راحت؟؟؟؟ لا تحط نفسك بموقف لايحسد عليه والخوف انه يتطور الوضع وتدخل فيها عملية اسلحه وتلاقيه مدمن ولا راعي حبوب وعشان كذا خلك في السليم زي ماقالوا الأخوان وبلغ الشرطه وهم بياخذون حقك وماراح يقصرون واذا ماتبي تروح تبلغ شفلك طريق بعيد عن الطريق الي هم فيه:) |
مااأزيد شيء على كلام الأخــوان قدامك حلـين :d اما انك تمسكه انت وتجيب اخوياك وتعطونه المقسوم :s2: ولايردك الا بريده او تروح للشرطه واشتك علـيه |
المهايطيين اكبر رخمات لا تعطيهم وجه وادع الله يكفيك شرهم والله الدعاء سلاح ولا ذولي تلقاهم مرضى نفسيين بس بالشوارع يهايطون عشان مرضهم اسفههم والله يكفيك شرهم |
تبي فزعه دبر من حي الجرآدية .. وغير كذآ ذآ المهايطية ودكـ تشب فيه .. قسم بلله هيط هيط هيط .. لا والمشكله اذا كانوا اكثر منك .. وحتلى لو انك شجاع ما تقدر تسويلهم شين .. هذا البلا وانا اخوك .. لوبجيكـم بالشجاعـه والحمـيـا البلا ان الكثـره تغلـب الشجاعـه هذا البلا وانا اخوك والله يوفقك .. :) |
شف اخوي اذا جتك مواقف زي كذا سو زيي اتحاشاهم مررره شف مو خووف بس ابعد عن الشر و غنيله و ما يحتاج طلعات باخر الليل وعشان المهايطي ابعد عن منطقتهم مرره وباذن الله منت مقابلهم :rose: |
| الوقت المعتمد في المنتدى بتوقيت جرينتش +3.
الوقت الان » 02:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd